queenie1118的個人專頁

多年前食的豬腳小姐，響弘大，而家香港終於有，我哋叫做個蒜味豬手M size,＄400兩個人足夠，一大盤跟配菜，味道同響韓國食既9成，喜出望外，香港地方細，個盤擺落 張枱已經冇曬位食得比較 迫狹，飲品方便叫咗米酒，得翻花生味同柚子，始終無原味好整體用餐感覺係幾好既。…查看更多

因為要趕在10點前食野,於是去佐呢呢一帶都有好幾間米線鋪,一心想食酸菜魚,本來打算去食十三姨,驚唔夠時間,就經過門口,俾佢問口張海報吸引到,覺得都算幾似樣,就入去啦,唔好浪費時間,間鋪夜晚9點幾呢時間段都算幾多人,唸住應該味道都可以啦,真係唔好有希望之余失望更.我地坐樓上,完全無人理,可能D阿姐趕收工,唔多想理我地.就因為佢既圖片,我地叫佐水煮魚同酸菜魚各一份$88,點佐D其他小食,點知一拎到面前果2盤野,我真心啞佐,我地3個人都分唔出水煮魚同酸菜魚既分別,我問個阿姐,邊碗係水煮魚,佢好似未訓醒甘睇下張紙仔先答我,我可以講,正常人都知水煮魚同酸菜魚既分別啦,都算,當係你鋪頭既特色,但係樓下果2張海報完全係唔同,嚴重違反商品說明條例,甘好心唔好貼甘大張出來誤導人地啦,甘做生意,都唔會有回頭客,先唔好講賣相,味道係分別,2碗係分開酸同辣.D魚呢好腥又硬,得果幾塊,而且碗野根本就係一碗大碗D既米線,$88碗仲要,我心入面只係覺得呢間餐廳好唔老實,由海報到餐牌,都係欺騙緊食客,最諷刺既就係收銀台竟然有張食神滔哥既合照,入面既水煮魚就係海報上面既,呢一餐食得好激心,唔會有下次,真係請我來食都唔想再去.…查看更多

食過大埔既分店,經過尖咀見到厚福街呢邊有店,仲要係分佐3層,一於試下無得book,要walkin ,90分鐘要交台,6點前到就一定有位,其實正常人都唔會甘早去食晚飯,為佐唔使排隊等,位於厚福街藍馬商業中心19樓,店鋪好細,唔怪得會full,同大埔店一樣,坐得好逼,叫多小小野都擺唔到甲羅燒$98--有小塊多士,蟹膏甘香鮮甜.抵食叫佐支柚子米酒$168,味道好一般,.有D澀唔係幾岩飲季節限定的秋刀魚刺身$168 好抵食,而且唔係成日食到,所以性價比高銀雪魚刺身$198 厚切,味道淡,可以一試基本上每台都叫既千層海膽飯(大)$298 細杯既真係好細,個賣相好震撼.海膽滿瀉,味道就唔係我中意果種,仲有小小苦,但係朋友話好味.串燒,香口,干身,雞尾尖有油甘香,.質素偏高.最後追加佐帶子刺身,切得好厚,不過就真係無咩味$136,而且偏貴,個人認為唔係好值.總結來講,係可以值得一去既日本居酒屋…查看更多

一直都想試下名廚Ricky加持既川菜館,綱上話個大廚係四川師傅,正宗川味,心思思想試下.經openrice book位非常方便位於旺角雅蘭中心2樓呢間,閒日不用等位,服務員都好熱情積極,一入座就斟茶.今日係閒日相對比較多位,叫佐主打的烤魚,呢度既烤魚有3款(1)魽魚(2)鱸魚(3)桂花 我叫佐無骨最厚肉的魽魚.原價錢388.即場做Food Story會員$328.都幾抵.好大膽甘叫佐中辣,真係好辣,叫小辣就應該岩岩好,成條魚上啖啖肉又唔會易煮爛,入面有少量的薯粉條.而且個味香同好食,如果多少少麻就更好.見到隔離台叫佐個煙薰肉炒菜花$98,呢味菜響國內都成日叫來食,呢度唔太油,而且肉好咸香,唔錯.雖然有小小貴唯獨不太識欣賞呢個午餐肉,其他小食同配菜都仲可以的,下次會叫水煮魚同酸菜魚試下.…查看更多

