phatchoy88's Profile

黑松露燒鵝真係好好味，屬於必食。雞油花雕酒阿拉斯加蟹亦都係一絕，人見人愛車見車載。地點方面環境亦都比較新淨光猛屋企人食得好開心另外有得充值優惠卒之係七折到八折到比較抵食，性價比非常高。嗰一日係老人家生日壽宴亦都食咗陳皮豆豉蟶子，食得出豆豉醬係非常特別有質素嘅醬料，並非一般豆豉。雞煲翅都好好飲，啲次都幾多，不過唔係最多以前食鹿鳴春嗰個雞煲好似會多過佢好多。整體非常之好。一定會返嚟再試去其他嘢食。另外驚喜係鴨舌檸檬茶，同埋七里香檸檬茶叫，一眾年輕人飲得好開心。…Read More

星期六嚟都食晚餐，同小朋友同埋一隻狗坐室外。泰國餐廳室外唔俾坐搞所以去到酒吧嗰邊嘅室外地方比較大睇日落個景都好靚。泊車$30.1個鐘食滿$500可以$20.1個鐘週末有live band唱經典懷舊歌曲。喺環境比較悠閒舒適，但係食物就非常一般。例如嗰個濕炒泰國河係用中國嘅河粉而唔係泰國正宗嘅闊河粉個pad Thai 都非常一般，另外泰式奶茶唔夠濃唔夠甜比較淡口。你呢度主要係享受個環境，性價比亦都唔係特別高，例如要飲水支水要$78 。…Read More