FoodTravel_World's Profile

Dough Bros啲酸種pizza真係食極都唔厭，比傳統嘅冇咁油，餅皮焗到香脆﹐入面又好軟熟，私心最鍾意佢個蒜蓉醬（試過其他醬都係最愛佢）！每次食都新鮮焗起，熱辣辣超正！見佢哋開越多分店都開心，以前要食都唔係咁容易🤣—— The Maui Wowie $158呢款有煙燻火腿、菠蘿、夏威夷香腸同大量芝士，食落超滿足勁多料，依個經典配搭次次食都叫！同埋一定要大大啖車啲蒜蓉醬(嗌pizza就會送埋），同依款係最夾！—— The Parma 2.0 $168上面鋪滿咗意大利巴馬火腿、巨量火箭菜同香草烤蘑菇，味道鹹香，火腿大大塊一啲都唔孤寒🤣—— 炸單骨雞翼 $88小食最鐘意依款！外皮好酥脆，夠入味，單骨完全係懶人恩物，食起嚟好方便！—— 炸薯球 $58外層炸得金黃，內裡軟糯，口感超豐富，配搭pizza定就咁食都好好味！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 Dough Bros Pizza & Doughnuts (鰂魚涌)鰂魚涌海灣街4-6號嘉榮大廈地下7號舖…Read More

旺角行完街想chill一chill，原來朗豪坊就有個sky bar超方便！幾特別係唔係一間酒吧，除咗有晚餐，仲專門食蠔！地方比想像中闊落，好多梳化位，仲有啲露台位，飲嘢最緊要坐得舒服，同埋唔使同隔籬枱咁親密🤣最近見佢哋有120分鐘free flow包小食拼盤，依個環境位置黎講幾抵飲！—— 120分鐘Free Flow $198/pp依個free flow都幾有誠意包23種drinks！基本上你想咩飲酒都有齊，例如紅白酒、氣泡酒Sapporo、Asahi、cocktail、cocktail都有！仲要包埋個小食拼盤，有炸雞翼、薯條、魷魚圈同洋蔥圈，呢個價錢真係飲多幾杯都晒本—— Oyster Palette：$308一次過可以食到五款生蠔！包括美國、法國、蘇格蘭品種，會介紹返由淡味到濃味循序漸進食，每隻都好新鮮肥美！—— 美國CAB安格斯西冷 $288有CAB認證嘅牛扒都係質素比較好，油花均勻，肉質粉嫩，值得一讚叫3成熟真係煎到啱啱好，同埋都幾大塊🤣—— 黑松露忌廉手捲意粉 $205依間啲海鮮真係唔錯，成隻大蝦煎到好靚勁打卡！仲有埋墨魚同蟹肉，黑松露醬有驚喜！本身會以為好膩但又唔會，好味到撈埋牛扒啲薯蓉食🤣手捲意粉夠牙掛汁，好少見成隻手指咁長嘅捲意粉🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️ 📍 The Sky Bar (旺角)旺角亞皆老街8號朗豪坊13樓1號舖🔎分類搜尋：#FTHK_旺角 #FTHK_西式…Read More

壽喜燒控必試！呢間壽喜燒肉屋真係驚喜滿滿🔥一入門口，已經聞到好香壽喜燒汁味，佢地由網店開店，做到依家開埋實體店！—— A5和牛壽喜燒經典之選 $269今次叫咗佢哋人氣no.1套餐，有三道前菜，八爪魚野菜沙律、柚子脆豆腐同黑松露薯仔沙律。重頭戲肉品係A5和牛！紋理雪花細緻，入口即溶超正！全程有專人幫手煮，火候控制得啱啱好，沾埋蘭王蛋超好食勁滑！最後仲有六品野菜拼盤，包括冬菇、日式燒豆腐、蒟蒻、春菊、大白菜、京葱，食到超滿足，尖沙咀午餐$269呢個價錢真係好ok！📍 壽喜燒·肉屋 (尖沙咀)尖沙咀海防道38-40號中達大廈3樓▫️▫️▫️▫️▫️▫️▫️▫️▫️▫️▫️▫️▫️🌟推薦指數：9/10🔎分類搜尋：#FTHK_尖沙咀 #FTHK_日式…Read More

龜記喺台灣飲過真係超鐘意😍茶飲好天然，著重茶底，奶茶仲用咗無乳糖鮮奶，原來香港都有分店，最新鋪開咗喺尖沙咀！連Super Junior去台灣都幫襯🌟—— 花沐烏龍奶茶 $32以烏龍茶為主調，奶味同茶香疊著，入口順滑，帶住淡淡花香，唔講完全飲唔出係無乳糖鮮奶，記得嗌三分糖啱啱好～—— 冬瓜三十三茶王 $28 冬瓜系清爽之選，香氣突出，後尾茶味滲出黎，依杯推介叫五分糖～📍 龜記茗茶 (尖沙咀)尖沙咀加拿芬道49號地舖▫️▫️▫️▫️▫️▫️▫️▫️▫️▫️▫️▫️▫️🌟推薦指數：10/10‼️…Read More