網上好評的H8胡爐，一直都想試呢間火鍋，早幾日經Openrice訂位今個月有免費火焰龍蝦湯，話就話每人最少要消費滿200，其實點碟牛加個菜加渣飲品已經夠數.店面比想像中細，裝修好古典風，包括埋D餐具本身以為個火焰龍蝦鍋底係會即場炒香後加湯，有個火焰標出嚟甘嘅陣容，可能係送既關係啦，今次一煲過上台，原本呢個鍋底叫要$338店員都建議先畢碗湯飲下，半只龍蝦底下的湯都幾鮮甜，龍蝦味都幾出，湯嘅色水都好深A5飛驒和牛大$438，唔叫本地手切牛，專登試下飛驒牛，擺盤色水好靚，油花甘香，入口快融，牛味不算太濃，切得好簿鱈場蟹棒好食，鮮甜而且不貴$68炸響鈴$68，基本上每張台必點，幾鬆脆黑松露墨丸$49/半份&鮮蝦帶子餃$52/半份，都幾貴平均為10蚊一粒，墨丸味道係唔錯既，黑松露味都好大，至於個帶子餃，我完全食唔到有帶子，最多既反而係冬菇，而且好D皮好快就爛甜品係两小件椰汁榚食物同服務都幾好，只係價錢小貴，不能經常食😊…查看更多

Lunch Time見到荃新天地新開張的越南嘢，抱住一試的心態Lunch Set選擇好少，睇咗好耐，唯有簡最普及的生牛肉河+小食春卷春卷同豬頸肉係跟餐既，都算幾脆豬頸肉少得可憐，只能講，送既仲想點，如果要轉飲品+8蚊，最詭異既就係送既飲品，好多人都睇錯以為係薄荷茶，原來係荷葉茶【陰到人】，好奇心驅使下叫杯試下，陣味就係糯米雞葉+水，可能我唔慣呢陣味，好怪，飲咗一啖可以擺低:(主食生牛肉河湯底好于別不同，好深色味道簡直係淡味肉骨茶湯底一樣，有陣怪怪嘅藥材味，而且帶酸，我完全飲唔到有鮮甜牛骨湯味，好失望，唸住午餐可以有多個地方選擇河粉尚算滑，唯一可取之處總括嚟講，食物質素好一般，晚餐我就吾知喇，希望會好過午餐，相信我吾會再去第二次，待應阿姐的質素都好参次，可能新開張.有D亂真係各方面都有待改善…查看更多

