Elicheng's Profile

經過太和見佢開咗冇幾耐其實都未幫襯過就諗住一家人入去試吓，點知完全中伏。高級餐廳價錢茶餐廳享受，一次難忘的經驗，以後都唔會嚟，啲嘢又貴又唔好食又普通，求其一間茶餐廳都好過佢，但係價錢又收得勁貴，真係就算住喺附近都唔會有下次😢😢😢真係一家人食咗幾百蚊食完都係唔夠飽你話如果係酒店我理解，但係喺呢間普通嘅茶餐廳食咗幾百蚊完全都唔飽你去一次就會明白，埋單嗱嗱聲去隔離魚尚買多幾盒壽司填飽個肚算🥲🥲🥲…Read More

叫咗個小窩米線要拉麵再加一個口水牛肉餅，食過譚仔嘅過橋米線根本上冇得比佢啲餸少過譚仔好多我食佢呢個都係諗住唔使諗揀咩餸有好多款餸, 酸辣湯小辣湯底不過不失，個口水牛肉餅真係經典，聽個款好似好好食嚟到當堂嚇一條根本就係牛丸切到一塊塊再加啲口水雞嘅汁咁就幾粒牛丸$30，真係俾佢個名呃咗，價錢唔算平如果真係要食我寧願食返譚仔，其實淨係冇面都唔會咁差評，個口水牛丸好心就唔好叫牛肉餅啦，喺度誤導人哋。。。。。…Read More

其實都係上網睇到個景幾靚所以黎下，今日公眾假期已經預咗人山人海，但係冇諗過多人到爆，如果唔係約哂朋友都唔係幾想入去，門口買飛入場都唔平$298一位，每人幾隻紙杯紙碟你千祈唔好唔見左要再俾錢買過，唔好諗住$298有咩好野食都係牛扒豬扒雞扒腸仔丸嗰啲唔會有海鮮俾你食，海鮮會另外加錢仲要都唔平，千祈唔好加錢去到出邊嗰啲帳篷位，（帳篷位要加$100）因為嗰度離你攞嘢食嗰度仲遠，攞野食嗰度就係入場門口嗰度，我之前去過咁多個燒烤場起碼都比隻膠碟你裝嘢食，呢度都係比幾隻紙碟你出去自己裝，出邊多人到爆，嘢飲最差，罐裝飲品支裝飲品全部要俾錢買，就係入場買飛嗰時俾你嗰隻膠杯去嗰啲嘢飲機裝汽水橙汁，嗰隻杯細到你行多幾轉都唔想行，佢攞嘢食個雪櫃先搞笑，好似你出邊食buffet筆雪糕嗰啲雪櫃，左邊嘅人攞緊嘢食推左去右邊右邊嗰啲人就唔會攞到，右邊嗰啲人攞嘢食左邊嗰啲就唔會攞到，個設計好似係唔想你哋咁多人攞嘢食咁，除咗個地點西貢好似好吸引，佢係我燒嘢食以來去過最差嘅一間，絕不會有下次，服務唔使講除咗門口收費嗰個有服務收你錢之外，入邊完全冇人會招呼你，加炭都係自己加，$298一位完全唔值，好似比錢入場食乞兒飯咁。…Read More

上網睇到好多人介紹用懷舊台灣課室背景食台灣料理嘅餐廳，位於觀塘就去試吓，叫咗個滷肉飯，滷水送到幾多，但感覺上咸咗啲同真係喺台灣食嘅滷肉飯差好遠，但係$58唔算貴，因為我去係星期日佢話星期日飲品冇得跟餐另計咁就叫咗個黑糖奶茶$28，全程自助式自己出去點餐自己攞餐，所以價錢其實都唔算貴又唔使+1，不過味道就唔係話太好食冇乜特別只係嚟呢度影吓相可以嚟一次，佢嘅餐具用鉛筆木筷子同埋木匙羹感覺上洗完再用唔係太乾淨衛生😅…Read More

