vanessacylam1127's Profile

團年飯，前半段好似食法國餐咁，7點叫起菜，7:20分上頭盤，7:50分上第二道菜 - 湯，8:20分上第三道菜 - 牛柳粒… 老人家都等到好肚餓，水都放到凍晒要refill幾次熱水，但後面個7道菜又同我只用1個鐘時間上晒… 但係到到埋單又變返等成半個鐘都埋唔到味道平平無奇，服務更不值一提，侍應大多係唔識講廣東話既人，生手到不得了… 啲餸可以唔岩份量，亦可以繞場半周，無做過任何野下又原車推返返黎上菜俾我地最神奇係樣樣菜望落都出晒煙，不過放入口係連暖都差啲沾唔上邊… 或者係驚我地等到太餓怕我地食個時焫親個嘴 ，真係「窩心」- 紅燒肉的肉質粗鞋，只比煲湯豬肉軟身少少- 魚整太耐，肉變得十分有嚼頭甚至硬身- 薑汁湯圓不夠薑，份量更是出錯，10人餐只有19粒（請看圖片），他們分完湯圓上碗後，發現有一碗少了一粒，都要我們出聲投訴才處理！- 作為位於酒店中的食肆，這食物質素和服務完全不可接受！所以抵食指數不會多於3分。…Read More

之前見online有介紹過, 一直想試, 今日終於食到啦! 而家有得book位, 所以唔駛等夠鐘就入得!有麵有burger, 作為burger控, 當然要食佢地既招牌菜啦.佢地既burger set 可以揀配 薯條/蕃薯條 /沙律!2個朋友都叫左個大啡菇黑松露牛堡,個漢堡就咁睇已經覺得好足料! 佢既薯條係粗薯~ 已經加左分!而沙律竟然係羽衣甘蘭!! 勁新鮮, 配醋, 非常清新好健康~ 岩晒我個位又要瘦又要食既朋友~btw, 好少見有鋪頭咁dump本用羽衣甘蘭....  另一個朋友叫左紐約咸牛肉唔記得左咩野漢堡配洋蔥圈望落似平時人地既慢煮牛肉丼飯既牛肉見朋友一邊食d牛肉汁一邊流出黎, 唔食都知夠晒juicy~偷左朋友一舊洋蔥圈同牛肉, 洋蔥圈有少少失色, 有d硬...而舊牛肉係好好食, 不過唔知係咪我淨係偷左舊肉食, 無夾埋個包同其他料, 所以咸左少少我自己叫左72小時安格斯牛小排漢堡配蕃薯條 果然係slow cook, d肉好冧滑!! 加上佢唔係一般既漢堡扒咁上, 而係原塊牛排咁切左一舊舊咁上, 所以好juice, 唔會好似出面d overcooked左既漢堡扒咁鞋口!重點, 不得不提既係個包, 佢整既時候"糠"過, 脆口得黎本身個包又好軟, 仲好有蛋味, 同d牛扒夾埋一齊, 有入口即溶既感覺!但同時佢入面既菜同辣椒又加返d爽脆感, 成個漢堡好有層次!d蕃薯條應該係即叫即整, 外脆內冧甜! 我覺得蕃薯條配漢堡係有驚喜既!除左食物質素,  佢地既service勁好佢地上左個burger俾我地影完相, 見我地想將佢切開食, 佢地主動問我地駛唔駛幫我地切切完仲要好貼心咁有餐紙包住, 唔駛食到成手係!最後價錢方面, 佢一個burger set (包+薯條/蕃薯條 /沙律+iced tea) 大約80-120蚊左右... 其實同平時街食既價錢差不多, 不過佢既質素同味道非常高, 加埋d燈油火立人手租金, 嚴重懷疑佢地咁既成本其實有無得賺...食緊既時候見到隔離叫左佢d泰式粉麵, 同埋芝士薯條... 望落都好吸引同埋佢仲有甜品, 不過食完晒個包同薯, 已經飽到食唔落... 下次會再黎試!…Read More