香港一直都搵唔到好食既台式麻辣火鍋,雜誌係甘推介呢間老鍋地處尖咀,而且地點都好方便,可以一試.提前一日BOOK位晚市時段已FULL,間鋪有分Out Door &In Door,其實呢個天氣打邊爐坐出面更加好,唔會成身有陣邊爐味.店員話8:30前埋單全單有7折,好吸引.早佐收工既我6:30就已經到佐鋪頭4樓,里面既裝修好有中國風,店員安排佐張Out Dorr 一千零一張既2人台既雅座俾我地,獨成一角.周邊掛滿燈籠環境幾舒適.呢個鐘數我基本上係包埸甘滯.店員好熱情甘介紹佢地既鍋底,我就簡佐鴛鴦美人鍋+麻辣鍋(中辣) $198美人鍋其實就係鳥雞加藥材,係有味既.麻辣鍋就響食評度聽過好多人話小辣唔辣,所以就試中辣.個鍋一拎到來已經好香.里面有幾舊凍豆腐同鴨血.聽有D人話香港人唔識分四川麻辣火鍋同台灣麻辣火鍋,我就覺得好易分,基本上食過都知四川麻辣係勁多油,D食物放落羅上來都係油淋淋而且好多花椒.麻多過辣,相反台灣麻辣鍋就面頭一層油,食物撈上來都唔會全部鋪囇油,都仲見到D湯.辣多過麻.又點會分唔出呢.聖子皇 $48/隻好厚身鮮甜.的確係聖子皇,點解甘講?因為有好多火鍋店單上寫既係聖子皇,點知上到來既係比普通聖子仔大少少既,但佢地就叫聖子皇,為免中伏叫佐2隻.千層凍豆腐 $48 本身跟個鍋底就有幾舊凍豆腐,唔多夠喉.等於食四川麻辣火鍋必叫午餐肉,台式麻辣火鍋一定唔少得凍豆腐甘,係絕配.美國梅花豬肉 $88賣相好靚,擺上台加昏暗既燈光真係睇唔出係豬.厚身之余肥瘦均勻而且肉感好咬口,味道正岩我口味.鵝肝墨魚丸 $48/半份 即4粒.手工丸類都幾貴.48蚊先得4粒大甘把.入面既鵝肝我完全食唔出,反而似腎多D因為好硬.唔會特別好食.抱住咩都試下既心態可以叫寬條粉 $38 透明既粉條,好貼心甘俾個Q版既鋪頭入面淥粉既筲箕,唔會滾到D粉出佐來,響麻辣度煮佐好耐完全索囇D辣味,而且已經食到尾真係精華所在,呢一刻先知到有幾辣.唐生菜 $58算係大碟,美人鍋有味,生菜吸佐後食更甜生啤1664 $78(大)同酒吧既價錢差唔多,本身想叫台灣啤酒,但係話無貨,其實係咪台灣啤$28/支.想D人飲貴價既生啤呢.因為生啤唔擺得耐飲一杯既價錢等於叫3支台灣啤.就係營商手法.而且要提既就係換Gas,足足換佐4次,岩岩換佐無十分中又換,個經理解釋話係濕佐就會好快無氣,我真係第一次聽,甘好心換過D貨啦,Gas換得甘密又增加員工工作量同埋影響到食客既心情.呢D甘小既問題應該要改善.…查看更多

其實椰子雞早在7年前"潤園四季"已在國內深圳盛行,時至今日都依然好多人排隊去食,本小姐亦都食過好多次,而且仲多佐好多XX四季既店,香港呢家文昌四季,裝修格調同邊爐既煲都大致相同,但多元化好多有串燒,貴價海解拼盤.今次就來比對下同深圳既有咩唔同.今次試食既就係尖沙咀店,去到門口已經有人等位,由於我地係臨時即興去食來唔切BOOK位,好在時運高有人BOOK佐台而取消,我地就頂上.店內裝修感覺好文青Feel.菠蘿梳打 $32 賣相夠靚,幾好飲椰青 $38 ,香港既椰青多數泰國貨,國內用既係海南貨,所以香港既一定好飲好多.原味椰子雞一只 $238 .雞大只好整齊甘睇到係一只,上面仲搭佐幾舊椰肉,椰青湯底好清甜,相對國內既雞不足一只,有時仲只得一只雞翼,湯底都係溝佐水既.至於雞可能太大只了,有點肥而且肉質不太爽口.好在有雞味.普寧炸豆腐 $38.本小姐好中意食呢個小吃,可惜佢做得太干,好似炸豆干甘.無外脆內滑既口感.手打蝦丸 $68 無咩特別,唔難食炸響鈴 $25 完全唔鬆化,真心講,佢既炸野的確做得唔好南安油鴨油臘腸煲仔飯 $88 (細煲)好足料,雖然係細煲份量足夠3-4人食有多.唔會有肥淋淋既感覺,油鴨唔係死咸夠香,最好食就係呢個飯.天氣凍食呢個無得頂整體來講呢間文昌四季係唔錯既,用料方面算好,起碼個湯底係無溝水既,如果嫌上深圳遠或者怕食到假野,呢間都係不二之選.…查看更多

