IrisLok0921的個人專頁

今日放假又好凍喎，所以呢諗住去打個邊爐啦，咁我見佢有一個中午邊爐咁咪諗住試吓，可惜佢哋未暫時未能提供中午火煱。既然坐低咗就唯有食佢哋嘅午餐啦！佢哋做緊優惠，所有午餐都係半價，不過選擇就比較少。我點咗個肉醬意粉，半價$29然後加$5一杯熱咖啡。個肉醬意粉OK嘅，我覺得好食過大家樂少少，$29算係好抵啦。杯咖啡就好有驚喜啦！竟然有拉花，Total $34，一個午餐加杯咖啡，出面飲一杯咖啡都$40啦！可惜嘅就係佢嘅午餐種類實在太少啦，如果可以加多幾款就好啦！…查看更多

疫情時間，我成日去呢度買外賣，因為覺得酒樓好似乾淨D。呢排疫情稍為緩和，我都繼續幫襯，但係佢地D staff就開始變得冇禮貌，收銀經常唔喺位，每次都要等佢過嚟先叫到外賣，有一次去買燒味，佢話廚房食緊嘢，要等起碼半小時，心諗買燒味啫，都要等甘耐？ 明白佢哋都要食飯，但係佢D態度真係好差，好似我阻住佢哋，又好似我求佢賣俾我甘；又有一次好無禮貌甘話D外賣冇折，你仲買唔買？令人難受的外賣經驗！唉⋯應該唔會再去買外賣。我另願叫外賣速遞，起碼唔駛睇人面色！…查看更多

叫咗外賣速遞，其中一份蒜泥白肉食到中段，竟然發現有一張廁紙扮蒜泥白肉🤢🤮🤢🤮🤢🤮真係想嘔，點解可以甘！我哋決定以後都唔會再幫襯呢間嘢。再諗起都想嘔！！！…查看更多

星期一嘅晚上，沙田市中心嘅食肆都有好多位，最後選左呢間抺茶館，因為好懷念京都嘅抹茶。佢嘅餐牌以圖片為主，所以一目了然，我點咗個山椒豬肉飯和一杯牛奶抹茶，以為山椒豬肉飯是辛的，原來只係好多䓤，不過味道ok! 牛奶抺茶有好重抺茶味，但係就甜咗少少，不過勝在夠熱，而且價錢不貴，只是$29。之後再點左2個甜品，不過唔記得影相，一個係抺茶紅豆湯丸+抹茶，另一個係抹茶卷。我覺得甜品都比較偏甜，如果味道可以淡少少就好了！…查看更多

朋友介紹呢間雞煲，話夠麻辣，就來試下囉。Order左半隻麻辣雞煲，本身想要中辣，不過侍應哥哥話中辣好辣，建議我地試下小辣先，唔夠的話再加辣都可以，於是我地order咗小辣試下先，果然，小辣都幾辣，而且有麻嘅感覺。其實半隻雞唔係好多，二個人食唔係好夠，我地再order左其他火煱配料，佢嘅火煱配料都好新鮮，我覺得最特別嘅係我第一次食魚膘，首次要用竹僉拮穿先可以放進煲𥚃，口感好特別，好食，下次來的話一定會再order呢個…查看更多

今晚約左王菀之同張敬軒，入場前去咗呢間食下串燒，之前見到佢有粗囗手工啤酒，甘得意咪來試下囉！2個人，6:30來到，餐廳得一枱客食緊，可能還很早，所以仲有好多位，反而坐得好舒服服，臨走前，就多返2枱客。我地叫咗幾樣串燒，都唔錯！佢地通常等我地差不多食完一樣先再上一樣，所以可以keep住食物溫度。手工啤味道比較淡，適合女士飲！最鐘意係燒玉米和牛舌，玉米多汁，牛舌有口感。like左佢facebook仲送牛丸，唔駛＄，覺得特別惹味，牛丸夠辣，我鐘意，唔食得辣嘅，可以選擇芝士牛丸…查看更多