kayan_l's Profile

好耐無寫食評 啱啱朋友帶我過黎食 裝修靚 超特別開放式 價錢 服務辣酒煮螺一定要加個面釀蟹蓋老板介紹兩食 原味食啲再加飯落去一齊煮 估唔到咁正 响其他燒烤店食過 但加飯煮都係第一次有人教 個蟹膏仲要原汁原味 之前响其他地方食過嘅個蟹膏係唔知有蒜味定咩味 完全食唔到蟹膏嘅香味。所以必須encore牛脷係手切厚片比起機切薄片簡直無得輸全部肉都係手切口感同機砌真係差好遠海鮮全部新鮮劏 個鮑魚燒嗰陣仲轉轉下 新鮮得黎好恐怖鹿兒島豚腩老板醒左樽私伙調味俾我地試 老板叫我地估下 但估唔到咩黎 好鬼好味最開心仲要係老板話星期四有新菜單所以送左個餐肉玉子燒同鵝肝雞翼俾我地試 搵日要帶屋企人一齊黎再食過…Read More

大約半年前同媽咪去過依間野食午餐 當時叫左個SET飲熱奶茶 杯奶茶係完全唔熱嘅 只係微暖 同WAITER反映 理論之間WAITER不停答我杯野出緊烟 堅持佢地係用滾茶即沖 仲要話因為啲奶係室溫所以會令到杯野無咁熱 聽完我火到黎埋 叫佢返入廚房試清楚 一杯剛煲滾嘅熱水 要加幾多凍水先可以較到杯暖水出黎之後到碟飯 都係凍嘅 好味都變唔好味啦 人客又唔係多 唔夠人手傳菜咪叫廚房唔好咁快出囉 放到啲野全部凍晒先拎俾人 第一) 熱奶茶唔熱係非常難飲 仲要係同室溫差唔多 連糖都溶唔到嘅溫度 根本無可能入口第二) 煲返熱啲茶 換過杯真係熱嘅奶茶 好合理呀 我俾錢買嘅係熱奶茶 唔係暖奶茶呀嘛第三) WAITER一啲常識都無 又唔識做 間野真係完全唔掂第四) 成個餐所有熱野都唔熱 味道已經唔係特別好 仲要唔熱 真係唔會有下次 完成係我依幾年食最差嘅一間餐廳一間餐廳無食物質數已經差 連WAITER質數都無 都唔知點生存…Read More

同朋友一齊團購黎試下 之前見到啲食評有啲擔心 但去到又OK喎我地BOOK左8:30-11:00果輪, 大約8:20分到 門口個姐姐仔就話要等上一輪走左8:30先入得 到左8:30又話要等執好枱先入得環境OK 唔似 其他放題咁迫夾 當晚坐唔滿人 我地一黎就點再4大張紙 啲野都差不多黎齊 好少漏單 我見間野坐位唔多 我諗坐滿都唔會等好耐都無野食食物方面放題黎講真係OK 款式多 質數都OK 團購價 連服務費$150 絶對超值 比好其他放題好好多 因為大部份放題都好垃圾 唔係無野食就唔好食 我同朋友都打算再去食 希望唔會係為左吸引客人 團購期間先做得咁好 :) 依度啲刺身 新鮮肥美 啲三文魚仲要係厚切 全部刺身都無雪味 好鮮甜 $230以下嘅放題 第一次食到咁嘅質數:) 辣酒煮蜆 夠辣啲蜆又夠新鮮 粒粒都漲卜卜 我自己一個人食左3煱:) 秋刀魚 應該係即叫即燒 一啲都唔柴皮 :) 依度仲有啲芝士 焗乜乜乜 全部都係用細鐵板上 個醬汁超杰 又夠熱 啱晒鍾意白汁芝士嘅朋友仔:( 我地點左燒三文魚骨 但係黎果碟係炸嘅 男朋友話是但 所以我地無考究係黎錯左定係定 仲要凍嘅 所以扣分:( 有無唔知乜乜蟹杯 個名好似好好味 但係流到爆 蟹就唔多食到 似沙律薯蓉多啲 4個人叫一杯一人食一啖就差不多:) 壽司我地只叫左個唔記得咩海鹽拼盤之類嘅野 一客5件定4件 依個都幾好味 可以一試 餃子就認真麻麻 太油 唔知係咪無吸油紙 同埋一早煎起 反熱 食到成口油食得太多款野不能盡錄 但總括黎講依間野都好味嘅 如果一直KEEP住水準係值得推介嘅…Read More

