fung~的個人專頁

由於太耐無食過shabushabu喇,咁啱黎到大將,竟然見到有呢個沖繩石垣牛火鍋放題喎~~自從去過沖繩同石垣島之後, 一直都好掛住沖繩既石垣牛同阿古豬~~竟然黎到將軍澳食得到喎~~咁就一於試下先黎到大將,竟然見到有個將軍係度喎等候安排入座時仲可以去大將超市行住等行左陣就有位喇,呢度地方夠大,又乾淨夠光猛今日仲有送餐機械人送餐添係其他餐廳都未見過\主菜送黎就係期待以久既石垣牛整體肉質顏色鮮艷，油脂豐富分布平均,REFILL左2,3次,好食,又唔肥膩豚肉 雞肉就比較普通D自助配料有好多款式；獅子狗，魚蛋、牛丸貢丸、芝士丸、木耳金菇、生菜、白椰菜花、秋葵蕃茄、蒟蒻絲,粟米,蕃茄等等仲有日本蛋,細細隻,但好有蛋味,蔬菜區有豆苗、秋葵、生菜、娃娃菜等；熟食區有、茄子、蘿蔔蓉牛舌、咖喱飯,沖繩苦瓜等等唔夠飽仲可以加烏冬,拉麵等等飲品款式有熱飲機,有即磨熱咖啡，朱古力、奶茶、汽水機仲有數款汽水、樽裝特飲等等,想飲凍熱飲都可以甜品方面仲有得自製窩夫,軟雪糕🍦⋯⋯仲有朱古力味雪糕,好味不過只得90分鐘,時間比較短,如 果時間長番D會比較好~~整體黎講,下次可以再黎食過~~…查看更多

咁啱今日行荃灣，見到呢間小店包嘅款式都算多比起連鎖麵包店黎講抵食好多紙包蛋糕$3.5方包4片5蚊都有蛋糕仲有老婆餅及合桃酥等等價錢唔貴,抵食過美X,聖安X等等有機會再經過再買其他包試下先~~…查看更多

好耐無黎食過,今日唔係想食飯,就黎食下啦~~我最愛佢既肉醬意仲有呢個包叫祖樂堡,漢堡中間兩層牛肉塊，以快餐店的漢堡來說，算幾厚身亦不會煎得太乾身，而且有肉香味。仲有我覺得佢既炸雞比KFC好食,唔會咁乾,仲有肉汁~~…查看更多

傳統餅店係香港越黎越少,早幾日睇電視講開,今日咁啱去太子,就去幫襯一下啦未行到埋去就已經見好多人排緊隊攤子前滿滿都是雞仔餅、光酥餅、紅豆燒餅、核桃酥、牛耳仔、蛋散⋯等餅乾糕點睇完電視話燒餅係人手造,所以都食下先$20 有5個,仲有原味同紅豆味.仲要不停出爐喎,買左都仲熱架襯熱食,好軟熟,又唔會好甜,絕對可以支持下傳統餅店~~…查看更多

今日有同事請食CAKE原來係近排新出既CAKE【NEW! 抹茶 · 二重軟芝士蛋糕 Cream Cheese X Fromage Blanc】arome東海堂推出全新「抹茶 ‧ 二重軟芝士蛋糕」，濃厚日本宇治抹茶配上兩種軟芝士 - 以白芝士 (Fromage Blanc) 製作濕潤軟滑的芝士慕絲，再以忌廉芝士 (Cream Cheese) 焗製蛋糕, 香濃郁醇，為味蕾帶來茶香甘醇且入口融化的食感。白芝士做成軟滑的芝士慕絲，再配埋忌廉芝士焗製的蛋糕，好軟滑同日本宇治抹茶🍵好濃抹茶味，都幾夾幾好食👍🏼4吋細餅仲適合任何時候同朋友一齊分享,一人一件細細件,唔怕肥…查看更多

平時食開烤肉都會食牛，今次同朋友去到炑八，見佢做緊個黑毛豬推廣，今次就試吓食豬啦！每次食炑八，最鍾意就係佢個前菜～芽菜、泡菜、仲有生菜、泡菜蛋同埋芝士粟米都係無限添加，其實食前菜都足以夠飽。我哋兩個人今次叫咗個「濟州風情燒烤餐」呢個餐既燒烤產品有：特級牛肋骨，厚切五花肉，豬梅肉，豬背肉，芝士八爪魚，濟州特大魷魚個特級牛肋骨就冇乜特別啦，因為每一次都食嘅，個厚切五花肉一望落去就見到佢真係好厚身，不過廚師刀工好犀利，本身𠝹開左一片片，因為我用鉸剪點剪都唔斷，唯有將佢燒熟之後再剪開，就咁齋食會覺得比較油，不過添加左豆瓣醬加生菜夾埋一齊食就平衡到五花肉嘅油膩👍🏻我個人較喜愛豬背肉，個豬背肉有少許似豬頸肉，咬落都幾爽。整體來講來講肉類都比較新鮮，只係略嫌淡左少少。食完肉就要燒海鮮，輪到濟州特大魷魚出場，個吊桶燒到白色左就可以食，咬落又幾有口感，魷魚味比較濃郁，唔使另外添加調味料👍🏻個鰻魚紫菜包飯就一般韓國舖頭都食到冇乜特別😊之後就到甜品啦，呢個套餐有「濟州柑橘冰沫」我以為係普通沙冰，上面有三片薄薄的柑橘果乾，甜甜地又幾好食，個冰最初會以為係普通沙冰，但係佢有啖啖的牛奶味配以柑橘醬味道比較特別，出邊街好少可以食到，藉得推介👍🏻餐飲仲包括$36以下飲品2杯，我地叫左菠蘿梳打和水蜜桃果茶，兩杯都有新鮮嘅菠蘿和水蜜桃，不過個水蜜桃果茶略嫌甜左少少。…查看更多

