叉子's Profile

這間店一開張食了一次, 因當时好重味精, 所以無再去, 今個月頭再去食, 發現好味左, 所以再去食多次, 但要一提的是味精依然好重, 食完好口乾, 次次都要不停叫服務員加水, 真的唔好意思。由於會員package又抵又吸引, 所以做了會員tim, 希望此店可以用少d味精, 咁我就可以食多幾次。我覺得好味的是石鍋芝士咖哩牛肉烏冬, boil到好勁, 而且又食到d芝士, 牛都好有味咁, 石鍋上真的不錯, 食都尾仲熱的。其實, 佢個沙律醬牛仔骨飯都不錯。…Read More

1月份朋友生日時, 佢收到張生日蛋糕coupon, 去堂食可以送一個生日蛋糕, 仲可以選芝士蛋糕或朱古力慕絲蛋糕, 所以決定去慶祝, 預定了芝士蛋糕. 當日, 主菜都係平時一樣, 無咩問題, 食完主菜後就上蛋糕, 芝士蛋糕個樣都ok la, 不過似tiramisu多d, 點知分完之後, 食落去, 個芝士蛋糕一d芝士味都無, 只係得好重的牛油味, 立即好失望, 以我記得城軒之前的西餐廳的芝士蛋糕是ok的, 希望會有改善la, 不過我下次再有人生日, 會試朱古力慕絲蛋糕, 希望ok些la.…Read More

在九龍塘諗住搵d平野食, 諗左一陣, 就決定左去城大食, 當然, 我有城大信用咭，再有9折la, 兩個人去食晚餐，約8:30左右去到，人不算多，勝在環境又靜靜地，唔會好似一般酒樓咁嘈。估唔到仲有個特價menu，全張menu都係$28 OR $38，由於得兩個人，於是點了兩個dishes及一個白飯，一個是紅燒豆腐($28)，一個是黑椒涼瓜牛柳($38):) 紅燒豆腐：賣相非常之好，估唔到除了豆腐外，仲有菜膽及金菇，味道好好，而且清清地，仲要係咁平，真的不錯黑椒涼瓜牛柳：無咩黑椒味，全碟都唔spicy，味道其實都一般，以家中小炒咁la, 不過可能要改名，delete左「黑椒」就ok la.食完已經飽晒，點知waiter好自動自覺就送上糖水，紅豆沙，正！下次再去食過！…Read More

一年前食過這間食肆，那次都食物水準都不錯，所以再來，但今次再來食, 就差了很多。order了串燒、海南雞飯、巴東牛肉、薄餅。只是覺得海南雞飯的那個油飯好有特色，其他的食物只是一般，水準無以前咁好。薄餅就一用刀切開，諗住幾個人分，點知個薄餅一切就黑晒，伙計話係新刀喎，最後叫了他們整過份薄餅給我們，而且今次坐在走廊的一個沒有伙計見到的地方，要叫他們都幾困難。下次應該唔會再去了。…Read More

今早九時前, 諗住去試下這間酒樓, 見到有半張枱無人, 心諗搭枱都算la, 同媽媽飲早茶, 無咩所謂la, 點知侍應同你講有人, ok, 無問題, 再搵, 再問侍應, 又話有人, 好, 耐心d, 再找, 好又有半張枱, 今次我問經理or部長之類的人, 佢話無, 點知, 轉返個頭返來, 侍應已經話有人, 明明無野都答我有, 我好激氣, 一張半張留比客, 我接受到, 全場都無咁, 有無搞錯, 最後見到另外半張, 再問下終於無, 咁就開始叫野食la, 當然叫野食比點心紙時, 係一個人都唔會望到你la. 仲有, 一個人可以用三個水壺, 搞到搞左一陣先開到茶. 野食及環境都尚算ok, 但途中, 又比我見到, 另一張枱等了10-15 mins都無人擺枱, 那食客好不滿; 另外有一個, 又係無人理佢開茶; 最勁都係我隔離張枱, 本來係已經無人坐一段時間, 有個人坐下去後, 個侍應同佢講有人, 叫佢起身, 立即比左個熟客坐, 咩酒樓來架, 我媽媽話30年前, 這些情況先會出現.唔該留枱都唔好留得咁誇, 無生客, 你d生意都係死梗, 唔會expand到, 間公司真係唔知有無policy, 有無contriol.唔會再去 …Read More