billymakcy's Profile

約班舊同事食冬至飯，經OpenRice 訂位，坐地鐵去到尖東站P2出口，行幾分鐘就到，吾難搵，好方便。今日食午餐，叫咗蠔皇鮑魚套餐($98, 茶位$14)五頭南非鮑魚伴蛋炒飯，鮑魚夠入味，炒飯夠乾身；蜜汁叉燒厚切伴沙律菜，叉燒肉質夠嫩，蜜汁夠入味；之味燉湯夠火候；蟲草花浸時蔬，味道清新。環境寬躺，枱數量吾多吾會太密質質。…Read More

近日氣溫急降，週日經過即刻去食返碗蛇羹暖暖身😋，排隊大約15分鐘左右入座，食飽走嗰陣見到條隊排到去格幾個舖位。蛇羹(細碗，$50)，足料蛇肉大大舊，味道好合宜，食咗半碗個身已經暖笠笠，必食之選；糯米飯($20)，落單後咁啱賣哂，要即炒所以等得耐咗啲啲，有少少濕，味道正常，值得一試；等緊糯米飯嗰陣叫咗碗蛇龜湯(大碗，$30)，一飲就知有料到，味道香濃，回味無窮。<另有蛇宴提供，每席$4,080(十二位用)>因為堂食坐位不多，假日去食的時候，留意排隊時間會比較耐，建議可以外賣回家慢慢品嘗。…Read More

美味的雲南米線小店，可以自由選擇辣度是常識。好味道嘅自然係要排隊，今日避左lunch的時間去，都等左15分鐘左右。酸辣小鍋米線中辣，配豬紅、豬皮、雞翼尖。即點即煮，上枱熱辣辣，米線煙靭度適中，酸辣度啱啱好，豬紅夠實淨，豬皮爽口，雞翼尖滷水味夠。絕對值得介紹👍🏻👍🏻👍🏻…Read More