bei_lifestyle的個人專頁

聽聞中環有間酒吧餐廳好有氣氛，今日出開港島，真係要去感受下！門口嘅暗燈已經好有氣氛👍🏻餐廳有分室內同室外～我地揀咗坐室內～除咗有氣氛外，食物質素都有保證👍🏻前菜就係牛蒡同埋醬汁蒜頭👍🏻1️⃣Akagai $138新鮮嘅赤貝包住京蔥同埋蘆筍😋口感一流！食落好爽口鮮甜！2️⃣Shredded Ceituce Salad $68呢款沙律係用萵筍絲整成～用日式鏗魚湯浸住令味道更加突出！面頭仲有蘿蔔蓉同埋三文魚籽！口感更上一層！3️⃣Caramelised Pumpkin $88呢款焦糖南瓜好好味！建議要趁焦糖仲係暖嘅時候盡快食！連我朋友原本唔食南瓜，都覺得好好味！4️⃣Charcoal Grilled Eel $288店員上菜嘅時候會用舊炭壓吓條鰻魚，食落去好有炭烤味，而且肉質好嫩滑，值得推介！5️⃣A4 Wagyu Cutlet CharcoalSando $328呢個好好味！！竹炭麵包包住舊和牛，和牛嘅油脂分布好平均👍🏻雖然中間仲包住蟹肉醬～但食落唔會好膩！6️⃣Matcha Cheesecake $68鐘意佢好有抹茶味😋加埋cheese嘅味道一流！7️⃣Mini Melon Daifuku $68呢個推介！！軟軟嘅糯米糍皮包住蜜瓜餡😋好特別！8️⃣Jade $128呢款cocktail包括冷萃茉莉、酸橙配上日本awamori ，好fresh 👍🏻9️⃣Basalt $148呢款cocktail就包括白蘭地、肉桂同埋䄂子👍🏻nice!…查看更多

早幾日去左食呢間食過好多次既好有新加坡風味既餐廳😆水準依舊唔錯🤩✨二人餐$348 for 2 二人餐有小食、有兩個主菜、蔬菜同埋野飲🥳好豐富1️⃣ 小食 - 黑醬油炒蘿蔔糕用黑醬油炒過既蘿蔔糕香氣提升左，而且炒到表面有啲脆脆地，好有新加坡地道風味🥰2️⃣ 主菜 - 文華海南雞飯招牌菜係例牌要叫既😆雞肉依然係好嫩滑，啲油飯煮得好香，點埋啲醬料食好有南洋風味👍🏻3️⃣ 主菜 - 白胡椒肉骨茶配白飯（加$25）呢個肉骨茶好岩我口味，我一向都鐘意食重胡椒味既野，感覺食完個人會暖笠笠😂呢個重胡椒味之餘亦食得出藥材既香味，肉排都好淋，好味🥳4️⃣ 蔬菜 - 醬油生菜生菜唔會淥得太淋，除左豉油仲有炸蒜係面，更加香😆5️⃣ 飲品- 熱四季柑汁 （加$18）朋友叫左呢個熱既四季柑汁，我試飲左一啖，呢款飲品酸酸甜甜，仲有粒小青檸係入面，好開胃😋6️⃣ 飲品- 涼粉豆漿紅豆冰 （加$26）我就叫左呢杯好豐富口感既飲品🤩佢唔會太甜👍🏻同埋估唔到豆漿同紅豆冰同涼粉呢個配搭都幾好飲😋比普通紅豆冰感覺更加清爽另外，憑星期一至五惠顧滿$200可以有指定小食半價優惠❗️咁吸引我地決定加個甜品😆7️⃣ 斑蘭蛋糕配椰糖 （$34）斑蘭蛋糕好香，感覺唔係香精果種香味🤩🤩椰糖係另上既，所以自己可以調較你想要既甜度，呢度既椰糖都好香架😋…查看更多

