wany04's Profile

快靚正嘅日式快餐店✨平時食開廿一燒豚丼同厚切牛舌丼，豚肉即點即燒好香，夠軟夠入味，油脂均勻，有返咁上下厚度，而且特別多汁，配住日本紅生姜又有唔同嘅風味，一個平時唔食姜嘅人竟然覺得好搭幾好味，推薦大家試下！😋而厚切牛舌丼就真係同佢個名一樣，夠曬厚身，口感軟腍。配埋麵豉湯，價錢親民，只係份量的確偏少。嚟過幾次買外賣，次次店員服務態度都超級友善，環境乾淨開揚，以快餐店嚟講好高質素👍🏼會繼續幫襯！！…Read More

幫襯咗幾次呢間嘅四川麻辣牛肉炒飯，夠麻夠辣夠鑊氣，應該擺左成條紫天椒🌶️推薦鐘意食辣嘅人試下～至於佢嘅麻辣酸米線就不了，主要係湯比較稀，米線同配料都一般，總括嚟講係一間不過不失嘅茶記，留意外賣要等好耐。…Read More

呢間韓燒嘅肉同配菜都好出色！好鐘意食佢個芝士栗米同泡菜蛋🤤仲可以無限加～今次嗌咗五花肉同三燒牛小排🥩好入味，而且好夠油脂，一啲都唔乾，三種燒法都各有千秋，啱啲想試唔同口味嘅人。之後嘅原味牛舌切得比較薄，略略燒下就得，口感滑嫩彈牙好好味😋最後朋友追加咗辣炒芝士年糕拉麵，麵就有啲失色食落似公仔麵多過拉麵，年糕不過不失，$118嘅麵嚟講有更好選擇呢間已經食咗好多次，仲係keep住咁好味，環境乾淨座位夠曬闊落，而且喺openrice訂位有折，好抵食✨…Read More

見到食評啲相好靚，特登book位過嚟觀塘食，餐廳喺工廈入面環境唔錯幾有feel，點知中咗大伏我同朋友嗌咗大蝦海膽醬意大利麵、紅酒燴牛頰肉意大利麵同明太子醬薯條，一個意粉$128已經稍貴，食落完全冇任何味😰連啲蝦都係冇味🥲食唔出係海膽醬意粉至於紅酒燴牛頰肉意大利麵，大家可以睇下幅圖🥲 賣相比較差都唔緊要，一食落去，個意粉仍然都係冇味⋯⋯ 除咗粒車厘子有啲味之外其他都好冇味。個意粉又好多水，成個湯麵咁。得個薯條幾好食，整體嚟講係幾失望嘅一餐。…Read More