tommy337's Profile

夜晚想食大排檔，幾次都想去呢間，宵夜時段有折扣之餘，又有小菜又有蒸嘢，都算好多品種，最鍾意食嗰個係菠蘿拔絲咕嚕肉，味道幾好，不過原來外賣咕嚕肉係冇拔絲，得堂食先會有，呢個位就真係有啲匪夷所思，其餘嘅嘢好似都係炸嘅比較多，不過整體上落嚟都幾好…Read More

都算係香港數一數二嘅放題 ，呢度嘅種類選擇多，刺身嘅嘢都幾好，不過我就覺得拖羅應該就唔係拖羅，不過始終三百零蚊算係咁啦 ，所有嘅嘢食同行都好滿意，燕窩燉鮮奶幾好，不過唯一一樣唔滿意嘅位，餐廳寫住位置係帝京酒店，而當日係揸車過去，泊咗喺帝京酒店裏邊，之後先知道原來酒店嘅泊車優惠係不適用，因為其實餐廳係喺商場，但係上網book嘅時候明明係寫住帝京酒店裏面，搞到嗰日多咗差唔多$200泊車車費如果可以寫得清楚得更加好…Read More

呢間火鍋店都食過幾次，之前外賣🥡都一直幫襯開，水準保持，呢度嘅打邊爐湯底同出邊唔同，佢哋個湯底入邊好多料，其實差唔多都可以當係一個餸咁樣食，不過如果兩個人過嚟嘅話，可能就真係唔好眼闊肚窄，堂食嘅地方都好大闊落，唯一美中不足嘅就係位置有少少唔就腳。墨魚滑：食到有墨魚粒，不過墨魚味唔夠濃，但係都幾彈牙野生竹笙：真係原條嘅竹笙，大大條吸湯汁汁一流牛舌：夠薄，煮一陣間就就食得冰粉：如果凍少少就更加好，紅糖煮得夠濃，幾好…Read More

香港11月先似樣咁樣凍番少少，最啱梗係就係打邊邊，放咗工真係冇力再去街市買料，就想即刻返屋企，之前都已經有幫襯過呢間鋪，有時我哋兩公婆放咗工WhatsApp洛完單就送到屋企，方便又快捷，最重要係唔使洗，食完打包掉咗佢就搞掂值得一提嘅係呢度嘅外賣係跟埋個煲，屋企有個電磁爐就搞掂曬。又方便又快捷。豬骨煲$168又大煲又經濟，一煲已經有蘿蔔粟米雞腳豬骨，仲有幾件勁厚肉嘅筒骨，食晒都差唔多飽，仲有靚湯飲，豬骨勁新鮮，呢個價錢真係不得了，自己喺街市買都冇咁平手切牛$188牛肉味濃，分量十足廣島蠔$128Size大隻 ，蠔新鮮，煮完都唔係好縮什丸$58分量OK，值得一提魚皮餃幾好食，不過芝士腸都係普通貨…Read More

上社交平台睇到，雞煲火鍋$300有送貨，疫情冇得出街，日日都係屋企食公仔麵同埋嗰啲急凍食物，所以同老婆兩個叫咗個雞煲返屋企食。雞煲超級嘢味！第一次叫我叫咗小辣試吓水溫，雞非常之滑，有雞味，唔會死鹹，以前去酒樓食任食雞煲火鍋，搞到我都唔敢食雞煲，今次真係令我改觀，食完雞之後打邊爐，火鍋配料我就自己落街買咗啲，見到佢手切牛都好推介，所以我就加咗碟牛肉，牛肉份量夠！有牛肉！店家非常貼心，提供埋火鍋配料同埋火鍋豉油，同埋雞煲醬，值得一讚！…Read More