好耐冇打邊爐！之前都聽聞過呢間火鍋店唔錯，環境靚之餘食物又新鮮！今次嚟完之後果然無失望👍🏻👍🏻👍🏻真係好有氣氛！加上店員服務態度好好，仲會成日過黎睇下我地洗唔洗加湯！值得推介呀🙌🏻今次同朋友兩個人食，飽到捧住個肚走🤣🤣 店內提供咗醬介比大家調味👍🏻每位$26～✨玲瓏浮凸・花膠雞湯鍋(半隻）$328一開始店員會倒啲花膠落去～再倒非常濃郁嘅雞湯，佢仲教我地滾咗之後要飲下啲花膠雞湯先，之後先落埋半隻雞去再滾🙌🏻花膠好有咬口，雞湯都好濃郁！雞都好滑！✨大滾友牛肉拼盤（細）$428雖然價錢唔係特別平，但呢個拼盤都有好多款唔同嘅牛部位，包括有牛舌、吊籠、牛腱、牛頸脊、牛黃喉、雪花骰子牛同埋雪花肥牛🤤全部都好新鮮！特別推介牛黃喉～淥大約4-5分鐘就可以👍🏻口感好特別！另外牛頸脊嘅肉質都好鬆軟！✨伊比利亞橡果豬 $228呢份豬肉都有大概八塊左右～本身以為豬肉打邊爐會比較靭，但神奇地呢款唔會！仲好多肉汁～可能就係特別嘅地方！✨大滾友雜菜拼盤 $118呢個蔬菜拼盤真係好有驚喜！基本上包咗好多唔同款嘅蔬菜！最特別係有紫薯條～淥嚟食可以減低下啲邪惡感🤣✨澳洲帶子片 $98呢份都有成八塊！好新鮮🤤✨黃金藏嬌和牛墨魚丸4粒 $78呢款丸真係比較特別！有手打嘅墨魚丸入面包住和牛粒🤤所以一咬落去個下好juicy🤤雖然價錢唔平～但值得一試！✨hoegaarden生啤（500ml）$88@1呢杯生啤唔係講笑🤫真係好大杯！打邊爐最啱就係配啤酒飲🤤✨火焰焦糖豆腐花好特別呀！佢係原桶上～店員仲會即場倒啲黃糖喺上面用火焰整個焦糖🤤佢嘅份量啱四個人食！今次食咗大概千六左右，但值得推介👍🏻👍🏻…查看更多

早幾日同朋友嚟呢一間餐廳食法國餐😘呢間由法國人主理既餐廳裝潢呈現法式風情，好有氣氛💓我地叫左個二人餐同埋叫左野飲✨二人餐$538 for 2 有餐湯 小食 主菜，可以揀兩個小碟同兩個主菜1️⃣ 餐包及餐湯餐湯屬於較淡口味既湯，但有好香蘑菇味，而餐包暖笠笠2️⃣ 小碟 - 法式點心拼盤（加$35）呢個拼盤好豐富，有炸辣蟹肉球、煙三文魚、迷你蛋批、香草芝士撻、雅枝竹蘸醬😆每款點心都好好味，雅枝竹比較少接觸，食落帶少少甘，配埋醬食味道好夾😙3️⃣ 主菜 - 煎鴨肝，油封鴨腿意粉（加$30）鴨肝煎得好甘香，油封鴨腿會拆埋肉，肉質鮮嫩，食得出意粉帶有鴨油既香氣，好欣賞💓4️⃣ 主菜 - 黑豚帶骨豬鞍（加$65）豬鞍用左蜜糖芥未醬燒，所以食落唔會好膩😙伴碟既有法邊豆同埋蕃薯蓉，夠晒清新，蕃薯蓉帶有少少酸酸地既調味，夠晒開胃🙆🏻‍♀️5️⃣ 小碟 - 士多啤梨蛋糕朋友好鐘意食士多人啤梨蛋糕，所以就以呢個甜品作結☺️呢個蛋糕都好好食，仲有層士多人啤梨啫喱，作為甜品好滿足😝✨飲品1️⃣ Strawberry Cucumber Cooler （$65）呢杯mocktail好refreshing😽有士多啤梨、青瓜、檸檬同梳打水，而且唔會太甜，好好飲2️⃣ Matcha Apple Zest （$65）朋友就叫左杯熱飲，有抹茶，青蘋果，檸檬，蜜糖，估唔到呢個配搭都好夾👍🏻👍🏻…查看更多