今日去完迪士尼搭兩個站返青衣城諗住睇吓有咩食食埋野就轉巴士走，搵吓搵吓就見到呢間台灣野101，見到門口有幾個人等緊咁我哋攞咗飛都係等咗唔夠5分鐘就入得，我哋兩個人一個就嗌咗古祖牛肉半涼麵，另一個就嗌咗古祖牛肉番茄湯麵，啲牛肉好好食唔會好韌啱啱好，仲要佢大部份特色嘢飲就算凍飲同熱飲都唔使加錢，都係跟餐仲有一款小食俾你揀跟餐，成個餐都係70幾蚊，主食有飯、湯面，涼面俾你揀小食都好多款，一個主食一款小食一杯嘢飲都係70幾蚊晚餐來講非常抵食多款選擇。…Read More

今日去迪士尼搭車搭到去青衣城食完午餐轉地鐵過去迪士尼，就睇吓青衣城有咩食喺二期就見到呢間日本野，午餐唔算貴日本嘢嚟講算平$60左右一個set，一碗丼飯，有麵豉湯有溫泉蛋有嘢飲，碗飯都算大碗，啲嘢都好快嚟到，可能閒日同我地11:30早冇乜人，我哋兩個人一個嗌左個日式叉燒飯令一個嗌咗個類似鰻魚炒飯咁既，兩碗都非常好食，撈埋隻溫泉蛋落啲飯到簡直一流，下次去迪士尼會考慮再去呢度食午餐，食完再入去迪士尼因為迪士尼裏面貴夾唔好食😂…Read More

朋友推介黎試下，講到星期六日排哂隊咁，我閒日黎試試午餐，人都多差不多滿但唔洗排隊直接入有位坐，叫左個招牌臭臭鍋，唔算耐都好快到，有凍紅茶一杯送，味道完全一般要排隊就完全唔值得，感覺係特別，湯底無味，成煲野你係屋企攞個煲掉哂落去煮成煲上咁食一樣，服務員都有善，但係最差最差就係人手嚴重不足，2個樓面係咁出菜落單做十幾張台呢方面要扣分，係特別可以一試，不要期望好好味，要排隊就唔好了，試過一次就算。。。。…Read More

行開新城市廣場諗唔到食咩，見有呢間野就入去試下，寫明用餐一小時及每人需要叫一個餐，我都知咁樣做係因為唔想D人坐得耐，但係我覺得一定要每人一個餐有D反感，我兩個人叫左一個招牌車仔面同一個厚切叉燒蛋飯，厚就真係好厚，但係叉燒瘦到完全唔好食，加埋一成80幾蚊碗叉燒飯仲難食過街市$30盒果D，成$90既招牌車仔面全部普通餸既味，唔係難食但無乜特別，我都知你可以話係新城市咁貴租既地方唔可以同街市盒叉燒飯比，但係咁樣我食完一次唔會再食😂…Read More

唔係住香港區十年都唔會去西環一次，今日陪呀女去西區海濱長廊公園玩所以去左西環，晚上係西環周圍行下睇下有咩好食，就見到呢間馬六，又想食肉骨茶咁就入左去試下，睇餐牌款款野食都唔算貴，可以叫做平，我地一家三口叫左個海南雞餐，白胡椒肉骨茶，同埋一碗巴東牛肉參參，參參係粉絲加米線撈埋一齊咁，有少少辣，味道可以，海南雞直頭一流，雞滑好味，仲叫左款蛋黃醬多士，好食，肉骨茶都好味唔咸，係佢地既拉茶無咩特別，普通奶茶咁唔同出面果D拉茶，但價錢平會再食…Read More

朋友係上環食過推介，去到門口睇下餐牌都知係食果D百幾蚊碗既拉面，佢主打係用蜆湯底，叫左個醬油拉面同一個牛舌定食，拉面湯底好好味唔咸我仲追加左兩款肉同一隻蛋，牛舌定食佢有湯有小食有沙律有飯，全部都有牛舌係入面，飯有蛋汁撈埋一流好味，但係份量比較少，我以為拉面貴唔飽係正常，原來定食都係份量好少，整體黎講係好食既，但係想食飽我覺得男人係唔會飽，一個拉面$128追加埋D送都成$170，唔追加就得2塊肉左右好dry,介唔中試一次可以，太貴就唔會成日食，味道係可以的👍🏽…Read More

