Siucook's Profile

西環新開的日本餐廳，比原先舖位的裝修光猛多了，餐牌的照片都非常吸引，而且看上去價錢不貴，所以找了一晚來晚餐試試😚 老公試咗日式牛肉鍋烏冬，上枱時牛肉係半生熟嘅，雞蛋亦都係生嘅，雖然冇個熱爐熱住，但湯夠熱可以整熟佢哋，雞蛋令到烏冬及湯底味道更濃郁好味。另外叫了一個A+B+C嘅餐，原價$108 ，我揀咗有海膽的壽司拼盤，所以加咗$20 ，但真係物有所值海膽味道鮮美，甜蝦同牡丹蝦都好鮮甜美味，仲有深海池魚同真鯛。B迷你刺身飯我就揀咗蔥吞拿魚蓉飯，魚蓉係唔錯，但係飯面加咗有味飯素粒粒，個人來講唔係太鍾意，影響咗吞拿魚蓉嘅幼滑口感，同埋味道唔太夾。C就揀咗炸天婦羅，係有兩隻蝦同兩粒番薯仔都炸得幾好食喎，上枱時仲係熱辣辣，番薯仔亦都好甜呀！整體來講呢個價錢，食物質素都算唔錯，而且侍應態度都OK，係舖頭細細，坐得迫啲啫，各位西環街坊可以得閒嚟幫襯下。💛…Read More

想試呢間好耐啦，見同事同網上都有報道，但只係做外賣，所以真係要揀過出開銅鑼灣做嘢嘅日子先嚟幫襯。 今日出開銅鑼灣開會就預計喺開完會前半個鐘頭打電話去落單，開完會啱啱送到Perfect Timing。因為外賣返屋企同老公食，所以可以叫多啲。首先就係必食嘅酸菜魚，有大中小辣選擇，我今次就揀咗個中辣。另外叫咗個水煮肥牛都係要中辣。睇佢地menu先知原來都仲有好多小食揀，成日一心諗住食酸菜魚😆 為食嘅我仲要咗個涼拌皮蛋，口水雞同鴨血。 個個餸嘅味道都唔錯，而且唔會話款款都係同一個味，每一個都有自己嘅特色。酸菜魚同水煮肥牛之間，我就覺得酸菜魚好食啲啦，酸酸辣辣而且魚又嫩滑無骨，雖然唔係好多片，但個底仲有大量娃娃菜，芽菜，海帶，蓮藕，well balanced。另外估唔到個口水雞都幾出色，雞肉都幾嫩滑。不過個鴨血就略為失色，唔夠麻辣味淡咗啲。鍾意食皮蛋嘅我覺得個涼拌皮蛋都唔錯。🥰 …Read More

成老公兩個人試搭南港島綫，聽講利東大街有唔少好嘢食，所以就嚟行行。呢間小店位於利東站A出口不遠處，街市大樓附近。門面就係簡簡單單，地道大排檔feel，但店內同門口一盤盤嘅海鮮望落都算乾淨，所以決定一試。因為去到8點幾都有啲夜，街市都關門喇，店舖嘅炒蜆同好多海鮮都售罄😔 所以就先試試佢地嘅小炒，下次再試海鮮！不過小小一個店呢個時間仍坐無虛席，除了一對對老夫婦，還有兩三台的三五成群嘅好友，氣氛熱鬧。雖然忙碌，但店員同老闆嘅態度十分好，確實係令我內心加分的！ 食物方面，先嚟個啫啫雞煲，雞件輕輕走油，能保持到嫩滑不會太乾，惹味！👍🏻清炒菜心落咗舊式必備嘅玻璃獻，味道正常，勝在夠碟頭😛 最後椒鹽鮮魷，樣子同平常街食到嘅唔一樣，炸漿做法比較似家庭式，略嫌唔夠脆身，咬到有啲攰，但味道係好嘅 🤣 雖然我地今次人少試唔到好多嘢，但見到其他枱嘅食物都好吸引，所以值得再嚟試多幾款🥰…Read More

