being0v0's Profile

一入去，只有bar枱位，同侍應講聲，佢話有枱就立即轉比我地，服務也算不錯。等了十分鐘左右，就幫我地轉枱，坐得舒服好多。親子丼＄53見到之前的post都讚呢個親子丼，價錢又抵食，於是點了一客試試。真係好多蛋汁，雞肉也嫩滑，但略為濕了一點。牛丼＄48賣相一般，但牛肉汁好香濃，d飯又夠熱，拌埋d汁食，真係食到停不了口，可以再encore。芝士炸薯餅＄38新鮮炸起，好熱，好香，但不油膩，份量也很大份。一啖咬開，發現好豐富的芝士要流出來，好好味！唔單士有薯蓉味，仲有芝士味，雙重味道，雙重口感。值得推介！…Read More

本來好鍾意去美心香港地食tea，因為有大件夾抵食的厚西多士，點知餐牌改左幾款食品，其中就係無左我想食的厚西多士，改左做流沙奶黃西多士，即係由原粒花生醬改為流沙奶黃，但係價錢就由＄24加到＄33，好貴！但都試下啦，店內賣晒廣告，d圖影到d奶黃流晒出來，還有字句提醒：新鮮炸起，小心燙口之類的字句。一上枱，發現比之前多了一小pat沙律。好心急，立即切開睇下有幾流沙，點知唔單止無流沙，奶黃又少又唔夠奶黃味，一點都唔香，食左幾啖，都唔覺自己食緊奶黃，d奶黃仲要唔夠熱，只係暖，真係超失望！價錢貴左，但質素差左！！！而那些沙律超難食，是罐頭雜果加幾粒蘋果，再加好多沙律醬，d醬多過d生果。只有杯奶茶叫保持到水準。我覺得以前的花生醬西多士好味好多囉！＄33一份下午茶真係太貴了。…Read More

近期做緊promotion，用visa卡在McCafe消費滿＄30可儲一個印花，儲到2個印花可換一杯細的薑餅人咖啡。於是，專登走去McCafe食lunch。點了一杯中杯iced mocha，原價＄27，現特價＄18。杯iced mocha朱古力味太強，蓋過晒咖啡味，仲好甜，似飲緊凍朱古力咁。再點了一份豬柳菠蘿蕃茄意式包，原價＄22，現加＄12就有。以為會有鮮蕃茄夾在當中，點知係以茄醬代替蕃茄囉，似食緊普通漢堡包的味道。菠蘿又得好少，少到食左都唔知，我諗有兩粒左右。而豬柳就不是原整一塊，切開左好似三份左右，分佈在包的不同位置，看落範圍很廣，但實質份量好少，等你唔覺。總的來說，＄30都係食個麥記套餐抵食d。…Read More

之前成日幫親新北江的pizza hut，但7月底執左，到8月中就在天水圍銀座重開，環境比以前大，座位多了，店外的環境也舒適很多。新北江的pizza hut在平日多數都唔駛等位，以為搬左黎銀座就會好多人，點知得新開張頭幾人叫多d人等位，到9月就唔駛點等，7點幾去到，即刻有位！點了一個夏威夷pizza和豬肋骨，上菜速度都算快，先來pizza，食到一半，豬肋骨都上埋。夏威夷pizza：熱辣辣，都好足料，上面有好多芝士，唔駛加芝士粉都好有芝士味。豬肋骨：好大份，一個人應該食唔晒。d骨好入味，肉質嫩滑，算係好多肉汁，加埋佢d醬汁，仲惹味，不過老公就覺得d醬汁咸了一些。配埋薯條和沙律，薯條就燶了一些，太乾身；沙律都算新鮮，不過得幾片菜和兩片蕃茄，沙律汁得幾滴，唔夠～但整體都好鍾意呢個豬肋骨，可以encore。呢排做緊promotion，單點呢個豬肋骨，會員可額外有25分，好著數。…Read More

starbucks絕對係一個傾計、hea的好地方，同朋友無野做，飲杯野、傾下計，都好舒服。如果坐到沙發位就仲正，飲一杯野就可以坐好耐，仲無人趕你走，不過peak hour就唔好意思坐人咁耐，因為都好多人等位，所以最好係過左lunch time去就最好啦！平日都好鍾意飲mocha、Hazelnut latte，但今次試下佢的抹茶飲品，故唔到starbucks除了咖啡，抹茶都好好飲，加埋d cream好香好滑。但食物方面，選擇已不多，賣相都不討好，而味道更加係麻麻地。這個唔記得什麼卷，好咸，唔好食！…Read More