結婚週年紀念日，帶埋囡囡係openrice預訂左呢間泰國菜，預訂時講明因有小朋友希望能坐sofa位，黎到職員都有睇remark再問我地係咪要sofa位，呢度都已經加分，仲有個男職員好好禮貌好好態度，因我未食過，菜式我都係睇餐牌上面既相黎叫，黎到果然無令我失望，同相片一樣咁精緻，淨係睇到已經流哂口水，職員仲主動幫我地合照，仲等後面無哂人先影幫我地影埋個大海景，值得一讚，味道吸引，服務一流，值得推介，價錢唔貴，我地計埋蛋糕甜品叫左6樣野 埋單$900幾…Read More

行驚新商場海之戀，周圍望下睇下有咩好食，最後就簡左呢間韓國野，價錢唔貴 平均每樣野都係$50-$70，酸甜雞超抵食$3x一份都好多件，人參雞煲仔好好食$7x，撈飯一流，個薄餅就唔建議叫，我個人覺得麻麻地，牛肉炒粉絲都好好食，環境都好，座位都夠闊落坐得好舒服，走出去賣單嗰時，出邊仲會有啲韓國小食，買咗一筒韓國紫薯薯片，甜甜地幾得意，韓國嘢來講呢間算係好平價錢又貼地唔會特別貴，下次一定會再嚟幫襯。。。。…Read More

一早有朋友生日訂咗枱，好彩有留枱比我哋，但係見到張枱我哋四個大男人好似坐喺張四個小朋友玩積木嘅枱仔咁，逼到夾野都手撞手，我哋係俾貴嗰個韓牛plan,誰不知我哋大家覺得最好食嗰個韓牛，只係免費送幾件，再叫要加錢，其他任叫嗰啲同普通冇乜分別，我不建議你哋俾貴嗰個plan,咁佢呢間係燒烤打邊爐放題我哋燒到咁上下就轉打邊爐，佢個煲嚇親我，同我屋企煮公仔麵個煲一樣大細，四個大男人咁細個煲見到都覺得樣衰，佢成間鋪個環境係好迫，完全坐得唔舒服，坐得唔舒服都唔緊要連嘢食都冇乜特別，非常中伏的一次，一定唔會再有下次。冇乜特別到連相都唔記得影…Read More

今日經過太子之前見呢個鋪位賣糖水小食幫親過一次，但今日經過已經轉左手變左賣果汁，見佢個名蜜瓜爺爺幾得意咁就行過去睇下有咩好野，可能佢岩岩開無幾耐款式唔係話太多，見佢寫住有慢磨蜜瓜汁、新鮮蜜瓜奶，仲有藍莓奶、香蕉奶等等，因應返佢間鋪個名我就買左杯新鮮蜜瓜奶黎試下佢，等左幾分鐘左右，飲得出真係用新鮮生果整出黎唔係果D用加工生果味汁溝出黎，唔會話好甜，鍾意健康新鮮生果，得閒可以幫親下呢間小店，值得推介！…Read More

喺Facebook見到呢間野賣廣告新開張好似幾特別話OpenRice介紹有九折，裝修環境幾好，一開始店員好好過嚟介紹佢嗰個乜野12輪迴，其實話就話任食，但佢嗰個12輪迴輪到一半都已經飽晒，佢一嚟果個江南八小碟係幾好食但係全部都係普通冷前菜，佢嘅所謂刺身得幾塊，話就話成條魚刺身，佢啲魚細到得幾塊，同埋佢每上完一個輪迴，下一個輪迴你唔吹佢佢都唔會到，唯一要讚下嘅係佢哋店員有非常親切嘅態度，但係佢嘅親切態度首先係要佢行過嚟你嗰度望到你先，佢可以20分鐘都唔會有人經過理你，同埋佢有樣嘢好特別就係有自家製嘅涼茶但味道就一般，整體來講佢啲嘢完全唔係話好好食你想試吓輪迴可以去一轉，但我相信唔會有第二轉，最重要補多一句佢話就話任食但係冇任食牛肉係任食「牛丸」…Read More