天氣轉涼,雞煲,邊爐呢D必定係三五知己晚飯既首選,經朋友訂位來佐呢間門面裝修好SHARP醒四川麻辣火鍋,門口有個好大既面譜,鋪名應該叫變面四川麻辣火鍋會更貼.一入門口已經充斥好濃烈既麻辣味,8點入場已經全店滿座,睇下生意都好火,叫佐一個嘉士伯既啤酒塔 $336 (唔平)我見隔離台有個九宮格,本小姐唔多中意呢個設計,分九格有咩用,都係同一種味,如果有九種湯底響一個鍋度又唔同講,話就話防止撈唔到野,其實打邊爐既精髓就係恰下恰下撈下撈下甘既啦(本人睇法)有食辣同唔食辣既朋友,最好就係叫個鴛鴦鍋麻辣鴛鴦(小辣)拼藥膳雞煲 $128+20牛牛大拼盤$268(貴)分別有6個部位,份量不多擺相幾好,牛味都算好重要淥清湯先食得出.天香午餐肉$38麻辣火鍋既絕配一定係午餐肉,呢個係厚切,雖然係細細舊,索囇麻辣湯汁好過癮,要叫多一份先夠食手切本地牛頸脊 $288個個都係食肉獸,牛牛大拼盤份量唔夠5人食,呢碟手切牛係大既都算好食雜丸拼盤 $48 抵食,有6款每款2粒整體上在香港食到既麻辣火鍋香味同辣味都好好,算好食之選,但就價錢方面偏貴同店內播放音樂的聲有點大,至於好多人投訴既服務態度我今次認為唔錯,D姐姐都好笑口,有個男人唔知係老細定經理都貼心問有無咩需要.可能多人投訴改善佐.…查看更多

見到綱上好評,趁天氣稍回暖來試下呢個本地手工啤,呢個天時最好唔凍唔熱,飲返杯吹吹水最好不過,約佐幾個好耐無見既朋友來到黑布街.由於係冬天既關係未有夏天甘墟 ,不過入面係全院滿座,侍應姐姐叫我地留低電話等有位就CALL我地返來,可惜我地已經無咩地方好去,唯有響門口等.等佐約10分中,終於可入去,店內氣氛幾好,唔會好吵,大家都係響度吹水.啤酒分佐4個 (0.2L/0.4L/2L/2L TO-GO)1842 Island /0.4L.因為0.2L太細杯了,苦苦地有花味,麥味好重,味道算係比較濃,飲完之後口有回甘.Young Master 0.4L $60酒精度比1842低少少,入口好滑,麥味重而且有甜味,個杯好有型.炸雞翼(配腐乳醬)$58雞翼有6隻,唔貴,其實味道一般,重點係響個醬度,本人本身都幾中意腐乳所以覺得甘樣配搭好正.炸薯條$38好大兜,好有誠意.相對粗身,而且拎上來係熱辣辣既.三重芝感 HALF $42有分HALF 同FULL,重點係個芝士,味道好濃郁,方包好軟熟,個人認為好好食.小食價錢來講唔貴,啤油就貴佐少少,對比起出面酒吧都做緊HAPPY HOUR 30幾蚊杯生啤貴.飲得多既人響呢度唔化算,不過都支持香港本土既啤酒,唔使下下飲來佬貨.如果價錢大眾化返少少就更好…查看更多

