Stephy_Chan's Profile

昨日試試呢間下午茶餐， 羅麥雞翼撈通粉配炒蛋加凍美碌， 瑞士汁雞翼入味， 好惹味。 但配上通粉有少少格格不入，如果通粉可以煮得煙韌少少， 唔好太軟身會好一點， 另外炒蛋都幾滑， 不錯。 下午茶嘅選擇都不少，都可以去試試。…Read More

添記嘅魚湯米線，標榜不含味精，食完都唔會口渴。。 香茅豬扒好入味同埋係即order即整, 保持新鮮。 午餐時間特別需要排隊， 但唔會等好耐，Staff 又友善:)， 所以都受歡迎， 值得一直在去！…Read More

個人好鍾意食乳鴿，今次試一試呢間以乳鴿做主打嘅餐廳。 乳鴿嘅味道好入味而且熱騰騰， 價錢又抵食， 值得推介。 另外個擔擔麵，唔好睇小越食越辣，yummy! 麻辣鴨舌同冷盤都係不錯嘅選擇， 呢間餐廳有特色同埋價錢相宜而且又好好味， 值得一班人去一齊gathering!…Read More

響尖沙咀食完晚飯諗起食綠茶雪糕，即刻諗到去VIA TOKYO。 白玉紅豆綠茶雪糕， 綠茶味重但有少少甜， 但係都好好味， 推介。 朋友食嘅藏餅抹茶牛奶雪糕， 對於不是食得太濃綠茶味嘅人嚟講係好ok嘅。…Read More

今日落雨又係星期四，見冇乜人排隊就燒一燒 預祝生日。 都不負所望，食物性價比高。 牛肋肉同牛肩肉， 都揀咗醬油醃料，非常惹味，yummy! 環境都好寬敞，所以食完都唔覺有燒烤味。 價錢又唔貴所以通常都會再encore。…Read More

終於有機會嚟到夫妻肺片食麻辣火鍋， 好滾動呀！！！ 終於搵到似台灣嘅麻辣味， 食咗好多唔同嘅麻辣鍋，全部都唔係好台灣正宗， 但係呢間絕對係同台灣嘅係一樣， 大力推介!!!…Read More

一向都鍾意食四川菜，有朋友帶我嚟呢度試試。 入到去餐廳， 給整個維港景吸引住， 可惜是毛毛雨天，如果好天一定好清好靚。 點了三個菜，敲糖棒棒雞，蒜泥白肉，沸騰湄公魚。 敲糖棒棒雞味道出色， 愈食愈辣，好滋味。 沸騰湄公魚不是一道辣的菜，不過魚身好滑， 有另外一番風味。 總括來講，食物好食有特色，侍應服務一流，再加上有維港景色，一定會再來！…Read More

有幾次經過見有人排隊買雪糕, 都想試下食 。琴日lunch time經過見唔多人排隊，又有位坐， 就同我個仔同朋友去食番杯先。 特濃咖啡比想像中好味， 可能因為用韓國organic嘅咖啡， 有少少驚喜， 牛奶咖啡濃得嚟又唔會令你覺得苦 ， 味道啱啱好。 豆乳雪糕 ，入口有陣淡淡嘅豆乳味， 小朋友好鍾意， 對於唔食甜嘢嘅我都覺得ok 。 濟州抹茶咖啡， 可能因為抹茶加特濃嘅咖啡緣故， 有種黑糖嘅感覺， 我朋友都話有驚喜。…Read More

屋企附近有間新開嘅泰國菜， 今日試下食個下午茶先。 價錢唔貴， 仲有飲品選擇。 叫咗個海南雞飯， 賣相唔錯， 味道又幾好，雞肉嫩同埋泰汁好惹味，正。 因為新開的，所以裝修都好新淨， 環境好舒服！ 下次可以試下食晚餐。…Read More

今日約了好朋友食飯, 約了成半年終於成事。 老友知道我鍾意食海鮮， 專誠去荃灣楊屋道街市買新鮮海鮮，然後一齊上去隔離金記冰室加工。椒鹽瀨尿蝦 ，油鹽水花甲，避風塘炒蟹，薑蔥炒龍蝦，豉椒炒蟶子， 好味到不得了，除了因為海鮮好新鮮之外， 師傅炒得真的好好食，勁惹味， 每一味都好正， 連炒個通菜都一樣好食。 服務員又非常友善， 常常來幫忙換碟， 好愉快的一餐。…Read More