fyau's Profile

好耐無黎，食物改進咗，但價錢貴咗，3個人，7樣嘢，$598。用餐時間寫明1.5小時，如果想傾計就另選其他。今日假期人多，中午前到要等一陣。服務員招待尚可，點心夠熱，除咗腸粉較暖。炆鴛鴦米最差，又油又濕又咸。…Read More

慶祝家姐生日，食西餐，諗起係灣仔食過Frities質素唔錯，今次選擇黎海濱滙分店試吓，星期日下午黎，人流唔多，坐位寛寬敞，好適合傾計，服務員仲貼心分兩round 上菜，免食物凍，影響口感味道，呢樣值得加分👍🏼4人點咗pizza Margherita，1/2kg house mussels，brunch steak with eggs，roast chicken salad，prawn and crab ball，Almighty chicken Parma，4 drinks，$1670。連炸薯條，焗薯都食晒，除左蟹球比較弱之外，所有食物都做得出色，家姐對食物讚口不絕，推介比朋友並且再黎機會好大。不過要留意。切餅費係$150。…Read More

酒樓名比較特別，到埋單後先知原來係美x集團旗下。當日係星期五，以海港城環境黎講係一定好，望碼頭景，但真係十分靜，全場不過10枱客。食物質素相信係集團既中上，當然價錢都係相對。7個人全散叫，有主打片皮鴨，沙薑豬手，椒鹽鮮魷，鎮江骨，炸魚皮，乳豬，露荀蝦仁，炒飯，蠔餅等。當中食物整體唔差，除左個個所謂既蠔餅，製作方法簡直浪費，炸到成舊石頭，硬到插唔入，最後無乜人食，晒曬！其他食物如鴨，豬都屬中上味道。最後叫左3個楊枝甘露，埋單$33xx。埋單前有問職員有冇優惠或信用卡優惠，佢話無，只得yuu儲分，當刻先知道係集團。重點係，我哋埋好單出門後，發現門外張貼優惠話堂食散座88折，明明埋單前問職員話無優惠，結果我哋返去問櫃檯，佢話係喎，好在未埋數收機，我哋話埋單前有問職員有冇優惠架喎。雖然市道唔好，但手法相當低等。後來發現原來openrice都有另一食評反映佢唔老實，唔正視問題，只會搞死自己！…Read More

星期二平日放假陪媽咪飲下午茶，糖心軒係疫情時偶然發掘的，食過一次就成日掛住，不過，我多數飲早市/下午茶優惠時段😅 食物每次都唔會令大家失望，點心款式係就少咗啲，但所有上枱食物夠新鮮又夠熱，而小食及小菜款式都相當出色，炸物唔會馬虎。今日呢個下午茶，名正言順平價包參翅肚餐，實在大滿足，兩個人清晒6樣食物，抱住個肚離開🤭間中黎飲茶當獎勵一下自己，亦支持香港飯店，留港消費😉今次唯一有少少失落係食唔到蛋散，因為售罄。下次定必埋坐即點…Read More

試左兩碗外賣車仔麵，有分湯盒，湯夠熱。餸由$5-$8不等。但叫咗4-5樣餸點解會變左$60？原來淨湯麵$33。送熱飲。豬紅一般，蘿蔔可以，豬手偏林，豬軟骨都夠林，豬腸都乾淨，牛百葉切得好幼，雞翼炸的，豬扒都夠林入味。豬骨湯就唔可以辣。食完感覺湯濃，但頗喝。點解筲箕灣區要搵一間食得下既車仔麵係咁難🥲4餸，6餸，2杯凍飲$6，外賣盒$2，外賣$133最後發現比漏娃娃菜，返去取回$5。…Read More

睇食評黎大坑試食，早上未夠10:00前來，參考咗其他食評後決定呢間。有早餐餐牌，亦有車仔麵，兩樣都有試。魚柳餐，都係普通無乜特別，份量比一般少，連凍飲差不多$50。車仔麵好似係$42/2餸麵，個別餸要$15（豬腸，牛腩，魷魚等），叫咗一碗5餸撈米，成為$80。豬紅個味整得幾好，魷魚都夠厚身，豬腸唔夠淋，蘿蔔無揸，齋正常。鴛鴦走及茶走夠熱唔太甜唔太漏口，唔錯。鮮油多最驚喜，牛油鋪滿多士內，十分香脆。唯一好奇，堂食飲品，餐廳會用外賣杯上，令人懷疑，飲品係其他餐廳送過嚟！😅1份魚柳餐配凍飲，1份5餸車仔麵餐配熱飲，2件多士+1杯熱飲，成為$187，到此一遊，試過就算。…Read More

4個月前黎過食午餐，當時覺得十分驚喜，相隔4個黎食晚餐，都無令人失望👍🏼 小菜出式，服務熱誠。是晚最具特色的，係久違嘅味道，蘿蔔牛腩煲，食得出唔係冰牛，蘿蔔香甜，牛腩林入味，有筋有肉，十分欣賞😋 其他小菜都好出色😉…Read More

突然想食小菜，想起呢間位於筲箕灣多年既飯店，相信曾經轉過手，地方雖小，五臟俱全，街坊小店。今晚叫左3個小菜，十分驚喜又出色，比起區内多間小炒店，絕對有過之而無不及。 先叫鵝腸，份量足，味道適宜，而且有輕微麻油香，簡直食唔停。椒鹽白飯魚，粉漿做得薄脆，炸得乾身而不油膩，香脆可口。涼瓜斑頭腩，估唔到佢會用東星斑頭，就算係急凍貨，都無醒味，絕無花假。唯一要彈係若然少油及淡口啲，比較完美。只要保持水準，一定會再幫襯👍🏼…Read More

