happylife15's Profile

有一日行開尖沙咀，朋友原本想食韓國菜，但行去餐廳的途中，突然看見這間拉麵店，說略有名氣，便放棄韓國菜轉為吃拉麵。餐牌上大部份的拉麵理論上都是辣的，我點了一個玉米筍辣麻味噌拉麵，中辣，小麻。拉麵附有的肥豬肉，真的很肥美。我第一次食拉麵遇上這樣肥美的肥豬肉，肥度有點像東坡肉。但辣度就真的有點失望，雖然是中辣，但一點辣的味道也沒有。我們覺得下次可以點大辣，甚至乎係要加錢的特辣亦未嘗不可。另外，就味道而言，加了芫茜的比我這個味道來得更加好，若大家能夠接受芫茜，不妨點有芫茜的那碗。…Read More

收工唔想留在北區食午餐，就揸車落大埔食。 大埔墟有一個好處，就係多錶位。 雖然都多車，但等了十五分鐘就已經有錶位，而且就在餐廳附近， 行多兩步就已經到達餐廳。餐廳的名字雖然有“魚蛋”， 理應就以魚蛋為主打，但我想食飯，所以就叫了一個牛腩飯。 價錢較貴的牛腩，聲稱以本地牛作為賣點，但已經賣完。我就退而求其次，叫一個較便宜的牛腩飯。牛腩肥瘦分明，而且炆得很淋，湯底是淡淡的一種，不是濃味牛高湯味道。整體而言，我覺得這間牛腩是我會返頭再吃的一間。唯一不滿意的是座位很窄，坐得很不舒服。…Read More

在晚市套餐的餐牌裡點了土匪牛肉(中辣)($138)， 晚市套餐包一個前菜、白飯、例湯和甜品。 談不上抵食夾大件，但分量都足夠。牛肉選料較腍身，有牛肉味，沒有被辣掩蓋了味道。 雖然說是中辣，但事實是不算太辣，我覺得應該大部分人都能夠吃得到。由於我們都不是太肚餓， 主要想飲酒，之所以挑選這間餐廳，因為這裏免開瓶費 ，所以點了一個晚市套餐後，我們就點了兩份前菜。 分別是蒜心辣藕尖和湘辣小皮蛋12個。最驚喜的是：雖然三個菜式都辣，但是是有分別的。它不是用同一種辣味去處理所有食物，所以就算多點幾個菜式，也沒有重複的感覺。 這點很讚。…Read More

在旺角交收完文件，唔想行入商場食飯，就喺附近啲橫街咋窄巷到搵嘢食。 被這間店名頗有意思的餐廳吸引，就入去探個究竟。餐牌上的菜色種類多元化，有拉麵、有吉列、有刺身等，各適其適。一支公就無謂搞咁多，求其叫個咖哩吉列豬扒飯食就算數。 吉列豬扒炸到外皮脆，亦能夠保留肉汁，以這個價錢的餐廳來說，我覺得質素屬於中上。咖哩汁的感覺比較貼近現成開出來的那一款， 沒有什麼好評價的，中規中矩。白飯用了最基本的日本米，正常發揮。…Read More

見到這間食肆在openrice有很多好的評價，所以趕去游水前，來這裏吃個午餐。點了一個冷麵，一個石頭鍋飯。 食物味道尚可但服務就真係不能接受。 餐廳樓面人手嚴重不足， 基本上只能夠顧及到上菜，帶位和收錢。但因為我們需要一些餐具來分享食物， 即使向侍應要求了很久，仍然未有。 差不多吃了一半侍應才有時間把餐具拿來。 但我們深知道不能怪責侍應， 因為人手嚴重不足。…Read More

Had a Happy Hour before Friday dinner. The location is good because it is close to Mong Kok East Station. There are 20 choices with different style of Craft Beer. The staffs are willing to have an introduction for new joiners. The beer are mainly from Europe. We ordered a IPA style and a Double IPA style. The frontier was bitter while the latter was more aromatic.We also ordered a Spicy French Fries but it is not spicy enough while the table next to us ordered the spicy chicken wings and they found it real spicy. Next time I will prefer the chicken wings.…Read More