年初四係時候take a break from traditional food😛 嚟試下新開喺西環碼頭嘅潮啡店🥰 好彩唔使排長龍，早上人唔係太多，樓上大玻璃對住個海，飲住杯double shot latte 的確係好relax 💓 不過想上樓坐嘅就要小心啲，或者整好個蓋先行上去，因為倒到地下都有啡漬就唔好啦，人地成間舖白雪雪白雲石地好乾淨整齊㗎😚 咖啡味上，個人嚟講覺得啡味偏淡，奶味濃，或者下次再試試其他嘢😄 但個拉花都唔錯，係打卡舖重要一環😆😆 …Read More

首次試立食壽司🍣 好好味呀～～ 😋😍😋😍 刺身件件新鮮肥美,傾瀉出嚟嘅三文魚子帶帶淡淡松葉香味，令人驚喜，比其他壽司店多一點心思💓一啖咬落劍魚腩壽司，回甘味濃，油香編佈整個口腔，令人回味💓好奈未食過咁正嘅劍魚腩喇！ 中吞拿魚腩亦非常柔軟油潤🤤 大大隻牡丹蝦同赤蝦🤤🤤 溶化咗我喇😋😋我覺得牡丹蝦味更濃，肉身較膠質重，正呀～ 最少要食兩隻先夠喉呀🦐 鰻魚肉厚，皮薄，所以encore 咗兩件😝 帶子就偏細，味道一般無特別，下次應該叫珍寶帶子會開心啲😛 海膽，蔥吞拿魚軍艦都ok,但無劍魚腩同中吞拿魚腩咁impressive. 赤貝脆身淡味，個人嚟講唔係大愛，所以可有可無😝 總結：逐件叫逐件計數其實唔平，而且壽司件頭偏細，兩個女仔無叫飲品都六百幾埋單，仲要企住食，玩一次兩次好喇😂 但刺身係真心好食嘅👍🏻…Read More

早咗到銅鑼灣，所以就搵間開得早嘅cafe食個早餐，嘆下咖啡等時間。朋友提醒可以試試下呢間轉角位嘅小cafe. 之前都成日想試但總係未到時機🤨 今日卒之可以試試, 於是叫咗個$98 三文魚cream cheese bagel, 平日早餐11點前買大約$58以上食品，佢地就會Free 黑咖啡或茶，要奶啡就加$15，自己飲開黑咖啡所以ok 。 一路睇個咖啡師在整house cold brew, 都幾有趣。但更搞笑係個咖啡師每沖完一杯咖啡，清完個espresso 機頭basket都會擺近個鼻聞一聞，唔知聞咩😶 望到會令客人感覺有啲奇怪.... 杯黑咖啡味道較淡，但有陣令人感relax 嘅味道。至於個bagel 就真失望嘅，收人$98得薄薄兩三片三文魚，菜就多，cream cheese 都極少，幾乎係食唔到有.... 個包就焗到勁硬，刀係切唔開唔滯.... 食到上顎都損🙄 成個包基本上主要係食到菜味😂😂 下次或者試下其他嘢食啦😅…Read More

嚟太子做嘢，未食晏，路過呢間「老街」招牌幾有趣，懷舊嘅感覺，就入咗去試一試。兩點半啱啱有下午茶餐，$32可揀一款主食，3款小食，1款飲品。揀咗麻辣干拌麵，鹽酥炸雞，涼拌青瓜，夜市腸仔，所謂嘅特飲要加$5，珍珠等等亦要再加錢，以一家台灣食店嚟講有點兒小氣，所以就只試試佢熱嘅「台式奶茶」。細細碗嘅干拌麵好快上枱，但就得汁，麵同蔥&青瓜絲，無餸就咁食確係古怪，所以搭枱嘅姐姐亦係成碗肉燥飯擺喺度等埋啲餸嚟.... 其實我唔介意等埋啲餸一齊先上枱，起碼個麵唔會凍咗。麻辣拌麵嘅汁都可以，有麻麻嘴脣嘅感覺，但麵嘅質地就怪怪地，好黏牙🤨 鹽酥炸雞係好食嘅，夠熱，個脆漿係台式沙沙嘅感覺👍🏻 夜市腸仔就有蜜糖面，中和一下我個辣麵確唔錯😆 熱嘅台式奶茶都幾有趣，自己加糖就變咗街邊台式飲品嘅風味，但落幾多糖自己控制確不錯！職員有制服風褸，但有啲著裙有啲著褲，感覺唔整齊，有啲頭髮沒有完全束起，唔精神同驚啲頭髮會跌落啲食物度.... 所以整體就不過不失啦。…Read More

