gigitang's Profile

向佢反映啲菜有問題，無解釋下被無理cut單負責人話「反正你地都係入黎幫襯得一次」當晚叫咗素鵝、雲耳、豆漿同津白煮年糕。食食下發現津白上有突起嘅點點好似蟲卵，最上層驟眼望都有六至七片咁嘅菜葉，同埋湯入面有烏蠅，覺得極唔開胃，於是問店家啲菜有無問題，可唔可以換。圖中負責女人重覆幾次：「啲菜係咁架啦，無得換」，建議我地取消。 OK，咁取消後我地想再叫其他野食，收銀女侍應俾咗餐牌我哋，點知想落單時比另一位男侍應一手搶走menu話「我哋啲津白全部都係咁㗎啦」，我哋回答「明白，咁都想叫其他」，佢支吾以對話「總之全部野食冇得叫」收走menu行開，女侍應唔知係邊行出黎話：「我哋cut單喇」。明白嘅，可能尋日人多8點鐘就截；同一時間剛入座嘅客人聽到cut單打左個突，問係咪即係叫佢哋離開？但男侍應竟然請佢哋坐低落單，當時我地以為只係做埋呢枱客。觀察左一陣唔對路，因為廚房不停出餸，唔單止新入座嘅客人收到野食，其他喺門外排隊嘅客人仲不停入座。明哂，原來係針對我哋，「cut單」只係淨係唔俾我地叫野食。我哋嘗試了解返件事，好聲好氣問男待應「點解cut左單但其他人叫得？我哋係想叫個第二款餸，唔係津白。點解講大話講已經截單？」佢即刻發哂脾氣，大聲兇我地話「我由細到大食啲津白都係咁架啦，食咗十幾年都係咁食，你想點呀？！」男侍應最後仲大聲呼喝「反正你地都係入黎幫襯得一次，想點呀？」全場靜晒，女侍應：「你碗津白食得好少咋喎，你地一而再、再而三“無理”要求！」當時我哋仲食緊有排先埋單，其實見到佢不停接客，都知佢呃人。咁有性格唔憂做、趕客嘅，請直接講唔做我哋生意，講大話講得咁低手實在大開眼界。我哋要求係叫多個餸，有啖飽飯食同埋乾淨衛生，如圖所見咁嘅份量兩位成人根本食唔飽，請問無理之處係啲咩？其後圖中女人扮哂息事寧人，唔該有心解決問題既話，就唔好聲大夾惡鬧完客人然後當無事發生過，顧客絕對唔係大晒，但餐廳絕對有責任解答客人既疑問，令食客食得安心。明買明賣，就算只係黎一次，唔通冇權要求更換有問題嘅食物咩？仲要收加一服務費+茶錢。衛生差、唔接受意見、服務態度極度極度惡劣、誣蔑及呼喝客人嘅一言堂餐廳，承你貴言，你請我都唔會再嚟，貼錢買難受。相信當晚8點餐廳在場嘅人都一定會聽到，原來食飯食到一肚氣係咁既感受。原來菜有問題係唔準人問唔準人講，幫襯得一次就可以被無理cut單。真係多謝哂。…Read More

太子呢類型舊區最好的地方就是多小店，單單在太子至長沙灣一帶就有4、5間手工餃子店。阿純山東餃子一直在太子為人所熟悉，除了因爲是手工製餃子外，更重要是以山東菜的特式為招徠。下午茶時段已經有8成滿，足以證明它的受歡迎程度。1. 白菜豬肉餃子（$41）即叫即煎！送上檯時新鮮熱騰騰，一咬開有肉汁飛出來，吃起來惹味每粒都好多餡料，菜肉比例均衡，如果再煎香口啲就好2. 山東燒雞（$35）老闆可能用錯圖，用左廣東燒雞圖，所以唔識山東燒雞點整既客人會以為貨不對辦。其實山東的做法是要將雞炸後再浸滷水。阿純用的是正宗方法，並且沒有偷工減料，用上兩隻雞腿，肉質嫩滑，下面的青瓜絲吸受滷水汁後很入味、爽脆。3.紅燒牛腩麵（$36）麵質彈牙，無粉味，亦唔會一舊舊。湯底雖然是清湯，但有充足的牛腩味，沒有加入味精。牛腩無渣，夠諗夠軟。4. 芥香木耳（$28）用芥末同醬油將木耳調味，吃起來清新之餘仲好攻鼻，店鋪仲細心地將木耳既硬邊切去。…Read More