朋友請食完城中知名中菜廳，我地禮上往來。其中兩位朋友試過rosewood的飲宴，覺得好好食，所以我哋就去了中菜廳試一試。 點了蜜汁鮮梅頭叉燒， 金錢酥蟹盒， 蒜蓉陳村粉蒸星斑球，嫩雞濃湯煨稻庭烏冬， 果仁酥香牛肉粒， 炸子雞(後尾食咗玫瑰豉油雞)。甜品點了15年陳皮紅豆沙和蛋白杏仁茶。 蜜汁鮮梅頭叉燒($320)： 叉燒肥瘦分明而且材料新鮮。有蜜汁的甜味，濃度亦適中，可惜沒有燶邊，屬於中上。 金錢酥蟹盒($160/2件)： 油炸剛剛好，炸得脆皮之餘亦都乾身。可惜材料似乎略嫌不足，吃不到蟹的鮮味。 蒜蓉陳村粉蒸星斑球($680)： 個人認為全晚做得最出色的一個菜， 星斑球新鮮彈牙嫩滑，蒜蓉亦都足夠。不過若然多少少金蒜，讓蒜頭的口感更複雜會更好。 陳村粉濕度亦都足夠而且有咬口， 唯一挑剔係魚嘅鮮味沒有帶到陳村粉上，感覺是你還你，我還我。 嫩雞濃湯煨稻庭烏冬($200)：用上幼身的稻庭烏冬，烏冬煮過了火候，太淋身。湯頭的味道尚可。 果仁酥香牛肉粒($250)： 將果仁放在牛肉粒上，帶點川式的椒香，是比較有特色的一道菜。 炸子雞： 本身點了炸子雞， 第一舊吃的是雞胸與雞翼之間的部位， 但明顯廚師醃完雞後，沒有把鹽處理好， 結果咬落去，成口鹽，鹹到苦。 餐廳解釋因為醃製的效果，但這明顯是處理食材出問題， 屬於非常低級的錯誤。 無法想像在酒店中餐廳會遇上如此低等的犯錯。 餐廳後來建議改吃玫瑰豉油雞， 豉油調味還可以但做得不夠嫩滑，屬於不過不失的菜式。 15年陳皮紅豆沙($160)：有足夠嘅陳皮，而且陳皮夠香， 可惜紅豆沙未能做到起沙的感覺，再次失望。 蛋白杏仁茶($90)： 這個甜點品不是我杯茶，所以沒有試了，但朋友說還可以。 反而Wine Menu有驚喜，作為一間5星酒店，最頂級的Fine Wine Mark Up 不算太誇張，可以接受的水平。 總結： 如果以五星級酒店的中餐來衡量，我會給予不合格的分數。 如果是家常便飯，有其他更好的選擇。…Read More

有一日，朋友問香港邊度有好的辣椒油賣， 我就介紹了群記的辣椒油。這個辣椒油好吃嘅地方不在於他的麻或辣，而是他的辣度比較接近XO醬一類。在麵舖當中，算是比較少見的。山長水遠去到粉嶺買辣椒油，本想點一個豬手麵吃。 但因為已經三點幾，接近四點，所以只有牛丸或牛腩剩。 點了個細牛丸麵， 牛丸的的色色的，一碗有五粒，牛味不太出眾，但是彈牙爽口。…Read More

平時都無接觸開齋菜，但因為有屋企人由外國返黎，想食下齋，結果就黎左依到食。京式燻鵝：外層軟，內層爽，口感好好。煙燻味亦恰到好處。田園寶盒(咖哩汁)：咖哩好香，唔辣。外面係麵包，飽肚之選。紅燒素黃魚(五柳汁)：酸酸甜甜，開胃的。而且裡面脆脆的，好吸引。粟米粥：因為有小朋友一起，所以點了個粟米粥。如果有多點粟米就好喇...欒樨餅：連菜名都未懂得讀，但係臨近佛誕先有得食的菜式。既然甘都遇上，就試一試啦。雖然賣相唔好，但食落又無乜特別。總括而言，這裡的齋菜對於平時不常吃齋的人來說，是非常能夠接受的。…Read More

去完中環街市參加活動，走嘅時候已經係晚餐時間，所以就喺附近搵間餐廳食。一離開中環街市，過條馬路，就見到呢一間餐廳做緊蠔嘅推廣。$168 有六隻蠔，仲要包兩杯白酒；$298 有12隻蠔加一支白酒。見價錢都吸引，所以我哋就無再四圍行，入去試一試。 今晚蠔優惠做嘅蠔款係真牡蠣， size都幾大， 入口係creamy， after taste有少少甜。 配襯來自智利，沒有經過木桶處理的chardonnay， 感覺都幾夾。 話咁快食完一打生蠔， 我哋兩個都被出面嘅蠔擺設吸引了， 好奇心驅使下便問職員有沒有推介。 職員再介紹我們來自韓國的Jokomi，說是全香港獨有，而且已經是季尾。今日唔食，就要等下年先再有機會。 講到咁，梗係唔輸蝕，一人點返隻試。 口感比較Crispy，海水味重， 雖然蠔的Size看似好細，但好豐滿， 只蠔彷彿要破殼而出。 職員的確沒有介紹錯。…Read More

