Pong Pong邦's Profile

超時工作導致我們的預約沒有了,也沒有人還記得可以打電話嘗試改時間,幸好還等到位。當我們習以為慣地勞碌、工作、沒有休息,我們都忘了到底我們在努力什麼,背後為的是什麼。我們都清楚我們的工作時間很長,但想不到香港的工時確是全球排名第一位,一年的工時高達2606小時。是否這事實已經不能改變了…..(老闆可否請多一個人幫手)我的夢想很簡單,就是吃和睡。難得大家抽空出來,又可以花兩小時任吃任喝,我們都要聊盡我們各人工作的辛酸,今晚上司、同事名字都從我們口中亂飛。鹽燒雞腎: 有少許太乾而硬身,但味道還可以但其他串燒都算唔錯，唔會過咸而且都幾彈牙燒粟米: 燒得頗美味,味道甜甜的，香味也濃、最重要不用自己動手燒。飯不算太鬆散，SIZE也不是很大，對我來說是一口壽司突然想起，我們幾件幾件這樣叫，其實加重了廚房的擔子，其實不應該把自己的快樂建築在別人的痛苦上。希望我們能透過食物，加強自己的正能量！叫了很多款壽司，包括組長蝦壽司、蟹棒、赤貝、天使蝦、油甘魚、三文魚、左口魚邊等等，其實大部份都新鮮不會有腥味，味道不錯！我特別喜歡蝦的壽司。不得不提的是香脆芝士卷很不錯，表層香脆，內裡夾著滿滿的芝士！這個要特別推介一下！火炙三文魚壽司真心美味！交錯的紋上面有微熔的芝士剛剛燒熱，暖暖的面層，因為芝士而非常惹味，而且三文魚夠肥美。凡是有芝士的都令人非常滿足，可惜芝士為邪惡的食品！其實叫了頗多食物，最喜歡的都是熱食，例如辣酒煮花螺、火炙壽司、卷物等！希望下次留肚試多啲鐵板同拉麵。呢間算是多款食物的放題，至少我少量地叫每款都一次試唔晒！味道︰4/5環境︰3/5服務︰3/5衛生︰4/5抵食︰4/5…Read More

正話十一點幾收工又係男人既時間就同個fd一齊食返個煲仔飯啦平時就成日食街口果間既，今次試下新野先行入少少有個伙記好熱情咁招呼我，於是決定入去食啦叫返平時最愛既章魚雞粒飯個老闆娘好熱情，同我講個煲仔飯要焗多四分鐘先好食，又話夏天啲豉油咸啲講返個飯先，啲飯其實偏濕既，不過焗一焗之後都可以接受雞粒唔洗講啦，睇圖都見到份量十足，又夠滑，好好味之後忍唔住叫多左個腰果炒排骨腰果好脆好香，雖然腰果好難煮得難食，啲排骨啲味都幾香，但肉質麻麻，有啲老總括而言間野係正既，食得開心又夠飽，正呀！…Read More

豪華餅家喺九龍城嘅歷史都好耐啦，佢嘅酥皮蛋撻都幾出名，而我細細個食到而家都覺得係好好食。除咗酥皮蛋撻之外，個人覺得芒果糯米糍都係另一種幾好食嘅甜品。先講講酥皮蛋撻，佢嘅酥皮蛋撻定時定候新鮮出爐，如果撞啱熱辣辣出爐嘅時候買到，個蛋撻會份外來好食。蛋撻嘅酥皮好香脆，因為用咗豬油來整。所以最多食兩三件蛋撻就會好滯。佢蛋漿都調校得好香滑，蛋漿有好香嘅蛋味。而芒果糯米糍嘅味道淡淡地，有豐富嘅芒果香味，是糯米糍嘅外層鋪滿椰絲，令到糯米糍嘅口感更加豐富。每一次去幫襯嘅時候，都總會有幾個人排緊隊。證明呢一間老字號真係有實力，深受客人歡迎。…Read More

講起食早餐，大家都可能慣左係天光後先慢慢食。不過因為一次工作，半夜三間都仲要開工，肚子餓到打曬鼓咁咪唯有去搵野食。本身打算食宵夜，但係上水區水貨客就多姐，野食邊會多架。正當我想打消念頭果陣，救星出現了 ---- 麥當勞。凌晨四點就有得食早餐，正到不得了。特別係呢個十號餐 -- 珍寶套餐，入面有薯餅，炒蛋等等。不同食物既口感都為呢個寂靜既夜晚添上幾分色彩。講下呢個珍寶套餐嘅味道先啦，首先個炒蛋炒得幾滑，最好食嘅時候加埋胡椒粉同小小鹽，咁樣味道就會特別好食。豬柳嘅味道雖然食過好多次，但係因為佢嗰種特別嘅鹹味十分吸引我。跟住個熱香餅，食嘅時候記得要架牛油同埋糖漿，咁個味道會更加好。最後個薯餅啱啱炸起，脆卜卜特別好食。珍寶套餐咁豐富，食完真係會好飽。…Read More