新開張的泰國菜～ 同家人嚟晚餐試試～ 不是等了太奈就有位了，味道不錯 👍🏻 炸春卷一客有4件，但太吸引啦，食咗兩舊先記得影相😆 新鮮炸起超脆中間勁熱，好味！ 原來青咖哩係無得爐上，但同爸爸都鍾情青咖哩，所以無法啦～ 味道行先1️⃣ 帶甜，有椰香而且有辣味，正！ 青檸明爐鱸魚，上枱後要燒大約5分鐘先食得，所以一開蓋就急不及待食食食！ 酸酸辣辣，好醒胃，食完先記起未影相🤣🤣 食得咁乾淨大家應該好有信心可以叫啦🤣🤣 原個椰青焗海鮮飯，地道店會好均真咁比返杯椰青水你飲，但呢間無🤷🏻‍♀️ ，失望～ 不過個飯都算多海鮮而且味道唔錯，唔會太雪藏feel,有蝦，帶子，魚柳，魷魚，青口～ 炒飯底 😋 甜品叫咗杧果黑白糯米，糯米砌成心型❤️上，中間有層芋頭蓉確係驚喜（利申：我鍾意芋頭嘅～）心思加分👍🏻 係條魚貴啲，其他嘢價錢合理！…Read More

爸媽試完海南雞飯午餐後覺得不錯，所以晚上再同我一齊嚟晚餐。毫無懸念就叫了無骨豬手，芭提雅燒雞，我至愛嘅蝦餅，飛天通菜💓 豬手邪惡但確係必食之選，油而不膩，配上酸菜更正，淡化了油膩感更滋味😋 建議可以比多啲酸菜，因為豬手未食曬酸菜就食曬喇，想再加啲要收$20就貴咗啲喇👉🏻👈🏻 食豬手點可以無飯配呢？所以叫咗個油飯， 微香唔油，送豬手一流🤭 芭提雅燒雞用咗特別嘅香料醃製，味道唔錯，但要等30-45分鐘就有啲奈，雞脾ok但雞胸就燒得有啲乾😐 通菜喜出望外的帶辣味，啱曬我口味！🌶 食飽飽再加埋芒果糯米飯，芒果夠香甜，糯米飯嘅椰汁帶微咸，夠地道，唔錯👍🏻😋 美中不足係我地張枱好近廚房，比較熱，而且椅子較細，又無地方擺手袋，手袋放椅子就無咗半張椅坐.... 坐得較辛苦😥…Read More

Fish & chick, 食品如名，主力做fish & chips 同燒雞。因為佢地做嘅燒雞真係好好味，所以成日都心絲絲嚟食😋 雞肉充滿rosemary 等香料味，加gravy更滋味，但唔加就食到香料同雞嘅美妙配搭❤️ 好難得雞胸都唔「鞋」同夠入味❤️ 魚魚方面，佢地都有好幾款選擇，但我就唔係好熟有咩分別，所以每次都以當日心情選款試試，炸魚漿雖然好似厚，但夠鬆，同我喺英國食嘅texture 一樣，而且佢地有提供英國fish & chips 必備嘅青豆蓉做配菜,做得夠地道，立刻再加分👍🏻坐喺面向海邊嘅枱，加埋美食同支cider,真係不得了，超級relaxing! Will be back always!! 💓 …Read More

平日聽講午市要大排長龍，所以一直無試，見今日平日就同兩個同事去睇下，結果等咗陣就有室外位。有餐湯麵包，主菜同咖啡，加埋一都唔使$80，happy lunch 嚟講都可以接受，而且餓底嚟講，夠飽係好緊要嘅😆 我試咗中東牛肉飽配有沙律菜同薯條🤩 薯條熱呼呼的，正👍🏻 沙律就一般，因為無olive oil /沙律醬😫 牛肉飽份量夠，中東包夠柔軟，牛肉夠鬆軟juicy,配埋洋蔥蕃茄，大滿足❤️ 但杯咖啡就一般喇，先試咗啖黑啡真味，帶苦但無回甘，有啲唔識形容嘅怪味，所以就加糖加奶飲算喇😅 但主菜好味令我會再返嚟試其他嘢嘅😆 …Read More

