小善子's Profile

上星期六晚上經過門口已大排長龍，所以揀平日收工黎試試，晚上7：30左右都坐了近一半食客， 相信此小店質素都唔會太差睇睇餐牌，食物款式都好多，湯底又有豬骨湯， 麻辣湯，龍蝦蕃茄湯等， 用黎配拉麵烏冬都幾特別炭燒豬頸肉豬骨湯烏冬， ＄55轉烏冬加＄5， 首先第一啖試下湯底， 豬骨味夠濃，豬頸肉係食到炭燒味， 加分， 另外仲有配菜蘿蔔絲，木耳絲，椰菜， 粟米等， 加D蔬菜更健康極上鰻魚，龍蝦蕃茄湯， ＄78朋友點的， 原條鰻魚，好香口， 大滿足，試左一啖龍蝦湯底， 蕃茄味較少，店員話龍蝦先炒再煮湯， 可能會有少少燶味，但飲一啖後又唔覺， 覺得炒左龍蝦味更突出沙嗲雞中翼， ＄36小食款式都好多，最後揀左唔係好多地方有既沙嗲雞翼，一碟四隻， 雞翼入味，每隻上面仲有沙嗲醬， 微辣，雞翼炸得岩岩好，好嫩滑台式飲品熱飲加＄6，凍飲加＄8就可以飲到， 凍飲杯好吸引又大杯， 原來用呢款杯係防滑， 都幾細心…Read More

位於砵蘭街既Amour Corner 算係我喜愛餐廳之一,鐘意佢地點方便, 食物有水準及情調,同朋友邊食邊傾, 氣氛幾好,經過上次經歷當日walk in無位, 今次就預早一星期訂位海鮮拼盤$228.00呢個係每次會點既, 有N4珍珠生蠔,牡丹蝦, 藍青口, 鮑魚,但咁岩鮑魚無貨所以轉生蠔,呢度每款都好新鮮, 尤其生蠔, 完全唔覺腥, 呢個價錢好抵食二人餐, $328.00頭盤青蘋果鵝肝多士, 鵝肝熱辣辣好香口,唔太肥, 中間夾一層薄薄既青蘋果,感覺無咁油同清新,最底既多士放得太耐唔夠脆巴馬火腿蜜瓜, 咸咸火腿配上清甜蜜瓜,唔錯餐湯、傳統凱薩沙律磨菇湯, 食到粒粒磨姑, 幾有口感, 待應主動黎加上黑椒粒, 更惹味傳統凱薩沙律, 沙律菜配上芝士及沙律醬, 只嫌沙律醬太多, 好喊, 多士唔脆, 相對失色主菜烤澳洲牛柳扒, 7成熟, 幾淋身, 幾香肉味, 配上滑滑薯蓉及配菜, 份量十足燒醬烤原味豬肋骨, 一黎到見到份量都幾大, 好欣賞佢個燒汁, 好入味同豬肉好夾甜品木槺布甸及Dreyer’s雪糕, 雪糕係Oreo味, 唔會難食得去邊,木槺布甸的忌廉太多, 感覺有點漏…Read More

文華東方既芝士餅食得多，今次就試下拿破崙，先試最頂個層酥皮，鬆化又唔覺得油，而最驚喜既就係中層吉士醬，香滑，仲有淡淡雲利拿味，完全帶起晒成件餅，下午茶食一件岩岩好，價錢$48一件尚算合理，文華東方果然無拎人失望…Read More

工作忙碌後, 總想搵個地方舒服的吃個晚飯, 現今的餐廳大多要限時交枱, 唔想食得急趕, 就搵到始創中心的RB Tea, 平日晚上人唔多, 都好快有位, 食物種類又夠多, 環境唔算嘈, 可以安心食個晚飯BBQ烤雞翼, $36, 去親RB Tea必點既, 雞翼醃得夠味, 而雞皮又夠香脆, 仲有青瓜條, 感覺好清新香草腸配薯薯角, $48, 較普通的一款, 腸仔及薯角無咩特色,出面都食到個款, 又係加上青瓜條, 中和下薯角既油"利"感香腸西蘭花芝士薄脆, $42, 薄餅香香脆脆, 第一次食西蘭化做饀既薄餅都幾特別, 芝士味好足夠,但又唔覺得漏, 價錢又唔貴日式咖哩豬扒飯, $72, 一上枱就聞到好香咖哩味, 日式咖哩特點香而不辣, 岩晒唔食得太辣既我, 炸豬扒既脆醬夠薄, 豬扒仲有肉汁, 唔會太乾身, 另外仲配埋炒蛋, 撈咖哩, 正爆Pop脆香鬆餅, 等左成晚既鬆餅, 可惜黎到後影唔切相, 個雪糕就開始溶, 爆谷鬆餅好似係新出品, 當然要試下, 賣相都幾吸引,  雲尼拿雪糕好滑, 而鬆餅又夠脆, 個人最鐘意伴雪糕一齊食爆Pop朱古力, 連個鬆餅套餐一齊買, $98, 又唔算貴, 朱古力濃滑, 最估唔到係朱古力奶浸軟爆谷個感覺幾特別, 簡單d講就係朱古力爆谷, 呢個飲品係有齊視覺同味覺既享受抹茶紅豆冰雪, $52, 呢個係朋友點既, 一路都覺得抹茶同紅豆係絕配, 試左一啖, 唔太甜, 雪糕又夠濃滑, 鐘意抹茶既可以試下…Read More