今次要介紹嘅係新興發粥店。有一次買早餐時無意中發現咗呢一間食店，試過之後覺得都唔錯，想推介一下俾其他人試。我上次係買外賣嘅，上次食咗一碗皮蛋瘦肉粥，仲有個炸兩。先講講個皮蛋瘦肉粥先。粥底真係好正，全因佢煲得夠綿，令到成碗粥已經加咗分。皮蛋同瘦肉都落得幾多，每一啖都食到有配料嘅。炸兩上次食記得係嘅脆嘅，個人覺得係早上賣得快先會新鮮。炸兩食落口唔會太油膩。我鐘意落多啲芝麻，食落會更香口。埋單都係$40之內，唔錯唔錯，下次會再去過！…Read More

去完寶石戲院睇戲，見有少少肚餓就去睇睇附近有咩食，轉個灣就見到呢一間日式料理，望落去有點殘舊，但好似幾受歡迎，因為聽朋友講過話呢間幾好食，所以就入左去試。入到去，牆上都貼滿好多用日文食既餐牌，仲有幾件好似和服既衫掛係度。我就左碗叉燒拉面試試喇，等左一陣，熱辣辣既叉燒拉面就到喇。首先試左個湯先，飲落去就試到好濃既豬骨味，一試就知道落足料同埋用左好多心機去煲。跟著再試佢既面，面咬落去好彈牙，並無因為湯底而變淋，好好食。再試佢舊叉燒，咬落去就試到淡淡既豬香，好正！！總括而言係一面好好味既拉面。…Read More

果日同朋友去左旺角，佢就熱烈推介去食明師傅，佢話食糖水，點可以唔去食明師傅呢。咁就聽佢介紹，就去左食。入到去佢即刻推介話一定要試最出名既芒果。最後，我地叫左一個芒果軍艦，榴槤同埋一個奶凍。等左一陣，香絲絲嘅芒果軍艦就送左上枱，聞到佢嘅香，口水都就快流曬出黎。夾開D芒果，一陣陣冰冷既煙係芒果肉上面慢慢地漂出黎。食落去，芒果嘅甜再配上少少既冰冷感覺，兩者簡直絕配，兩者完美的說。真係世界級。呢一餐真係好好食，如果有下一次黎旺角食糖水，我一定會再黎幫襯！！…Read More

前兩日食過匠工房秀吉，叫咗一個套餐，有炒麵，燒餅，八爪魚丸。另外仲加多咗個紅豆包。首先講下個炒麵先，個炒麵比較普通，配料都是一些蔬菜，而味道不是太突出，感覺似喺屋企都煮到。燒餅是主要用薯仔同蔬菜做的，上面有一塊煎過的煙肉，仲有加咗沙律醬同木魚。燒餅食落幾特別，因為佢嘅味道幾香。如果鐘意食薯仔嘅會幾啱食。除此之外，仲有四粒八爪魚丸。每一粒中間都有一舊八爪魚。外層用得太多炸粉，口感唔夠爽口。紅豆包幾香，拎上手熱辣辣幾好食。紅豆甜味適中，唔錯。整體嚟講係ok，試過一次唔係特別好食就算啦…Read More

我本身就係一個抺茶控黎既，去到邊都中意食 咁行過見到呢間野咁把炮，用抺茶黎做店夠 即管就入去試下啦，食個tea醫下個肚都好 就叫左個抺茶蛋糕，就咁睇圖都覺得個蛋糕冇乜特別啦 食左一啖…um….個蛋糕幾軟熟既….唔會太乾 問題係，啲抺茶味畀奶油味搶哂風頭，唔係好出 食落覺得都係不過如此而已，進步可期 不過可能因為我本身期望值太高啦，就係咁啦….…Read More

