胃容百川's Profile

是晚於JS FOODIE進行晚餐，特別衝著開心果味pancakes 再到此店一遊，坐低見到餐牌已經好吸引，聖誕氣氛簡直湧上來，口水正在心裡流😛。 點餐後首先上菜係左邊的聖誕特飲， 外型已經好吸晴，$58就可以打卡真心收貨，根本就係一杯desert 😛,不過我要留quota,蘋果菊花特飲少甜感覺十分清爽。飯前習慣食沙律墊住，沙律菜一貫都係新鮮爽脆小青口配原條薯條亦十分有誠意 如果青口再大隻啲就更開心（不過都明白冬天的青口未必係good season)松露意粉一貫香味濃郁，2個人食一碟好夠㗎 而且好掛汁唔食浪費每一滴😁 重頭戲就喺食晒主菜後上🥰店員主動問亦好細心，上菜時間的控制好好👍🏻最有趣係一上碟後，連隔離位的客人都急唔住用相機幫我哋食先😂，真係吸引到不得了！士多啤梨🍓多到就嚟跌，粒粒都咁鮮甜多汁！開心果醬食得出唔簡單，咸香的果仁味cream配蛋香pancake 咸甜得配最驚喜係中間低調的gelato,原本都係開心果味！仲要超厚醇唔係一般開心果雪糕可以媲美，整碟我比90/100分，10分係銀色的珠珠裝飾比較硬，唔知可唔可以考慮用其他有味的topping， 綜觀來說都係大大份超好味😋食完我已經諗住如果聖誕後食唔番點算😅😅😅 期待下次再搵佢再拆過🥰🥰🥰…Read More

星期六中午2:30趁去荃新天地睇戲前排隊等3點出爐 終於可以一睹荃灣新名物之究竟。當日33度排30分鐘都唔係講笑，好在老闆好好 又出嚟親自派水，又介紹ig follow 和新產品 「開心果撻」，當中又解釋定價屬小店薄利，又問食客意見，面包店之中都係第一次見。製作過程睇到晒 員工一手一腳逐個即整即包裝，等30分鐘食到新鮮熱辣嘅出爐包都值嘅。Pancakes 質地正常沒有喺嘉x果種生硬感，咬落鬆鬆軟軟，內裡的豬柳淡味反而適合我唔好豬餿味的口味，蛋煎得夠厚，芝士配搭剛剛好，份量比日本M記更足，唯一想提的係用沙律醬雖然港式style,但如果可以用其他醬例如楓糖或芥末醬可能感覺再多啲層次。總之香港地又值價錢又有心的食店 都值得支持🥲…Read More

是晚食JK BROTHERS 最貴晚市任食套餐17:00入場即刻點餐 環境企理食物滿意點餐後即上刺身 款式齊全 而且醬油蝦鮑魚 名牌雪糕任叫任食 活海鮮都有 肥牛質素都好對辦 出面拎的熟食焗蠔炸蠔炸蝦都幾靚仔 食落有蠔味炸得又爽脆香口甜品方面出面有puff爤米糍 不過最中意係點餐流心牛角包 即點即焗 鬆脆多餡料服務員好有耐性 好樂意解釋餐牌 又無漏單 有求必應2個人食到飽 埋單$57x，人均唔駛三百蚊性價比超高希望日後有朋友生日揀佢 可以食到生日免費…Read More

今日lunch烈日當空，由旺角衝到慢煮工業食，行到身水身汗之後入去餐廳剛剛開門，冷氣都算充足 而且自助清水任飲。回氣後揀套餐 樣樣都好想試最後自己決左食安格斯三文治拼雞翼，另加$10炒蛋和$28牛油果，總共$106而朋友就揀豬仔骨拼沙律，賣相已經十分吸引，每款價錢唔駛一百蚊，就可以品嘗慢煮風味，兩款午餐色香味俱全，味道亦十分滿意，特別係雞翼切成一字骨酥炸，炸槳十分乾身爽脆，比連鎖餐廳好食好多倍，價錢中等但質素超班！！ 總結而且食品質素係同區頭三名內，不過開工時間12:30略微有些少晏，如果12:00放lunch有得即刻食到就更好了😇…Read More