忙碌星期一，收工前決定買甜品慰勞下自己，返屋企途中經過Paul Lafayet，企係玻璃櫃前諗左好耐，最後決定買返其中一款出名甜點焦糖燉蛋，焦糖面係即場用火槍噴，可惜返到屋企層焦糖已不再脆了，下次要即食，而燉蛋香滑，奶味重，蛋味較少，甜度剛好，食到最底仲見到好多雲尼拿籽，食完後大滿足…Read More

星期6晚, 多數都會外出用餐,同老公過下二人世界,  上網搵食時見到新開的Alien, 便去試試, 訂左枱7點鐘, 準時到達, 坐位半滿, 證明生意不錯一黎到, 店主就好主動黎問有咩唔食, 同鐘意食咩, 之後我地既晚餐就放心交比佢仙人掌青檸啤酒,  本身不太好啤酒既我地都覺得好易入口, 淡淡檸檬味更覺開胃, 好岩女仔飲薯仔大蒜湯, 薯仔攪到好滑, 內有炸蒜, 更覺香口及更有口感, 食完又唔覺好強烈蒜蓉味, 湯份量十足, 飲完後開始有D飽蒜蓉包, 用中式蒸籠上, 可呼應餐廳名字Fusion, 蒜蓉包熱辣辣, 牛油及蒜味剛剛好, 配上沙律菜, 感覺健康同無咁油膩, 值得一提既係沙津菜, 內裏有好多款式,同好新鮮車里茄汁焗田螺, 賣相不錯, 色彩鮮艷, 更開胃, 每粒田螺都好"淋"  , 最吸引既係底層既啡菇, 索晒車里茄及田螺既味, 正!海鮮墨魚汁意大利飯, 又一Fusion賣點, 用中式煲仔配上意大利飯, 唔好睇少呢個飯, 份量好夠, 內有海鮮魷魚, 魚柳, 意大利飯煮得岩岩好, 吸晒海鮮既鮮味,鐘意海鮮既我地岩晒 烤春雞配田園雜茶, 又係色彩鮮艷既一款菜, 值得一讚既係雞胸, 有肉汁及唔乾身,雜菜有薯仔, 南瓜, 矮瓜, 車里茄等等 …Read More

同事請食切餅，揀左最愛既抹茶切餅，整體黎講，切餅唔太甜，面層慕絲夠滑，味道芝士淡淡的，唔夠濃，底層係抹茶海綿蛋糕，比較鬆軟另一同事試朱古力味，話朱古力味較濃，整體感覺較好，下次可試朱古力味…Read More

秋天開始變得乾燥，總覺得食啲滋潤糖水才覺得舒服，去開附近食完晚飯就提議食糖水，一講到糖水一定諗起佳佳，價錢夠晒大眾化木瓜燉雪耳，$20真心覺得好味，夠熱，木瓜清甜又唔會煮到爛晒，雪耳爽口，糖水又唔會太甜，份量好足，食完好潤…Read More