自從有一次食過茶木之後，我完全覺得佢係大伏黎！不過，見佢開分店愈開愈多，同班朋友係旺角又唔知食咩好，就決定去左朗豪坊個間茶木再重新試下！我懷疑無論係閒日定唔係閒日都好，呢間茶木永遠都係好多人等位，個日係星期四諗住應該唔多人啦，點知4個人去大約等左45分鐘，估唔到咁耐。環境方面，因為位於food court入面就用左開放式設計，餐廳雖然睇落唔算好大，不過都坐得幾多人，有sofa坐仲更加正正子！餐枱岩岩好，唔會太細，放哂成枱都仲得！食方面，冇食咁耐見到佢都update餐牌左好多，加入左好多新元素，菜式都改良左好多！成晚叫左4個唔同形式既麵，其實麵就一樣，只不過用左唔同形式去上。今次就叫左嫲蔥油手作麵，見佢寫住新推介就叫黎試下，原來食落幾有驚喜！麵條夠哂煙un，食落口感幾豐富，加埋佢地既source淋落去，撈兩撈，嘩！好好食！應該係我全晚覺得最好食既！食既時候，連埋佢d洋蔥絲食條事幾新鮮！本來我係一個比較對洋蔥有抗拒既人，但呢個食落又冇洋蔥味。呢個麵食落既味道有d似營多撈麵，不過就濃過佢小小，不過佢係我值得再返黎食既理由，估唔到無食咁耐，又真係好食左好多！之後就叫兩個雞扒麵share，呢個都無咩特別，不過要彈既係雞好細舊，面粉就勁大舊，份量唔太平均。湯面都尚算唔錯，都係食手作面，不過可能放耐左面有小小軟。$60呢個價錢，相對於其他餐廳黎講，貴左小小仲要加一，值唔值就見仁見智！最後一款面都係手作面，就係黑松露雜菌面，見係朋友推介就叫黎試試。呢個面賣相好似黑松露燴意粉，黑松露都算幾多，食落有小小奶味，加埋黑松露都算係幾正，面質岩岩好更加令口感提升！不過面既份量就麻麻，碟大不過食物份量細。野食方面就叫左2杯，分別係鮮果梳打既西班牙特調同埋橘子梳打。先講西班牙，飲落冇咩梳打既感覺，不過成杯都幾多鮮果，同雜果賓治差唔多，不過都成38蚊。跟住就係呢個橘子梳打，呢杯反而飲落好有梳打，再加埋酸酸地甜甜地，又有一粒梅幫你調調味，幾開胃！最後，就係我一直都係覺得打緊大佬既甜品—蜜糖多士磚。今次就叫左個芒果味蜜糖多士磚！一上到黎，唔同咗樣喎！覺得打大佬嘅原因係因為上次同班朋友去食，個雪糕差唔多溶晒咁滯，而嗰個多士磚，就只係一個未切開嘅麵包，當切落去嘅時候，再加埋用晒嘅雪糕成件事變得好嘔心，食落又唔係話特別好食再加埋佢外表，簡直係大伏！不過，今次就冇令我地失望啦！雪糕上到嚟嘅時候，都仲係少少溶嘅狀態，昔日嘅麵包磚變成左分開三份疊埋一齊嘅多士，烤過嘅麵包磚，加埋芒果雪糕同埋芒果醬，食落又幾好食喎，凍凍地酸酸地脆脆地，口感又幾特別，好想再encore! 分開三份既多士，容易分開食，就算切開咗賣相都仲喺度，起碼你唔會覺得係嘔心，一個字，抵讚啊！…Read More

咁有次行完街啦，個女仔fd話想做下萌青 就入左呢間Café食野啦 咁好明顯啦，間野既特色係sell隻Hello Kitty啦 我本身都唔係話好中意隻野，但係咁望住都覺得真係幾Q既 講返野食先，因為係tea既關係，正係叫左少少野食 一個蛋糕仔同一杯latte啦，杯咖啡勁可愛有隻kitty 可惜冇得自己簡公仔啦，飲落都幾唔錯既，幾有奶味 個人黎講唔吃得苦，所以杯野都岩我口味 至於個蛋糕仔賣相滿分啦，望到都唔捨得食 食完覺得個蛋糕偏甜，減緊肥既女仔小心D啦 最後當然唔少得就係瘋狂幫野食影相啦！！！！…Read More

