T_KID's Profile

哩間餐廳翻食左幾次.星期日嘅下午三點左右去到唔使排隊限時兩小時.第一次食呢個粉紅色明太子海鮮飯（？）好味道海鮮當然係雪藏蝦😝不過大大隻個飯嘅味道亦較得好好.Pizza係鱈魚大蝦味道同口感配搭幾好幾好個魚滑滑不過個pizza餅底略嫌厚身咗少少，偏硬.今次冇食到甜品佢啲甜品都好出色，必食.總結如果條隊要排半個鐘都值得食，超過半個鐘就去第間啦😂…Read More

觀塘牛牛，今次叫咗兩款菜式，大家睇圖😸1.醬汁係蕃茄味，牛肋條牛味濃同我想像中嘅牛肋條不一樣，以為會比較淋身，但食落牛肉嘅纖維一疏疏有啲似牛腩，會咬到牙較攰嗰款2.漢堡扒網蛋好香，漢堡扒做到入口即溶嘅感覺如果鍾意入口即溶係好食，同時間有少少免治牛肉嘅感覺，漢堡扒表面冇戰錘，整體係比較軟身，傳有啲樓，牛味反而唔係好重打開*日式燒汁偏甜（我叫咗汁另上，正常店家係淋埋落啲飯度一齊上）總括：啲醬汁調味好出色，牛味香濃，可惜牛肉口感普普通通，不過份量同味道都對得住價錢，性價比高…Read More

👭港女下午茶😆🥳呢度環境舒服🥰 好啱同🐢🍯Chill住傾心事Tea set一放上枱，就開始打卡模式📸好靚呀😆😆 本身對打卡嘢味道冇大期望但原來唔係喎！！好睇又好食🥹💛最頂嗰層•北海道珍寶帶子配俄羅斯魚子醬雖然唔係連殼嘅新鮮帶子，但係都唔會又雪味大大粒又爽口！💛中層•繼續鹹點：·法國鵝肝醬幾好食😋·飛魚子蟹肉沙律多士·風乾火腿蕃茄烤麵包味道不過不失唔會過鹹🫶🏽💛底層係我最愛嘅甜品🥳·白松露芝士蛋糕·招牌真空慢煮焦糖燉蛋·法式馬卡龍·經典歌劇院蛋糕白松露芝士蛋糕有驚喜😋好香松露味燉蛋好夠滑同好香蛋味，面層焦糖超脆～馬卡龍薄酥外層，少少黏牙糖心口感味道唔會太過死甜經典歌劇院蛋糕正常蛋糕一件😆💛特濃牛奶軟雪糕牛角包奶味超級香牛角包好鬆脆必！食！😋📍享慢煮意Fast Gourmet尖沙咀彌敦道100號The ONE 6樓L608號舖#打卡餐廳 #打卡cafe #girlstalk美食 #chillcafe #kol #foodblogger #foodgasm #甜點…Read More

🇯🇵日本紅豆椰青芋頭露手工糖水，傳統之餘帶有新意⛄️冬天係芋頭嘅季節，特別香濃芋頭係唔係一粒粒嘅，打溶哂～口感綿滑配埋粒粒紅豆同埋椰子肉特別香同埋好有咬口店舖採用冰糖，味道偏甜環境⭐️⭐️⭐️⭐️⭐️員工態度⭐️⭐️⭐️⭐️⭐️好味⭐️⭐️⭐️⭐️多樣性⭐️⭐️⭐️⭐️⭐️（店內有出售湯品、小吃）…Read More

好耐未試過食咗啲嘢食係難食到覺得嬲！嬲到要寫好耐冇寫過嘅食評。入到去見佢又泰菜又茶餐廳咁已經覺得怪怪地，就諗住試吓最普通嘅滷水雞髀加多士，應該中伏極都有限，點知難食到不得了，唔食晒啲嘢真係好折墮，而我係超級澱粉怪好鍾意食澱粉質，所以難食極我都會食，但係但係個多士真係食唔落。又硬又淋！！杯鹹檸水更加唔使講，飲咗一啖已經直接拎咗嚟洗刀叉。冇心機整嘢食就唔好做廚房啦！垃圾廚師！！…Read More

