CK1687's Profile

如果未來過九龍城鋸扒的話, 就一定要來美斯啦!我幫襯左美斯都有十幾年了, 細個讀書時就己經同屋企人來食, 其間停業左一排又開番尋日同朋友入左去試下入到去人流一般, 我同朋友揀左卡位坐我地叫左個雞扒餐(伴黑椒汁), 等左十分鐘到就上碟,主菜之前來左兩個麵包仔, 好熱好新鮮, 不過個忌廉湯就比較"粉"左少少, 唔滑。之後個主菜來左, wow, 非常豐富, 黑椒汁惹味香濃, 雞扒又嫰又滑口, 好味 食落一d都唔鞋口。證明廚師交足功課。飲品唔太甜ok食物質素上仍然保持水準。服務態度優良。同十幾年仍舊不變。經濟扒餐之選。絕對好過xx之王所謂大集團的水準環境:燈光比較暗, 適合情侶約會或朋友聚會。下次決定同朋友再來。我既心水推介, 一定要試下。…Read More

今日轉左口味想試下第二間, 原本想去"金寶冰廳", 但係無位, 所以揀左喜洋洋來食。叫左個午餐, 腸仔牛扒意粉(包一碗湯同飲品), 個意粉同湯好快咁黎左...碗湯好大碗, 意粉份量適中。第一時間食左先, d意粉ok, 唔硬身, 牛扒唔韌, 無雪藏味, 好食。奶茶夠香。$25元己經食到好飽。地方:唯一要彈的, 地方同通道好窄, 太細啦!!下次食飯再黎試過。…Read More

唉, 點解你地d人話好食架?唔通依家d人食飽左就算?定係d人對食野態度要求低左?上星期日下午, 我同女朋友去左太子睇花, 佢話想食車仔麵,於是就揀左依間。入到去, 我女友話我知個收銀處旁, 後面有個鏡頭仔, 真係唔講唔知,放到咁埋, 唔通唔見得光?入正題, 我同女友一齊叫左個三餸麵, 不過睇埋餐牌, "熱飲加5元, 凍飲加7元",嘩!!!開頭想唔叫野飲, 不過女朋友要求下, 我叫左杯凍奶茶,而佢叫左杯凍檸茶, 佢飲左後話d檸茶無茶味, 好啖...之後, 個麵來到, 佢話佢個麵好多油, 而我個麵就無, 望落個麵賣相ok, 但係食左第一啖後就出事啦,"嘩!!d配料凍既,一d都唔熱, d麵好硬",女友話似烚過黎攤凍左,完全係無心機整的, 一d都無食車仔麵的感覺......:(食完之後覺得好似無食過野咁.......:(計落一碗麵加一杯飲品都要29元, 咁既價錢同質素我出去食四寶飯或雲吞麵好過,我同女友都話以後唔幫襯勁好味。…Read More

今日大約4點幾入去食下午茶, 想叫個雞脾薯條, 佢話無!!想要個豬扒包, 又無, 話乜包都無!乜都無得食。再睇餐牌, 食物選擇實在太少, 想食0個樣無個樣....死死氣, 叫左個豬扒公仔麵!好啦, 過左一陣個麵到左, 嘩!!成碗麵都係水, 仲多過d麵, 食第一啖, d麵好硬好難食, 湯好淡,杯凍奶茶仲勁甜, 成大半杯都係凍, 唔掂, 差!!!地方:勁細, 無卡位。之後有食客來, 但係成間舖得一個人, 幾乎係無服務可言,埋單要成24蚊, 係同區其他食肆大把好過佢, 咁既餐廳食一次都嫌多。…Read More

尋日去左食早餐, 想試下其他, 於是入左依間食叫左個早餐$18(牛肉麵, 蛋同麵包, 奶茶)個麵比較硬左少少, 好似唔係好熟。奶茶不錯。環境:佔大多數卡位, 地方比較細, 不過地下無嘜垃圾, 算乾淨。整體質素普通。…Read More