下午茶路過女人街唔想食太飽，見到一日三餐門面光猛，而且平日唔駛排隊，所以就直接入去食個下午茶☕️首先下午茶選擇不少，總有款岩食，不過因為已經被雞髀吸引咗，所以唔轉軚直接點A餐+賞花杏仁露餐點約5分鐘左右上菜，難得有擺碟，整整齊齊感覺良好，雖然size確實說不上珍寶,但雞髀油潤充滿光澤，配賞花杏仁露格外優雅感覺好似去左café 一樣，食落肉質熟度剛剛好，鬆軟有汁，無令人失望👍🏻其他配料則正常發揮，對得住$40蚊的性格比，店員服務OK,有求必應，喺茶記來講已經算好好⋯⋯…Read More

星期日路過電器道，搵到間平靚正街坊鋪醫肚，順道在此留名。當日每間餐廳都人山人海 包括這間大爺燒鵝。，不過等無幾耐就有位，卡位坐得尚算舒服，一坐低即刻點下午茶餐，求其食個瘦叉河快馬加鞭🐎值得讚讚樓面特別係有位金毛哥哥，動作極之爽快，由抹枱坐低嗌餐到送餐，五分鐘內熱辣送到，服務態度又好，難得喺北角都用餐愉快。價錢方面真係無得輸，一般燒味單拼配熱飲一律$30🥹而且真係好大份，我仲要加配$15灼菜心🥗，分量真係多到食唔晒🍜🍜，隔離枱食客仲係區內著名餐廳的廚師，都係都拉隊嚟食雙拼飯（$60以上），燒鵝睇嚟靚立立，都幾食得過😋🤩而且由坐低到埋單人流都無停過，衛生亦做得幾好，下次再路過會下次再去👣👣…Read More

趁假日33度到長洲食個簡單的海鮮餐🎏選擇四餸套餐$328送油生菜，2個大人嗌左油鹽水瀨尿蝦，椒鹽鮮魷，豉椒蟶子，蒜蓉蒸蟹，點餐完成之後十分鐘內上菜！埋單$36X!🦐油鹽水瀨尿蝦夠咸味 而且差唔多全部都無霉肉，油鹽水白滑似胡椒豬肚湯咁好飲。🦑椒鹽鮮魷炸得夠乾脆，吹涼咗都無問題，而且唔覺得油膩，配埋喼汁更加惹味，而且好大份，兩個人都食唔晒🦀蒸蟹就無得別，有一半肉質比較霉，而且上碟有兩隻半的份量，唔知點分好😹🐚豉椒蟶子用咗細細隻的品種，雖然細只但易咬又無沙，剁椒炒味道比平時是開的偏辣…Read More

是日中午突然想食快餐，諗起FB筲箕灣group好多街坊都推薦龍豬餐廳，之前一直都未有機會去食，我就趁今日就行去龍豬搵食門口聚左不少外賣客，不過今日好在入場堂食唔駛等位。入座後即叫炒嘢（滑蛋牛肉炒河）送餐湯，盛惠$56價錢中規中矩，不過勝在快趣，五分鐘左右到，而且真係無介紹錯，此店味道比其他餐廳（嘗x,迫迫x)更有保證，賣相算吸引而且味道唔太咸岩晒我，牛肉份量足而爽滑，仲有唔少雜菇韮黃令營養更均衡下次都想試埋佢哋的下午茶/肉餅/龍躉球，希望無失望啦…Read More

是晚18:00用電話嗌50/50雙拼批，落鋪自取仲有九折，預20分鐘左右出爐，店主態度正常，重點係真係又平又大份！此良心小店的雙拼批熱辣辣之餘，每款四件亦料頭十足，不論BBQ雞肉和千島海鮮餡都堆到好高好飽滿，而且醬汁濃度剛剛好 ，唔會死咸。食完無太口乾的感覺家人食量唔大，我都唔敢嗌餐，淨pizza一人食晒兩款味道確實好滿足 ，可惜我食到中途先記得要拍照，如果拍全相就好震撼，家人都話比連鎖店更好味，充滿新鮮感的一餐。…Read More