夏天喺女人街排到去後巷為乜？係為咗隻溫泉海南雞！全日雞實驗室真係紅到爆，星期五晚六點幾去到，有成20個喺度排緊，仲要係颱風天氣多人到轉入後巷排隊，都係keep住有人排🔥每個套餐包咗：湯+小黃瓜+飲品。最平先$63真係超抵！海南雞有料到！肉質超級嫩，尤其是雞髀滑到一食真係食唔翻其他部位！！雞皮微微爽彈又有啲膠質感，平時淨係食炸子雞皮嘅我都全部食哂🤤本身都覺得海南雞要配雞飯，但見上網見咁多人介紹蔥油撈麵試試佢！加$5轉絕對值！麵條彈牙有咬口，煮得啱啱好，個麵質真係超級食，蔥油仲要好香撈埋超惹味，絕對係台灣餐廳質素嘅撈麵！！！椰子雞湯一樣正😍好清甜充滿雞嘅鮮味，飲完唔會口渴！—— 溫泉雞套餐配油飯 $63—— 溫泉雞髀套餐 $73 （加$5 轉蔥油撈麵）🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 全日雞實驗所 (旺角)旺角通菜街80號地舖分店：北角…Read More

依間除咗食煲仔飯，備長炭火燒雞都好出名，即叫即燒，三個人食都好夠，仲有埋綿手套，附上仔細拆雞教學同食法好細心😂$138 就食到全隻一路剪一路出煙係咁滴汁燒到好均勻，雞皮金黃薄脆係肉質食落同新鮮雞有少少分別但依個價錢嚟講收貨啦真係order 完即燒半個鐘先上枱🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️ 📍 點煲 (太古)太古城道16號智星閣地下G1016-17號舖分別：屯門…Read More

深水埗不苦cafe開店以嚟好受歡迎，最近喺鰂魚涌開咗分店，木系簡約裝修環境幾chill，中午都成日見有唔少人排隊！—— 鹽烤鯖魚伴燒汁定食 $138魚皮烤到微焦！鯖魚魚肉keep到juicy，燒汁甜中帶微酸，配埋珍珠飯超送飯！—— 香煎海蝦龍蝦汁捲捲意粉 $148大熱捲捲意粉好多枱都叫！蝦肉爽彈，捲捲意粉質感反而有啲硬，醬汁再多啲就更好～—— 開心果芝士蛋糕 $68全晚最鐘意依個😍😍價錢唔算平但真係好食，開心果味夠濃，芝士質感超級幼滑，淨係食邊邊嗰層都食到好香芝士味！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 不苦 (鰂魚涌)海光街7-9號龍景大廈地下6號舖…Read More

由漢堡到奶昔都係邪惡級別，好有罪惡感但款款都超好食，全部漢堡即叫即整，熱辣辣爆汁又香口，係今年食過最好食嘅漢堡！—— 撚手牛肉雙層漢堡 $125燶邊太陽蛋一篤流心，雙層牛肉好juicy，牛肉味超濃！仲有脆片煙肉，成個組合真係好好食大滿足😍—— 雞肉漢堡 $75即叫即炸熱辣辣！係俾漢堡耽誤嘅炸雞😂厚肉炸完入面仲keep住肉汁，一咬酥脆，咖哩味夠晒惹味，係食過最好食嘅炸雞漢堡🥹—— 金沙黃紫菜薯條 $44鹹蛋黃多到黐線！每條薯條都沾滿金沙，好香口食到停唔到口！ —— 朱古力奶昔 $52濃到似飲緊溶咗嘅朱古力！甜度啱啱好，仲有朱古力碎好多配料，真係分唔到漢堡定奶昔出色啲😂🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 Sick Burger (銅鑼灣)銅鑼灣希雲街31號地舖…Read More

