不良牛Gordon's Profile

只供外賣，不設堂食，見新開張，之前已結業的大角咀店又被列為黃店，買了外賣回家享用。點了芝麻糊+湯丸的組合，回到家坐低一打開，芝麻糊的色水比出面的淺色，再舀一粒湯丸試試，竟然是沒有餡料的，咬落仲要偏硬，仲有三粒咁多，而芝麻糊非常非常之甜，甜到半夜瞓唔著，不合小弟口味。新開張的緣故，送了一小盒芋圓，芋圓可能因為係招牌菜，吃落都有咬感，而且甜度適中，值得一試。下次都係食返同一條街間滔滔甜品，雖然滔滔不賣芝麻糊，但起碼味道冇咁甜先。…Read More

約了兩個真的很久不見的朋友吃飯, 剛好兩人都是在葵青區上班, 約她們放工後, 問佢地想留在葵涌抑或出旺角, 結果二人不約而同都是說留在葵涌......眾所周知, 葵芳站一帶的食肆, 一係就好似葵涌廣場果D掃街FEEL, 一係就去新都會的連鎖店, 沒甚特色, 若想有點新意, 就只有位於葵青劇院的「牧羊少年咖啡．茶．酒館」.由於不設訂座, 故此6:30pm已到達取籌, 不過在門口登記的那位小姐, 聲調有點小, 佢叫到我張票都完全聽唔到, 令到錯過了入座, 雖然後來都肯補回, 但就白白多等15分鐘了......7:28pm入座, 叫了三樣食物, 有青醬魚柳意大利飯, 煙三文魚白菌長通粉及蜆意粉, 青醬魚柳意大利飯個飯口感有點乾身(其實意大利飯係淋的, 但是否乾身就不知了), 但魚柳煎得十分軟熟.友人的煙三文魚白菌長通粉及蜆意粉, 二人都吃清光光, 相信應是很好味.最後三人都後加了藍莓木槺布甸, 軟淋淋有蛋糕的感覺, 甜度也適中.為了全日早餐, 我一定會再去.…Read More

見佢16/8/2014開業, 晚上去黃金海岸食飯, 放工後有時間就去趁熱鬧......2:00pm去到, 已見有很多人等位, 拎飛等叫, 有50張籌在我前面.可能係1個人去的緣故, 所以等了40分鐘左右就有位, 有很多2人或者4人的, 據聞等了2小時呢!點了雲吞麵及凍檸茶, 其實麵食好睇個湯底, 今次個湯底少少重味精, 但麵身超彈牙又冇乜梘水味, 加上6粒雲吞都係有蝦的咬感, 果然真材實料, 咁講法, 30蚊又唔算貴喎.但凍檸茶味道苦, 可能糖漿出問題......同埋第一天, 係有點忙亂, 出品都唔跟落單次序, 有食客等了接近一小時都冇得食.希望下次上左軌道可以順暢一點啦.…Read More

領匯著意改善愛民商場的人流, 引入了保齡球館, 原本在保齡球館位置的玉龍軒酒家, 有幾個班底在街市開了這間點心店.小弟在愛民邨返工, 食肆選擇多了, 當不太熱的日子, 珊姐係其中一個選擇.食過五六次, 食過蝦餃, 燒賣, 排骨蒸飯及肉餅蒸飯, 也有同事外賣煎堆仔回公司與大家分享, 不知怎的, 它的蝦餃皮總是有點怪味, 但其他食品試過都只是不過不失, 蒸飯份量少, 而且乾身, 以街市來說, $20一個小小蒸飯, 價錢有點貴.真係唔好對愛民邨的食肆期望太高, 好吃的都是服務差, 服務好的都是難吃的.…Read More

記得粉嶺都有一間百份百餐廳, 食物質素雖不低, 但就是差在常常漏單, 有時食物售完卻要落單後十五分鐘才告知食客, 很不爽......愛民的百份百餐廳也秉承了這個傳統......堂食時, 時常會聽到有人催單, 話等了半小時甚至更久, 試過對面搭枱有一位巴士車長, 一小時用膳時間, 等候一碗潮洲湯飯, 用了40分鐘......話說回來, 有次同同事去食, 同事點了鹿兒島黑豚肉讚歧烏冬, 小弟點了印尼燒雞扒拼煎蛋飯, 一如既往, 先上餐飲, 同事的黑豚肉烏冬約15分鐘後送上, 但小弟的雞扒蛋飯卻等了35分鐘.其實很多款食物都好好味的, 例如犀飛利肉絲炒麵, 炒麵真係可以同酒樓的質素相比, 而且份量大大, 茶餐廳很少吃到的, 咖哩飯類的咖哩的辣度都十分足夠, 海南雞飯都OK, 雖然隻雞肉質較靱......當然都有一些是份量不足的情況, 例如功夫叉燒飯......希望漏單的情況可以有所改善啦…Read More