第3次黎小方糖食甜品，今次4人居然唔洗等位，一黎就有人埋單！Lucky😆 店內坐位窄，唔好預可以舒服坐好奈傾計-小木桶豆腐花，由於豆花係即撞～留意個計時器響就可以打開食喇～期待～小木桶影相又幾過癮嘟嘟～豆味淡～但滑溜溜同夠熱搭救～同埋好大碗，個兜都深架-芒果拿破倫焗得好脆同漲卜卜，好香噴噴，食落牛油味唔算太重，唔係咬落感覺有少少實心戈款拿破倫，係輕飄飄戈款🤤 芒汁甜度剛好，食左一件半都唔覺漏，不過芒果粒比得好小氣🍂 得幾粒仔仲要係暖既，如果Cream可以改為雪糕，芒果粒可以變番凍，成件野就完美喇😂-冰，朋友食，試啖冇乜特別，淡淡芒果味…Read More

-重點：意粉好食、專心唱K，刺身唔新鮮-3個女人聚埋一齊！一人一句，中餐唔食 西餐唔食 辣唔食 又想聚多陣可以坐奈d💁🏾醒起CEO重開，fb share見到有原個車軑芝士炒意粉😍，食物款式聽講都多，唔洗諗喇就食一食😏今次安排3樓房！係 大 房 呀😀 hehe，但衛生一般，張梳化有幾撻食物漬，差d坐到😂事不宜遲食物區係2樓😂 即刻衝落去睇下有咩食先🤤食物款式係K buffet界黎講都真係幾多！自助火鍋、刺身、甜品、生蠔（條隊超長冇排到）、扒、沙律吧........又掛住掃食，完全忽略影環境相😂😂😂食左哩d～小朋友餐盤好擺放食物💛 -左上有冷盤南瓜、車厘茄、火腿片、炸雞、炸蠔-中間底係蟹蓋蒸蛋既蛋，d蛋有酒味，滑西蘭花我預期會腥，居然做得唔錯飛餅，夠蘇化但味偏咸-右上雞扒牛扒，唔好預期有肉味就唔會有失望，btw牛扒係咬極唔斷的😂-蝦，冇食（試左刺身唔新鮮後唔敢食）-右下車軑芝士炒意粉，意粉軟硬度剛好！淥一淥就倒落原舊芝士度炒（注意：唔係拉絲芝士🌝）!!! 好香芝士味，加埋魚子😋 面頭係沙律菜，新鮮爽口！選食物既時候....根據以往食K buffet既難食經驗😅 心驚驚，唔想自己做大哂鬼，所以都係保守地拎番d穩陣野，醫到肚就算，朋友就每樣試d，連麵都煲埋🙄我搭單試下食左白玉豚、希靈魚、甜蝦用筷子夾起白玉豚時我內心：😱係勁軟身，食落口腥到爆....點解我愛的白玉豚會搞成咁😭😭😭😭😭 希靈魚都好難食🙄明明個樣唔錯架..所以冇預期到差成咁螺..了出黎見到d肉熔熔地咁仲有d白色粒粒黏住..唔敢食🍂唔開胃🍂…Read More

黎到西貢今日既第2個食點～餐廳食野空間主要係室外，成間舖風格似溫馨既家庭式士多～炸魚薯條！炸皮薄、乾身、脆、魚冇雪味、舊魚滑得黎有口感！切開係可以成功切到一舊舊，炸皮唔會同d肉分散～ 身為一舊炸魚基本上有哩幾點已經冇得輸！🤤 不過略嫌味道偏咸，以致我好努力品嚐舊魚想知到底有冇魚味都品唔到😂小食黎講，如果未食過可以一試！但未好食到需要翻兜，下次反而想試下店內其他食物，好似評價唔錯，有機會再分享！🌝…Read More

拍拖最好既活動就係一齊發夢同掃食，今日同魚貝子貢入西貢～ the dutch係我地第3個食點，剛入黎搵路見到已鎖定要黎飲杯野😂經過見到店外有對情侶望住海，坐係高椅度飲飲酒食住芝士💛 成個畫面 💛先入店選擇芝士差唔多20款芝士，可以任試食～ 每一款都好好食😭 印象深刻既有黑椒煙燻、山羊奶特濃、黑松露、香草！我初時怕山羊奶特濃會好羶，勇敢試！好食！每款芝士都好滑～Set餐$180，包兩杯飲品！可以選擇兩款芝士，我地最後選擇左黑松露+香草💛而酒就選擇左白酒🥂 店員先比我地試酒，試左ok就可以落實成個Set🥂🥂一路等, 口入面仍然回味緊頭先既試食😂😂期待～登登登！！！心心眼😍 黎喇黎喇！相機食！碟上面戈兩個玻璃兜仔係酸蔬菜同埋蜜糖芥末醬～配黎食可以中和番，唔會食芝士食到太漏黑松露芝士好香好香！點少少蜜糖芥末醬一齊食係絕配！香草比較清新，我冇諗過可以用清新黎形容粒香草芝士😂😂😂😂，但一粒黑松露一粒香草咁食，又唔會好漏喎💛白酒，其實我唔識飲酒😂 易入口，食住芝士答答下咁飲少少又幾過癮🥂飲左一半心情唔錯😂 🤤一路打食評，一路心思思想再入去發住呆咁食芝士🥂🧀…Read More

