jeanne1204's Profile

呢間新開嘅台灣過江龍UG Tea由新開張到而家都不斷見到唔少人討論，今日lunch time咁啱經過就買嚟試吓～店內環境新裝修，顏色同埋整體擺設都好清新，員工好有禮貌～🍈哈瓜奶茶味道唔錯，本身驚佢嘅哈密瓜味會好化學，點知佢有淡淡嘅哈蜜瓜香味，加埋濃郁嘅茉莉茶香，口感滑順，飲落令人一口接一口。至於傻瓜奶茶就更加有驚喜，本身見到杯上面嘅label寫住後味係芋香🫢仲擔心會伏🤣點知飲落真係有一種平時飲芋香奶茶嘅味，淡淡地😗幾特別🤩經過不妨買返杯同朋友開心share～…Read More

🐟雜錦海鮮米紙卷餐廳用咗新鮮嘅魚生，例如蝦同魷魚，配搭埋生菜，食落每一啖層次都好豐富。米紙包得啱啱好，輕盈又唔油膩，海鮮嘅鮮甜更加突出。配搭埋餐廳特製嘅醬汁，口味上配搭得啱啱好，會不經不覺就食晒全部🫢🍲黑豚豆腐鍋呢個豆腐鍋嘅湯底比較清淡，黑豚上枱嘅時候係生嘅肉片，湯鍋一路滾嘅時候先慢慢煮熟，唔驚再煮落去會過火😙豆腐同蔬菜吸咗湯汁嘅精華，冬天嘅時候食呢類鍋物就最perfect啦～串燒部分都好值得一讚🤩每一串都烤得好好，外焦內嫩，而且每一款都有佢嘅獨特性，相信求其揀幾款都唔會中伏😝炸串方面一口和牛肉質唔錯，油脂分布平均，而鵪鶉蛋嘅口感非常滑順，炸粉上面仲有少少酸酸甜甜嘅醬汁，好有誠意，值得一試～而且餐廳上層仲有啲飛鏢機遊戲機等等，都好適合你班朋友聚會嘅時候搵吓遊戲食吓串燒飲下酒🤤係個唔錯嘅選擇…Read More

嗰日做嘢經過旺角，諗住買杯廢水過下口引🫢就見到呢間主打乳酪奶昔嘅舖頭，我同同事一人一杯，分別試咗原創牛油果乳酪奶昔同埋芒果乳酪奶昔😗見到佢招牌上面主打牛油果奶昔就試一試，味道比我想像中特別，口感滑溜得嚟又唔膩🤤牛油果嘅香味好濃郁，配合住乳酪嘅酸甜，令人每一口都感受到幸福。店員建議我揀少甜，飲落去牛油果嘅綿密感同乳酪嘅味道融為一體，非常creamy，加上有少少沙冰嘅口感，好消暑🤩貪得意試咗同事個杯芒果乳酪奶昔一啖，呢款飲品同樣好有驚喜😍新鮮嘅芒果味道清甜，每一啖都feel到滿滿嘅果肉，配搭埋酸酸甜甜嘅乳酪，超滿足！個人私心更加鍾意芒果呢一款😚整體嚟講雖然價錢比其他手搖店略貴，不過飲得出使用咗高質素嘅食材，而且比較健康，都值得一試嘅～…Read More

咁啱喺附近做嘢就同同事去咗申子居酒屋食lunch😗之前都試過食呢間居酒屋嘅晚市，今次就順便試一試佢嘅lunch set～我自己就嗌咗雙層手打和牛漢堡丼，真係超有驚喜🤤漢堡肉餅用嘅係新鮮嘅牛肉，肉質適中，啖啖都好Juicy，咬落去口感真係一流，配埋特製嘅醬汁同日本米，簡直係一個完美嘅組合，食到根本停唔落嚟😍而且漢堡嘅份量足足有兩塊，用嚟送飯絕對有多～男仔食應該都夠飽另外同事就試咗壽司定食配雞白湯烏冬。壽司嘅魚生新鮮得黎種類都好豐富，而且材料嘅選擇一啲都唔求其，有赤蝦海膽等等。而雞白湯烏冬嘅湯底濃郁得嚟唔會太重味精嘅感覺，喝落去暖心暖胃，烏冬又好彈牙，冬天食覺得超舒服，食完之後好滿足😆…Read More