4:45pm收工, 坐車去深水埗行黃金高登, 路經西九龍中心此店, 難得不用排隊, 就咁入左去一個人免不了坐吧台, 坐低在那三寶之中叫了隱世白伝, 亦即三寶之中最便宜的......不用等多久麵就到, 原來係麵同湯分開上, 先攪好湯底, 再將麵條放入湯底, 湯底稍辣但尚可接受, 湯底入面的豚肉很大, 薄薄一片, 不似是訂購的貨色, 紫菜有兩塊, 一塊是心形, 另一塊則在湯底內, 有字的, 蛋是流心蛋, 有卤過的, 小辣加上豚肉香味, 正合小弟心意......麵吃完加了清湯, 然後湯喝了一半, 果然係要先加清湯才可以飲的湯底, 據知沾麵的湯底是稍咸的, 故此飲湯之前非加清湯不可.加上裝修頗特別, 幾塊木板是枱, 牆身及貨架, 汽水籃是座椅及枱腳, 簡簡單單又不失那種街頭吃麵的味道, 女孩子上菜前會說一句日文, 不知她究竟是懂廣東話的日本人, 抑或是懂日文的香港人了.下次試試隱世黑伝先, 見赤伝賣相似乎很辣, 不敢試......…Read More

食完西關粥品的沙河粉, 轉戰這處食另一樣自家製的食品 - 漢堡扒包面同樣是嘉頓貨, 但這處的漢堡扒肉汁比時新多, 扒內除了洋蔥就沒有其他, 都是牛肉, 但就較碎.唯一美中不足的是, 芥醬的味道蓋過了肉汁, 都係時新個自家製沙律醬好, 而且$28一個也略貴了一點.下次再試第二樣.…Read More

27/5/2012下午在粉嶺教會排完舞之後, 走到元朗覓食早前盛傳此店的廣州西關風味, 今天去到元朗決定一試, 間店其實不難找, 就在千色廣場後面不遠.入店坐下來, 見到三大盤剛蒸好的蘿蔔糕出爐, 賣相似乎好得, 但今次要留肚去另一間店, 所以沒叫.點菜時本來想叫盛傳中的西關粉仔, 可惜已沽清, 唯有試試自家製的沙河粉, 配以肉片.個沙河粉是自行磨米再用人手切割而成, 咬落薄薄一片而且有質感, 與坊間大量入貨的河粉由機器製成的大有分別, 香港似乎都很少地方可以吃到這種自家風味.招呼如其他食評, 人客不多算OK.埋單時見到店方在廚房自製咸湯圓及腸粉/河粉的米糰, 下次來一定要試.…Read More

年初二獨自行大運, 去到屯門, 本來想去榮式燒雞扒吃最愛的坑紋雞扒, 但原來初四才啟市.......最後去左呢度食蛋包飯, 等位等了15分鐘......一坐低, 原來調味樽都是一隻蛋的形狀, 很Cute喎~~~點了雞扒蛋包飯, 本來配上香草飯, 但侍應話賣晒轉左茄汁飯, 算啦, 反正也未吃過, 點知到上菜時, 一打開, 竟然是香草飯.......塊蛋很厚, 比起天后的生原創厚上一倍有多, 而且很滑, 吃了一半已有飽肚感覺, 而且香草飯本身很香, 內裡的青椒味道完全呈現.甜品點了北海道360牛乳朱古力雪糕, 朱古力味十分濃, 值得推介.埋單$103, 捧著個肚回家去......…Read More