呢間意大利餐廳絕對bookmark👍🏻環境有氣氛、嘢食份量大、服務態度一流🫶🏻 今日同閨密過嚟食吓嘢～吹下水，叫咗個tasting set for 2 pax ($698)✨餐包配黑醋橄欖油✨Appetizer包括有意式烤雞沙律同埋炭燒小魷魚筒配芝麻菜。沙律份量好大👍🏻最鐘意有原片芝士。小魷魚筒燒得好香！食落好juicy✨Main Course我地揀咗8安士美國封門牛柳配馬蘇里拉芝士、番茄沙律。呢個極度推薦！！牛柳肉質好鬆軟又嫩滑，同埋好多肉汁！配埋沙律醬令到個口感更豐富～另一款主菜我地就揀咗卡邦尼意粉🤤每條意粉都有卡邦尼汁，但又唔算好膩🙌🏻推介！✨Dessert聽聞呢度嘅tiramisu好出色～我地就一於試試佢~ 果然唔會有失望！手指餅沾滿咖啡酒～而且都好creamy ，好味道！✨飲品就叫咗青蘋果冰茶同埋檸檬特飲…查看更多

1️⃣ 餐包餐廳包咗三款包比我地～最有驚喜係薄方包～佢地整到好脆但唔會燶！加埋自家製黑松露牛油醬一齊食，真係Lam Lam 脷呀🤫2️⃣ V8田園沙律（$138）好清新嘅一個沙律～有大量沙律西生菜同蕃茄仔，配埋黑醋食，真係好開胃🙌🏻重點係仲有牛油果同埋無花果，食落更加健康💖3️⃣ 西班牙風乾火腿薄餅（$158）一上菜真係嘩咗聲🫣因為真係有好多Parma ham 🫣薄餅餅底好脆🙌🏻仲有滿滿啲芝士，等我同朋友都再趁熱食晒佢😆配埋火箭菜食可以令到成個口感更清新🤤4️⃣ 威靈頓牛柳（$368）本身之前係另一啲餐廳食嘅威靈頓牛柳令到我有少少抗拒🫣但我見到隔離枱都叫咗！而且仲要好香～令到我要再試多次哈哈😆 果然佢冇令我失望！！好好味！！佢個酥皮超鬆軟，而且有大量忌廉蘑菇泥包住舊牛柳，超級香又嫩滑！覺得絕對值得encore😆…查看更多

最近都好忙，終於有時間打下食評啦！今日去咗尖沙咀山林道呢一間Cafe，見到二人餐$438都包咗幾多嘢食🥰1️⃣ 是日餐湯及蒜香法包嗰日嘅餐湯有粟米湯，粟米嘅份量都好多啊，飲完都已經有少少飽😆2️⃣ 頭盤 - 黃金吉列炸蠔（4選一）炸蠔啱啱炸起，熱辣辣，好好食🤭3️⃣意大利粉/ 飯 - 澳洲牛柳香草醬意大利粉（三選一）牛柳嘅份量都好多，而且意粉入面有好多紅黃椒同蘑菇等伴菜，食落層次豐富，香草醬都好香呀🥰4️⃣主菜 - 燒烤醬西班牙黑毛豬鞍（四選一）豬胺肥瘦相間，燒烤醬同豬胺，果然係好好嘅配搭😍而且擺碟都有心機㗎，有番薯蓉，秋葵同埋炒過嘅羽衣甘藍，好豐富呀💗5️⃣甜品- 是日甜品甜品可以選擇三款芝士蛋糕入邊嘅其中兩款，或者加錢要牛角包窩夫，我哋就揀咗食朱古力芝士蛋糕同埋柚子芝士蛋糕😍柚子芝士蛋糕，味道比較清新，朱古力就好香濃嘅朱古力味，滿足呀☺️6️⃣飲品 - 抹茶牛奶及薄荷朱古力飲品可以選擇$34或以下嘅飲品，我哋就加錢叫咗薄荷朱古力同埋抹茶牛奶，打卡啱晒呀☺️另外值得一提嘅係，一坐低餐廳會提供爆谷，可以食住再諗嗌咩食呢😝…查看更多

