DiningBeauty's Profile

自己一個食lunch，簡單點咗個意粉carbonara ，飲咗杯咖啡 。Al dente👍份量可以多少少～反而想講吓餐廳原來係有四五張戶外嘅枱。喺清涼嘅天氣，k11 muses 可以坐到戶外真係唔係好多間餐廳可以做到。可惜嘅係，對住星光大道，比較多遊客住宿喺餐廳外面，有少少嘈吵。如果唔係就更加完美了！…Read More

喺尖沙咀返咗工一年，啱啱先至喺網上發現呢間餐廳！間餐廳喺Service Apartment入面，個入口非常之唔顯眼，平時行過都唔會留意到有間酒店，更何況知道有間餐廳？訂位時，店員已經主動提供咗到達餐廳嘅方法，非常貼心。三個同事一齊去食，有set lunch，包咗餐湯、主菜、飲品。同事叫咗set lunch，餐湯係紫薯湯，好襯而家聖誕節氣氛，上枱仲係非常之熱，味道香濃，值得讚！佢食咗是日廚師精選主菜，係紅酒燴牛面肉，非常之腍身，不過唔記得咗影相… 希望下次再嚟嘅時候仲有呢一個主菜啦！另外散點咗鴨胸酸種多士、三文魚沙律、Waffle、法式西多士（我見超級多人推介，忍唔住點咗兩個甜品）。全部都非常有水準，尤其是鍾意個鴨胸酸種多士，個橙cream同啲鴨肉非常之夾，帶少少酸酸地，好清新 。全程對住個無敵海景，chill 到唔想返工，最後埋單估唔到係呢個價錢！以後同事食lunch又多一個聚腳點啦！…Read More

同事呢排齋戒，喺Musea搵素食真係唔係咁容易。事關佢係連五辛都戒緊 。點知今日發現咗Kiki面，原來有一碗竹笙麵，非常之啱佢，就陪佢過嚟lunch啦！起初都覺得食一碗素菜麵百幾蚊呢個價錢偏貴，但係原來好足料，加埋個前菜係麻醬秋葵，食完佢都好飽。而且味道好好，希望多啲餐廳日後都可以提供到有齋菜嘅選擇！飲品冬瓜茶，中規中矩。以後都仲會過嚟幫襯！…Read More

最近出咗呢個鵝肝拉麵，好邪惡啊！忍唔住今日叫咗一碗，食完先減肥啦。我講煎得外脆內嫩，一上枱就已經聞到好香。最後我連個湯底都飲晒。朋友就叫恆常餐牌嘅鹽味拉麵，都很好評！值得encore！…Read More

Team lead 生日，同事諗住搵間高級中菜同佢慶祝，知佢鍾意食四川嘢， book咗呢度。訂菜之前嘅溝通都做得好足，又問我哋使唔使訂烤鴨，同埋會幫我哋安排生日bun。菜式嘅味道其實中規中矩，食咗水煮牛肉、烤鴨、烤羊… 雖然都有開咗支白酒。最後盛惠人均1000，熄嘅菜式唔覺得好出眾，所以覺得Offer priced了！當然個海景係無敵嘅！…Read More

同客人下午傾嘢，喺公司附近隨意揀咗呢間日式Cafe，最後非常尷尬。首先就係餐廳嘅油煙味好大，我哋坐得唔算近open kitchen，但係都一陣油煙味。點咗啲輕食，crab cake、brownie。個brownie好乾都算，最離譜係個蟹餅… 一切開，今次嗰啲泰式蝦餅嘅？食落口都仲係蝦餅嚟㗎喎，於是問一個女服務員，請問呢個係咩菜式？佢答係蝦餅，於是我話我哋點蟹餅，幫我哋換返啦，因為客人敏感唔食得蝦 。點知嚟咗一個男服務員，同我哋講：呢個係我哋嘅蟹餅嚟嘅，我哋嘅配方係有啲蝦喺入邊嘅！ 真的很無言… …Read More

之前同奶奶飲茶，第一次嚟Rosewood中菜廳。點心做得唔錯，老人家都好喜歡。前菜都好精緻。主菜熱辣辣上枱，整體食物都好好。比較奇怪嘅係，想點撞奶，點知服務生回覆過來話今日師傅話撞唔起。有點費解。坐咗喺一個semi private 嘅枱。可以安靜一家四口飲茶，係好舒服嘅選擇。…Read More