LOOO's Profile

今日難得唔洗返工，懶洋洋的睡到中午才起床。下午約了男友在荃灣逛街，當然要醫肚後再行啦！由於太掛住呢間餐廳既泰菜，我地特意過來試試這裡的下午茶。望完下午茶餐牌，眼見未試過這裡的咖哩和牛腩，就點了馬沙文咖哩牛腩(配白飯)。果然無令我失望！咖哩汁好香、有淡淡既椰香，仲有微辣，椰香同辣味，兩者配合得好好，整出黎既咖哩汁好好味。另外牛腩炆得好稔，肉質好，食落去唔會好乾，而且份量多，一個女仔食未必食得晒呢！餐廳環境都唔錯，寧靜又乾淨，好適合拍拖或者一班朋友黎傾計。而且下午茶餐有得選擇午市既餐，仲要平10蚊，送野飲，好抵啊！呢間真係性價比高的泰菜餐廳，食物唔錯，份量多，環境好，值得再黎啦！…Read More

友人一早訂了位，我們選擇坐佈置別有心思的室外，心情小舒暢。我們沒有點套餐，選擇單點，感覺較吸引，比較台式。台式糖芯蛋肉燥飯味道一流，同台灣食既感覺一模一樣。  而且很有心思、特色，用個小小鐵桶裝住，賣相吸引。一開始以為分量很少，但兩個女仔食又剛剛好。溏芯蛋好好味，流心度高，蛋味濃。肉燥夠入味，加埋酸菜一齊撈飯食，正！鹽酥雞起司焗栗米脆片這個賣相都很吸引，而且真的好好味，鹽酥雞炸得好香，外脆內軟，雞肉口感亦都唔錯。鹽酥雞和栗米脆片簡直是絕配，脆片配上牛油果愈食愈開胃，不過食完好guilty另外飲品點了熱珍珠奶茶和水果茶，奶茶很香滑，奶和茶的比例亦剛好，唔會太甜，相反水果茶就一般，太甜而且沒有濃濃的果香。整體來說，食物同環境都很滿意，而且平日晚上可以坐好耐，是放工後的休閒好去處。…Read More

放工突然好想食豆腐花，但又唔想買便利店那些吃，就在回家的路上特登走來這間人氣豆花店。晚上7點多，門外沒有很多人排隊，叫了一碗熱的豆腐花，堂食。我喜歡先不加任何糖，第一口熱呼呼的豆腐花，很暖胃。而且豆味濃，又滑又香，很滿足。加入少量黃糖後，甜味增加，更加好味！這裡香滑的豆腐花可以當下午茶、飯前小食、飯後甜品，難怪經常這麼多人排隊呢！…Read More

今晚放工約了友人在旺角食韓國菜，她推介了這間價錢較合理而且味道尚可的韓國餐廳。我們點了一個泡菜餅（友人極力推介）、韓式炒年糕、辣泡菜湯+白飯。點餐後，先來前菜，有泡菜同黃瓜。泡菜唔錯，唔會太辣太酸，同韓國食既差唔多。黃瓜酸酸地，幾開胃，好快就俾我地食晒啦！等了15分鐘，來第一道小食－韓式炒年糕。未食過咁難食既炒年糕，年糕唔夠韌，醬汁的味道很怪，甜與辣的比例掌握得很差，但勉勉強強總算可入口。第二道小食－泡菜餅（必食之選）這個真心正！！！份量多，夠3-4人，煎得好脆，味道可口，想一食再食既感覺，點埋汁簡直是一流最後主菜－辣泡菜湯+白飯這個是不過不失，微辣，不吃辣的人也可以接受，但味道普通，只食到辣同咸味，而且湯材料好少，泡菜為主，其次是豆腐同豬肉碎，最失望是泡菜份量都唔夠多，白飯不是用珍珠米，口感一般般。整體來說是很普通的韓國菜，但以每人唔到一百蚊可食到三款韓菜可是挺化算的！…Read More

