Ray__tsang's Profile

一向中意食鍋物，今次比我搵到位於旺角呢間十侍棉花糖壽喜燒餐廳有驚喜，會再約朋友黎食。首先餐廳門口有一尊日本武士擺件，好draw到attention. 餐廳環境氣氛不錯，座位唔算多，但勝在無甘擠逼，可以好好同朋友享用晚餐。我地兩人點了二人壽喜燒套餐，經店員推介後，另外點了炸蝦同埋串燒併盤。串燒都以肉為主，豬牛雞樣樣都有齊。細心加分位係會連埋爐仔上菜，就唔會掛住傾計令到串燒凍左。壽喜燒採用日本鹿兒島和牛，果然係有不同。店員會喺你面前解封一盒盒嘅和牛，而且會略為介紹一下，見到和牛雪花均勻，就知係好野，完全無令人失望！壽喜燒湯底甜而不膩，加上棉花糖味都唔會太甜。店員好好，每樣食物都有先介紹，仲會幫手煮。飲品試左乳酸特飲，唔會太甜，而且大大杯。套餐內的蔬菜拼盤睇落以為唔夠食，點知原來二個人食都好夠，而且仲有烏冬，最後二個人捧住個肚走。…Read More

因為疫情禁左好耐既晚市堂食開返，於是約朋友食個晚飯。由於大家都無idea食咩，黎到最多野食既路德圍，我同朋友不約而同都選左樓下冰室。我地點左：焗鮮茄豬扒飯- 大大入，岩晒大胃王食，而且係炒飯底，用蛋去炒，食落口有好香蛋味。鮮茄夠多，撈飯正最正！豬扒一共有成3塊感多，肉質唔鞋口。金牌咖哩牛腩飯- 咖哩好惹味，唔會太過辣，而且食到咖哩有椰香味，牛腩煮得恰好，唔太冧唔太鞋。口水雞例牌-雞肉滑嫩，醬汁亦夠重口味，唔會死咸。炸韮菜餃-大大粒，一碟有8隻都幾抵食！雞湯浸什菇娃娃菜-湯唔太咸，碟頭大，推仲中意食菜既朋友～…Read More

黎到食肆林立的旺角，又要頭痕食咩好，一班人聚會緊係黎個打邊爐。上網search完資料，決定黎呢間幾高人氣度的淥鼎記。餐廳環境舒適，座位寬闊，擺設又有小小中式，連豉油壺亦都好有中國特色。餐廳唔同一般火鍋店，開始之前可以按人數選擇一二款的定食，我地試左酸菜魚，碟頭都幾大，魚肉滑溜無骨，愈食愈滋味。火鍋湯底選左花膠雞，食材實料，有大舊花膠又有雞。濃濃的湯底幾乎都不需要沾豉油。飲品方面，一大排飲品櫃任君選擇，仲有之前好hit的百事生可樂！肉類睇上去都知道好新鮮，紅卜卜的顏色十分吸引，而且一啲都無雪藏味道！而附送的海鮮亦都十分之新鮮，值得一讚。總括來說，性價比高，食物質素好，會再來幫襯。 …Read More

今晚去呢到食米線，食食下發現可能係蚊/蟲。我自己可以清晰睇到頭，腳，身起初都係想換個碗算，因為菜蚊，菜蟲都好正常。有個執碗哥哥仔（我估PT) 去問個呀姐，會唔會係菜花（有圖）。之後轉身叫個男仔收左碗野。好啦，收左碗野，以為會換個碗，等左勁耐都無既，我就叫個副經理，點知個副經理係真。經理（經過唔理）。 咩都唔知之後碗嘢係佢睇都冇睇過已經消失咗。其實連鎖店點解會有咁嘅質素嘅員工🤔🤔…Read More