呢間火鍋店係灣仔已經一段時間，以前路過中午無乜人流，晚市火鍋先係佢既主打菜。今日路過，佢改咗火鍋x冰室，而且有d人流，即管入去試吓，午市餐牌主要係A-F餐，常餐及全日餐。我就點咗個有👍🏼既全日餐，總括而然，無乜特別，生炸雞肶本來寫住要20分鐘製作，點知5分鐘就上枱，第一眼望落雞肶又乾又柴，不如所料，「翻炸雞肶」，over cook之餘，無乜味，但多士就好香牛油味，說好的燶邊太陽蛋，都係一般太陽蛋啦，$65一個全日餐+$3凍飲黎講，都係選擇返正常既茶餐廳或冰室吧！唔係專長即唔係專長，或者店家只係唔想浪費左午市時段。…Read More

假日入黎行山，有緣買到兩款鳳凰卷，因為一早已知呢間店嘅鳳凰卷係要訂先有，老闆正新鮮製作中，我並無預訂，多口問老闆可否即買，佢望一望我，話個客未取，可先讓一盒比我，我話可以要晒2款嗎？🤣佢話事但啦！（可能見我買左5盒椒鹽魚仔，所以先咁順攤讓出兩盒鳳凰卷比我😝）返屋企立即試吓，的確皮薄餡正😀傳統既味道回憶返晒黎😀下次入嚟都係記得預訂🤭椒鹽銀魚仔，比出面買的夠細夠脆，不會用粉漿炸，魚仔夠香味。…Read More

星期日心血來潮入南丫島行山，居然人流唔多，估計大部分人外遊或北上。坐中午船由索罟灣起步行，約2點幾3點，去到榕樹灣覓食，本來想去書蟲西餐，但要等位，最後改去食中菜，隨便路過見壽記，一開門，d冷氣已經攻陷我哋心境，先黎冰凍汽水，再慢慢點菜。伙記無推銷海鮮，反而同我哋講有炒粉炒麵食。我二話不說先點豉油王炒麵，椒鹽鮮魷，煎咸魚肉餅，其後再點乾炒牛河和啫啫通菜煲，5個人share份量十足。不得不讚整體食物調味適中，最欣賞不會過咸或油膩。尤其兩碟炒麵炒河😀👍🏼 碟底無油，河粉不會炒到碎，豉油香又夠鑊氣，連平時少食粉麵個仔，都話添食😌 個煲啫啫通菜煲，通菜爽脆，蝦乾鮮甜，仲有幾片豬頸肉搭配，熱辣辣放上枱，香氣撲鼻😋稍為無咁好食既咸魚肉餅和魷魚，雖然唔夠個3碟好，但都未至要投訴，魷魚炸得好，可惜魷魚無鮮味，似急凍貨，咸魚肉餅唔like佢係炸，無咸魚香味，得咸味。整體而然，下次入嚟會再幫襯。亦要一讚伙計有禮，期待下次入嚟試埋牆上既能手小菜。…Read More

呢間北角半島，長期排隊，一早已經想會下佢，襯今日有機會去試吓，早餐時段排幾個都等吓。凍檸茶黎到見到咁淡色，未飲已感覺無乜茶味，一如所料。牛扒和蛋黎到，已經大打折扣，蛋既賣相似集團餐廳bb蛋size, 牛扒易切，食落口無味，係乜味都無，食左2啖放棄。還好，加錢$4轉左油尖多，黎到見到搽得滿滿，果然，亮點係多士，牛油味香濃，果醬搽得不吝嗇👍🏼咁既質素早餐黎講，真係唔明白吸引排隊之處係咩！又眼見有人特登揸車去食，究竟係羊群丫還是個人口味問題。 BTW, 我暫無意慾再去消費，同區黎計，我相信有唔少競爭對手，唔洗排隊品質都比佢好。…Read More

通菜跟咕嚕肉及2個例湯和飯是2人餐$198，可加購飲品。另本來想試招牌叉燒（黑毛豬，飛機運），但太貴了，例牌要$198，或者之後有機會試。1）通菜上碟熱辣辣，夠火候先可炒出唔會發黃，味道岩好，如果少d汁會更好。2）菠蘿咕嚕黑豚肉，甜酸得宜，夠脆。3）椒鹽鮮魷粉漿夠薄，魷魚有鮮味，份量合理。4）例湯連藕湯，唔似加料例水5）白飯稍為林，若然能煮出一個香飯就完美總括，整體食物質素令人滿意，環境可以，會再encore。…Read More

呢間無意中發現，今日已經第二次去，坐位寬敞，服務好，有特別茶可點，不用加錢。價錢在該區算實惠，食物質素算中上，唯獨點心款式較少。今日2人用餐，只點一籠點心，一碟炒河及一隻乳鴿：試業優惠，蒸餃新鮮皮薄 $18.8涼瓜斑頭腩炒河$98，調味適中，河粉幼滑，如果上碟再熱d會更好，同埋多比1-2舊魚會更好乳鴿$52，味道不會過咸，新鮮炸出，不會太bb,不會太乾。人心烏龍及果皮普洱，茶味夠濃，茶介$15/head…Read More

同老公食左幾樣點心都好唔錯，蝦餃又大皮又薄，內餡有5隻蝦；炸鮮蝦雲吞都好出色，皮脆唔油蝦又大；腸粉薄滑；為左食翅邊等邊食，廚部食物要11:00後先有。翅都有4-5群，廚部即煲即上，味道適中。所有食物點心炸物都好吸引，雖然價錢比一般酒樓略貴，但整體質素好，值得推介。…Read More