又黎到尖沙咀覓食既時間！！尖沙咀出名係食韓國野🤣呢間餐廳除左係韓國人主理好味又正宗韓國野之外，仲聽朋友講呢間原來係2001年開舖，係尖沙咀開得最耐既餐廳😆同埋佢試過幾間，始終覺得呢間係性價比最高既😛🫶🏻餐廳外牆裝修好靚！一入到去就覺得環境好整齊，而且座位之間都會有距離，唔會話好逼！1️⃣年糕人蔘雞湯（$119）成日覺得得人蔘雞湯係食韓國菜必叫🤣🤣今次呢個湯都好有人蔘味～而且雞絲份類好多，入晒人蔘既味！送飯真係一流😛同埋年糕份量都算多！值得推介🫶🏻2️⃣韓式豬手（$168）佢有一隻同半隻既份量可以揀～今次我地得兩個人所以叫左半份🫶🏻豬手肉整得好軟稔～同埋好濃味，岩晒我朋友，佢仲整左生菜包豬手肉～配埋味增醬/韓式醃醬一齊食更好味😋3️⃣生米酒（$105）好鐘意飲米酒🍶！呢間既米酒比較特別，有花生味/紫薯味/提子味等等。今次我地叫左最普通既生米酒，下次會試其他！…查看更多

最近都慣左早食晚餐，知道呢一間烤魚好抵食會多人食，所以今日早啲過去試試佢🤣1️⃣🐟酸菜烤魚（海鱸魚）（$268）2️⃣黑毛豬肉片（$68）3️⃣幼薯粉（$28）4️⃣魔絲（$18）整體黎講都好出色😆我地有卡位坐所以都坐得好舒服👍🏻酸菜烤魚有驚喜，因為佢地落左好多孜然粉，所以陣味好香好吸引～而魚質好嫩滑，魚皮又煎到好香口🤣👍🏻配料方面都好新鮮，芋絲有好多舊😆豬肉片真係無乜肥肉，岩晒我🫣下次會再黎食！…查看更多

早幾日約左啲舊同事聚舊，有人提議食啲香口野，我地梗話好啦🤭🤭1️⃣ 🦀 招牌避風塘炒辣蟹 （大$1180 / 中$980 / 小$780）呢度既炒辣蟹超有鑊氣，好惹味，用左勁多炸蒜同辣椒一齊炒，送飯食好正呀😋重點隻蟹好大隻，啖啖肉又鮮甜👍🏻👍🏻2️⃣ 🦪 豉椒炒青口同樣好惹味既一個餸，青口鮮甜多汁，同帶有香辣味道既豉椒汁互相融合，正呀😋3️⃣🍤 椒鹽大蝦 大蝦新鮮彈牙，椒鹽香辣，同樣炒得好夠鑊氣，外脆內嫩🥳4️⃣🦑 椒鹽焗鮮魷除左椒鹽大蝦我地仲叫左椒鹽焗鮮魷，鮮魷鮮甜味美，有嚼勁👍🏻，同椒鹽等調味料既香辣風味十分融入🤪cool …查看更多

早幾日放假去左海之戀行下, 上網見到呢間餐廳咁多好評, 所以就揀左係度食個晚餐啦~1️⃣ 🥩 Dinner Set A – 烤美國安格斯肉眼扒配紅酒汁 呢度既Dinner set都幾抵, 除左有餐湯, 仲有甜品同埋飲品, 飲品仲可以揀凍百香果茶😜餐湯有忌廉龍蝦蟹肉湯同是日餐湯, 因為近排皮膚唔好🥲 所以我地就揀左是日既蕃茄湯, 蕃茄湯都好足料, 好多茄肉🍅而主菜肉眼扒都好大塊, 熟度剛剛好, 肉味夠濃亦唔會好韌👍🏻 伴碟有薯蓉同唔同既蔬菜~甜品就揀左要心太軟🍰 夠流心而且唔會過甜, 好滿足🥰凍百香果茶既味道都調得好飲呢!2️⃣ 🍝日本魷魚筒蒜香墨汁扁意粉 (+$38升級加套餐)意粉我地額外加左$38要套餐, 有細碗餐湯、廚師沙律、吉列炸蠔同埋飲品😋廚師沙律好開胃同新鮮, 炸蠔炸得好香脆, 亦夠鮮甜, 飲品我地就叫左熱檸水🤪~泥個意粉岩晒我魷魚控既朋友🤣🤣因為魷魚既份量都唔少, 墨汁味同蒜味亦好夾，意粉唔會過熟🥳✨另外餐廳仲送左餐包, 係帶有蜜糖味既甜餐包, 好岩我口味…查看更多