近年柴灣多了很多大型連鎖店進駐，只有在柴灣街市至樂軒臺那邊才些特色小店。這次是專程去支持一下，希望柴灣往後有更多cafe!Cafe空間充夠，下午茶時段幾乎只有3-5位客人。但正因如此，客人都可以任坐閒聊無問題:)1. All Day Breakfast 配飲品($52) 份量足夠，有茄汁豆、煙肉、炒蛋、蘑菇、烤麵包、德國腸等，材料算豐富。炒蛋滑嫩多汁夠厚身，入口不鞋身，麵包亦烤得剛剛好，香味十足。只是略嫌食物未夠熱。2. 蘑菇奄列多士 配飲品（$32）值得一讚蛋煎得十分香口，兩大塊奄列份量好夠食。而且沒有油膩感，加上香草碎，十分好味。多士亦有預先塗上牛油再烘，吃起來外面香脆，內裡鬆軟，並不是一舊硬卜卜的烤包。整體來說，難得在柴灣一見的cafe，而且質素不差，住在附近的話值得一試！…Read More

去呢間店之前要有心理準備會排好耐，我地總共等左個半至兩個鐘。唔想周圍行既朋友可以上K11三樓坐陣，佢有免費位同叉電位。終於入到去，地方唔算大，夾埋唔照過20張檯。但好欣賞一點係佢會好大張檯你，坐得舒適。唔似現時啲餐廳將位置有咁細整咁細。入到去已經有哂鏟、預熱好既爐同計時器比你，十分細心。我地叫左雞肉、五花牛腩、餃子、廣島燒同御好燒。基本上兩個人一人叫一個燒已經好飽雞肉同五花牛腩都好新鮮，睇得出唔係冷藏肉。煎香後的雞肉同雞皮好脆身，入口唔韌之餘加埋檸檬汁仲好香口。至於牛腩片就用類似燒汁醃料預先醃好，可能因為咁有小小偏鹹但肉質嫩滑。廣島燒既材料好豐富，感覺好抵食，魷魚同蝦彈牙，仲配埋乾魚片、蔥花、紅薑等，好有日式正宗大阪燒既風味。另外，佢會有張野教你唔同類型既大阪燒要點整，甚至可以請侍應代勞幫手！御好燒就簡單好多，只要將所有野搞埋一齊倒落去燒就得，對於懶人黎講係最方便！上圖係我地燒既，下圖係侍應燒既，果然係差兩個層次！加左燒汁同調味料之後成個餅就成形，介開一人一半食落熱辣辣，味道好夾，而且燒餅既粉漿唔會好杰同成陣粉味，感覺唔錯。燒好之後旁邊有齊哂調味料（燒汁、沙律醬、海苔粉、鹽等），可以根據口味喜好而落。總括黎講，呢間店好創新好好玩，最岩成班人一邊吹水一邊整野食！…Read More

總括：店舖沒有如網上食評所說的值得一試，特別是看似多汁好吃的招牌灌湯餃，而且環境位置夾擠同時價錢不比外面便宜，每樣點心約$25-30左右，即使免加一，性價比亦不高。當中有較新穎的菜式如鴨胸燒汁腸粉，味道很好，建議舖頭可向這方面發展，以創新好吃來建立招牌。這間吉吉點位置較偏僻，坐立於牛頭角站和觀塘站之間，由觀塘裕民坊出口向牛頭角方向步行10分鐘到達，店舖在一條較隱閉的大斜路上，需要多加留心才會發現喔。我們一共點了7個點心，上菜很快，食物溫度夠熱，但坐的位置實在太逼夾，可以完全聽到左右兩檯食客的對話內容，還以為自己是和他們一起來聚餐:(:(1)燒汁鴨胸腸粉、炸雲吞前者味道出奇地好食，腸粉餡有鴨胸肉和生菜，加上燒汁配來吃很香口，粉皮不厚，這道菜式創新得來好吃。雲吞亦炸得香脆可口，新鮮熱辣辣，蝦餡足料。2)灌湯餃同傳統灌湯餃不同，這款是以湯浸餃子而非餃子包含湯汁一咬瀉出那種，雖然看其他的食評圖片時覺得挺吸引，但知道內裡原來沒有湯汁還是很失望。而且味道真的很一般，沒有像其他所說的是招牌菜。餃子浸在湯內太久，導致湯有一種粉皮味道，喝起來感覺奇怪。餃子皮有點厚，內裡的肉餡粗糙，吃到一半已經不吃了。3)蒸排骨和千層珍珠雞排骨肥瘦得宜，味道和外面酒樓水準不分伯仲。但想說的是千層珍珠雞，根本就是平時的珍珠雞無異，何來加千層二字？我吃完後全不覺那裡有千層，還以為是煎珍珠雞再疊上去那樣才勉強算是千層吧.....4)薑辣牛柏葉、臘味飯牛柏葉以薑蓉和辣椒爆香炒，惹味可口，而且肉質很彈牙。臘味飯即味道過鹹，加上材料不夠豐富，只有蝦米、臘腸潤腸，其他花生、蔥粒、臘肉並未見有，予人感覺只是個簡單迷你版的臘味飯，不夠誠意。…Read More