收工返屋企女朋友話好肚餓。石門站一出見到一間新開嘅拉麵店好方便，見到佢係新開而且又新裝修，店舖好光猛。就入咗去食呢間一喜。拉麵店我叫咗碗特盛叉燒味玉伊勢海老豚骨。女朋友就叫左特盛叉燒味玉豚骨。兩碗拉麵都好有驚喜， 拉麵另外最主要一定要飲個湯，濃濃既豚骨湯店員話個湯底用咗大量嘅豬骨去熬製十個鐘頭，所以嘗試第一啖嘅湯就會嘗試到當中嘅鮮甜，其後就會試到佢既濃。味濃另外我叫咗海老豚骨，當蝦油加咗入豚骨湯裏面令到個湯底即刻提鮮十倍。叉燒厚薄度適中，唔會話太過肥。另外我哋仲嗌咗兩款小食：羽根餃子，珍寶炸帶子。餃子裏面餡料充足飽滿，而且煎嘅火侯啱啱好，咬開仲有好多既肉汁漏出嚟。珍寶炸帶子，炸既時間剛剛好，外脆內軟，而且帶子重要十分鮮甜。整體呢間拉麵店食物嘅質素到裝修樓面都十分好，極力推薦身邊嘅朋友試下…Read More

今日同朋友黎到銅鑼灣食lunch,苦惱緊食咩菜之際，朋友提議食燒肉，由於早餐食太飽，去食燒肉放題又有啲唔抵，最後比我地搵到呢間東角附近的燒肉店，店內提供燒肉set,岩晒想食燒肉，但未必係放題既朋友。餐廳採用自動下單，坐低禁幾個掣就食得啦，非常之方便。另外水都係自助形式，食燒肉食到口渴都唔洗成日麻煩店員幫手加水，另外仲發現到餐廳用水係日本還原水，又幾特別。每張枱上面都提供左不同款式嘅醬料，任君選擇，有柚子醋、日式燒肉醬、鹽燒燒肉醬等等，岩晒不同口味既客人，非常細心！肉類方便都好新鮮，望落去紅肉脂肪分明，起晒花，好味道！另外仲配埋主食同前菜，可以比客人自己選擇！…Read More

平時出街食飯諗唔到食咩，就會選擇食粉面，今次黎到旺角試左呢間越風味，都幾唔錯又值得推介一下。入到餐廳門口已經見到座無虛席，餐廳環境都舒適，比人感覺衛生。餐廳除左有散叫之外，仲提供套餐，如果2個人以上黎食可以考慮下套餐，抵過散叫好多。今次試左火車頭湯河，非常足料，除左面底夠多之餘，配餸有扎肉、肉丸、牛腩，岩晒我呢啲大胃王。至於湯底方面，濃味得黎又唔會太咸，飲多幾啖湯都唔會太口渴。朋友點左香茅雞翼湯粉，雞翼有成4隻，而且都好大隻，雞翼炸得黎又唔會令到雞肉鞋捨拾拾。另外，仲點左碟下龍灣魚餅，老勢話真係特登由下龍灣直送黎，食落又好似比平時食到的魚餅更有魚味同更彈牙！…Read More

收工約左好耐無見既朋友食飯，吹水。行到去兆萬，見到樓下有人派傳單介紹呢間神戶屋日韓放題 。呢間餐廳，魚生刺身都真係幾分新鮮。另外餐廳都有生蠔放題，蠔味十足十分好食。而當中餐廳最驚喜既係有海膽俾埋你食，當然係放題餐廳，佢既海膽可以話一啲都無令人失望，海膽色澤明亮，食落去重好鮮。自助區款式多樣，而且好整齊衛生，不時會有店員幫忙打理。另外值得一提既係佢既一品料理，款式多樣又有水準。大家去到記得要試返佢既抄通菜，味道足夠，抄得非常香口而且餐廳重加左啲櫻花蝦落去，我仲一口氣食左四碟！…Read More

是日約左朋友在青衣城見面，想搵間可以坐得耐少少的餐廳，於是決定黎呢度一路打邊爐，一路吹水。餐廳除左有打邊爐之外，仲有日式燒肉。今次同朋友點左新出的澳洲黑安格斯牛板鍵，湯底係廣島蠔味蹭鍋，大大隻既蠔，湯底非常鮮味！而牛板鍵都無令人失望，色澤明亮，有雪花，好有牛香味！自助區款式多樣，而且好整齊衛生，不時會有店員幫忙打理。另外值得一提既係佢既甜品同雪條，甜品款式多樣有水準，另外記得要試返條雪條，奶味非常香濃，朋友仲一口氣食左二條！…Read More