荃灣呢間放題邊爐已經響荃灣出囇名,同事話日日都好多人排隊,門口人多到無訂企,聽到都知旺場.而且話百 零蚊任食,出面邊度搵.甘岩6:00夠鍾收工,同事話不如博一博上去有無位,我地就盲中中甘中上去,最辛苦就係呢個商場既LIFT,又耐天慢,等佐成十幾分鐘先上到去,門口果然係好多人,我地無BOOK位試下WALKIN,又得喔,侍應姐仔即刻帶入場,可能因為早掛.店內無咩人,唔知點解出面就企佐甘多人.店內光猛舒適,位都唔係坊間講到甘窄.抽風大煙囪有點韓式感覺,抽風系統甘企理食完應該唔會有成陣邊爐味,呢個比較貼心.餐前小食一般湯底選擇較多有16款我地簡佐推介既櫻花蝦湯,個煲好大下,奶白色既湯底面頭一大堆紫菜加幾只蝦干,係咪櫻花蝦就唔知了,不過任食來講,佢有甘多款係少有的.飲品同菜都分別擺響雪櫃自取,飲品種類都幾多下,冬瓜茶.....由於極為肚餓.第一ROUND既野上佐來已經無人遂樣影相就開餐了.佢既設計好好,食物細細份用方形盒唔阻定,就算叫20幾份都唔會無位擺.令我最意外既就係蟮片同埋脆脘,出面唔係任食都未必有甘爽,而且無泥味.要追加多幾份,當我再叫第2Round既時候,就出現問題,等佐成45分鐘都未有野來,之前食既野已經落囇隔,催佐3-4次,D姐姐都係答幫你跟下就無佐件事,令我白白浪費佐時間去等.猪肉比牛肉好食,唔霉.擺得都幾靚下.牛肉就太普通,無咩味又簿.用$148既價錢任食邊爐,環境+食物既質素相對係好好既啦…查看更多

FB猛甘介紹新蒲崗有間隱世放題,任食生蠔,質素好好,睇到甘既報道,身為蠔痴兼大食精既我一定要去會一會.打電話BOOK佐7:00.可能係早既關係,店內無咩人,亦沒有什麼裝修可言,明顯做街坊生意.一坐低,梗係寫返幾只生蠔先,侍應姐仔溫馨提示,你地兩個人,廚房會根據你地既人數而俾份量,即係你寫十件,到時會俾到4件你,我一聽到甘就問佢,甘我咪要叫好多次羅.姐仔無答我,.呢一刻我心念,中伏,腦里面出現佐''便宜莫貪''呢幾個字.第一輪寫佐好多野,唔想浪費時間叫甘多次,不過上來真係好似姐仔甘講,根人頭份量每人兩件(包括美國生蠔X2.三文魚X2 帶子X2 甜蝦X2 松葉蟹腳X2)先講生蠔,唔算好食,但新鮮,任食來講算係甘,起碼出面既放題係無任食生蠔先,食幾多唔講住,卓頭上已經占佐優勢,因為我都係衝住呢樣而來的.三文魚同帶子松葉蟹腳不過不失.甜蝦都幾大只.要贊既就係熟食燒牛舌.唔干之余仲係厚切,都有牛味.五味燒蝦,就係蝦面审上五味粉,只要蝦係新鮮既基本上都唔會難食.每人兩只蠔話甘快就食佐,當然係落第2輪啦,等佐起碼半個鐘,拎來佐2只蠔,即係每人一只,之前唔係話按人頭咩,等佐甘耐得一只,真係到喉唔到肺,見到甘都已經唔想再叫野食了,因為除佐第一轉係快既之外,見到周圍既台之後再ORDER都係超慢超耐,令我覺得根本就係響度拖時間,就係用任食生蠔來吸引人,來到後食過就知道,食物質素唔差,但係經營手法唔得,唔會令到食客回頭.俾人感覺搵笨,而且響新蒲崗唔就腳,唔係響呢頭返工都係特登入來.我同友人無再落第3輪了,因為都知道再落都係一人得一樣,仲浪費我地既時間去等,,都未試過食放題食到甘無隱既.…查看更多