記得早兩年係上環附近第一次食金記! 當時食左豬潤麵，印象中係好食既東西，最近發現黃大仙中心北館開左間金記分店！決定再食！可能係黃大仙居民久違既新店舖，當日都好多人幫襯，格局比上手餐廳既坐位焗促，4人位較多，2人食多數會被安排搭枱～坐低即時點左個豬潤麵餐，好快有得食麵係出前一丁，店內提供既辣椒油好夠辣，加dd黎食都夠過癮～豬潤雖然唔係煮到老爆咬落鞋口.....都彈牙，但唔係我早2年食到既質感同味道😐 當時明明係煮到剛好，唔會有血水，軟軟彈牙的...唔通記憶總是美好的🍃🍂 但更有可能係🕵🏿‍♀️哩間分店新開人流太多整唔切，煮定一大堆再加熱既時候搞到老左少少😔💔多士+火腳庵列多士包面烤得唔夠脆，但加分位係塊包包本身係軟熟好食的，只係佢並唔係一塊合格既脆口多士🙄 庵列同一般茶餐廳一樣～好難會整得難食😂跟餐包埋杯飲品，叫左杏霜，平時飲開既杏霜係香香杏仁味，但金記哩杯係香香既奶味，杏霜唔似杏霜🍂…Read More

好喇，今日入到黎赤柱食食食食行行-倒述講重點：價錢與食物味道不乎😭寶寶好心傷😭-海傍一條街都係餐廳，左睇，右睇，最後選擇左哩間！服務員會推介坐室外，但由於室外冇位，安排左我地暫坐裡面，好肚餓呀！唔理咁多，未坐穩都要拎餐牌點左餐先！打到哩度我醒起...應該係當時太餓，唔記得影餐牌🙄-大蝦爽口彈牙，但冇蝦味，係完全冇蝦味🤔，雖然我唔認為冇味係正常，但好似食過幾次哩類凍蝦大部分都係只得口感😂 （題外話：記憶中，山頂某蝦店係有蝦味既凍蝦😂）所以伴住碟蝦個醬係整碟蝦的靈魂，由於係咁，應該要分開黎評價個醬，我覺得係微辣的茄汁撈埋切到好細粒既洋蔥/梨粒-雞開心位係上枱時見到舊雞用左我愛的雞脾肉😂肉質結實但唔係彈口，唔滑👉🏽👈🏽 ，雞上面d醬係有椰汁味的，我本身麻麻地椰味，所以......整體黎講係....配菜都幾好食-帶子辣肉腸飯Rissto軟硬適中唔會太生，帶子煎得香，唔油，軟滑～.........辣肉腸偏咸，唔係咸香，係咸🤦🏾‍♀️諗起都🙄其實食以上哩堆野既時候，我地搬左出室外坐，當日好大風，d食物易比風吹凍，凍左食落更一般😐…Read More

