peggyhk's Profile

今日OpenRice order米籽皮蛋芫荽魚片米線外賣自取，拎到翻屋企發現一塊魚片都無，摷黎摷去都係得豆腐，不過真係有好多豆腐嘅🥹究竟係無囇魚片定係用OpenRice落單嘅關係😫平時去到舖頭都係用自助機外賣，因為試過店員禮貌唔係咁好，次次都要等30分鐘先拎得，味道真係好一般，不過價錢都算ok，今日天氣凍突然想食湯米線咪試下OpenRice order米籽，竟然20分鐘就有得拎，係開心嘅，點知開心完就大失所望🫠…Read More

以前食過覺得味道ok，今次母親節諗住帶屋企人去試下，都因為母親節係大節日，一早打左電話做3位booking，但之後竟然無左我個booking，咁我諗住book翻就算啦，點知佢先話4位起先俾book......我表明之前預訂果時無講過架喎，佢就問邊位同事幫我落訂，聽電話得佢一個，佢一定會講4位起，仲話我打錯電話，期間禮貌超差。作為一間私房菜嘅食肆，咁嘅態度真係好應該加倍改善下!!!!!一間食肆嘅員工態度咁差，d食物幾好味都無用囉，完全唔出得大場面。…Read More