之前响團購見到有魔鬼魚食 同埋間野嘅食評幾好 所以就買張同男朋友一齊去試下 希望搵到好野食 又多個地方拍下拖不過去到間舖都幾細下 啲位好迫 仲要BOOK左位都要搭枱 同一對食雞煲嘅女仔一張枱 咁擺左佢地個爐 再加埋大家啲野食 咁你話迫得幾緊要 仲要我同我男朋友都唔係細粒果啲人雖然係團購姐 唔代表要食得咁屈則嘅 想人返轉頭 第一個印象真係好緊要除左團購包左嘅果個餐 ($117 + $22服務費)~1條 茄子 - 熱辣辣 加啲辣粉都好味嘅 同屋企蒸茄子差不多 唔太特別 (不過個辣粉要解釋點解要另外上 個男人先肯拎俾我地)1條 魔鬼魚(大約6-7吋) - 好味 質感都幾特別同一般嘅魚肉唔同 比較實 魚骨都係軟骨 燒完之後脆卜卜 基本上全條魚都可以食2串 羊肉 - 感覺好似用左好多鬆肉粉 同埋唔熱 所以我覺得麻麻3串 雞軟骨 - 無乜特別 不過唔熱 就減晒分2串 雞 - 無特別 又係唔熱所以都減分2串 牛 - 我NO牛的, 所以唔知我地仲叫左~2隻 元貝 (好似係$28/隻) - 又係唔熱 仲要間野應該加左好多牛油黎燒 因為一夾起舊肉 個殼有好多黃油响上面 同埋落左好多蒜蓉 如果隻元貝係新鮮的話 咁樣燒就真係嘥晒 無晒鮮味 2串 白鱔 ($20/串) - 燒得皮脆肉敕 個燒汁又唔太濃味 GOOD1份 羊卷 (好似係$49) - 完全唔得 成碟野都係凍的:( 我諗燒烤唔會有冷盤食掛除左茄子, 魔鬼魚同白鱔, 其他野食都係唔熱架........... 最離普係個羊卷 直頭係凍架:(張枱已經無位 個WAITER送食物過黎果陣 見到枱面有隻吉碟得返殼或者竹枝响度 佢都可以若無其視 見到無位就將手上碟野遞俾你拎住就行左去 幾次都係我地叫佢行返轉頭遞返隻吉碟俾佢 佢先拎走 但佢唔拎走隻碟 根本就放唔到新黎果碟野食燒烤 好唔好味就見人見致 但係TAN到凍晒就真係有點兒那個囉 本來想再叫野食 但係咁嘅情況....... 都係算吧啦埋單$200 加埋團購$117 = $317 唔好食=唔底食…Read More

Mikiki分店未開果陣 我表姐成日專登出去TST分店食 直到Mikiki開左 佢地又差不多每個星期都食咁我見佢地成日食 咁啱又搵佢地食LUNCH咪去試下有幾好味囉去到門口有成堆人排隊 間野又已經滿晒人 我表姐叫左個冷烏冬 (雖然我唔係食家 但試問一個好味又彈牙嘅烏冬又點會睇落係起角架呢)但係去度又無理由唔叫野食咁肉酸 就叫左 全店最平$20冷烏冬一咬落去....... 真係硬而不彈 總之唔會再幫襯我諗極都唔明 點解咁嘅質感可以吸引到咁多人排隊食 唔知係我唔識食定係咩啦 我覺得吉之島一盒盒果啲冷烏冬絶對好味過佢囉…Read More

8點幾去買新果個 $108 香草封味錫紙烤餐成個餐應該有~1包鍚紙雞4件雞1個墨西哥脆脆 3個葡撻1個巴辣雞粒2個磨菇飯1個雞皇飯3杯汽水墨西哥脆脆話無晒 轉薯格, OK無問題 咪轉囉跟住又走埋黎話 巴辣雞粒都無 轉2隻雞 都唔緊要 咪轉囉之後問我地飲咩汽水 咁我地要1杯7up, 2杯百事 竟然連7up都無 仲要問我加唔加$6 轉枝裝 咁都得...... 咁唯有轉橙汁囉最過份係 個磨菇飯 舊飯裝到好似用手拃埋一舊掉落個碗到 都唔緊要 裝得衰咪用啲汁摭下醜囉 叫佢多汁 佢就小汁仲要無磨菇 係每個人見到都唔會想食落肚囉 我同我男朋友一見到 都即刻忍唔住問: 個飯到底想點? 個收銀仲要答一句: 差唔多我真係完全R晒頭 問佢咩叫差唔多 我男朋友已經火滾拉我走話唔要個餐 搞到我本來想影張相POST上黎嘅時間都無不過依間KFC 依樣又無果樣又無都唔係第一日嘅事 但無諗過會越做越差 啲員工亦越請越差…Read More

朋友生日 一行5人去食飯 之前BOOK左位, 所以唔洗等, 不過走果陣9點, 成個門口多人到出都出唔到去....... 都唔明係點解點左嘅野全部都按落單份量黎齊, 唔會好似其他放題咁黎啲唔黎啲, 件數又唔足送餐時間亦合理, 雖然好多人, 但都不時有人過黎執枱魚生算係咁啦, 尚算可以, 叫做新鮮, 但係CHEAP貨囉, 無魚味, 甜蝦叫做最好果款羊鞍 - 鍾意"SO"味嘅人一定鍾意食, 本人就鍾意佢個味, 肉質亦唔錯 GOOD串燒有"火羅"味....... 但甘薯好味炸餃子, 吉列蠔, 燒三文魚頭都OK一共有4款沙律, 味道都可讚 雞亦係完全無味架.....壽司.......... 除左左口魚背減佢半舊飯可以食得, 其他睇到都完全無興由於環境同賣相都好一般, 本人就食得唔係太多野.....$200一個人, 其實我寧願正正經經搵間質素好啲嘅野食.....因為對我黎講食野最緊要講質數, 唔係鬥多款 唔好味, 俾幾百款你揀, 同情罰有乜分別…Read More

