chiffon_kt's Profile

想不到平日午市套餐份量都唔少我們叫了一份低脂牛 一份霜降牛每片肉都切得好靚 唔會薄到穿窿低脂牛一點都不柴 沒有牛酥味 有肉味霜降牛又不會太肥 會比低脂牛多了少少油香又淋身少少 還有order了肉肉蛋糕 這個蛋糕是豬梅花又是好肉 好吃整體來說 肉類都很優質 份量都好足蔬菜盤的蔬菜是正常乾淨和新鮮亦配了一些丸類和雲吞水餃還有副食..我要了刀削麵 是乾麵 正常男朋友要了滷肉飯 味道普通 飯粒是珍珠米 不錯另外我們再加了鴨肉丸 手打丸拼盤 百頁豆腐 牛栢葉 鵝腸 沒有特別推薦這些我個人覺得比較好的是牛栢葉飲品..選了麥香紅茶和奶茶 都偏甜 香港人應該不喜歡醬料自助 整潔和多選擇 海皇醬推👍🏻另有台灣甜品 愛玉 仙草 地瓜圓 冬瓜茶意大利雪糕和雀巢雪糕🍦最後值得一讚湯底很清淡不會越食越咸之後都沒有發喝 應該是沒味精店員也會不停幫忙加湯 服務很好👍🏻…Read More

食上海菜梗係要試小籠包得唔得啦皮係薄嘅 又多汁嘅 但味道係…同你喺超市買包急凍嘅差不多 係因為肉唔係新鮮（？我唔知 總之係合格 但無驚喜 唔會對佢心心念念囉！見食評有人話鍋貼比小籠包好食少少俾多個機會你 佢係專登加左粉漿煎左個好薄嘅底皮出黎但本人認為真正嘅鍋貼係要煎到佢原本個底香脆先合格 呢個扮鍋貼🥟 加上個肉餡同小龍包係一模一樣 可唔可以加多少少薑汁提提未？佢唯一一樣做得好嘅地方係唔油膩結論係鍋貼一般本人認為筲箕灣之前淨係做外賣成日唔開門嗰間的鍋貼好食過呢間本來想試佢個黃魚春卷 但呢期無就食左個春卷 春卷皮係薄嘅炸得香脆均勻亦都唔油膩 但餡料味道冇驚喜跟住一家醬鴨係食材問題（？ 肉質偏梅 味道濃厚 鴨肉入味 但個醬汁又唔覺有酒香 又唔覺香料嘅香味佢係一個類似滷水 又唔係滷水嘅汁我唔識欣賞呢個秘制醬汁最後試左個期間限定油爆蝦（仔仔）我阿爸係咁話街市十蚊盤嗰啲🤣我唔知啦總之都預左唔係大隻嗰啲 又應該係頭盤類$108 係細細碟啦 但又無諗過啲蝦細粒到咁好似縮埋左嘅甜蝦🤣🤣🤣仲要煮得勁甜🍯 食到個嘴條脷好攰跟住甜品都唔想叫啦👋…Read More

請接納我真心的評論，雖然我不是金舌頭。買黃金雞時睇到隔離開左新野，打算搵日試下，終於今日第一次幫襯了，有點期待。點左一份Classic (第一次應該由最基本開始），加套餐 田園沙律+雜菌忌廉湯忌廉湯好香菌味，但咸味差少少，要自己加鹽；沙律打開個樣都唔錯，生菜絲底+粟米+車厘茄+千島醬，見餐牌有咁多款沙律，所以對沙律都有點期待，但結論係無特別；成個餐嘅重點就係個漢堡，包裝無問題，膠紙出左少少事，呢款膠紙令到撕開包裝時整爛左張紙，食嘅時候會無咁方便，但最大問題我覺得出左喺個包度，個包似乎係無用牛油輕輕的煎過內外兩邊，食出黎會差好遠，同埋個包嘅質地同味道太似甜餐包，同漢堡唔太夾，蕃茄生菜可以，手打牛肉漢堡無咩香料味，味道偏健康，無咩油，都juicy嘅，味道我係滿意。唔好意思第一篇食評俾一般，但希望你地有進步，經營小店好困難，請加油💪睇到黑松露薯條幾吸引，下次會再試其他野。…Read More

簡短食評青咖哩雞飯 - 賣相唔錯，非常慷慨嘅醃紅蘿蔔，嘩～仲有雞翼整體雞滑，無雪味 (我唔知佢用咩雞ga) 份量都唔少, 青咖哩香甜少辣。題外話，因為我爸話藍心快餐個雞排飯好大陣雪味雞又少，又貴又難食。一路食呢個青咖哩雞飯，一路讚好食，仲食得好開胃 🤭🤭秘製牛腩飯 - 牛腩夠腍，味道香濃好味繼續努力…Read More

