Little_heart heart的個人專頁

開業冇幾耐就不斷回頭嚟微笑。 但係！ 10月尾某日一行四人嚟食，發現有個新員工嚟咗，佢唔同之前個員工嘅做法，佢大有趕人嘅趨勢，成日問你食完嘢未、一食完就收、一收到枱面冇嘢食阿新員工就會「即刻」「自動」放張單喺枱面，甚至你有冇嘢要加都唔問。 一次都算，但係果然有一就有二。 今日11月2號7點幾，一行兩人嚟到微笑，食到尾聲我加咗一罐細飲品，其實都打算飲幾啖就拎住行住飲。先啱啱打開飲咗兩啖，果不其然，瞬間枱面被清空，張單就出現咗喺枱面。唔緊要，俾錢應該。俾完錢，同行人打算睇埋個訊息就行，我亦都拎好嘢準備好要離開。 點知！ 轉眼間阿新員工行埋嚟，拍我膊頭話「麻煩快啲吖，有人等緊」。我完全有被逼食快餐嘅感覺！仲要拍我膊頭。我有啲嬲，唯有向同行人講我哋俾人趕，行啦。 同行人覺得不滿，走嘅時候同嗰位新員工細聲而嚴肅咁講：「你咁樣其實即係趕人走。」 阿新員工聞言就話：「我哋係咁架」 我之前嚟咁多次從未試過唔駛開口叫埋單，從來冇俾人趕過。其實冇打算霸住張枱，睇埋個meesage最最最多都係幾分鐘嘅事。有冇必要咁樣對客人。 我唔知係老闆默許定點樣。但係我諗，至少呢位新員工在職嘅日子我都唔會再嚟食...... 傷心又失望。…查看更多

開張嗰日就食咗lunch第二日食咗dinner平時唔會試串燒，因為通常都燒得好乾。但係套餐包咗，就試一試！而呢間真係燒得好食，好juicy。晚餐散叫咗個牛脷，一個字：正！個set仲有個刺身飯同烏冬，好抵。…查看更多

好想食炸雞又唔想排隊，就嚟咗Dodam。叫咗炸雞、炒年糕、魚糕湯、柚子燒酒。炸雞同炒年糕正常（唔會好食到嘩一聲嗰種）魚糕湯冇乜胡椒/黑椒味，得鹹味就變得有啲膩同平凡。:(柚子燒酒冇乜酒味，好多冰:(唯一好處係冇限時。…查看更多

食自助餐一定要有生蠔！見幾多笑面、又有折 (折咗都唔平)、又有蠔，就訂咗位。點知一入座，就後悔到想走:(無論生熟食都冇咩款，好彩仲有movenpick頂住。集中講吓：生蠔 - 有啲腥，連鍾意食蠔嘅屋企人食唔落燕窩羮 - 幾好味，食咗幾碗塞飽自己即煮意粉 - 冇味道....總結：絕對 冇 下 次…查看更多

冇訂位，所以一開舖就殺上去搏吓可以坐草地，點知真係坐得成！但係...好拮肉有啲難坐。之前睇openrice話食物分量好細，點知意粉嚟到好大碟嚇親我，食晒之後好飽。但係！我決定要食埋個affogato。好食好食！不過放咖啡嗰隻杯仔熱到我差啲拎唔起😂p.s affogato個擺飾好靚…查看更多

鰻魚飯好食，吉列豬有啲硬。鰻魚set先72蚊，出尖沙咀用呢個價食唔到，我覺得好抵，呵呵。吉列豬明明冇燶到，但係唔知係咪炸得太耐，肉汁失咗蹤。下次想試貓飯，好似份量幾大咁。…查看更多

