waiwailaw10's Profile

難得一日放假，終於可以同男朋友去拍拖行下街❤️❤️今次來左mega box玩～👫一早用OpenRice book左熊小館，7:15同男朋友早左少少到，見到都有人排隊，好在我有book定位😍職員態度非常之好，值得一讚🎊一坐低已經見到有隻熊啤啤係張臺度，好可愛啊😍😍😍之後叫左個二人餐，二人餐非常抵食，又好多野食👍🏻好快就來左個餐湯，羅宋湯好足料啊😍😍好惹味👍🏻👍🏻男朋友話個包焗得好脆！！個脆薯圈好脆又好香口，好好味😋最好味係個牛肩扒，嗌左7成熟，真係岩岩好，食落去好juicy😍食完成個口都仲係牛肉既香味～～其實食完呢個都開始飽飽地🙈個份量真係幾多👍🏻個意大利飯都好好味，好creamy ，無諗過一個以熊仔為主題既餐廳，煮意大利飯煮得咁好食👍🏻👍🏻👍🏻最後食埋個甜品就岩岩好，甜品可以加錢轉心太軟，心太軟甜左少少，但都有誠意，因為個心太軟有流心總括而言，呢一間餐廳真係值得推薦價錢合理、環境佈置又可愛最重要連職員都好好態度，見到我係度影熊仔公仔，都主動話幫我同男朋友影合照好難得既經驗🥰🥰…Read More

呢一間米線長期都排好多人，同左朋友都排左一陣隊，嗌左雲吞腩肉米線，米線好彈牙，雲吞都好吸引，呢一間米線份量都算好多，腩肉都好好味，味道辣得來又唔會太過份，岩岩好係你既最可以接受程度，下次會再來試下其他餸…Read More

一直都聽過呢間龍蝦湯好好飲，終於今日放工之後可以去試下啦～～雖然要排隊，但都好快有位，職員態度都好好，因為我同朋友一坐低就覺得個冷氣好凍，之後主動要求換位，老闆同職員都好好咁幫我地換左個位，我嗌左個龍蝦湯飯，個湯好好飲，一飲就停唔到口，而個湯都好鮮甜，為左個湯會再來食😍…Read More

最近開始要減肥，見到呢間好似好健康咁，配搭方面好多選擇，有湯飯、米線、准山麵、米粉，最後叫左雞肉牛肉娃娃菜蕃茄湯飯，出菜都等左好耐，但食落都覺得健康，朋友就叫左魚湯，魚湯好似好味d，下次會叫魚湯試下，一個人一個湯飯都好飽😍下次會再來食，減肥既最佳選擇！中間發生左一段小插曲，因為朋友叫左藜麥飯，最後來左白飯，個職員話無藜麥飯所以俾左個白飯，雖然我朋友唔介意，但最好都係問下客人意見先，而唔係自己決定，呢一點扣分！…Read More

第一次來呢間cafe一開始係睇OpenRice 俾佢既外觀所吸引，之後去到坐底見到個地方都靚既，但食物質素都仲有進步空間，我同朋友叫左兩個餐都唔好食，本身見咁多好評都好期待既，但連好基本既菇都未煮熟，真係好失望，叫左一杯抹茶都唔好飲，抹茶粉都未融，一pat pat咁，唔知飲緊抹茶定食緊粉，另外，當日，唔清楚係店員定係朋友，係餐廳入面大吵大鬧，又講💩屁屁，情況實在唔理想，破壞客人進食既氣氛。本來我係鍾意支持小店，希望可以俾機會小店繼續發展落去，但都希望小店可以自己都要要求自己，連基本功都未打好，店入面又大吵大鬧，顯得唔專業，希望小店可以係未來日子改善上述問題。…Read More