表弟之前考試有好成績,趁暑假就同佢食放題, 之前食過既番本印象唔錯, 加上地點方便, 就決定黎呢間再試, 一早訂好位, 6.30準時到達, 可食2小時, 平日5.30-6.30入座價錢係178+10%, 好抵食野食選擇都好多到放題必點既壽司, 選揀都好多, 有壽司, 軍艦, 手卷等, 仲有一頁叫創作卷物, 試左海鰻芝士卷, 芥茉蜜糖三文魚卷, 三色花之戀, 每款細細件, 可以留肚食其他野海鰻芝士卷, 海鰻香口, 估唔到同芝士又幾夾, 大家唔會搶左大家本身既味道芥茉蜜糖三文魚卷, 呢個好得意, 芥茉唔太辣, 蜜糖甜甜地配三文魚又幾得意, 感覺到三文魚仲滑D三色花之戀, 呢款好少見, 唔係間間有, 佢係有三文魚同另一款魚生包成, 上面再夾上魚子醬, 賣相好高檔, 三文魚同魚子醬都好香口手卷, 家人都鐘意食鰻魚, 鐘意佢夠香口,配上醬汁更惹味, 只嫌紫菜唔夠爽脆, 好硬鹽燒海老串, 都幾大隻下, 用鹽燒, 拎到蝦更加鮮甜, 蝦又燒得岩岩好, 好彈牙和風牛肉粒, 牛肉醃得好入味, 又煮到好淋, 配菜洋葱吸晒牛內味, 可以encore再encore烤有機菠蘿, 呢個係我去親放題都會點既, 燒完既菠蘿甜又juicy, 可以食唔停口牛油炒粟米, 唔會點失手既一款, 岩晒小朋友食鹽燒牛舌, 仲保持到水準, 牛舌薄切又夠味炸雞軟骨粒,炸得乾左少少, 好一般飲品方面, 想飲酒就要order, 有日本啤, 同梅酒其他汽水, 茶, 紙包飲品就要到自助飲品吧拎…Read More

是日上午打風，下午轉3號風球後就即刻返工，碰著下午茶時間就買個茶餐返公司食，見到焦糖熱狗新出就試試焦糖熱狗+咖哩角，熱檸茶$29焦糖味唔夠，食唔到甜味，第一啖好濃芥末醬，熱狗腸夠晒大條，配菜仲有洋蔥，磨菇咖哩角，炸得幾香口，咖哩香而不辣，饀料都幾多，快快食完又要努力工作…Read More

天氣太熱，忍唔住買杯雪糕散熱降溫，企係收銀位既姐姐掛住玩電話，叫左多次唔該先理下我，鐵觀音雪糕甜筒，$20，都幾大杯，茶味夠濃，只可惜唔夠奶，所以唔夠滑，甜筒杯尚算香脆，有機會試埋其他台式飲品，都見幾多人排隊買黎飲…Read More

係公司附近，開業了一段時間都未來過，今日終有機會一試，一入到去就聞到好香咖啡味，點了熱flat white skim milk,大杯裝，取走，$39，落單至取咖啡，一分鐘都唔使，岩晒趕時間既上班一族，返到公司即試，仲好夠熱，先聞後飲，咖啡味香濃，奶尚算滑，飲後醒神晒…Read More

趕時間關係，在K11隨意搵間餐廳食個午飯，食物選擇都算多，有海南雞飯，印尼炒飯，撈麵，喇沙等食物選擇，仲可以加錢要小食印尼炒飯，擺設尚算整齊，炒飯不算乾，內有蝦，煎蛋，青瓜，兩串雞肉串燒，份量都算足夠，而蝦餅變硬了，沒有蝦片的脆感，最好食係串燒，燒後仲好有肉汁，沙嗲汁又夠香辣，其他食物就好一般飲品，套餐可免費飲羅漢果水或薏米水，算係特別，朋友點左羅漢果，試了一啖，味道濃，好甜，薏米水反而好好多，不甜，飲完覺得好清潤…Read More

星期五晚上，難得唔多人排隊，就買件雞蛋仔食，抹茶朱古力味($25）夠特別，唔係間間有，即叫即做，等了10分鐘左右，總括雞蛋仔依舊蛋味夠香，外脆內軟，無咩抹茶味，但朱古力味就好濃，幾乎粒粒都食到朱古力醬…Read More

夏天無胃口食飯，食餃子都係一個唔錯既選擇，佐敦一帶都好多特色小店，龍鳳祥餃子館就係其中一間，餐牌除餃子外，仲有小食，湯麵撈麵等選擇雞絲伴粉皮(小），配上麻醬，成日覺得雞絲粉皮同麻醬係好夾既，加埋黃瓜感覺更健康酸辣黃瓜條(小），天氣熱，食黃瓜都係一個唔錯選擇，黃瓜夠爽甜，配上酸酸辣辣既味道，好開胃秘制牛犇麵，朋友點既，一黎到已經聞到好香，試了一舊牛肉，好'淋'，仲有好多肉汁，不油膩，感覺好似食緊牛腩咁，試了一啖湯，好香牛肉味東北打滷麵，加了蕃茄湯，內有白菜，蕃茄，蝦仁，雞蛋，麵係上海幼麵，麵夠滑，蕃茄湯夠濃，仲食到粒粒蕃茄，每款配料都好香口，蝦又夠彈牙，份量又夠晒多黎到餃子店點都要食餃子，今次試了煎肉三鮮，豬肉，韮菜，蝦仁，每粒煎得均勻，皮夠薄，饀夠多內裏仲好juicy，無得輸…Read More