今晚放工去北角找男友，突然又想食泰國菜，咁岩俾我地係open rice 搵到依間泰國餐廳，就特意過來試試。 　我地點了炭燒豬頸肉、泰式蛋包飯、泰式炒通菜、蟹肉炒粉絲，基本上都是我地鍾意食既泰菜。上菜速度唔算快，等了大概15分鐘終於有得食啦！ 我男友最愛的炭燒豬頸肉，果然無令我地失望，份量多，燒得好香好脆，厚薄適中，唔似普通餐廳整既豬頸肉咁又厚又硬，唔洗點汁已經好好味啦！ 泰式炒通菜真心正，平時係屋企好難炒到，好香好夠爐氣，撈埋蒜蓉粒一齊食好好味 泰式蛋包飯一樣無令我失望，份量多，個飯炒得好入味，配料有青椒、蕃茄、蝦等，好有口感。反而蟹肉炒粉絲麻麻地，粉絲炒到好乾，食到一半已經唔太想食，幸好蟹肉夠新鮮，加埋其他配料蛋、菜、蔥一齊食口感唔錯。最後當然是甜品時間～泰式糕點，食落口好煙韌，唔會太甜。 紅色係士多啤利味，黃色係芒果味，白色係椰汁味。最好味是芒果，下次食一定食芒果味！…Read More

今日食晏同事話想食上海菜，行行下見到這間有Lunch set menu，就入去試試。套餐比較優惠，主食(A)＋小食(B)＋飲品。我們點了小籠包、生煎包、土匪雞翼菜飯 & 擔擔麵。上海小籠包 & 上海生煎包 兩個都是皮太厚，肉汁唔夠多，餡料亦唔太鮮甜，但份量算充足，整體都有點失望。土匪雞翼菜飯 土匪雞翼好好味，煎得好香。菜飯亦都唔錯，菜跟飯拌在一起，更加有口感，健康又美味 擔擔麵 這個幸好沒令我失望，湯底好濃，有花生香同芝麻香，而且杰度也剛剛好！麵身爽口彈牙，配以肉燥蔥花，更顯口感。另外一題：店內環境好一般，燈光好暗，空間又迫 不過lunch hour 快快食就無所謂，但晚上想同朋友慢慢食傾計真的唔推介！…Read More

一直很喜歡食泰國菜，可惜屋企附近比較少泰國餐廳，今晚男友特登帶我來荃灣試這間的泰國菜，仲話食過翻尋味啊！泰式大蝦金邊粉($88) 以蕃茄汁調味既金邊粉好入味、而且好煙靭，味道唔錯。配料除了蝦，還有蛋、扎肉，可惜蝦的分量太少，唔夠喉啊 　蝦同金邊粉一齊炒，所以都好夠味。蟹肉炒粉絲($72)這個炒粉絲同樣沒有令我失望，鑊氣好正好好味，又唔會太咸，伴以蛋和蟹肉，口感不錯，可惜是蟹肉太少同碎，食左都唔覺，而且唔夠新鮮。炭燒豬頸肉($78) 必食之選！燒得好好，金黃色架，肉質堅係一流，又滑又鬆軟，而且好薄，唔似平時普通餐廳食開好厚的那種。值得一提是唔洗點醬料已經好好味啦！ 我最愛的椰青啊！每次食泰國菜都一定會點的，幫助清熱氣呢。這個椰青真係不得了，不但多椰青水，仲有好多香滑既椰肉。椰青水清甜好喝，椰肉椰香又重，正！ 最後是甜品時間，兩個綠色珍多糕，類似是椰汁糕再加大菜糕，雖然口感好椰味濃，但整體的味道好像怪怪的，可能是我不太喜歡吃大菜糕的緣故吧。下次想試下其他口味呢，見到樓下外賣有很多街坊排隊買，感覺好吸引。…Read More