之前假期嘅時候去咗銅鑼灣皇冠假日酒店裏面嘅一間扒房食lunch～叫咗個four course套餐，食物種類都好多元化🥰，每一樣都令人期待！🍲根莖蔬菜湯呢個蔬菜湯嘅湯頭顏色濃郁，用咗唔同嘅蔬菜煮成，而且blend得好滑🤤加上味道濃厚鮮甜，非常暖胃！～🥗田園蔬菜沙律 呢個沙律用咗秋葵炸豆腐茄子組成，再配搭埋芝麻醬調味，無論係蔬菜嘅配搭同埋醬汁都非常清新，作為前菜好開胃😌每一口都充滿新鮮感，真係好適合作為前菜。🐟香炸紐西蘭多利魚漢堡 呢個漢堡嘅外皮炸得香脆，裡面嘅魚肉鮮嫩，一啖咬落去配搭埋生菜同埋蕃茄🥬🍅清新得來充滿層次😍薯角亦都炸到外脆內軟，味道真係好好食，令人一口接一口！🍵抹茶提拉米蘇 呢個甜品真係打卡一流～口感香滑綿密，配合抹茶的清新味道😙。每一口都充滿了抹茶的香氣，既滿足又不會太膩，實在係完美的結尾。呢間餐廳喺擺盤上用咗唔少心思，無論係食物的呈現定係餐廳嘅設計，都簡約得來又非常舒服😝。下次有機會我一定想再約朋友嚟呢度食，叫齊4個人，享1人免費，繼續探索更多美味！…Read More

餐廳位於大廈嘅頂樓，位置都唔太難搵🥰平日時間上到去都已經坐咗幾台客，都見到唔少人係朋友聚會搵個地方靜靜地傾吓偈食晚飯～我哋嗰日叫咗三文魚子牛油果多士同埋西班牙火腿蕃茄莎莎多士😆蕃茄莎莎帶少少微辣，配搭埋西班牙火腿嘅鹹香🤤雖然佢每一份都細細件，但味道都好有層次食得好滿足😙另外我哋叫咗慢煮西班牙豬架配蘋果醬，同埋慢煮牛面肉忌廉闊條麵。個豬架上枱嘅時候比我哋想像中大好多😱非常厚切之餘仲保持到中間粉紅色嘅肉質，好Juicy🥳配搭埋佢比嘅蘋果醬可以解膩，不過兩個女仔食就略嫌比較大份🙈可能多幾個人一齊share會比較適合整體餐廳環境同埋食物都好唔錯，兩個人晚市大概食咗$800左右，而呢度嘅環境同埋食物質素性價比都唔差🥰周年紀念都好推薦去呢度慶祝～…Read More

🦀蟹味噌甲羅燒 & 鮑魚殼燒呢兩款店員都會即時喺我哋面前燒，煮嘅時候啲鮑魚仲郁緊好新鮮🤣甲羅燒就係用蟹膏、蟹肉、蟹籽、鵪鶉蛋等等嘅材料混合埋一齊燒製而成，味道嚟講就好濃蟹膏味🤤兩個人share就啱啱好🍣焱丸號壽司一上枱就見到啲吞拿魚蓉、蟹柳同埋海膽好似瀑布咁鋪滿晒啲壽司，底部其實就係一般嘅小卷🤣打卡黎講確實唔錯，不過食嘅時候就要自己將壽司同埋上面嘅配料組合返一齊食🙈🥩香蔥和牛炒飯另外呢個都係比較有驚喜嘅菜式，炒飯粒粒分明，每粒飯粒都比和牛嘅油脂同埋香氣包裹住🥹係少有喺居酒屋會整得好好食嘅炒飯，雖然食到尾已經好飽但係都係忍唔住食晒🤤整體嚟講呢間餐廳嘅刺身壽司同埋熟食都做得唔錯，定價略為偏高🤔不過勝在食材新鮮～cp值都算高！😗…Read More