大圍人氣屋子咖啡❤️‍🔥嚟到大圍就會諗起依間！屋子咖啡走日系簡約風，主打日式料理、甜品同咖啡，環境簡約樸素，今次就試咗晚餐，包咗前菜、主菜同埋飲品！—— 前菜 ▶ 木魚玉子燒 正方磚嘅玉子燒，上面灑滿木魚花，唔算係好軟身嗰種，但係蛋味幾香▶ 日式芝士年糕 即叫即炸，年糕好煙韌，入面啲芝士啱啱好半溶😍—— 主食 ▶ 天婦羅冷烏冬 $88超彈牙冷烏冬加上脆卜卜嘅天婦羅，醬汁清爽，夏天食啱晒，仲會有啲沙律菜，呢款係限定Menu～▶ 咖喱唐揚炸雞烏冬 $88咖喱湯底香濃微辣，炸雞厚肉香口，一咬juicy！—— 飲品▶ 西柚冰茶▶ 桂花烏龍茶🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️ 📍 屋子咖啡 (大圍)大圍積信街49號安信樓地下P號舖…Read More

銅鑼灣樓上cafe咁多間，Vol.1一直都係同區top3最愛！主打手工意粉，份量絕對係同界之最🤣好食又食得飽！坐得舒服，仲有小露台位，另外飲品都好有驚喜—— 自家製龍蝦汁蟹肉寛麵條 $178 麵條煙靭有韌性，做到好掛汁，蟹肉份量夠多，每啖都食到海鮮鮮味，龍蝦汁香濃夠哂！—— 煙三文魚墨魚汁手工圓粗麵 $148墨魚汁味幾重，麵質彈牙，少少可惜配煙三文魚又唔係唔夾，但配翻墨魚圈會更融合—— 炙燒白松露雞翼 $58 雞翼好juicy，燒完入面啲肉都仲好嫩！—— 黑糖鮮奶米麻糬 $52 黑糖味好香，推介少甜啱啱好，幾高質飲落似老虎堂🤣米麻糬好軟糯！！—— 抹茶奶蓋士多啤梨牛奶 $52 每次嚟都必叫！！三重層次抹茶奶蓋超濃厚，奶味好香，仲會飲到啲士多啤梨果肉🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 Vol.1 Cafe (銅鑼灣)銅鑼灣景隆街3號2樓🔎分類搜尋：#FTHK_銅鑼灣 #FTHK_西式…Read More

紅磡呢間滄浪亭一直都好受歡迎，今次臨閂門去都仲係坐滿晒，開咗咁耐，價錢仲係好親民又唔hea貨，如果住九龍真係成日都會想去食！—— 嫩雞煨麵 $60 必試招牌！乳白雞湯香一入口就飲到好濃～嫩雞夠滑唔乾柴，幼麵條掛汁，私心好鍾意放咗好多菜！—— 雞絲粉皮 $40 呢個真係驚喜咗我😍😍😍 唔知係咪因為臨收舖，粉皮即製超級無敵咁爽彈！！！真係食過嘅最好食！雞絲份量足，就咁加麻醬已經超級好食！食完一碟仲想Encore🥹—— 糖醋排骨 $54 呢款差唔多每枱必叫！即炸排骨外層香脆，一咬脆卜卜好辣口，炸完入面都唔鞋。糖醋醬夠酸，開胃又惹味，就咁食定配湯麵都正！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 滄浪亭 (紅磡)紅磡蕪湖街111號蕪湖居地下C1號舖…Read More

沾麵一定係超濃魚介湯？依間麵店反行其道，主餐廳只有4款：昆布水沾麵同拉麵；醬油同鹽味！昆布水沾麵比較少見，今次就特登去試吓！—— 昆布水沾麵 $138食法有三個步驟，第一係就咁食啲麵咩都唔加，一食個口感真係好符合佢呈現嘅狀態，幼麵條條分明，煙韌彈牙，麵條真係整得好！第二就係放入沽汁食，唔算好掛汁，而個沾汁都係偏流質，唔會太濃；最後就加埋昆布水入沾汁食，鹹香就再多咗。整體啱鐘意清清哋嘅朋友食，我就覺得麵質比昆布水更出色🤣—— 醬油拉麵 $128有啲似昆布版放入沾汁食嘅熱version，醬油湯底就不過不失，但啲麵就算係放咗入咁熱嘅湯，彈牙程度同常溫食嘅一樣，真係有調整過煮嘅時間，食到差唔多清碗啲麵嘅質感先轉淋咗少少少少，依個真係有驚喜！🌟推薦指數：7/10▫️▫️▫️▫️▫️▫️▫️▫️▫️▫️▫️▫️▫️ 📍 Men-ya New Old (中環)中環歌賦街9號地舖…Read More