人地話秋風起,三蛇肥,我一到秋天就好想食蠔.呢個時候歐洲蠔最肥美,平時經常去尖東噴水池既酒吧HAPPY HOUR,都唔知原來佢既後面有間甘正既食蠔地方,經朋友介紹一於來試下,由於係朋友既生日飯,一早就已經上綱Search佐知呢間餐廳有好多好評,而且係用平價食貴蠔,身為蠔痴既我借住朋友生日,都想一飽口福.BOOK佐730,甘早去到已經有4-5台客了,有分IN SIDE & OUT SIDE,本人選擇佐IN.秋天坐外面感覺都幾好,門口有個櫥窗大囇冷,可以行去睇下D生蠔.每款都插上旗仔.就可以睇到係邊一個國家既蠔.呢度有個特別優惠,就係可以叫兩杯酒就可以以優惠價食蠔,而且個價係差唔多半價甘滯,見到其他台都係ORDER一大盤生蠔,可想而知蠔係好食兼抵食,跟住有個熱情既侍應哥哥同我地介紹生蠔,本身我地係中意食重金屬味既,亦了解我地既口味來推薦,佢話可以試幾款淡口清甜既試下.,都唔介意試下其他,食生蠔當然要配酒啦.見到周圍好多台都叫佐果味重既藍色樽酒.,心思思,但朋友不太喜歡果味重甜既酒,就由侍應哥哥介紹佐隻酒.法國白酒 Muscadet $349口感有少少DRY,由於我地係食海水味同礦物味較重既生蠔,飲呢只好夾.第一ROUNDWillapa bay ($25/隻）：味清鮮甜，肉質爽脆Quehan ($30隻）：甜味重Zeeland Pearl ($28/隻）：爽甜.。Carantec ($28/隻）：話羅個獎。White Pearl ($29隻）：蠔肉爽甜，有少許鹹香。Majestic ($35/隻)Tsarskaya($29/隻)Authentique($33隻)香滑有鮮味，海水味重Belon 0000（$54/隻）：肉質爽口，帶有濃濃海水味同金屬味.呢個最好食,食完呷一啖酒,好香甜,完全令到支酒都好飲佐好多,呢D就係化學作用,亦都令到人會甘中意食蠔原因.第二ROUNDGillardeau（$30/隻）：法國蠔中極品，蠔肉濃又滑溜.除佐Belon 0000,佢就係第2位了.白汁藍青口 $138個汁好正,Order 佐一個法包來食,唯獨個法包有D失望,不太脆.切得好細舊同埋唔香,好在有個汁打救.呢個汁就甘飲都覺好正,較重既酒味又香及滑,青口好清甜.必點,唔怪得台台人都基本上order.鵝肝意大利飯 $168鵝肝煎得香口美味,入口融化,甘既價錢可以食到甘既質素,絕對係超值.Tiramisu $58由於本人不太愛食甜品,友人生日,係甘依都要叫返個來代替生日旦榚的,所以無資格去俾COMMENT,唯一覺得個Happy B 寫得唔係幾好睇.成晚呢餐生日飯都食得好開心,好滿足,兩人放開肚皮食佐新鮮好味既生蠔,以甘抵既價食高質素既生蠔一定有回頭.店內生意好好,無論外面定入面都Full囇,呢餐食完無耐已經念緊下次幾時來食了. …查看更多