早幾日有個住荃灣既朋友帶左我去食呢間用滷水做主題既餐廳食，平時都好鐘意食滷水既我梗係舉手贊成啦🙆🏻‍♀️🙆🏻‍♀️1️⃣🍜 招牌大鹵麵（配米粉）（$56）招牌大鹵麵配料超級豐富🫢有陳皮魚蛋、滷水蘿蔔、滷水豆腐同埋特製腩肉，蘿蔔同豆腐滷得好入味，腩肉就入味之餘仲要炆得好淋👍🏻👍🏻而最精彩既係個滷水湯底，好濃但唔會死鹹，好出色🤭2️⃣🍲 鹵友牛三寶撈麵（$60+$3轉撈粉皮）牛三寶分別係牛肉、牛筋同埋金錢肚。三樣配料都好入味，牛肉好嫩滑，牛筋夠淋而金錢肚就好爽脆😋😋仲要配料同粉皮既份量都好多，我食唔晒添😹3️⃣ 🥬 白灼時菜（跟餐+$10）跟餐加既時菜都係有滷水汁架😋😋有啲味又唔會太鹹👍🏻👍🏻4️⃣ 🥚鹵水糖心蛋（$9隻）糖心蛋既熟度剛剛好，亦都用鹵水汁醃得夠晒入味🥰3️⃣ 🧃跟餐配飲品而家跟餐可以配台灣罐裝飲品，選擇都好多，有木瓜牛乳、芒果牛乳同唔同既茶，我地就揀左豆漿同黑豆漿😋…查看更多

今日約咗個就嚟生日嘅朋友食飯，佢睇完七人欖球賽，所以一於搵喺銅鑼灣附近嘅餐廳睇吓有咩好食啦🥳呢度裝飾得好有日本居酒屋既風格，仲有大大個screen播日本歌，氣氛好好🤩1️⃣🐟刺身✨腦天刺身 兩切（$78）✨活赤貝刺身 一隻（$58）✨鮮螢光魷魚 四隻（$58）腦天原來係吞拿魚頭頂嘅肉😯油脂味好重，而帶有少少筋，魚味好濃🥹好好食🥹而背面是火炙燒過的，可以試到刺身同埋隻燒兩種口感，而燒過嘅部份魚味更加出。🥰鮮橙色的赤貝刺身賣相吸引，口感爽滑。🥳味道鮮甜，咀嚼時充滿海水的鮮味🥹。鮮螢光魷魚係一隻隻細既魷魚。慢慢食落個陣，墨汁既鮮味慢慢咁散發出黎。😆🥰2️⃣🐟 真鯛薄造（$128）真鯛薄造係一片片白色帶紅既鮮魚片😋特製既柚子醬汁同其魚肉既鮮甜味十分匹配，個醬汁更能帶出魚既鮮味，配埋鮮山葵又另一個味道。🤩3️⃣ 🍙 火炙煙燻蠔手卷（$58）手卷剛上枱時店員溫馨提示要盡快食用，因為怕放耐左會變淋，影響口感🤭煙燻蠔好鮮甜，面頭仲有一小塊海膽，配埋壽司飯同紫菜，口感豐富😝4️⃣ 燒明太子（$88）廚師能夠成功把握火候，將明太子燒到外脆內軟。再加埋青瓜片，將燒明太子既鹹味中和，帶出明太子既鮮味。3️⃣ 🍖 串燒✨墨魚香腸（$58）✨雞胸軟骨（$38）✨雞胸（$58）串燒岩岩燒起時好香呀🥹🥹三款傳銷都做得好出色！墨魚香腸係有墨魚粒係入邊，亦都食到好濃嘅墨汁味道。而雞胸軟骨就係由雞胸肉連住軟骨，鍾意食雞軟骨嘅朋友應該呢一個串燒會好啱你口味😋😏而雞胸就做得好Juicy，估唔到串燒嘅雞胸可以咁嫩滑4️⃣ 🍢 關東煮（$88）呢度嘅關東煮有六款唔同嘅配料 ，分別有雞蛋、蘿蔔、竹輪、娟豆腐、淮山卷，同埋魚餅😙關東煮嘅鰹魚湯好香又帶有少少甜味，而關東煮入邊嘅食材都吸收晒鰹魚湯嘅香味，令我諗返起之前去日本次次都會買來食㗎😆😆😆5️⃣ 🍛 牛肉炒飯 （$98）店員話呢度嘅牛肉炒飯食材係用和牛，而米就係用新瀉米😝我問我朋友最深刻係邊樣嘢食，佢話係牛肉炒飯🤭不過呢個炒飯真係幾好食，因為首先佢唔會好油，和牛嘅香味係滲每一粒飯入邊，可能因為炒完之後喺小窩度焗住拎出嚟👍🏻👍🏻👍🏻…查看更多

