kennakenna的個人專頁

同先生慶祝生日食個lunch,點知中大伏😣三個人叫左兩個壽司set, 一個魚生set, 三set 都跟茶碗蒸同麵豉湯，未試過茶碗蒸食到吐返出來，最底下的肉腥臭，麵豉湯係超級味精粉沖，兩個都食唔到。魚生唔新鮮的，一陣up味，睇色水已知咩貨色，真係好失望，最簡單蕎麥麵都煮到痴埋一pat pat, 一舊舊，唔係一條條，咁basic 既麵都可以煮到咁😅啲蕎麥麵汁係超濃無溝水既豉油，係豉油😌唔係冷麵汁，傻的嗎？最後加8蚊叫咖啡，酸的，想點？已經唔求好食，全間野無一樣野係正常，救命，想中伏就去幫襯…查看更多

一行八人有老人家有小孩，早一日訂座。不得不讚接電話職員好有禮貌，收線前更會講多謝，真係訂位好耐無聽過了。當日中午12點再打來confirm,亦係好有禮貌，因我地等泊車恐防會遲，都無話hold 位幾多分鐘，仲叫你慢慢。食物睇得出比心機做，米形意粉有驚喜，慢煮雞肉沙律，full day breakfast 都唔錯，上菜熱辣辣，午餐平均80多至110元，咖啡亦係唔錯，係位置有啲偏離中庭，所以唔係咁旺，但這亦係佢好處，一家人可以靜靜傾計…查看更多

一句講哂：想受氣、犯賤就去幫襯！ 本人早兩日已訂位，準時下午12：30入座，侍應不知是韓國人還是南亞人，雞同鴨講，唔鹹唔淡英文，然後終於搵到個識少少廣東話既女侍應，同佢講早兩日BOOK左枱，姓氏，人數兩位，但佢可以CHECK都唔CHECK，安排我搭一張六人枱，救命！ :( 叫午市套餐，一個韓國男侍應（估計是管理層），點菜時一臉不屑，我講英文，佢有佢講韓文，明明係識聽，都係要韓文答 ，超級無禮貌，個樣一啲笑容都無，完全係一臉「有生意唔休做」，但其實中午時份，店子一半都係吉位。點了石頭鍋飯，炒年糕兩個SET LUNCH，石頭鍋飯賣相不過不失，石鍋上桌後已即時用匙羹翻動，但幾片牛肉塊，不消幾分鐘全部被煎至焦黑，完全不能入口，不知是鍋太熱還是牛肉太薄了？結果一個牛肉石頭飯變成素飯，撈好飯後，侍應才姍姍來遲遞上醬汁，結果又要再撈過！海鮮炒年糕，盛惠100大元，有青口，魷魚，蜆等，但全部無味，全部霉霉的，一點也不新鮮，只靠年糕的微辣醬汁去吊味，所謂海鮮的分量很少，SIZE亦很小，也完全吃不到年糕帶丁點海鮮味，我情願用火腿蛋皮炒個簡單的年糕，味道可能更好，海鮮或許只是店方收取高價的理由吧！六碟前菜包括芽菜仔、蝦乾、菜、豆卜等等，賣相及味道亦一般，不見得地道，然而，已是這一餐最大的「欣慰」，起碼正正常常。用餐完畢，侍應夠膽死推住架收碗車過黎逐枱收，架車充斥泡菜汁、火鍋水、肉汁、醃肉汁，臭氣難當，就好似有架垃圾車經過咁大陣味，仲要人家吃完飯，推正隔離。食物水準低，韓國侍應狗眼看港人，發誓以後不會再幫襯，食到一肚火！！！！！！！ …查看更多

Grand Hyatt Steakhouse大名夠響，但食物質素、環境及員工態度有待改善:(。我們早於一個月前BOOK位，事先聲名要比較靜的位置，但結果竟然安排一個走廊卡位給我們，加上全店木地板，我們身旁就是侍應們傳菜的兩級樓梯位，整晚就在侍應們的高跟鞋、男士皮鞋的鞋碼聲中渡過，若大家想渡過一個寧靜浪漫的晚上，千萬別要到這兒！坐下不久，我們身後一枱男女，與自助SALAD BAR的師傅高聲談天說地，不說還以為我們到了大牌檔用餐！看見OPENRICE食評指侍應熱心，但我們遇到的卻是個零Helpful，黑面的女侍應。而外籍女經理則一如大家所言十分友善，但她全晚忙於在VIP房內招呼「貴賓」。 食物方面，侍應一早端出蒜蓉包，但在頭頂強勁冷氣吹彿下，我們吃時已變凍，加上侍應沒有為我們提供暖水，而所點的特飲又未來，被迫「乾哽」。我們點了食評所言「必點」的CRAB CAKE，280元三塊，但味道賣相非常一般，以每塊九十元計，相當不值，所以大家不要相信甚麼必點建議了！雖然內裏真的全是蟹肉，但新鮮程度很一般。再來一個160元的凱薩沙律，亦相當一般。主菜兩個件牛扒，medium rare，一份為14安士美國RIB EYE，另一份為medium rare 10安士美國和牛，前者還可以，但後者一看便知過熟，外形看來像柴皮，根本不想擺入口。以牛扒為賣點的餐廳，但本人認為，牛扒沒甚特式，也許自己在家炮製還更美味！總之，Grand Hyatt Steakhouse，去一次便夠！…查看更多