工廈cafe質數參差，終於遇到依間真心高質！！星期日夜晚walk-in去點知都full booking，好彩咁啱有最後一張枱多咗出黎🥹估唔到佢位置唔算方便，但超多人特登去捧場，今次食完都真係會回訪！—— 蒜香牛油雞翼 $68好出色！！！即炸熱辣辣，炸漿一咬勁脆卜卜！上枱真係唔好影咁耐相快啲食🤣唔好miss咗最脆入面一食仲有汁嗰個moment！重點加落去嘅蒜蓉比一般嘅濃味好多！！真係好好食🤩—— 馬蘇里拉芝士焗薯蓉帶子 $78薯蓉好食到帶子都要行埋一邊先😂薯蓉好滑但唔係落咗好多奶忌廉嗰種，係真係食到薯仔變成嘅蓉，超香薯仔味，撈埋頂層焗到微焦嘅芝士，食到停唔到口！！—— 海膽意粉 $168暫時喺香港食過最好食+最高性價比嘅海膽意粉！海膽醬激量，食到好重海膽原味，意粉炒到軟硬度啱啱好，掛汁又唔膩，唔使$200就食到，必食！—— 百香果冰茶 $46第一次見成半個百香果上😂成杯都會飲到啲種子🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 Cobber Noodle and Waffle (觀塘)興業街16-18號美興工業大廈A座1樓A4室…Read More

麵包控必去！！！仲記唔記得幾年前千層生吐司爆紅？就係出自依間麵包店，店主當時為咗專注質量，反而毅然暫停供應千層款，真係好respect！事隔幾年，少咗人龍但人氣不減，早上8點開店，當日一早去等開門已經有人排隊，到11點已經麵包俾人清晒🤣🤣—— 生吐司 $20總共有近9款！！！甜嘅鹹嘅有餡冇餡都有！生吐司最原本版本就食得出功力，一塊都近一節手指咁厚，但咬落依然空氣感滿滿，超級鬆軟，肉眼見到入面嘅氣泡，乾濕度啱啱好！即日食真係最好味，到第二日就會有少少水份嘅流失，強烈推介要即日食完！—— 朱古力生吐司 $22依個價錢食到咁嘅質素太不真實了！！！內餡黑朱古力味超香濃，一切開就已經聞而，仲要好多朱古力餡，真係好好好好食🥹🥹🥹咁鬆軟嘅口感，加埋好食嘅朱古力真係好幸福🥹—— 花椒脆腸$16有驚喜！腸仔本身好食，好微妙咁食到啲花椒味，但又唔會好似用喺煮餸太搶味，真係用得恰到好處，條腸仔仲會爆汁💦💦💦—— 開心果可芬 $26又係好好食！入面充滿吉士，但又神奇地食落唔食好滯，個質地啱啱好，又好夠開心果味，加上外層酥皮攞到翻屋企都仲脆！！麵包頂仲要唔少開心果碎，真材實料👍🏻🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 AOZORA Bakery あおぞら (天后)天后天后廟道14號地下B及C號舖🔎分類搜尋：#FTHK_天后 #FTHK_麵包⚠️暫時休業，去之前先去ig睇營業時間表⚠️…Read More

依間restaurant week menu太良心喇掛！！！$148包前菜、主菜同甜品！重點：極少餐點需要另外錢，真係$148都食到高質嘅野，唔係hea你！餐廳分咗兩層，地下嗰層主要飲嘢，想食嘢可以去樓上～—— 小食同平時食嘅餐包唔一樣，依款係炸過薄薄地嘅麵團，同埋蕃茄醬食好好味—— Mushroom soup —— Caesar Salar —— Nonna's Pork Meatballs （+$15）依個值得加錢叫！肉丸攪到好碎，一咬好juicy肉味好香，醬汁入面食到唔少蕃茄，超開胃！—— Thin Crust Margherita Pizza必叫！！！依款唔洗加錢就食到真係好懷疑囉！！超級無敵勁好食！薄餅大過晒平時啲Pizza大批，除咗個批邊，餅底都焗到超脆，好似食緊脆餅咁，芝士焗到啱啱好有少少脆身，同埋依間餐廳嘅蕃茄醬真係好出色！好香蕃茄味，唔係人工嗰種甜味，真係就咁簡單蕃茄醬加芝士已經勁好食！—— Spicy Rigatoni Alla Vodka 又係必食！！！醬汁好creamy勁惹味，嗰種辣味係好香好有層次，用咗Calabrian辣椒醬，似係港式XO醬嘅濃味升級版！鐘意辣嘅一定要叫依個！！—— Linguini Clams依個就真係不了😵‍💫意粉冇味乾身，似係加咗蒜嘅意粉咁，唔係好食到白酒牛油檸檬汁，啲蜆仲好鹹—— Tiramisu 連甜品都好出色🥹🥹層cheese好軟心，入面蛋糕好有咖啡味，texture滿分！最後食埋呢個甜品真係大滿足😍🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 Frank’s Italian American (雲咸街) 中環雲咸街79號地舖…Read More