聽講維記咖啡粉麵有個好特別既西多士，就去一試真與偽。 由於午飯時間，所以有長長既龍要排，但我都要照排。等左20分鐘，終於有位。地方好細，但人好多。因於佢好好食又平，所以都係值得既。入去坐低就叫左份咖央西多士同蛋牛麵。 落單就要大叫，Ｄ呀姐都好快反應，唔係一陣就落好張單。 咖央西多士味道唔錯，麵包加蛋汁煎出黎，又香又脆口。兩片多士中間夾左咖央醬之後，一咬落去，D咖央醬同淡奶就流哂出黎！好正好好食。但由於佢極快速上菜，係之前煮好，所以唔熱，個多士太淋，令個西多士整體減哂分，但食個風味，過下引。 識食當然係食豬潤牛肉麵。佢個豬膶唔會太大片而入唔到口，又非常新鮮，熟既程度岩岩好；唔會話似嚼香口膠，豬膶依然夠沙，夠香！可惜，豬膶麵都用即食麵，Ｄ豬膶滲出既鮮味入左個麵到，令整碗麵都好食左，但Ｄ味精都係太多。 我覺得整體黎講，可以一試個咖央西多士同個豬潤麵，重拾過去味道。…Read More

韓流襲港，行過旺角女人街時，見到依一間價錢看似唔太貴又幾好食咁，就入去試下。 門外有部大電視播住韓國ＭＶ，店員的服務態度親切有禮，又唔會冷落門外既客人，又會主動問客人既需要。 咁我同朋友入去就叫左個鐵板燒 (牛肉)同泡菜餃子石頭鍋烏冬。等左大約5分鐘就有野食啦。 佢啲開胃前菜：醃青瓜、泡菜等，都好好味，唔會過咸或太酸，既惹味又開胃，而分量唔會過多，岩岩好。 先講下依個牛肉鐵板燒，依個鐵板燒上面有一隻香滑美國雞蛋，個蛋黃未全熟，所以蛋黃可以撈住D白飯一齊食，提高飯既味道；個白飯就應該係用珍珠米，粒粒飽滿圓滑，食起上黎唔會話太乾身；佢Ｄ牛肉好新鮮，肉質幼嫩，咬落去就有香甜既肉汁流出，非常惹味。 仲有新鮮既蔬菜做伴菜，又唔會變哂黃。用黎解膩一流。咁我朋友個泡菜餃子石頭鍋烏冬，用料足，湯底帶有微辣，粉絲吸收哂湯既精華，非常惹味！個湯又好飲，Ｄ餃子唔會爛哂而食唔到，反而可以保持到原隻，冇穿冇爛，咬落去又有湯汁，好香口。 依一餐好食得黎，又唔貴，真心覺得正！推薦大家同另一半去試。…Read More

有一日係公共圖書館睇到本舊既旅遊書介紹星林居。去個日，由於樓下冇位，所以要上樓上。 一上去坐低，地下好污糟、好濕，而張枱就痴立立。而且用即棄筷子，好唔環保。佢有酸辣米線同車仔麵式，奇奇怪怪，咁黎得都係食個酸辣米線啦。 咁我就叫左個豬紅、魚丸、墨丸，多芫荽。食落非常酸，小小辣。米線一大碗上，個賣相幾好，真係好多芫荽，放哂係個面到。個豬紅一夾即爛，應該係煮得太爛，所以冇咩彈性，但鹵得入味。佢入面放左好多酸菜，食落口非常酸。D魚丸墨丸都彈牙，都吸到d湯味。但d米線就好差，根本冇味，令人失望。個湯底應該用左好多時間都煮，所以味道唔錯，帶住酸香。 個份量好多，餓住食都有9成飽。而個價錢係合理價。 店員既反應慢，又唔主動問客人需要，令人失望。 整體黎講，環境衛生欠佳，要試既都只可以祝你好運。…Read More

話說去九龍塘FOOD COURT獨自食飯。見間間都排哂長龍，唯獨mi2cool冇咩人，咁就去排隊買野食。佢平均消費大約50蚊左右，可以用八達通黎買野食。 個日唔太餓就叫左個雞肉拉麵。見到個碗個時，我真係忍唔住講左句:「咁大碗?」可惜只係得個碗係大，而個拉麵份量係普通SIZE。 首先，個雞肉拉麵既配菜有少量粟米、芽菜，而個雞扒就一塊切開左4-5件。 個麵身就比較淋，唔夠彈牙，咬落冇D口感，令人失望。只係好普通既港式拉麵。至於湯底就有D似羅宋湯，不過略嫌太油，湯面有一層油。 而塊雞扒肉質好"鞋"，唔入味之餘，仲要成碗麵都好淡，冇咩香味。 D店員落單快手，D餐都上得快。 環境黎講，就好多人，又嘈，不過Food court就係咁，冇得要求多。 整體黎講，只係好一般，或者只係依個雞肉拉麵既問題。…Read More