見到屯門有新的日式咖哩屋，儘管試一試！先選咖哩飯，可自由加錢加配料，亦可加錢轉自選套餐，從湯、沙律、飲品或單球雪糕中選配兩款或三款。雞肉咖哩飯配吉列豬扒加自選套餐（＄38＋＄25＋＄20）雞肉咖哩較清淡，味道不太濃，珍珠米好煙韌，配以咖哩汁，好好味，再配上吉列豬扒，香口但不油膩。配芒果乳酪冰，十分清新，但飲到一半，就只飲到冰，好耐都唔融。牛肉咖哩飯加自選套餐（＄40＋＄20）牛肉咖哩很香濃，十分惹味，最岩好咖哩的人。配宇治抹茶冰，很香茶味，但飲到一半，一樣只飲到冰，很難飲到抹茶味。自選套餐選的單球雪糕柚子味：味道很清甜，有少許果肉，吃完濃味的咖哩再配以清甜的柚子雪糕，感覺清新，可消除口腔中濃烈的咖哩味。抹茶味：有抹茶味，但甜了少許，不過不失。總括而言，這些咖哩的味道都像日式百貨公司買到的即食咖哩包，但較即食包多少許肉碎。…Read More

從新聞得知，柴火的話事人都係前麻布茶房的人，所以食物歀式、質素都差不多，但價錢較麻布平少少，抵食好多。這個鐵板海鮮芝士雜錦燒烏龍麵是新菜式，專登試試，熱辣辣上枱，好美味！，但份量略為少了一點。這個蛋包飯同以前麻布的差不多，沒有什麼驚喜，但有種親切感，仍能保持水準，好食！甜品方面，鍾意日式抺茶甜品，所以點了這個抹茶布甸，好香好滑！如果上面的雪糕改用抹茶味就更perfect啦！不過，柴火的店舖位置遠離旺角巿中心，找了很久才找到，可能偏遠d租金平d，先可以比以前平啦。佢新張期免收加一，不過唔知至到幾時呢！…Read More

星期六去食buffet好多人，仲要好多大陸人，又迫又嘈，d人好似餓鬼咁，係咁搶。自助餐分室內和戶外區域，戶外多是bbq即燒食物或其他特色即整食物，要排好長隊先攞到野食。另外，室內的刺身區都好多人排隊，因為坐得好近刺身區，見到無乜人排先去攞。而冷盤以長腳蟹、螺、蝦最多人食，蝦都鮮甜，長腳蟹就無乜肉食，螺就一般啦而熱食都好多，但由於太飽，所以一樣都無食到，好可惜，有機會下次要試返最鍾意當然都係甜品區，款式算多，有我好鍾意的cheese cake、pancake，仲有Macaron，味道都算ok。:)但最失望是只有牛奶公司雪糕杯，我記得佢好多年前係Häagen-Dazs雪糕，任食任攞。…Read More

大戶屋在日本是一間平價食堂，但來到香港好似貴左好多。大戶屋的食物好家庭式，但價錢就不較大眾化，一個定飯加埋一要過百元，有些貴。炸豬扒好juicy，美味！唔記得呢半條叫咩魚，但肉鮮彈牙，皮煎得好香好脆，好好味！這個是混入牛肉碎和薯蓉的薯餅，一夾開就散晒，味道一般。抹茶雪糕不錯，但下面的cream稀了一點，好些水狀。好鍾意日本珍珠米，一食就停不了口，好好味！一個定食有肉有菜，都好健康，所以對大戶屋都會比like！…Read More

都知道海洋公園的餐廳不好吃，但抱著試下的心態，諗住睇住企鵝食野都應該幾好feel，就試下佢啦！點知......d食物不但質素麻麻，份量少、價錢貴，等候時間又長，來了碟意粉，食完成十幾廿分鐘先來所謂的主菜豬扒，真係激死，想等埋影相都唔得。餐廳環境為配合極地環境，真係好凍，我用圍巾包住自己都凍到震。我見到有細路著埋羽絨來食野（但係8月，出面三十幾度），真係天同地，所以大家要帶定厚外套。不單止食物差，連服務都差到不得了，叫極都唔理人，等好耐先有人落單，後來想問佢攞杯暖水，第一個侍應話轉頭拿來，怎料，等了十分鐘都未攞，叫第二個侍應，佢話餐廳唔供應水，但我見有些客人桌上明明有水，唔甘心再問第三個剛拿了水比人的侍應，佢就話ok等一陣，點知又等了五分鐘，因為真係好凍，所以再提佢攞水，原來佢真係唔記得，好彩佢覺得不好意思，立即去水吧幫我攞。想要杯暖水暖下，都咁難，真係好後悔入去食野。…Read More

即叫即做的厚切西多士，熱辣辣，香噴噴。西多士真係好厚，等於約四片普通方包咁厚，裏面有粒粒花生醬，加上上面的牛油，塗幾下，在熱辣辣的西多士上溶了，加埋唔係好甜的糖醬，味道超夾。食完西多士，飲杯又香又滑的熱奶茶，真係超正！最緊要杯奶茶夠熱，好好味～:)丹麥酥花生醬多士就一般啦，唔熱，好似在麵包上塗了花生醬就算，唔似焗過。…Read More