gourmet_k's Profile

座落於錦田河畔的天空之城，應該係因河中倒影清澈如鏡而命名，這裏有點與世隔絕的感覺。間間食肆都係喺村屋地下，有室內外座位選擇。選址咁偏僻但連平日呢間都不斷有食客，反觀隔離幾間一過咗 lunch hour 就冇哂人，都估到食物質素應該不俗！1️⃣ 3.6 牛乳雪糕冇得輸，牛奶味濃郁，超香滑，甜度剛好 🤤2️⃣ 黃金流沙心太軟係佢哋自創口味，幾特別，流心效果做得好好 👍🏻 味道略甜3️⃣ D24 榴蓮球同想像中有出入，原先睇 menu 以為係 creamy 有軟腍腍榴蓮肉的波波球，點知出到嚟係實的的，好似雪硬咗嘅雪糕球咁嘅 texture，但又唔係好似雪糕咁會溶 🫠 榴蓮味 ok 濃的，但質感就隨個人口味因人而異喇4️⃣ 肉醬意粉正常水準，純粹想食個咸點輕食食完甜品去河邊散散步，環境恬靜寫意，彷如置身日本鄉郊地區 🇯🇵…Read More

貴一貴都要 n 訪！冇諗過雞蛋仔可以咸食，仲諗住純粹過吓口癮，趁佢租約期滿前趁吓墟，點知俾個豬柳蛋芝士餡驚艷到！😲 分開幾次去先試到5款，但反而佢哋啲甜味雞蛋仔同格仔餅就一般般 🫢 每次去都有 encore 豬柳蛋 🤤綿綿不絕的人龍，辛苦三個職員輪流擔當不同職責，佢哋連自己正餐都係食自己舖頭招牌嘢，就知有幾百試不厭！溫馨提示：盡量喺附近等唔好行開，趁佢新鮮滾熱辣食超～級～正！凍咗就一定會爭咁d!快啲趁佢三月底完約前去！期待盡快搵到新舖位東山再起！…Read More

一次過滿足晒幾個打卡願望: 峇里小屋、藍白色渡假屋仔、水池園景、泰式籐椅等🤩怕熱的話坐室內冷氣玻璃屋都可以睇到哂上述打卡位！服務員幾細心，一經 OpenRice book 位就即刻打嚟確認兼安排泊車位。用餐當天亦會幫食客趕走「閒雜人等」—— 何謂「閒雜人等」？由於餐廳走庭園風，間中會有遊人（非食客）經過、誤打誤撞走咗入嚟當景點咁參觀打卡齋睇唔食…… 服務員要一眼關七睇清楚對方是否搞搞震冇幫襯、有否騷擾到食客，再請遊人離開~食物質素就較一般，主要係食環境，但都不過不失啦！P.S. 想一嘗偽包場，閒日一開門就入到去，頭半個鐘周圍冇人任影唔嬲！😬…Read More

本來特意前來一試 3D 拉花，落單一刻店員告知轉咗去上環店先有… 唔想白行一趟唯有試吓佢其他食物，順便打卡，冇期望但點知有驚喜!!! 食物出乎意料地高質👍🏻 1️⃣ Fish & chips 魚柳外脆內軟，肉質超級嫩滑！比普遍急凍魚柳多魚味兼 juicy!2️⃣ 拿破崙肉腸意粉好香，調味剛好，好少可呢d意粉會咁 addictive!3️⃣ 雞肉洋蔥圈就比較實身，唔係好覺入面有洋蔥，可得 blend 得太均，而且雞肉比例較多！環境 360 度零死角打卡一流：除了大家慕名而來的粉紅貨櫃、粉紅郵筒、搖椅等，從天花垂下來的假植物都幾有心思！略嫌背景音樂較大聲，有點跟佈置格格不入……Read More

去流浮山唔一定食海鮮嘅！別樹一格的裝橫，令人一到迴旋處就見到勁吸睛的藍白色希臘神話小屋🤩室外座位都有幾多選擇：1️⃣ 有舒適寫意容納多人的 couch，2️⃣ 有遮擋太陽四四正正的桌椅，3️⃣ 亦有簡單隨意的小圓枱加木櫈任君選擇。整體好有 vacation feel, 似去咗外國渡假! 特登去到咁遠就係想清空腦袋~食物價錢唔算低，但原來上碟擺盤好精緻，每人二百幾蚊就有 fine dining plating 都算係咁👌🏻…Read More

遠離繁囂、自成一角的心機小店: perfect for a refreshing getaway.望住個海好寫意 for some peace of mind in the tranquility.服務貼心，飲品精緻 with delicate snacks (both sweet and savory) as well as healthy drinks.細心地照顧到食客需要，可以彈性改變食材配搭👍🏻由於朋友唔食芝士，咸點可以俾我哋吞拿魚 mix 肉鬆💕…Read More