唔明點解冇咩生意，真係好好味，好少寫食評，今次忍唔住要讚！價錢真係超價，身為飯桶既朋友以為$8一碗飯會好細碗，所以叫多一碗，估唔到佢會比整整一盒 黑色長方形盒，咁多既飯！！重點係啲飯好高汁！！粒粒軟硬度剛剛好！！除咗燒豬頸肉飯，仲叫咗串燒同青咖喱飯。串燒都係覺得豬肉最好食，啲醬汁又係好好食！！有沙嗲汁同酸辣汁，沙嗲汁唔會太甜又夠惹味，酸辣汁個辣度剛剛好，好清爽！！青咖喱甜中帶辣，唔會太辣，入面仲有好多菜同雞肉！朋友覺得好好食。總結係我搵唔到呢三樣餸既缺點，價錢超抵，質素又咁高，一定會食第二次！！好耐冇喺香港食到cp值咁高既餐廳，真係祝泰Grill生意興隆！！…Read More
