alicelung's Profile

因為我們大夥兒很難在土瓜灣找到可容納我們的食肆，所以每次都只能選擇酒樓。但實在太悶了，來來去去都是那些餸菜，今次決定作出其他嘗試。之前看過對此食肆的食評不錯，所以在提前慶祝母親節的時候試一試，果然有意外驚喜。我們所點的味道都著實不錯，而且份量十足，能滿足我們大夥兒飽腹，還有，服務良好(電話訂座時態度已很好)，值得再次光顧：胡椒咸菜豬肚浸花甲 - 花甲很大隻，鮮甜蠔餅 - 酥脆，不會太多粉漿，不油膩椒鹽鮮魷 - 同樣香脆，魷魚新鮮，不會太多粉漿鹵水鵝肉及拼盆 - 入味糯米飯 - 材料豐富，可惜對於我這個不愛吃臘腸和臘肉的人而言較為肥膩還有很多潮州小吃，雖然我未有嚐過，但家人的反應不錯小菜種類多不勝數，下次試試再寫食評！…Read More

自從囡囡出世之後，我們大多三人行甚至四人行（包括印傭），難得只有我倆。前一天看到這間粥店，令我蠢蠢欲試，因為現在不容易找到這些舊式粥店。我倆㸃了及第粥、炸両、炒麵、油條。及第粥：粥底不錯，豬潤也新鮮，可惜只有少許豬潤、豬肉及豬肚，粉腸肉丸也沒有炸両：腸粉不滑、易散，油炸鬼已淋，一般炒麵：不錯，有兒時風味，如沒有紅蘿蔔絲更好油炸鬼：很脆但較油…Read More

本來想試吓地道嘢食，但因為我新曆生日，老公又舊曆生日，決定對自己好啲，食番餐好嘅。我哋訂咗一點鐘嗰場任食任點，可惜去到已經一點三，無兩人枱，反而俾咗張六人枱我哋兩個，坐得舒服而且有埋轉盤仲方便。點菜之後，都算快上菜：豆沙麻球：好食，雖然係炸但係唔太油膩三絲春卷：皮炸得香脆，唔油膩，但係餡係白蘿蔔絲，淋得滯醉雞：一般四喜烤麩：幾好食，入味糖醋排骨：較為甜黃耳上素：好淋，一般咸雞粥：粥又綿又滑，雖然無乜材料但係都好食寧波湯圓：麻蓉餡，好食。但係糖水無味道，只有桂花香…Read More

本想到酒店食自助餐, 但因時間太倉促 (即日訂位), 目標酒店都已訂滿, 唯有查看OpenRice再作選擇.最後選了這間, 因跟我公司相距甚近, 雖然只是兩小時, 但因較近, 可趕上預訂時間 (7:30pm-9:30pm)我們較預訂時間早了十五分鐘, 但沒有問題, 即安排座位食物方面~前菜 : 枝豆及帶子裙邊不錯, 但八爪魚較差 - 醬汁太稠, 糊口刺身 : 用玻璃船盛載, 而且有乾冰冒煙, 第一印象不錯. 三文魚好新鮮....翡翠螺 (切片)/北寄貝/甜蝦..尚算不俗炸物 : 蝦天婦羅 - 較油膩; 南瓜天婦羅/蕃薯天婦羅/黑芝麻蕃薯餅 - 不錯; 炸蠔 - 意料之外....好, 內仍有汁, 不會炸得太乾太實壽司/卷物 : 一般, 飯較多醋, 所以易散燒物 : 鹽燒鯖魚 - 值得一選, 皮脆肉滑, 而且沒有腥味, 我的丈夫很怕腥味, 他也吃了一整塊; 雞軟骨只是一般, 而且無味的鍋物 : 泡菜豚肉鍋 - 可以不試, 全沒有泡菜味道; 反而豆腐鍋也可一試, 豆腐頗滑溜料理 : 牛油炒什菌及金菇牛肉卷 - 一試無妨; 蒜片牛肉粒 - 味道可口, 但連我這個愛嗜鹹的也覺得較鹹飲品 : 很高興有"正牌"可樂, 雪碧, 芬達提供, 不是一些不知名的牌子甜品 : 只是牛奶公司的雪糕, 不試也無妨整體上, 食物不俗, 服務也不錯. 雖然我們已來回叫了很多遍, 仍沒有一絲不耐煩的表現, 而且食物奉上及清理空碟的速度也很快 :)我想我會再惠顧的…Read More

之前由朋友介紹, 已來過兩次吃晚飯今天, 家人想試試 - 我們晚上六時便來等位, 直等至八時才能坐下. 實在有太多想試, 我們八人便點了八個小菜 + 芫茜皮蛋魚雲湯 + 萬發石頭飯薯仔牛柳粒 - 好味! 薯仔外脆內軟, 仍保持水份. 牛柳不過熟, 有嚼勁, 而且沒有一般的"美極"味芫茜皮蛋魚雲湯 - 值得推介! 其中一人對味精特別敏感, 但喝過之後都讚不絕口, 沒有多加調味料, 喝到的是魚本身的鮮味, 沒有腥味因為沒有風沙雞, 改叫豉油雞 - 雞肉很嫩, 很滑糖姜梅菜芥蘭 - 石頭鍋上, 味道適中, 梅菜不是太鹹, 值得推介椒鹽九肚魚 - 外脆內軟, 每次吃都能保持水準萬發石頭飯 - 一般雖然等這麼久, 但家人覺得也是值得, 而且, 今晚很多人吃飯做節, 但並沒有讓我們久等餸菜, 很快便送到. 還有, 這麼繁忙的時段, 侍應也禮貌招呼, 實屬難得!…Read More

我去到嘅時候, 朋友已經點咗湯底同火鍋配料. 一聽到係豬骨煲湯底, 我已經有啲唔知點, 因為平時嘅我實唔會點豬骨煲. 喺我印象中係唔好味.無辦法, 都要頂硬上喇. 點知一試, 幾好味喎而且好多豬骨, 雖然我唔食豬骨, 但似乎都係誠意之作. 火鍋配料陸續登場:肥牛 - 好靚, 淥幾分鐘後, 嘩! 入口融化菜餃 - 雖然細粒, 但好好味花甲 - 好鮮甜, 新鮮蟶子仔 - 一般, 唔夠花甲鮮甜, 仲有少少沙添什菌 - 一般啦雞件 - 麻麻地, 有陣雪味, 無雞味, 反而似嫩豬肉片本來我以為佢哋落咗味精, 所以湯底咁好味. 但係當我哋每人飲幾碗後, 之後都唔覺得口乾. 而且, 佢哋加嘅唔係水, 係湯.侍應亦都好有禮貌, 就算有客喺門口等, 都唔會收晒我哋嘢趕我哋走, 仲問我哋駛唔駛加湯不足之處係坐得較逼, 而且, 男女洗手間各一, 女仔去洗手間成日要等 (仲要係人哋張枱前面等, 阻住人哋睇電視, 搞到俾人叫借歪)收費唔算好貴, 四個人食咗HKD477, 下次有機會會試吓小菜, 睇落唔錯…Read More