一講到椰子雞,必定黎呢度食白色情人節,原來呢度有一個新既套餐叫「花繫土雞套餐」原來招牌椰子雞鍋加入乾玫瑰花，仲同本地花店合作，喺入門處設置一大片打卡花牆，兼舉辦乾花工作坊,好特別,好有吸引力我諗應該都無1間食店會諗到椰子雞鍋加入乾玫瑰花個味道會點,會夾定唔夾呢?充滿好奇~~喺入門處設置一大片打卡花牆***玫瑰花椰子雞鍋 椰子湯底好清甜 食落仲有陣陣玫瑰花香加埋啖啖椰子肉仲夠晒滋潤雞件夠多夠入味***手切安格斯牛肉 肉質厚實 牛味幾濃郁,正~~***海鮮火鍋拼盤 有蟶子、脆肉鯇片、托托蜆三款 海鮮類都算新鮮蟶子同蜆都好大隻,夠鮮味***土雞三拼，使用日本福岡縣土雞，有雞腎、花雕酒浸雞子、土雞軟骨雞肉滑及土雞背肉雞子,粒粒好大粒 雞背肉肉質札實爽囗，雞軟骨滑亦夠彈牙,仲食到一粒粒軟骨***紫菜響鈴 比想像無咁油膩 加埋紫菜好香口,好好食***海膽茶葉蛋拼麻辣雞腎 海膽加蛋呢個組合真係第一次見,但 估唔到又幾特別海膽都鮮味 麻辣雞腎幾辣下,但唔會辣到食唔到***土雞肉玉子煲仔飯 玉子夠厚身 飯底吾算太濃味同好油仲有粒粒分明的飯粒就算再飽都要食多碗…查看更多

係FACEOOK見到三哥出左新野🌶全新小食「辛蒜燒茄子」，以18種香料秘製而成嘅紅油同香濃蒜泥，於店內即叫即燒，辛香蒜濃，絕對令你一試難忘既然係新出品就一定要試下啦點知之前去過幾間都話賣晒今日黎度一入去就問下仲有冇先點知呢間竟然仲有二話不說,即刻落左單先等左都幾耐下先有得食一黎到就已經聞到好大陣蒜味,勁多蒜但可能燒得比較濕,唔係想像中咁好食辣係有既,但唔係真係太辣可還可以接受…查看更多

上次想黎食見到無開,要維修定裝修今日經過見唔係好多人等.咁就攞張飛黎等下啦好彩又唔駛等好耐就有位但位方面,張櫈就真係唔係咁好坐喇地方都仲算乾淨既但自助飲品區就熱飲杯都無晒囉,人手不足就算落完單,都無覆單咁就走左去最終就真係有漏單既情況出現啦~~每次黎到都必定叫雞翼,辣既,但唔係太辣,同埋雞翼都比較細隻,同埋唔夠熱囉PIZZA,個邊好硬意粉彈牙,份量唔細,幾好…查看更多

今日黎到淘大呢度睇戲見到有個位置開左叫十字冰庢既地方食物方面都幾多選擇有粉麵飯,小食都有得食見未食野,又未夠鐘睇戲就叫D黎食下啦叫左個二人餐,份量都唔細份,但價錢又唔算貴喎另外再叫多個菠蘿包餐,但揀左黑松露炒蛋菠蘿包,份都幾多,仲幾好味添~~黎睇戲仲有好野食,抵讚…查看更多

差不多10點唔想食太多野咁想搵下腸粉炸両呢d食下見到呢間咩都有得食咁就叫少少野食下啦！碎牛粥，唔細碗，都好綿，但碎牛少左d炸両，好大碟，包住嘅油炸鬼好脆，好抵食但叉燒腸，d腸粉好"唉"口，比較失敗…查看更多

黎到元朗,最愛呢間蠔餅,即整,夠新鮮熱辣,仲要任你選擇唔要蔥都可以,仲要蠔既份量又唔, 夠足料仲要好愛佢枝靈芝雞骨草涼茶,夠特別,仲好足料,好夠靈芝味道,大力推介~~…查看更多

今日黎到鰂魚涌呢頭，咁啱經過呢間好舊式嘅麵包店都幾多人幫襯加上d麵包都比連鎖店平感覺比較好食同抵食d普通方包5蚊有4片麥包5.5有4片仲好軟熟添仲有好多麵包，蛋糕，曲奇選擇絕對值得幫襯…查看更多

黎到西九龍中心,想打個邊爐喎,咁見呢度唔多人,咁就入去食啦呢度既員工居然好多都係南亞裔人士,但做野都幾快手同幾有禮貌坐都算舒服叫左個花膠雞湯湯底既打邊爐,不過個湯底都比較淡牛肉都幾靚,菜反而份量都幾多下想坐下打個邊爐都可以係一個唔錯既選擇…查看更多

有朋友介紹黎石硤尾平台試下呢間羊腩煲話好食又大煲，又可以感受下大排檔嘅感覺咁今晚就黎試下啦～先黎叫個羊腩煲大煲，足料，羊腩又大件，份量又多，又夠淋，夠入味就咁見有枝竹，馬蹄，仲有檸檬葉，可以減低羊肉的膻味及燥性，真係唔覺有膻味喎，正！由於羊腩煲份量都幾多，所以都係加左d魚蛋，烏冬，餃黎打邊爐，特別推介白魚蛋，好彈牙，同普通魚蛋好大分別…查看更多