終於放長假啦！！😍早幾日放工後約咗朋友喺太子呢一間餐廳飲杯嘢食吓嘢吹吓水，餐廳會播唔同英文歌嘅MV，氣氛好好，值得推介😆1️⃣🐷 西班牙傳統香燒乳豬（$268）呢個燒乳豬做得好出色😍乳豬燒得好嫩滑，又juicy，味道唔會太濃，食得出豬肉既鮮甜味💓而伴碟既薯角同樣好好食，外面香脆之餘內裏做得好綿滑👍🏻伴碟沙律菜伴黑醋汁都好新鮮2️⃣ 🍕蘑菇帕爾瑪火腿自家手打薄餅 （$138）火腿份量好足，pizza上枱時聞到好香火腿既香味，加埋茄醬同拉絲既芝士好滿足，而餅底算係比較脆身果種😝3️⃣ 🌮燒烤醬雞肉芝士焗薄脆 （$24/2件起）燒烤醬雞肉帶有少少甜味，結合埋融化的芝士喺焗得十分香脆嘅薄脆上面，口感十分多元化，一邊飲嘢一邊食呢個薄脆好夾呢🤭4️⃣ 🧀煙三文魚忌廉芝士波 （$98）煙三文魚同埋忌廉芝士真係好夾，餐廳用煙三文魚包住一大粒嘅忌廉芝士，真係好滿足☺️ 鍾意食忌廉芝士嘅千祈唔好錯過😝 5️⃣ 🍹 Fruit Punch （$68）好耐冇飲Fruit Punch, 鐘意fruit punch帶有果香，又唔會太甜，最近幾日開始熱，解渴啱晒呢🥳5️⃣ 🍹Pineapple Squash （$68）呢一杯就帶有好濃嘅菠蘿香氣，酸同甜拎到個平衡，味道十分清新，朋友超鍾意飲呀😋…查看更多

早幾日約左朋友係尖沙咀食飯，朋友話帶我去間隱世日本餐廳食，估唔到平時都好多時候會黎尖沙咀，但都無發現過呢度! 😱呢度裝修係日式居酒屋風格，仲有好靚既日式油畫裝飾，當止住旅行癮先啦~~1️⃣🥩安格斯牛小排定食（$225）呢個定食套餐好豐富，除左有牛小排同白飯仲有刺身三點、餐前小食可揀和風沙律或麵豉湯，仲有飲品同甜品！師傅先將牛小排同洋蔥簡單用鹽同黑椒調味同烹煮, 跟住自己可以用爐頭加熱至鐘意既熟度。2️⃣🍢串燒五式拼盤定食（$218）而串燒拼盤既定食就係將白飯轉左做日式燒飯團，其餘既餐前小食、飲品同甜品都同樣有架~五款串燒分別係: 鹽燒雞肉、鹽麴五花腩、厚切安格斯牛、蘆荀豚肉卷同汁燒茄子。😝五款串燒都好好味，調味唔會太鹹，又唔會燒得太乾，朋友大讚鹽麴五花腩👍🏻另外日式燒飯團都好味，帶有醬汁既飯焦脆可口，而飯團係本身都混左味素，好開胃。3️⃣🍟牛肉薯餅（$58）炸薯餅質素同樣出色👍🏻👍🏻外皮炸得好脆！薯餅內餡夠軟滑，牛肉碎份量都唔少😆4️⃣🍹冷泡荔枝紅茶（跟餐）估唔到跟餐既野飲都可以打卡🤭🤭鐘意佢既荔枝紅茶唔會太甜，茶味濃郁。4️⃣🍵蜂蜜冰糖菊花（跟餐）菊花配蜂蜜同冰糖夠晒滋潤，味道清甜，用黎消濟岩岩好～4️⃣🍡是日甜品（跟餐）我地都揀左是日甜品，係被黃豆粉包裹住既蘋果糯米糍😍佢既餡料仲有粒粒蘋果肉架！…查看更多