今日同魚貝子黎到荔枝角拍拖, 行經D2 Place對面發現工廠大廈數間餐廳, 睇緊食咩好既時候偷聽到路人同朋友傾計話今日特登過黎億利搵好野食(心諗:乜原來哩座工廠大廈係出名有好野食架?)基於本人未食過墨西哥菜, 心思思, 就上去試下啦,  門口同牆身風格係熱情Mexico~~店內位置唔大, 大概有5張 4人枱, 2張2人枱, 當日係假期, 3點左右, 可能過左午餐時間, 店內只有一枱客人店仔細細食物款式都唔少挑選下邊D食物BB可以入我肚先XD最後叫左2個LUNCH SET+1個小食(跟餐加購湯及脆脆豬) OK啦, 都係紅湯一個, 作用濕濕口-鐵板燒(煙燻手撕豬) $89好!食! 用薄餅卷住D豬肉+配料+醬=100分~!薄餅上枱暖熱, 口感煙'銀'得黎又軟軟的~配料有牛油果醬、酸奶醬同甜椒粒豬肉味香! 冇比調味料蓋住豬肉味, BTW唔鐘意燒肉有甜味既朋友請注意, 哩味野, 味道係甜甜的-地道辣椒燴牛肉飯 $79辣味剛好, 唔會辣到味覺都冇埋XD好食到唔想同魚貝子SHARE!牛肉夠軟(重點: 唔係雪/調味拿到林戈種)飯口感特別, 比較硬身! 好老公教育時間: 真男人要食硬飯附玉米片脆脆都好食, 脆口而且仲微暖, <3-招牌特色蟹餅 $72話說我通常會比特色/精選/廚師推介/招牌吸引, 今次都唔例外~72蚊兩舊, 唔好食我會好心碎, 冇失望舊蟹餅炸出黎咬落唔算油到林, 炸皮夠薄, 唔會皮厚過D料蟹肉絲, 啖啖肉架! 大愛餐牌寫係以新鮮蟹肉整, 我食落感覺都係新鮮蟹肉, 冇講大話見唔見到D蟹肉絲!見唔見到D蟹肉絲!見唔見到D蟹肉絲!係喇, 雖然大家都知, 但有朋友唔知, 所以都講下啦 >>>>此餅口感唔係好似蝦餅咁彈牙架~服務態度方面, 上菜快靚正! 但可能差唔多收市,收碟唔太主動~但唔洗比加1服務費, D野食又好食, 雞蛋裡挑骨頭會唔會唔係太好XD店內職員採取自由風XD當日我地由3點幾坐到6點幾, 一路靜靜地睇書傾計完全冇為意到中途經歷左人地收市=-=冇比人趕離開 -///-…Read More

琴晚去左試食$98卜卜蜆白蘿白、魚、木耳、鮮白腐、生菜、粉絲、荀片、油麥菜、紫菜響鈴、手打4寶丸、雜菇由於食既時間都夜夜地，6個人食一個煲當然唔夠啦😝再另外叫食物主要都係叫蔬菜，而份量係細細碟的～蜆夠大隻，鮮甜，咁大煲只有4-5隻開唔到口，煲到中段個湯好甜好甜，但最後水太少搞到好咸🤦🏾‍♀️6人食，每人大約$105 性價比還可好喇，開始勞蘇💁🏾👇🏽👇🏽d位安排得唔好，好差，唔知係咪大家睇完報告比較多人去食，所以d安排好亂🌝 蝦碌1）8:30打去book 10點（留埋電話同名），9點早到左冇野做去睇下間野環境，由於本人係穩陣派😂，順便確實booking，點知個職員話冇booking，睇番電話來電紀錄先話好似有🤦🏾‍♀️蝦碌2）10點到，職員話埋緊單要稍等，10:15職員話埋緊單要稍等，10:30職員話已埋單，但客未走要稍等。10:45職員話已埋單，但客走緊出黎要執台稍等，如果唔係同其他人一齊我諗我爆炸左，餓死既心情🌚（我book左10點，門外亦唔只我地一圍等緊，唔係應該要禮貌請客離開鬆番張台出黎咩🤦🏾‍♀️蝦碌3）終於入得，見到安排左一張4人台....WTF！！☄️🔥☄️說好的6人呢說好的6人呢？我內心：今時今日優質既顧客態度一定係我發緊夢唔係個職員發緊夢啦🙍🏾維持形象仍笑笑口同職員講唔係6人台既？點坐😅職員：下？你唔係5個咩☄️🔥☄️☄️🔥 5個坐其實都逼啦，同埋咪講左係6個人囉....成粒鐘前已經講左要加多一位又答我ok😑蝦碌4）最後話坐住先，等張2人台走就比我地搬位拍埋6人台，過左大概15分鐘，另外有職員安排左客坐戈張2人台，仲話個客剛落左Order叫食物冇辦法🤦🏾‍♀️ 然後叫我地搬去另一張4人台，Why？點解我要由一張4人台搬去另一張4人台😂意義何在😂😂😂一係就照坐而家張台坐埋少少，但重點係張排櫈係唔貼牆有1個身位既洞😂其實可以點樣逼d坐？凌空坐？忍唔住笑左😂😂係真心笑😂朋友已經嬲嬲豬話唔食🌚 但等左咁奈又冇理由唔食姐，最後雖然都安排到搬位，但對整個安排都係唔愉快的，忙到甩碌安排差已經唔好，應承左留張2人比我地合併但職員之間完全冇溝通係咩玩法🌝餓到喊出黎💔 屋漏兼馮連夜雨是定律，連支Gas都冇氣😂😂煲唔起，11點幾先食到晚餐（變宵夜）既第一啖食物😂幸運朋友們都係火起但快熄既人😂 氣氛都係開心食開心過…Read More