由於上次同友人在宵夜時段食過泰逍遙,覺得好好食,就推薦屋企人來食,唯有提早BOOK位,呢間泰國菜真係好FULL,7點晚飯同宵夜時段都FULL囇,.要食既就食最早場6:00PM,個半鐘交台,都好過無位.由於怕塞車同無停車位一家人一早就來佐尖咀行下先,行到5點50分就上去,呢一日諾士佛台都好多人,Happy Hour Time,我都想飲返杯.上到來門口,原來未夠鐘開門,門口一D抽風同冷氣都無,有種窒息既感覺,呢度已經有幾台人響度等了,可見呢間餐廳幾受歡迎我地係呢一日既第一台客人,坐響最入面既玻璃窗位,外面係樓景.前菜,泰式生蝦刺身$128.賣相好吸引,用Shooter杯裝住,入面有自家調制既香料浸住.有蒜頭同多程香料混制,好開胃,生蝦爽甜,配合埋個醬汁簡直得頂,設計方面都好有心思,甘樣一小杯方便又唔整污糟.飲品珍多冰&香茅茶 ($28/杯)由於個人中意香茅既味道,所以飲品必叫香茅茶.至於珍多冰家人話唔好飲,椰汁係無味既.香辣生菜包$88食泰菜基本上都會叫既生菜包,呢度既好惹味,不過就辣佐少少甘多.反而越辣越想食.小食拼盤(大)$148拼盤送上來已經好長個碟,包括有(蝦春卷,蝦餅,雞肉串燒同燒猪頸肉).跟上4個醬汁,值得一贊既係猪頸肉,燒得一D都唔唔干,而且點埋個醬汁非常好味.不過人多加上拼盤入面我幾舊,完全唔夠皮.下次可以直接叫碟猪頸肉.蟹肉炒飯$108唔中意食飯既人都可以食佐大半碟飯,炒既火喉亦都好足.而且拆佐蟹肉落去.啖啖蟹肉.燒龍蝦仔 (打佐個折$78)好抵食,燒得好好味而且又唔平,點埋佢既汁簡直係一流咸魚椰菜苗$90食開泰國菜都必叫椰菜苗,梗係因為唔係成日買到同食到啦,菜唔油加上咸香味道,配合上來都幾惹味.甜品:椰青榚 $48好清香既椰青,而且有啖啖椰青肉,對於唔中意太甜既我來講,係非常好食既甜品.總括來講,呢間泰國菜係好食既,如果7點前埋單同埋9點半宵夜時段去就好抵,有8-9折.家人都好滿意我帶佢地來.食到好味既泰菜.…查看更多

由於上次同友人在宵夜時段食過泰逍遙,覺得好好食,就推薦屋企人來食,唯有提早BOOK位,呢間泰國菜真係好FULL,7點晚飯同宵夜時段都FULL囇,.要食既就食最早場6:00PM,個半鐘交台,都好過無位.由於怕塞車同無停車位一家人一早就來佐尖咀行下先,行到5點50分就上去,呢一日諾士佛台都好多人,Happy Hour Time,我都想飲返杯.上到來門口,原來未夠鐘開門,門口一D抽風同冷氣都無,有種窒息既感覺,呢度已經有幾台人響度等了,可見呢間餐廳幾受歡迎我地係呢一日既第一台客人,坐響最入面既玻璃窗位,外面係樓景.前菜,泰式生蝦刺身$128.賣相好吸引,用Shooter杯裝住,入面有自家調制既香料浸住.有蒜頭同多程香料混制,好開胃,生蝦爽甜,配合埋個醬汁簡直得頂,設計方面都好有心思,甘樣一小杯方便又唔整污糟.飲品珍多冰&香茅茶 ($28/杯)由於個人中意香茅既味道,所以飲品必叫香茅茶.至於珍多冰家人話唔好飲,椰汁係無味既.香辣生菜包$88食泰菜基本上都會叫既生菜包,呢度既好惹味,不過就辣佐少少甘多.反而越辣越想食.小食拼盤(大)$148拼盤送上來已經好長個碟,包括有(蝦春卷,蝦餅,雞肉串燒同燒猪頸肉).跟上4個醬汁,值得一贊既係猪頸肉,燒得一D都唔唔干,而且點埋個醬汁非常好味.不過人多加上拼盤入面我幾舊,完全唔夠皮.下次可以直接叫碟猪頸肉.蟹肉炒飯$108唔中意食飯既人都可以食佐大半碟飯,炒既火喉亦都好足.而且拆佐蟹肉落去.啖啖蟹肉.燒龍蝦仔 (打佐個折$78)好抵食,燒得好好味而且又唔平,點埋佢既汁簡直係一流咸魚椰菜苗$90食開泰國菜都必叫椰菜苗,梗係因為唔係成日買到同食到啦,菜唔油加上咸香味道,配合上來都幾惹味.甜品:椰青榚 $48好清香既椰青,而且有啖啖椰青肉,對於唔中意太甜既我來講,係非常好食既甜品.總括來講,呢間泰國菜係好食既,如果7點前埋單同埋9點半宵夜時段去就好抵,有8-9折.家人都好滿意我帶佢地來.食到好味既泰菜.…查看更多