工作上有點不如意，所以放工之後想鼓勵一下自己，來個metime。本身想搵個地方hh就算，但經過依間以牛為主的舖頭，就好似收到呼喚甘，入左去坐低。點了一個炭燒美國頂級T骨牛扒。 最正的是，薯條無限添加。T骨牛扒點了Medium，第一啖入口，感覺上全部對了。調味是鹽，有輕輕的胡椒，然後再有炭火燒過的smoky味道。對得住個價錢。紅肉配紅酒的道理可能係80歲嘅老友記都知道，點了枝來自Rhone Valley的紅酒($392)試一試。嗯，就是餐廳級的紅酒。成日覺得可以免開瓶費的餐廳應該去多點係不無原因，我偷聽到隔離枱問，依到開瓶費收$200/枝。…Read More

Grab a coffee before another meeting after lunch. The environment is good with outdoor space. Wood furniture makes you feel warm there. Products focused on Matcha but all I need is coffee. The coffee itself was so so but if you put the environment into account. It will be a good deal. Luckily, it was not full in weekdays. Can have a chill and relax time. Next time, I am going to try his Cocktails and Beer. I think it will be fun.…Read More

Set Lunch ＄138 有 starter ，Pizza 和甜品 Deep Fried Mozzarella 配pesto 醬。 芝士炸過之後，熱度令裏面的芝士做出拉絲的效果，口感係外面脆，裏面係軟。本生炸芝士已經好食，但見到因為佢有個青草醬，好奇心驅使之下點一點，發現原來同個炸芝士非常非常之配襯。 Cold Cut platter，薄切和牛片上面有橄欖油和黑椒調味，配兩片麵包，麵包用兩粒鹽增加味道。 Pizza 點了2個，分別係傳說中的 Carbonnara Pizza 和 Alla Norma pizza份量都幾大，每一個pizza𐝹開四片。我覺得一個男士食一個pizza基本上夠飽有餘。 Carbonara pizza 每一片都有鵪鶉蛋和煙肉， 一個好新穎嘅安排和食法。 pizza唔係薄底脆口的那種， 而是有少少厚度和口感的。 另一個pizza有炸過嘅茄子，最突出就係嗰青草醬。青草醬新鮮得黎又夠突出，我真係好鍾意呢間鋪頭嘅青草醬，所以我覺得個pizza好好食。 食意大利嘢，甜品又點可以笑少左Tiramisu。杯espresso 好香，感覺好似係Illy的咖啡。…Read More

今次來到主打雞的串燒店，由日本廚師主理。 由於店舖主打吃雞，餐牌理所當然地有不同雞的部位，仲有一部分是稀有部位，問一問侍應，今日的選擇不多，只有chicken oyster。食雞最基本一定有雞翼， 🎼燒雞翼我鍾意食🎼， 雞翼去骨，用兩粒鹽吊起味道，食十隻八隻都冇難度。雞軟骨同平時食開嘅唔同，係一片片嘅，中間夾著雞肉。調味用上最簡單的黑胡椒， 黑椒好新鮮，好香口。見到其他人叫和牛海膽配魚子，覺得好吸引，即刻追加。雖然餐廳主打雞，但和牛都燒得好出色，不過今次師傅有點重手。西餐的 Carbonnara食得多，日式的又試過未？見到餐牌有，又點黎試下。有中日合璧的感覺，將意粉轉做烏冬。日式的湯烏冬，講求的不再是Al dente，而是比較接近讚岐烏冬的口感。芡汁比西式的來得多，但又未至於日式湯烏冬，最重要是烏冬能夠掛住個醬汁。 特別得嚟又好味。…Read More

今朝去咗火炭做嘢， 行去目的地途中，見到呢間餐廳，都幾多人食緊，咁就入去試下。餐廳都幾舊式，先買票，後憑收據拿食物。食物就大件夾抵食。點了沙嗲牛肉公仔麵配火腿餐肉太陽蛋，公仔麵都係茶記專用大光麵，沙嗲味夠但可以再濃味少少。其他配料都係正常發揮。杯凍奶茶就不過不失，如果茶味多丁點會更好。…Read More