雖然經常來澳門旅遊和探親，但很少會到當地的咖啡店嘆下午茶。今次有幸表哥帶我去他朋友開的咖啡店－The Joy of Living Cafe 試試。 一到店的門外，已被內裡的裝飾深深吸引。主菜點了牛油果taco 飯，一齊share! 飲品方面點了抺茶latte & Chocolate Mocha。最後當然要點甜品，抹茶控的我揀左Matcha Pancake on the Pan 分量很大，可以兩個share食，配料有蛋、牛油果、脆片、芝士、車厘茄等。將配料和飯撈混後食，感覺好fresh、好有口感，牛油果跟脆片一起吃更香口。 抺茶latte同樣不錯，抹茶粉與牛奶的比例剛好，不會太甜，可惜Chocolate Mocha 較遜色，朱古存味濃度掌握得不好，愈飲愈甜。期待而久的抹茶紅豆熱香餅同雪糕出來了！厚身Pancake放在鐵板上，再淋上抺茶醬汁，發出喳喳聲，感覺一流！可怕太大期望，卻換上失望。整個Pancake抹茶味不太濃，並沒有抹茶的甘味。  甜品的貌相是很好，但味道卻比下起了，抺茶醬汁可以調較得更好啊！…Read More

終於有機會在香港一嚐部隊鍋的滋味 。 店內裝修十分韓式，電視播韓國女子組合MV。我地揀左兩個湯底 - 人蔘雞湯(好清甜+足料，有栗米同一隻雞調味)、部隊湯(同韓國食既一模一樣，夠入味、唔會太辣) 前菜方面有泡菜、芽菜、黃瓜，但泡菜味道一般，好酸。另外有沙律吧，有不同種類的沙律菜、小蕃茄等，可作輕食。主打($178)：牛豬雞，牛薄而不膩，豬同雞多肥肉、好膩。火鍋配料有好多選擇，如韓式午餐肉、魚蛋、年糕、蘿蔔、粉絲餃等，但熟食飯團一般。最後是甜品時間，自製乳酪，任加toppings，有熊仔塘、朱古力碎碎、脆片等，味道亦不會太甜，是我好喜歡的乳酪味，正！服務態度：十分貼心！有電話袋送，食果時唔洗怕整污糟個電話，仲有像根俾女仔紮起頭髮 :) 店內食物和服務都是不錯，可惜任飲任食的時間太短，得90分鐘，一班朋友想一邊傾計一邊食真的不太夠時間呢。>_<…Read More

今晚放工難得和男友撐枱腳，就決定再來這間米芝蓮推介 & 太興集團旗下的粥麵小館。這間小館：簡單、清淡、美味。想晚餐輕食的話，一定要來！ 一入座便會計茶位，蘋果茶是這裡的指定的茶，味道清新可口，更有蘋果香氣。然後我們點了雞粥、雲吞撈麵 & 家鄉蠔餅。熱呼呼的雞粥真是超好吃！粥底綿，米香味十足，更有微微的鮮味。 雖然雞味不濃，但雞主要用來調味，令粥有鮮味。雲吞撈麵中的雲吞是大師級水準，蝦肉爽口、夠鮮味，而麵條都很彈牙，十分爽口。分量亦十足，兩個人分都剛剛好！至於家鄉蠔餅，外型像Pizza，很大份，感覺飽足！這個蠔餅不像平時大排檔／茶餐廳食開煎炸的，它是用蛋做餅底，裡面加入新鮮的蠔肉。蠔肉新鮮嫩滑，而且餅很鬆。整過蠔餅可口、不油膩，令人驚喜。…Read More

年初二遊大澳，喜歡食豆腐花的我經過這間人氣豆花站就知一定要試 入座後被告知豆腐花製作中，要等十五分鐘先有得食，就與同行親友嗌其他品嚐住先！店內基本上有四種選擇：豆腐花、芝麻糊、杏仁糊 & 腰果糊，另有雙併配搭。我們點了一個腰果糊併杏仁糊，感覺很特別，相信不是很多地方可以食到。石磨出來杏仁糊帶有強烈的香氣，淡淡的杏仁香，而且不太甜膩，十分美味呢！  而腰果糊質感較杰身，入口香滑，有腰果香，但不夠濃，比杏仁糊遜色。將它們混合一起吃，杏仁香會蓋過腰果香，大概是因為杏仁味較濃烈。15分鐘後，新鮮熱呼呼的豆腐花終於出來了 。我喜歡先不加任何糖，慢慢品嚐香滑的豆腐，而且熱呼呼的，真的很暖胃，但豆味不太濃，幸好還有微微的豆香。加入少量糖水及黃糖後，甜味增加，跟豆腐一起吃是絕配，又甜又滑！豆腐花依然是我的最愛，而這間的腰果糊併杏仁糊也有驚喜 …Read More