早幾年逛街, 睇到卜維廉餐廳樓下的介紹, 覺得價錢ok, 百零蚊, 唔算貴。琴日同朋友上左去食, 因為好耐無來, 想試下。上到去, 地方唔算大, 不過地方還算舒適(有大枱, 卡位, 電視房間, 露天位)於是同朋友一齊入去食, 個waiter 真係好好禮貌, 佢話因為未夠時間, 叫我地入去座一陣, 仲幫我地斟水,後來我朋友話想買書, waiter話會幫我地留位, 叫我地放低d野先, 好貼心。依d先叫真正服務態度。大約6:30pm到,我同朋友上番去, 開始黎左好多人....食物選擇包括:炒飯, 牛脷, 西蘭花, 魚, 雞, 菜心, 火腿, 乾炒牛河, 粟米沙律, 羅宋湯等等..三文魚同生蠔係必食推介, 一個字~~正!!~~~~~~花園門外(露天位): 有手燒串燒, 豬,牛,雞扒, 三款, 格仔餅牛脷同雞扒好夠味, 好好食, 仲有碗仔翅, yummy!!甜品方面:有布甸, 啫喱糖, 自助刨凍, 芝麻糊其中自助刨凍, 好有小時候的感覺.....個女侍應好有禮貌, 收碟速度快埋單都係$256到, 唔太貴唔好睇佢價錢平地方細, 食物質素同服務態度, 拍得住4至5星級酒店服務方面:主動有禮, 我俾5分…Read More

記得一年前同朋友食富源, 食到"媽媽"聲, 點解??因為佢d筷子同膠碗好大"朕"漂白水, 好難頂!!食完後 心諗唔會再有下次....:(今日來食, 之前見佢裝過修, 好耐無黎, 想試下有冇失準。入到去, 覺得佢同裝修前分別不大, 地方唔大, 座位都唔多,只係換左LCD電視。要彈既係佢冷氣唔夠, 有少少焗。不過, 今日發覺唔係好多人食.....唔知點解?另外D員工好似轉左人....叫左個三餸麵+飲品($15), 三餸包括牛肉, 餐肉同麥樂雞(佢會另外用碟同辣汁分開上的)膠碗同筷子己經冇漂白水味, 好彩味道算中規中矩。相比一新車仔麵, 份量同選擇唔多, 但係$15元包野飲(凍飲唔加錢)都算係咁...推介想轉下其他餐廳又想食平野的人。…Read More

點解d人唔講下依個豆腐花既??好, 就等我黎講下先!!!其實我由中學時期己經開始幫襯義香, 有十幾年, 鄰近九龍城街市, 九龍城廣場, 交通尚算方便。依幾年帶女朋友去義香食, 佢都開始鍾意食, haha, 好, 入正題。依碗水晶珠什果豆腐花(又稱"什珠花",$10), 你咁講阿姐會明的, 佢仲會問你加唔加奶, 態度友善, 非常親切。:)講下依碗豆花, 佢係凍食, 一定無熱豆花咁好食, 但仍不失其吸引之處。入面有好似西米咁既野, 透明好大粒, 但係咬落好爽, 好彈牙, 一d唔似西米質感不錯。加上什果份量唔少, so, 係夏日消暑推介。環境方面, 其他食客大部份己經介紹過, 不多說了, 義香係老店, 無冷氣, 怕熱的人可以選擇"外賣"。補充: 去義香千祈唔好太夜去, 因為.....好似7-8pm過後佢只係做外賣, so 唔好太晏去…Read More

地方唔算太大, 佔大多都係卡位, 平時人流一般, 除午飯時間外不算擠迫, 有大電視一部。特別推介扒餐(包一杯飲品, 凍飲加2元, 一碗湯)依個餐食過幾次, 個人覺得算豐富, 食到好飽)整體都算ok, 一試無妨。…Read More

住係九龍城的我, 同埋女朋友幫襯左"一新車仔麵"有3-4年, 由之前細舖擴充到大舖, 裝修前15元三餸一麵, 包飲品(凍飲唔駛加錢), 碟頭飯20元, 裝修之後加左價, 17元三餸一麵, 包飲品(份量無變), 碟頭飯22元。叫飯同麵都係以劃紙仔形式, 方便快捷中午至下午時段人流較多, 大部份係學生, 有時唔夠枱椅時要坐出門口。下午茶時段更有優惠, 至平推介。先講食物, 淨車仔麵同餸都有幾十款, 選擇夠多, 份量多抵讚, 試過叫一個碟頭飯"黑椒雞脾豬扒飯" 份量好勁, 真係食到捧住個肚走。地方:裝修左之後地方闊左, 再唔係用木圓椅, 燈火光猛, 有3-4部LCD電視。侍應都好禮貌, 唔錯湯底略嫌淡左少少, 要改善, 雞扒唔係咁新鮮有d鞋口,牛肉味道一般。綜合而言, 係抵食之選…Read More