經同事介紹team dinner 試試，味道唔錯，所以忍不住馬上再帶家人試試😋 地道舖仔，但食客不少。重慶奇味雞煲，夠香唔算辣，但就好香口，好和味，令人停唔到口，當中嘅豆泡吸晒啲味真係超好食，鮮冬菇就要煮奈少少先吸多啲味，唯一不足就係要咗一隻雞都感覺唔夠食，希望可以多返啲雞啦。兩次都食咗酸菜桂魚，本身唔係fans都覺得好食，桂魚片好滑，而且刀工一流，魚片分明，而且唔多骨，中鍋夠4人食❤️ 酸菜味道剛好，唔會酸到臭，鍋中仲有啲旺菜，唔錯～ 兩個鍋都可以加湯做火鍋。試咗韮菜餃，但皮厚少菜，自己比較鍾意多韮菜。 脆皮大腸好味，中間放咗蔥粒減輕油膩感。煎墨魚餅反而沒有驚喜，一般。咸肉炒蒜芯唔錯，蒜芯唔老😋 馬蹄水比較淡味唔夠甜，但食雞煲咁熱氣不防飲飲😆…Read More

第一次試年初一食西餐，仲要係自助餐！而且估唔到都full booking! 環境唔錯，而且buffet area大，就算full booking 都唔覺迫，而且食客都禮讓。呢期special item 有炆鮑魚花膠，火燒芝士焗龍蝦配肉眼，海膽刺身飯同火焰雪山，我都成功試齊。😋佢地會分時段響音樂派出，客人聽到音樂就可以出去排隊攞，有秩序而且數量夠，唔會攞唔到。 呢幾款菜式以自助餐嚟講質素高，絕對令你覺得回晒本❤️ 肉眼鬆軟好味，鮑魚花膠都夠入味，火焰雪山酒味有點重，中間係raspberry sorbet, 但當睇下表演唔錯😆 唯刺身飯嘅飯太硬，影響整體感覺。仲有記得試佢地嘅香片雪糕！讚！ 整體來說係推介嘅！會再返嚟食過～ …Read More

見好多人都讚佢嘅炸雞，今日卒之試試，買返屋企同老公食。 試咗兩個餐，一個aloha burger set, 一個炸雞蘑菇飯set. 炸雞的確好食，攞返屋企十零分鐘路程，依然脆身，真係外脆內軟👍🏻 aloha burger 其實都唔錯，不過唔喜歡個包有菠蘿嘅人另計我本人就接受嘅，係覺得個飽細咗啲啫... 蘑菇飯同薯條就唔太ok ， 用咗罐頭button mushroom 做sauce 唔好食薯條就唔係好新鮮可惜可惜.... 仲試咗個mango peach pie, 甜到爆咗，又係細細件，半個麥記蘋果批size.. 總結係都會再返嚟食炸雞嘅！ …Read More

Business lunch, 同個比利時同事嚟食比利時嘢，睇下會唔會拆佢招牌先 同事點晒menu上嘅真比利時菜。第一次試beef tartare 竟然係嘅香港😂 但係真係好好食！雖然好似好紅好bloody 但食落質地同三文魚tartare 差唔多，好smooth, 可以encore!! Stew beef 就唔係舊舊都夠tender,睇彩數啦，但味道係正嘅配埋大愛嘅薯蓉超正！ salad goat cheese 夠creamy！ mussels 用hoegaarden做汁係real Belgian method! 同事話佢地喺家鄉就好少用tomato base煮mussels. 呢啲青口唔係嚟自比利時，好似係加拿大嘅，都唔差。午餐已經點咗5杯Belgian pick beer, 味道有淺有深，品酒一樣，想試比利時人口味推介嘅不妨參考圖中幾款試試咁正嘅business lunch 真係食多幾餐就好喇雖然呢餐唔平，但都會想帶屋企人嚟食多次…Read More