我和友人一向都是愛找美食之人，早前在ig看到這間以拳館作主題的泰國餐廳，便相約友人一同試新菜。星期五人數較多，七時半下層已經全部滿座，但幸好等了5分鐘便能直接入座。餐廳整個裝潢以擂台為主，椅子以黑皮套包裝，更掛上銀鏈，造型到位。中央設有四面大螢幕，播著一場又一場拳王的過往賽事，令人更有致身比賽現場的感覺。 我們選了兩飯一菜，分別是蟹肉夜明珠、海南雞半隻及拳王炒飯。我建議2人去的話，這樣的份量已經很足夠了。蟹肉夜明珠，一道很新潮的菜式，利用荔枝肉包著蟹肉蓉，上面𣺉上由薑蓉、青檸汁的醬料，下面鋪有粉絲。吃起來清新鮮甜，但蟹肉的海鮮味跟荔枝並不太配合，沒有一般認為是必吃的菜式。相反粉絲在底下將汁液都吸取，吃起來更有味。 拳王炒飯，意外地好吃。飯底乾身，當中的蝦料沒有雪藏味，口感彈牙。 配合碎蛋、碎葱等材料，很香口惹味，吃得出泰國風味。 海南雞(半隻)。特別之處在於侍應在上菜前為雞倒入清湯。吃起來鮮嫩有汁，從雞皮看出脂肪比例不俗，沒有多餘肥膏，雞皮爽滑，但份量並不是真的有半隻之多。 值得一提的是餐廳侍應態度認真有禮貌，門口帶位的姐姐一邊跟我們說笑一邊感謝我們耐心的等候。至於負責我們那張檯的男侍應，雖然較少笑容，但做事快手，不會敷衍客人，以新餐廳來說，真的是交足功課了！…Read More

入到赤柱已經中午，本來打算吃出名的四溢。可惜因為內部裝修沒有開而要吃閉門羹，但也因為如此誤打誤撞到了這間餐廳。這間餐廳位於赤柱海旁附近，店舖面積較小。因此座位都搬到餐廳外，但是正好利用這個天然環境，配合赤柱soho區的感覺。這家餐廳主要以美式漢堡及各種薯條作招徠，但同時提供日式食品。我們點了菠蘿牛肉漢堡和日式豬軟骨烏冬。菠蘿牛肉漢堡所有材料好夾好配合，菠蘿的清甜中和了牛肉的油膩感，令人吃完整個包後不會太滯，同時更帶出牛肉的鮮味。值得一提是牛肉漢堡煎得剛剛好，食落有汁，不像市面美式漢堡煎得又乾又硬，吃了有熱氣的感覺。至於烏冬，麵身煙un有口感，豬軟骨煮得酥軟入味。差在湯底有味精味，如果可以用鮮湯會更完美。整體來說，這間店在赤柱來說性價比是高的，加上美麗的海景，實是優閒舒適的一天。…Read More

因為新加坡既roommate係19號走，所以想帶佢食下有特式既香港野，最後就選左呢間。我地大約6:50去到，星期四個店舖已經坐左7成人，我地唔洗等位直接入。因為間店比較窄同埋冬天d衫好臃腫，所以入去時候都比較麻煩。我地叫左既野:肉排竹筒飯炸芝士蝦丸迷你漢堡包炸雲吞肉排竹筒飯⭐️⭐️⭐️ 一 上得好快(1分鐘內)，應該預先整定，熱辣辣，肉排好嫩好滑，差在個個飯冇咩竹香味，如果有埋就更好炸芝士蝦丸⭐️⭐️⭐️⭐️一 熱辣辣新鮮炸出黎，外層夠哂香脆，一咬好多芝士汁爆開，芝士味濃好正迷你漢堡包⭐️⭐️⭐️一 個size同張圖差好遠😂😂你預一口一個，裡面有生菜同炸蝦餅，加埋味道似wasabi既sauce，食落好夾有驚喜炸雲吞⭐️⭐️⭐️一 即炸即上檯，裡面蝦出奇地多汁，一咬開feel到有水，好好味 …Read More