灣仔出名多好野食，今日同朋友食泰國菜，搵到呢間新泰，食物質素唔錯，聽講仲有好幾間分店添！一坐底二話不說就點左盤生蝦，蝦夠大隻又新鮮。再來就係泰式燒豬頸肉，火候恰到好處，咬落仲帶啲肉汁，好juicy!主菜點左海南雞半隻，雞肉滑嫩，仲要已經去左骨，咬落口啖啖肉好滿足！鹽焗魚都直不錯，條魚夠大條，鹽焗但唔會太咸而蓋過魚的鮮味，入面仲有香茅香料，味道又提升左。香草肉碎炒飯粒粒金黃，味道好濃郁，岩晒中意重口味既人士！…Read More

聽朋友介紹話銅鑼灣呢間茶涮涮有日本雪室熟成牛食，仲話好好食，大力推薦我去食，於是早幾日同朋友去左幫襯，果然無令人失望。餐廳裝潢簡約舒服，座位又寬落，好岩情侶、朋友們一路打住邊爐，一路傾計，亦都無限幾耐要交台，值得一讚！睇返餐牌上的簡介，雪室熟成和牛源自於日本傳統儲存食物嘅智慧，將黑毛和牛置於冷藏室熟成，令入面纖維軟化左，使和牛的肉質變得柔軟，口感醇厚。呢度用打邊爐最簡單的食法就可以完全食到雪室熟成牛的美味。餐廳提供幾款套餐類別，最平$398已經有齊湯底、野菜盤、時令海鮮拼盤、刺身、沙律等等，刺身同海鮮一啲都唔馬虎，性價比非常高！…Read More

前幾日同朋友聚會，選址左有米芝蓮認證既中環中菜館，食物好有水準，服務亦非常好。呢間中菜館由2016年已經找犬一米芝蓮推介，當日晚飯時間已經爆晒人，想去食既朋友記得要提早訂位了！一場黎到當然要試佢既拿手小菜鳳梨生炒骨，生炒骨香口，特別係佢地調配既甜酸醬汁，比出面食到既唔同，非常有水準！第二樣拿手水菜椒鹽大尾魷，一樣都係好好食，魷魚大大塊，大人細路都食唔停口！第三樣煎咸雞，雞肉滑嫩，煎得剛剛好，送飯食一流！最後額外試左小炒皇，都一樣炒得唔錯！…Read More

現在日本既速食文化進化成烤肉都有了。銅鑼灣呢間燒肉one主打一人烤肉，可以按自己喜好選擇不同烤肉類的拼盤，唔覺食或者心大心細亦都可以選擇單點。每一個座位都有燒烤爐，可以一路自己燒自己的野食，一路同朋友傾計。肉類主打美國牛，當然亦都有西班牙產同尸本產的，個人推介日本A4和牛，牛味好香，肉質鮮美！除左燒肉，仲有提供壽喜燒。另外餐廳好細心，調味料架上面放左不同口味的日式調味料比食客選擇，總有一款岩心水！另外燒肉店仲提供自助鑽石能量水添！…Read More

今日要推介呢間位於尖沙咀樓上既高質生蠔西餐廳！提供既生蠔選擇多，生蠔好新鮮，而且好大隻。除咗生蠔，仲有刺身食，帶子好鮮甜，象拔蚌夠爽脆，三文魚都有魚香。另外串燒都幾吸引，特別係燒雞心串同牛舌心串，雞心唔係成日改倒搵到，牛舌心係牛舌既正中間部分，特別好味！試左黑松露雜菌湯，雜菌湯非常之香濃，一啲都無溝水，配上黑松露係幾好味！至於蟹肉沙律都無令人失望，蟹肉份量都好多，食完串燒食下沙律幫助下消化都唔錯呀！…Read More

朋友住係北角，每次去搵佢都一定黎金樂軒食晚飯，除左有雞煲烤魚之外，仲有唔同款既小菜，任君選擇。一開始點左麻辣烤魚過下口癮先，條魚都幾大條，魚肉肉質滑嫩，襯麻辣食一流。烤魚的料頭都好多，夠晒入味！椒鹽金磚豆腐：呢味菜開始好普通，但要整得好味都唔容易。入面豆腐滑溜，外皮脆得黎夠椒鹽味，而且炸皮唔會太厚。熗炒包心菜：夠火候夠獲氣，好入味！尖椒炒腰潤：呢碟餸都唔係間間有，見到餐牌有就即刻叫咗。腰潤夠新鮮，熟度剛好，唔會嚡熠熠。水煮牛都推介，大碟得黎一樣夠入味，送飯食一流！…Read More