早排有團購網推出此店的$138晚市日式火煱優惠, 買了四張與好同事一起分享.6:30pm已到, 但訂了8:00pm, 去了隔離街瀰月屋坐了一會才去.7:57pm去到, 老板娘冷冰冰地說「未夠鐘」, 但在出面等了20分鐘才分配到空枱.是次套餐包括:大蝦x2 - 味道可以, 但要用手剝殼又未能洗手, 有點狼狽豆腐x4 - 沒有吃過, 故不評論鵝肝壽司x4 - 細細舊, 鵝肝入口即溶, 唔錯唔錯生蠔x2 - 沒有吃過, 故不評論三文魚刺身x8 - 鮮美非常, 入口有咬感八爪魚刺身x4 - 味道可以A4和牛x10 - 全個餐最好的, 淥熟之後軟熟易入口, 有牛肉的鮮味豚肉x10 - 呢個都唔錯, 入口即溶雞肉x10 - 略嫌太「鞋」烏冬x1 - 湯底極淡, 是全個餐最敗北的東西煱底是魚湯要淥熟的食物一般都是很快就熟, 但份量極少, 4人根本不夠食, 尤其是烏冬, 店員竟然稱四人去吃都只會有二人前, 簡直敗了名聲......無言了9:40埋單, 魚湯每人要加$16.5連加一, 不過餐牌取巧, 只指加$15有魚湯, 並沒有提及是一煱抑或一人, 結果埋單$66......翌日回娘家, 母親大人還指再多付$20便可以在它對面的酒店享用自助餐......更無言了.找完錢出到外面, 坐巴士回家煮麵去......…Read More

訂了柚子爐端燒8:00pm, 到天后都只是6:30pm, 同事極力推介本甜品店......小弟叫了迷你水果組合, 即三色果汁汽水, 分別有芒果, 啤梨及荔枝味, 以冰鎮奉上:三支飲品都恰到好處, 不太甜但有果味, 不過很快便喝完.第二天念念不忘, 回娘家前又去多一次:今次點了蘋果批, 原個蘋果批加上酥皮, 焗至金黃色, 雖然等候十分鐘, 但絕對值得, 蘋果味道恰到好處, 還是無添加的......為了其他季節限定, 我會KEEP住去的......…Read More

呢間野12時至2時竟然設有最低消費$22......假設你叫一個碎牛粥, 一碟炸兩都係$20, 設$22最低消費......算咩意思先.其實食品質素尚可以, 但我每次食完都「哽」住個胃, 佢果個碎牛粥太多花生, 可能小弟喜好, 不太喜歡......…Read More

今日終於有機會試一試呢間野.......由於有朋友6:30已到, 故此不用等位, 坐低點了:1. 芝士磨菇咖哩飯多芝士2. 炸忌廉芝士磨菇咖哩飯3. 吉列豬扒咖哩飯(小弟的)友人的芝士磨菇咖哩飯, 多芝士真係好多芝士, 多到佢食唔晒, 而且陣芝士味, 離遠都聞到, 而友人都稱炸忌廉特別.小弟的吉列豬扒咖哩飯要了不辣的咖哩, 但仍有日式咖哩果種香味及甜味, 值得一讚, 只可惜飯本身稍凍, 打了折扣.友人的雪糕甜品, 他說士多啤梨味很甜, 但見賣相不差, 下次一定要試.埋單$270, 比銀咖哩貴很多, 不過值得.…Read More

買左七張團購券, 又一早知呢間店在禮頓道法拉利陳列室旁邊, 但又未試過, 於是去試.....入去, 原來係職員斟Froyo俾你, 然後交給你再落Toppings, 控制不到份量有D失望.選擇了益力多, 芒果和蜜瓜, 三隻味道都OK, 但最敗北是自己加錯左熊仔糖, 本身太硬而且根本雪到無味, 一軟一硬不太適宜呢.整體來說OK, 若可以自己落Froyo更加好.......埋單$48, 用Coupon加$8.......…Read More

買左Openrice早前的$15團購優惠, 今日去完書展坐18P回家, 剛巧呢度落車, 見佢未關門就試下啦.叫左擔擔麵, 牛肉餅, 另跟餐有桂花糕及菠蘿汁.牛肉餅先到, 咬落第一口D汁已經彈出來, 牛肉有鮮味而且好香口, 外皮剛剛好, 唔厚又唔太薄.擔擔麵一般貨色, 花生湯底稍為稀了, 杰番少少會好D.桂花糕軟淋淋, 甜度適中為了其他野, 加上住得近, 一定再去.…Read More