非常爆滿嘅餐廳，好彩兩日前訂都訂到位。刺生、生蠔都好食。刺身竟然有比目魚、虎蝦；生蠔有兩款 - 不過都唔大隻嗰種，同埋我食咗幾隻蠔都俾洗蠔嗰個姨姨「了」爛咗。角落頭仲有ham，不過感覺唔係我鍾意嘅質地，有啲粉，食唔夠一塊就覺得漏咗。同埋個ham corner is too far away from the fruit corner，我拎完ham行到去生果區先知冇晒哈蜜瓜。重點1：有幾款燕窩甜品食咗4個燉奶重點2: 熟食都好一般:(…查看更多

嚟過兩次都有食炸両，賣相好靚、個皮好薄。雖然油炸鬼炸得有啲啲硬，但係overall我好鍾意食，以後都會再食。同埋乾炒牛河好好食我平時唔會食，但係呢個好似有少少辣味咁，食得好開心。…查看更多

朋友提議嚟呢間，覺得無妨就決定試試。一入餐廳，個receptionist明明聽得明廣東話都堅持我哋要用英文答. 唔緊要.坐低第一個感覺係燈光會唔會太黑... 有情調都唔係呢個黑法啩. 睇個menu都要就返個燈光唔好遮住自己...都唔緊要.食物:salad - 正常雞 - 好鞋steak - 唔錯 又有唔同醬汁可以點，但係唔值4百幾蚊咁貴仲叫咗薯條，最令人失望就係佢。未見過有高級餐廳可以將薯條炸得咁硬，不斷界到條脷...overall就係兩個字：失望 …查看更多

一向都唔係啲會死霸住人哋張枱嘅人。你提早嚟埋單嗰陣已經講咗去到幾點。其實夠㗎喇，唔使臨夠鐘前五分鐘就輪流派人嚟用趕人嘅態度「提醒」你夠鐘好走嘅。返屋企睇返以往人哋嘅食評先知，原來趕人已經唔係新鮮事。平心而論，啲肉ok嘅，但係其他嘢食唔多得...同。埋。服。務。好。差…查看更多

上次食只覺質素普通~今次o係同行友人的要求下再食一次，冇抱好大期望。叫左酸辣魚滑米線、小辣。只等左10分鐘左右就齊哂4碗粉，快!湯同粉分開放，so good!!魚滑幾實淨、唔散，好吃。米線比薯粉好吃。(個人認為薯粉硬左d)酸辣湯底唔會太酸、味道岩岩好，正!不過下次我會試下中辣…查看更多

聽說這裡食物不錯，就來試了~不知道是這款紅薯粉的質地就這樣，還是別的原因。紅薯粉還蠻不軟,不煙UN的，有點硬硬的感覺。炸醬還不錯的，腩肉普通。而且微辣，真的只有很微,很微的辣。下次要吃小辣試試，如果不夠就下次再吃中辣其實整體真的只是普通，但還是可以再吃。不過，店裡的人都很友善。還說請美女吃汽水, 好搞笑…查看更多

見到價錢唔貴就入左去食啦。地方稍嫌細左D同窄左D，5個人要坐4人枱...不過都坐得幾舒服，傾多陣計都唔怕~我食左丸子PIZZA ($34)造型還吸引我的~~ 一個個半球體小丸子佈滿在脆脆的PIZZA上面, 蠻可愛的味道整體來說很好，只是我唔太喜歡太重的燒汁味道，下次會要求少D醬，但它是好吃的!朋友們都吃了飯丸，有咖哩雞、咖哩漢堡、雞排窩蛋、還有一個魚柳~我沒吃雞排窩蛋，但其他的都很好吃P.S 上菜速度還蠻快的。…查看更多

地方比想像中細和逼左少少，但係都仲係好舒適。點了焦糖咖啡，有熊仔拉花 (興奮~^^)，雖然有D瑕疵~但係味道不錯，可以一試。至於意粉，看食評明明份量也唔算很少，但今次少得可憐...幾啖冇哂><大碟DD就好啦~~p.s 店員們的服務態度很好~我會再去的~…查看更多