放工後會經過這間以賣puff 聞名的店，差不多每次都會心郁郁想買個來試，但當諗起回家後便吃晚飯就會打消這個唸頭 但今天難得會夜食飯，就買左我最愛的抹茶flavour來試。這個抹茶紅豆puff單看外型已很吸引，泡芙外皮好脆、有抹茶粉在上面，而入面的抹茶cream比較甜，沒有抹茶的甘味，由於不是抹茶雪糕，就不過分追求它的甘味了。但幸好抹茶cream夠滑，加上配以紅豆，口感十足！ …Read More

寒冷天氣下最需要一碗粥暖胃又好味既粥 李松慶先生開既明利粥店以關心長者派粥聞名，係愛民邨已經深入民心。由於在附近工作關係，終於有機會來品嚐愛心粥。這間平民粥店幾乎是我在寒冬工作下的飯堂，光顧數十次了！ 我最喜歡這裡的艇仔粥，它勝在配料多，有魷魚、魚片、豬肚、牛柏葉、花生，而且只售$17，便宜又美味！另外，我也十分喜歡吃這裡的小食，腸粉、炸兩、炒粉/麵，價錢都只是$8-10，所以很受歡迎呢。腸粉好滑，可惜分量比較少。炸兩以腸粉包著酥脆的油炸鬼，兩種不同的口感混合一起，配以豉油甜醬，真的超美味！炒粉/麵都好夠味，可惜好快凍晒，要盡快食完。這碗南瓜肉丸粥是這裡的皇牌，午飯時段好快就被沽清  粥店深受街坊及學生哥喜愛，繁忙時間因人手不足都要等下先叫到野食，幸好上菜速度夠快，肚子很快就被填飽啦！ …Read More

放工回家的路上常會經過車站裡的東海堂，今天工作累了就買左個草莓吉士撻給自己作小小的奬勵 單看貌相，已被它的可愛造型深深吸引！ 這個草莓吉士撻有四顆大大原粒士多啤梨，聞說是由日本入口，但比想像中無咁甜，幸好有軟林林的海綿蛋糕和鬆脆的曲奇脆撻配搭，整體來說都很可口。工作後可以吃到這個士多啤梨撻真的很fresh~ 很幸福啊！…Read More

雖然住在元朗區，但真的很少在區內發掘美食。今次竟有住在九龍區的朋友極力推介這間的霸王雞，又說食過返尋味，我就特意來試試。 一到餐廳門外，已經排滿客人，等了大概15-20分鐘先有位。眼看店名，給人感覺像是以麵聞名，想不到會是雞令人百吃不厭。 入座後，我立刻點了霸王雞菜飯，另外兩位朋友就點了車仔麵。單看霸王雞的貌相，很吸引，有豐富的配料，而且分量亦很多。雞的表面放滿蔥& 薑絲、炸蒜、少許辣椒；底層仲有好多芽菜。雖然配料充足，但雞的味道較遜色，唔算好有雞味，可能因為冰鮮雞及調味略淡的緣故。但幸好雞夠滑，而且有醬汁、配料、仲有菜飯，加埋一齊食味道和口感也不錯！另外朋友點的車仔麵，貌相相對普通，她們食後覺得與在其連鎖米線店吃的差不多，但就勝在配料多選擇。眼見都有不少網友推介，下次有機會再來試試。雖然餐廳環境不太寬敞，坐在卡位也覺得有點迫，但以平民價有這質素的霸王雞菜飯，算是超值了。 …Read More