第一次到新鋪食 因為舊鋪等40張枱 新鋪只係等廿張，30分鐘內就入座（預期之內）兩間鋪都係隔個轉彎位 如果舊鋪太爆不妨試轉新鋪 個人覺得新鋪味道 重點的蝦餃王燒賣王依然大大隻 一粒頂人兩粒！最貴的金錢肚諗甜惹味 最啱口味 亦都對得住價錢😋雪山飽都好熱辣軟熟，只不過雪山皮比之前食的略薄 會覺得油膩 如果再厚少少就完美了鮮竹卷好香甜 不過唔愛食西芹的話環留意 入面餡好多西芹🙈牛肉球（無拍照）雖然好香 不過肉質反而有明顯粉紅色 略略有太生的感覺 唔好生肉都可能要留意食過2次舊鋪的比較之下 此店品質控劑好過好多大鋪 大路點心齊全 而且款款都岩食 如果再開分店都一定會再試（如果港島區有就正啦）因鋪頭新開無幾耐 裝修環境同埋衛生好過舊鋪就一定的了，無論座位餐具新淨度無得比，最驚喜係店內播的純音樂真係好舒暢 這種品味愈見愈少了🥲…Read More

星期六下午1點前經過灣仔次次經過都好多人等位難得星期六人少d 就決定等位試下等約5分鐘就入座入到去先知tea set都可以嗌😺不過我已經決定左食意粉😅😅另1半就揀食tea set的炒河粉職員服務態度不錯 肯主動執枱/問要唔要碗廚房鑊氣聲勁到出面都聽到👍👍即使係tea set都半點不hea卡邦尼口感順滑 醬汁份量和濃度剛剛即使71蚊覺得係值比 比西餐廳的水準更甚總括而且 餐廳身在灣仔 環境雖少 但食物和服務都好滿意下次路過灣仔必定再試其他餐👅👅…Read More

午飯時間來到點餐後, 等候約10-15分鐘尚可接受.門市滿額&接其他熊貓單之下,好野等下都正常.紙質外賣餐盒飲品杯,又環保又健康(起碼無二噁英等化學物質溶在飯內)半小時後打開餐盒 仍然熱辣辣 顏色均勻整齊 而家內有滿滿無骨雞肉 食到底都仲有 份量夠有突 如果之前食左早餐的話一定食唔哂~~~可改善地方是醃甘筍絲可以再調酸少少 會更開胃, 切菜時去菜花 食的時候會方便D總括來說味道好正的街坊小店外賣, $45連杯湯唔算平 但都貼地.希望下次試下咖哩飯…Read More

周中非公眾假期早餐時間,特地去品嚐招牌涷檸茶+油多.凍檸茶味道酸酸咪咪不太甜 比一般茶記的較開胃, 而且唔駛拮唔怕飲到核再大啖咬呃多士,內有凍牛油~~~好味而且電視播放Now, 有英超精華/now新聞餸飯, 喺大澳確實少有老闆&老闆娘都好nice,好有人情味:)總括而言係好滿足的早餐~~叮囑有興趣就盡早黎食老闆下晝好早收工的了.…Read More

周末熱辣辣 行第二街斜路出哂汗, 經過買些西餅下午茶~~選擇左懷舊的荷蘭撻(又稱煙囪批),中間兔仔幾可愛,另有❤形選擇.食落幾鬆口, 糖粉滿滿~~另外買隻橙餅懷舊一番(忘記了正式名稱)造型明顯比聖×娜買到的size更大件,雖然要盛惠$10, 但偶然風味一番,而且大件飽肚都不錯喔!!…Read More

今日2個人喺下午時間, 人均食約80幾蚊的set.喺西營盤唔算最便宜但cp值好高👍首先店內環境光線充足,店內算整齊, 感覺幾舒服,每張枱都有食客但唔覺得擠迫.防疫措施方面, 位與位之間有車擋隔著,每台都放有一大支搓手.食物方面,火鍋上菜速度快,定食因為即燒即炸,但都只係等多5-8分鐘左右,我可以的.味道有驚喜,藥膳味突出,而且滿滿的雞柳食落嫰滑,機乎無雪藏味 一個人清哂枱好鬼死飽! 鐵燒牛更係精緻好味, 即燒熱辣辣7成熟剛剛符合心水~ 而且入口又香又軟熟就算配菜薯條都係即炸 2餐都感覺無食錯!另一配菜紫米露都有小驚喜~~~ 細細碗分量,甜度味道剛剛好成set餐好圓滿!唯一要說說的是當日下午, 店家意外地話無涷檸茶嗌, 唯有轉飲紙包飯品汽水...…Read More