JumpoSquare's Profile

串燒店，串本屋，在鬧市中的一家串燒店。係你坐底左之後就會有個冷蕃茄前菜，酸酸甜甜凍凍地，正正宣示左呢一餐既開始。我叫左好幾種唔同既野食，首先先叫左個封門柳，佢唔係一味話軟同淋，佢係界介於淋與韌之間，一攝纖維軟，一攝纖維韌，再加上滲出泥既肉汁。然後就係呢個帆立貝，我鍾意佢個重芝士同沙律醫既配合，令到本來惹味既帆立貝更加好食。壽喜燒，牛肉煙韌好食，雜菜夾埋d汁都好唔錯，易入口，唔會太咸，屬於襟食系列。然後仲有蒲燒鰻魚，佢係一種唔錯既選擇，唔會燒到焦晒又唔會乾得滯，一切都屬於岩岩好既狀態。最後就係雞肉串，食落去相當之嫩口，又唔會因為係串燒燒到乾晒無晒味，佢保持到該要既肉汁又保持到佢嫩口既感覺，值得一試。…Read More

黃大仙中心有間和氣食堂，由佢開個日我就想試，終於有機會試。前菜叫左個鱈魚棒，食落咸咸地脆脆地，係開胃既好小菜。除此之外，仲叫左個蠔既飯卷，本來對個飯卷就無咩期待，但係食落發現都唔錯，佢上得好快，適合你係好肚餓既時候墊墊肚，等主食！然後仲叫左個火迴三鳥，姐係雞翼哈哈，甜甜地，肉質嫩口，三隻都前d唔夠食。主食叫左泡菜豬肉鍋，泡菜既出意係我始料未及，但係佢酸酸地同豬肉都幾夾唔錯唔錯。最驚喜係櫻花蝦泡飯，一開始食落覺得無乜野，正正常常，但係就越食越上頭，食下又一啖食下又一啖，淡淡地，但又有香味，唔錯唔錯。除此之外仲叫左個蠔，佢上泥有買隻，一半係芝士一半係蒜蓉，我最鐘意係蒜蓉版本，實在太香太夾了！食完想再食多一舊！…Read More

路過荃灣，係一個唔起眼既商場入面，有一間樓下冰室，未入去已經feel到濃濃既香港風味，用霓虹燈做裝修，又有唔同既招牌，彷彿番左去十年前既香港。本身我就小餓，等佢上菜，又上得幾快，第一份到既係瑞士汁雞脾，係雞脾唔係雞翼禁簡單。大大隻，幾想拎上手撕泥食。不過鑒於禮貌，我都係用刀叉食啦，食左控啖，我又想拎番處手撕泥食。嫩口，入味，個瑞士汁味流番晒出泥，食完想再食！除此之外，我仲叫左其他野食，著角，蕃茄通。薯角本身不抱期望，但係以外地好可口同脆，最要緊佢熱辣辣，唔係一做整好就禁拎俾你食。蕃茄通份量夠，而且個湯有濃濃既蕃茄香，唔係話就禁淡到水禁，食完會令人想再食。最後我仲飲左個阿華田脆脆，阿華田上加埋d脆脆，又甜又可口，岩晒鐘意甜野既朋友仔。…Read More

係舊區中既黑岩，我以為只係一間分店，想不到原來係總店。既然係禁我就決定入去試下啦，叫左個鰹魚拉面，仲要加左肩肉。泥到我就有D後悔，原來個份量都幾大下。個湯好有魚味，而且好香，諗起都流口水，拉面有咬口，煮得唔怕淋。最後叉燒同肩口都結實又唔怕得個UN字，唔錯。…Read More

放工，隨便走走想搵D野食，突然想食BURGER，就搵到呢一間burger home，於是我就入左去，單點左一個芝士手打牛肉漢堡。等左好一陣，終於上手，唔知係咪太肚餓，咬落去肉汁流出泥個下真係有D想喊，可能真係有D耐無食漢堡啦。咬落去肉汁鮮美，芝士做到調味既效果，唔錯。…Read More

台風，聽個名我會以為係台式野，點知原來係標準既日式拉面店，入面會見到老闆好多唔同既FIGURE。講番食物，我講左佢入面既沾面泥食。上台汁同面係分開既，食落去都唔錯，夠晒味，用汁點面食落岩岩好。…Read More

行完街行到累，一個男人可以去食D咩野?禁就梗係大排檔啦，自問唔係一個大食既人，都忍唔住叫左兩個小菜。叫左個椒鹽肉排同一個咕嚕雞丁。肉排夠入味，唔怕乾，入口結實，最香既係佢肉與肥油之間既交界，食落去惹味得泥又有油香，再配上兩口白飯，今日咩累都值得。雞丁睇落無骨，食落去大啖大啖真係好爽，入味，酸酸地，夠開胃，送飯，一流。…Read More

養生湯飯，少食，所以去一試。叫到泥既時候係真係一碗湯加個飯，分開上既，仲有一個碗仔，專俾你用泥湯撈飯。隻雞呢就真係唔滑既，始終都係煲湯。但係個湯就真係好甜，送飯真係好好食，仲有好香既麻油味，呢個係我無expected過，我以為係普通既中湯。但係原來唔係，係真係好甜，而且係一種清甜，無個一種油膩既感覺。…Read More

拉面真係食得唔少，撈面我都食唔少，兩樣拉埋一齊就真係食都未過。老實講中SIZE都已經夠飽，個份量都夠大。入面又有叉燒，食完又可以加飯，管飽既。但係味道方面就有D令人失望，佢撈完之後D面痴埋晒，食落唔得分明，而且D汁好咸，同埋個面又好DRY，就會令人好口渴係禁想飲野，未試過既試下係幾得意，但係再食就要諗諗。…Read More

本身對川菜既印象就係辣，好辣。但唔知點解就係走左入去，叫左個水煮牛肉，禁當然只係叫小辣。午餐一個小菜+一個飯+一杯野飲既套餐，到手發現係異常既多，個杯野飲個杯唔係茶餐廳用開個D杯仔，係真係大大隻杯。至於個水煮牛，都真係幾多牛肉，唔係肉仔幾塊既慘況，我已經一口飯一塊肉，都夠我食晒成碗飯，好食，易入口，又抵食，推薦。…Read More

其實我初初以為係食牛漢堡而入去，我承認我係有D唔帶眼，但係我又無後悔WO。佢刷新左我對豬柳既睇法，有厚道有味道又唔怕乾憎憎。佢個炸豬扒多士又係，個豬扒多汁多好咬口，令我食完都想再食多一次。…Read More

番工周圍食晒，所以去試下新野，跟住同同事簡左呢間。叫左一個馬來沙嗲牛扒雞串飯，老老實實，淨係聽個名，你都覺得成件事係好豐富，更不說當日有其他好豐富既午餐我簡。好啦，到左，一睇，哇好豐富，牛扒絕對唔係個D營養不良既牛扒，係真係大大舊，而且唔UN。沙嗲醬味道唔錯，配上牛扒同飯，都為到沉悶既番工日子帶來1D樂趣。…Read More

本身對日本野係有興趣既，跟住見到呢間將日式同意式既夾埋一齊既餐廳，令我好好奇。之前已經見過好幾次，今次終於的起心肝去試下，叫左個醬油叉燒牛油飯，本身對佢不期不待，點知食落又意外OK WO。個飯落左牛油之後其實就好滑，同D醬油又好夾，再加埋隻溫泉蛋既蛋香，我覺得值得一試。…Read More