黎到大埔熟食中心搵食，我諗大部分人都會食麵啦！因為我唔係住大埔，唔熟呢度有咩食，所以我成層行左一轉，睇晒有咩食先揀。見到一間餐牌寫得好清楚食物同價錢，而且價錢非常公道，我就決定試一試佢。:)前言講完，入正題。我地叫左一個常餐：五香肉可午餐肉米粉，配奶油脆豬，黑松露炒蛋，熱杏仁霜。全部食物飲品味道都好正常茶記咁，我諗黑松露炒蛋出現喺茶記應該比較少見。個炒蛋ok 上面放左成一茶匙嘅黑松露，$39 呢個價錢都唔錯。杏仁霜都係正常，本人對杏仁霜有份執著，宜家好少茶餐廳沖得好飲，有d 直程沖到好淡，有d 就會沖到好杰，我嘅標準係當杯杏仁霜有少少凍時，面頭會結左一層薄薄嘅奶膜，為之濃杰適中。另一個叫左一份下午茶餐：炸魚柳薯條，熱奶茶，估唔到茶記都會擺盤咁用心佢將兩塊魚柳疊上薯條上面，放喺一隻白色大圓碟，旁邊用茄汁同沙律醬簡單地點綴一下。魚柳炸得香脆粉唔厚，但肉質偏淋，薯條係粗條，都唔錯。 …Read More

一心為左 SF9 路雲而前來 😛第一次買就試佢地嘅推薦 個名好似叫 "芋泥乳香小芋圓" 真係唔記得左 總之就有紫色嘅芋泥 小芋圓 好細粒黃色嘅 唔知係咪蕃薯 加鮮奶店員好細心問我需唔需要少甜少冰服務不錯 🙂 本人覺得甜度岩岩好 同埋試過之後覺得芋圓好食過珍珠 我喜歡芋圓了見到杯飲品紫色 真係幾靚最後要感謝茶理史願意幫忙做 路雲的生日應援 我本來以為香港區沒有應援 規模雖然少 但我都感受到幸福快樂 請大家多多喜歡SF9 9個性格好好 好努力好值得喜愛的男生…Read More

第一次幫襯隨便叫左個鹽酥雞排脆豬包同埋香菇滷肉飯雞排即炸，熱辣辣夠juicy 個邊仲好脆，對我黎講味道幾好，但台灣野黎計係唔夠重味， 可以再鹽酥少少:)個脆豬包真係脆，呢方面做得唔錯，個汁都做得幾好，我相信係由美奶滋加煉奶做的，韓國好hit 嘅eggdrop 三文治其中一個醬汁就係呢個，希望我無估錯啦 香港嘅滷肉飯呢一定唔會做到好似台灣咁多肥肉同肥油，不過又要睇老闆點定位啦，你要做到十足台灣野咁， 定要乎合多d 香港人口味，試過呢兩樣就知老闆想就返香港人啦。好～講返個飯，味道係正常，係香港人食慣嘅味道，但汁可以多少少，要足夠撈晒個白飯先合格，其他配料都無問題。整體係用心嘅小店，請多多支持。希望老闆睇到大家嘅食評，繼續努力啦！…Read More

雖然外皮色澤吸引，皮薄脆口，但皮下脂肪驚嚇度滿分.....燒鴨都無咁肥.....單說肥膏呢點，以後都不用幫襯了......再評論一下味道，完全不入味，好趕時間嗎？做壞個品質，有誰再來買呀⋯⋯買興東酒樓燒味仲好食，價錢仲公道好多。阿爺燒鵝～我唔理你做過幾多隻好食嘅燒鵝，我只知道你起碼有呢隻不合格嘅燒鵝👎做食品嘅，請你尊重食物爸爸話：垃圾，要垃圾桶，負十分 影響晒成餐晚飯....媽媽話：又肥，又無鵝味，味道似煙鴨胸，唔鍾意食哥哥話：唔好再買啦，浪費金錢…Read More

真係越來越差，食後我竟感到後悔，及對不起“低調高手”，佢咁嘅質素竟然同是賣17蚊一底。。。完全唔值。。。首先阿姐完全無記性，每個客要咩都亂晒，門口排隊排到亂晒，啲客要自己維持秩序都幾搞笑，同埋要個客自己出聲話嗰件係我。。都幾尷尬，唔該出多少少成本租部出飛仔收銀機啦，格仔餅得個邊脆，顏色未夠深，又勁厚，中間冧，搽醬求戀其，個紙袋唔隔油，都俾多張紙呀（唔怪之得你問我要唔要膠袋。。），食落雞蛋味唔夠，牛油唔香，成件野得個甜，超級失望。。我只會俾10蚊。。。尖沙咀間唔記得咩姐（喺厚福街）12蚊一底都做得好食過佢，有心機過佢。。。以前無論雞蛋仔定格仔餅都好好食，格仔餅尤其出色，餅脆，牛油花生醬香，仲落埋砂糖同椰絲，出面好少會落椰絲，所以好深刻。。。但宜家。。醬都搽得衰，椰絲都無啦，用個名黎騙遊客。唔好意思，我真係好耐無幫襯佢，所以個“以前”係好多年前未有分店時，自從佢出左名條龍長到痴左線之後，我都無買佢，今日見唔洗等好多個先想回味一番，點知後悔莫及，心情大跌。。。所以先以後都唔會買利强記，會繼續食低調高手…Read More