男朋友媽咪生日, 全家人一齊去食飯. 其實係第一次食似中菜又非中菜嘅中餐, 感覺好新鮮, 雖然唔係十分好味, 但平時食中菜食得悶悶地, 依度係個唔錯嘅選擇. 不過地方淺窄, 坐得唔係好舒服當晚我地一行16人, 所以點左好多款菜 1) 脆皮乳豬 - OK (肥瘦適中, 不過乳豬醬預先搽左响底, 又無沙糖跟, 所以扣左少少分, 因為我本人鍾意點沙糖多過乳豬醬)2) 燒牛肉沙律 - 我唔食牛, 但男朋友話超好味3) 炸坑腩 - 男朋友話肉質好味, 但個汁太淡4) 咕嚕魚柳 - OK 肉質很好 唔"奀", 又唔易散, 無雪味, 味道尚可5) 芝麻醬生菜 - GOOD 推介6) 芝麻醬"懷山" - GOOD 推介7) 拍青瓜 - 麻麻 (唔係依味菜係咁定係啲青瓜唔好味, 因為啲青瓜"林PATPAT"一啲都唔爽口, 似醃青瓜多啲)8) 牛柳粒 - 男朋友話OK9) 竹笙上素卷 - OK10) 炸子雞 - 一般 明星酒樓果個好味好多11) 蟹籽蟹肉伊面 - GOOD 推介12) 椰子响螺雞湯 - EXCELLENT 超讚 (超足料, 勁甜, 勁好味)13) 鮮果拿破倫 - 因為係鮮果, 所以無興趣, 無食到14) 木糠布甸磚 - EXCELLENT 超讚 (咖啡味香濃 口感一流 總之超好味)15) 雪糕曲奇 - EXCELLENT 超讚 (朱古力曲奇好甜 但加埋雪糕啱啱好)16) 壽桃 - GOOD 皮軟料又滑又唔太甜其在太多 記唔得晒總括黎講, 全晚最吸引, 最受歡迎就係甜品, 食開黎黎去去一式一樣嘅中餐, 黎推西式嘅甜品, 感覺真係極之好…Read More

又係買beecrazy coupon離晒普，話係放題，間野得一半枱有人坐，但點完啲野等成十幾分鐘先到，黎果啲野食份量十分鐘就燒完，次次都呆等到張紙燒到差不多著火都未有野食，枱枱都响度追，個waiter次次都問返你叫左咩，唔捨得俾人食就唔好做放題啦 真係激死人肯定唔會再幫襯以後都唔會再黎囉…Read More

之前响beecrazy買左$98/位, 2小時任食優惠劵(正價加一)廿幾張, 諗住間唔中去食下都OK啦, 點知!!!!! 3月9日買, 3月14日開始生效, 咁我3月10日就已經打去book位個電話長期無人聽, book兩位19:30竟然最快要3月21日先有位........... 見佢咁情況就諗住book埋3月25日五位, 點知佢話如果要星期五19:30, 最快要去到4月15日先有位囉打個邊爐姐, 要個幾月前就BOOK定, 好似真係有啲過份囉, 最慘係成日無人接電話, 好彩啲劵9月中先到期, 如果咪仲有十幾張劵都唔知點用到左3月21日, 我明明BOOK左19:30, 大約5點左右. 有個女人打黎話佢地5點半就開門, 問我早啲過去得唔得, 我話最快都19:00. 佢又問5,6點果啲時間唔得咩? 我答: BOOK左19:30無諗住改時間喎, 跟住佢就收線到左間野, 原來係好細間, 坐底之後咁啲待應服務都OK嘅, 啲野黎得快, 食物都唔錯.不過點任食果陣落單就要寫明幾多數量, 如果咪佢就俾人頭數你, 我地兩個人食, 點左啲丸同餃, 仲有芝士腸, 黎到見到每款得2件, 我地兩個都忍唔住笑左出黎不過佢任食黎講佢啲野食都真係要讚好嘅, 但係就得好小款囉到左21:30, 有個年約30嘅女人好準時, 黑晒面咁行埋黎話: 你地夠鐘啦喎! 跟住就去撳張單俾我地埋單, 當時間野無人等位, 亦未坐滿. 佢咁做無錯, 但未坐滿, 又無人等位, 態度好小小, 通知客人夠鐘, 無得再加單叫野食. 俾客人食埋枱面啲野都唔係好過份姐, 起碼唔洗唗唗啲野呀, 同影響間鋪個服務水平呀. 唔通個客知道夠鐘都仲要賴死唔走咩. 真係遇著啲咁嘅客, 咪好聲好氣同人講要執枱預備下一轉囉... 唔需要啲態度咁克人憎嘅4月15日食完再報告…Read More