這天完成工作後與友人一行3人到芽莊吃飯，一踏進去氣氛不俗，原因是裝修得很細緻，用了歐陸式的檯凳，但其配搭與越南這個主題格格不入，當然坐得舒服比氣氛更重要呢我們點了雞絲牛肉河粉($58)、蕃茄蟹柳湯朦粉(約$58)、牛肉河粉(約$50)、3串雞肉串($58)及燒墨魚筒($78)。上菜程度適中，服務也不錯，大多是年青人(難得是他們的禮貌不錯！)雞絲牛肉河味道不錯，雞絲不會太粗諧，而且湯底鮮味足夠，感覺沒有下味精，再用附上的青檸往面上擠汁，嚐起來酸酸的，很開胃。儘使香草有點多(因為我是不會吃的)，但香草是整個越南湯面靈魂所在。美中不足是面未打散，吃得有點困難。量得充足，吃完這個基本上是飽的，想省錢的朋友點個面已經可以。這個不得不推薦喔！很惹味，欣賞的是香料不會下得太多，吃下去外脆內軟，加上旁邊的沙嗲醬，味道非常濃郁！！但有一點貴喔，$58只有3串可惜的是，燒墨魚筒的味道有點怪，有點腥，加上釀入的材料(估計是肉碎、冬菇及栗米)和墨魚味道不配，所以這道菜不太建議大家吃總括來說，這間餐廳無論在氣氛、服務及食物是不錯的，適合家庭聚會或朋友聚餐呢！…Read More

星期五的中午來到，果然還是很多人，但興幸的是等了約20分鐘便能入座。餐單印刷得很美很清楚，坐座坐得很舒服，只是檯與檯之間的距離不大，很容易便聽到旁人說話的內容，有此尷尬。我想這亦是香港食肆的通病吧，因為空間及成本同時節省。點了午餐A，包括前菜、主食、主菜及一杯飲料($52)，價錢合理。我要了麻油豬耳(前菜)、肉燥飯(主食)、炸排骨(主菜)及酸梅冰。上菜的時間快，食物都用一個小木盤載著，台灣精緻窩心的感覺立刻呈現。豬耳以前菜份量來說是很足夠，嚐起來味道爽脆又不太油膩。肉燥飯熱辣辣，咸度剛剛好，配合炸排骨吃起來非常滋味。可惜是排骨應該是預先炸好再上碟，不是即叫即炸，所以不夠鬆脆，而且豬扒不夠軟。但整間餐廳的佈置很好，綠色和木頭的裝飾與名字「茶木」配合，氣氛優閒，是三五知己約會的好地方。…Read More

與男友這次到樓上Cafe約會，主要是他上次參加了朋友在此舉行的派對後印象不錯，因此決定再試。星期一的下午cafe是完全無人，我們選了近窗的位置(但建議平日去的朋友不要坐近窗，因為外面車聲太嘈吵)。點了個肉醬飯/意粉($78)及紅茶。肉醬與飯的份量比例很好，不像時下一些cafe中間只放一小攤肉醬，導致最後需「捱白飯」。而且肉醬上還加入已焗的芝士及香草，很香口，嚐起來感覺新鮮，沒有下大量笳醬。可惜的是紅茶的味道太淡了(茶內沒有茶葉)，香味足夠但味道宜加強。最好能有一整壺茶，讓客人自己斟添。甚至能在壺下加添加熱器，令茶不會冷卻，並更配合cafe店的慢生活。環境一般，主要原因是開了窗，外面的馬路車聲太多，影響cafe的整體氣氛…Read More

時間：下午3時至5時食物：High Tea Set For Two ($360)，連兩壺熱茶/咖啡裝修評價：因為在高檔商場內，所以環境較舒適。椅桌亦坐得非常舒服。分兩種坐位，一種在店內(感覺氣氛較好)，另一種即在店外，但私穩度降低，經常看到遊人經過。地方主要用作長時間交談及見客等食物評價：最興奮的是熱茶可持續的加水，最適合我這些坐很久又不捨得再叫飲品的人。Tea Set的份量充足，低下層是三文魚三文治、露筍火腿法包及火腿芝士多士，芝士味十分濃，是所有咸食中最美味。中層有鬆餅，配牛油、果醬及cream，味道非常配合。最頂層即有4個馬卡龍(不能自選味道，當中以玫瑰味強力推介)，兩粒醃製的水果(梨)及一個甜品。但其實吃完低層基本上已經有6成飽，所以吃完整套晚餐可以延遲吃，哈哈。服裝評價：一般，有禮貌，但沒有特別令人印象深刻的服務。但幸好不用等候便直接入座，否則滿座時要等30分鐘-1小時其他：餐牌全是法文，雖然下面有英文小字解釋，但落單時有點怪，只能說要幾多號既飲品…Read More