保疊街有2間素食，都設自助餐，我兩間都未試過。無肉食自助午餐以$68 免加一比另一便宜，再加上人流來計，應該先食無肉食比較穩當。入到去見到老闆一個人好忙，又要安排坐位，清潔枱面，收銀，管理全店員工，仲要聽埋啲booking 電話。。。真係唔該大家醒少少，午市同晚市都好忙，請不要喺呢兩個時段打電話訂枱。。。見到老闆咁忙，我們倆乖乖地等之餘，順便幫老闆睇住個門口😂😂😂環境簡潔，木枱木椅。食物種類，因為是素的關係，不外乎豆腐，瓜，菜，薯仔之類，但唔會係平時去齋鋪食嗰啲“扮晒肉”嘅麵粉。最驚喜係，皮蛋豆腐好好食，醬汁調得不錯，還撒上芝麻。冷盤除豆腐外，還推紅菜頭，薯仔沙律。炸物，推煎堆仔，腐皮卷。熱盤，唔好意思，不吸引，幾乎全部都係菜。。湯，我嗰日飲的是椰子湯，清甜滋潤。到甜品有糖水，比較可推的是紅豆糕 食完甜品快樂地結束這餐，雖然限時75分鐘，但我們一個鐘頭已吃得飽飽，refill食物非常快，食物質素不錯，值得一提，炸物很脆不油膩最後，老闆還問我們啲食物岩唔岩食，非常親切！值得支持💪補充一點，太斯文的朋友就最好不要來囉！😂😂😂 說笑！拎食物時切記要有禮貌，要懂禮讓，小心老友記同小朋友。🤗…Read More

上openrice 見到話呢間cafe 食物不錯 價錢合理 不太多人，那就決定跟朋友一試。openrice 訂位有優惠，本來更開心，但我們只得2位，訂2點的優惠只限4人 （呢度咪講左即係用唔到優惠囉），而且給訂位的時間，一係2點，一係去到4點。想訂2點半或3點都無。。。。算!照book 2點，應該有人打電話confirm 呱。。。原來無...係我自作多情😂😂😂由於是星期六，呢間悄悄地躲在一個未正式開的廣場5樓的cafe都要等位，我地訂左位都無人理，連講聲的機會都無。。。😑😑明白的，見到佢地真係好忙，同埋有幾個生手。。。所以我地照按飛仔。。。（呢度咪話按飛仔，即係當我walk-in, 唔會關條%%事）環境方面，主要要講的是窗邊的bar 枱位，望住個窗係正，但陽光非常美，照得我地非常熱，凍飲都不凍了。員工都算好人，肯幫我問其他食客介唔介意搭枱，追問幾次，終於轉到枱。食物方面，班尼迪蛋雖然無醋味，但唔流心，需要改進。水牛雞翼少少辣都不錯，薯條正常。香草杏仁咖啡唔得，泡沫不合格，味道無香草味,失望 大家都係叫返普通飲品，看別人的凍檸茶比較正常…Read More

難得黎到美孚，試過同事買嘅鳥結糖好好食，所以黎朝聖一下，見到門口咁多人買葡撻蛋撻，我就順道買一個葡撻試下，一拎上手，頂凍嘅，即刻問阿姐有無個熱啲，佢答我無，得凍! 我心諗：咁你個保溫箱用黎做咩？咁鬼多人買個葡撻都可以係凍，連一絲微溫都無。。 。山長水遠黎試個凍葡撻，7蚊又唔係平，賣撻阿姐態度又冷淡。。。唉！可能好味呢～一食甜到呢…洗唔洗咁甜呀?真係得個甜字。。。非常非常失望。。。都唔係樣樣衰嘅，賣曲奇個姐姐幾好人，鳥結糖真係出色嘅…Read More

16蚊一底雞蛋仔對一間未出名嘅舖確係有點貴。。。。。但店員肯即製一底俾我地係抵讚🤗，外形正常脆口，顏色剛好，香油味略為重左少少，甜道可以，整體來說合格。:)下次想幫襯炸雞肶…Read More

可能是我個人不喜歡...關西燒0個塊又粉又厚又滯的皮...我會比較喜歡大板燒和章魚丸..仲等左咁耐位..喜出望外的反而是牛肉石頭飯，份量有兩碗，二人share 食剛好，飯有焦香而不太硬，加入泡菜帶少許辣味更惹味:)燒蕃薯...難食 都甜ge..但唔係好甜，最衰係乾，已經係切開燒，一定乾，點解唔擦少許蜜糖呢..? 其他野食一般啦，不過等咁耐位唔太值~ …Read More

好耐無食過紅燒雞翼啦~ 完全俾呢個紅燒雞翼配熱狗下午茶餐吸引左入去~$21 有埋餐飲~ 超抵食~ 好過去快餐店啦~雞翼好大隻, 一路食隔離個小妹妹一路望住我食, 係幾吸引ge 隻雞翼 仲有一隻肯花功夫做的hot dog~裡面有生菜, 蕃茄, 炸過的腸仔...我最欣賞就係個千島醬...味道配得剛剛好再加上焗過的熱狗包...奶茶~ 可以! :)…Read More