餐廳嘅肉蟹餐係$198/pax，包括咗七種時令海鮮，當日有包括鮑魚、沙白、蝦等等。喺餐廳後面會有一個調味料嘅區域，不過相對一般嘅火鍋店，佢哋嘅調味料選擇就比較少，但正正因為咁更加容易食得出海鮮本身嘅鮮甜同埋質素😛入座嘅時候店員已經俾咗一個計時器同埋一張紙比我地，上面可以揀六款火鍋配料，我哋就揀咗黑毛豬同埋牛肉，雞件同埋其他火鍋配料雖然全部都係一小碟嘅份量，但都足夠兩個人share😆🦀肉蟹比想像中大隻，店員亦都有一個牌提醒每一種海鮮要煮嘅時間，唔使煮到老晒😗海鮮方面個人覺得沙白同蝦🦐都唔錯，味道鮮甜而且啖啖肉一路食嘅時候店員都會幫手清骨碟同埋餸碟，唔會擺到成枱都係☺️呢方面服務唔錯不過舖頭嘅大細有限，如果週末想去食嘅話就要提早book位啦🤔…Read More

之前一直bookmark咗呢間居酒屋好耐😆終於有機會食，見到餐廳有好多唔同類型嘅小食或者前菜，我哋都揀咗蟹籽沙律同埋炸芝士年糕😙兩者味道都唔錯，不過不失🥰細細份好適合同朋友share主菜嚟講呢三款係個人覺得特別好食🙈🍣海膽左口魚邊蝦卷平日比較少食左口魚，但係呢一款左口魚入口即溶，feel到油脂喺口裏面散開嘅感覺，魚油味好香而且一啲都唔腥🤤諗起都想encore🍣究極海鮮杯唔好睇呢杯海鮮杯細細杯🤯裏面全部都係唔同種類嘅海鮮，包括三文魚子、海膽、吞拿魚蓉等等😋最特別嘅係佢哋加咗蜜柑同埋果凍係底，味道出奇地夾，酸酸甜甜特別開胃🦪薯蓉廣島蠔呢一款係朋友指定要叫嘅🤣鐵板上面鋪滿咗廣島蠔🦪煮熟咗之後蠔仍然保持到一般嘅大細，下面嘅薯蓉好香牛油味而且非常香滑😚餐廳嘅食物定價唔算特別貴，都係一般居酒屋會有嘅定價😆如果想搵間居酒屋同朋友飲杯酒傾偈食嘢嘅不妨考慮吓呢一間～…Read More

嗰日閑日我哋七點左右去到，都已經坐滿咗人😗比想像中多人，要等一陣先有得入座🙈原味石鍋拌飯呢間嘅石鍋拌飯比平日特別嘅係佢哋用咗紅米飯，配搭埋豐富嘅配料同埋底部嘅鍋巴，口感好豐富，味道豐富😝而且底部嘅鍋巴比想像中容易起，食起上嚟好方便雪濃湯本身我哋想揀牛膝湯，比較少喺一般嘅韓式餐廳見到😢但係店員話已經賣晒，所以就轉咗雪濃湯一上枱已經見到滿滿嘅配料，本身底部已經有啲粉絲，我哋另外加配咗韓國麵條，口感比較腍，配搭埋湯底食啱啱好…Read More

每次經過信和附近都會見到呢幢大廈有唔少餐廳，咁啱想食日本嘢就揀咗呢間八居酒屋🏮上到去見到裝修都係偏向家庭式，中午都有唔少定食選擇，亦都可以加配其他小食或者刺身😆我哋揀咗兩個定食，分別係：🍜清湯牛肉稻庭烏冬配雙色炸蝦卷呢度嘅雙色炸蝦卷就係芝士同埋牛油果兩款，炸蝦嘅炸粉唔會過厚，味道唔錯～雖然望落去兩份都係比較細份，但一個女仔食落都夠飽😚男仔就可能要加配多少少嘢食啦🐟銀鱈魚西京燒定食餐廳將銀鱈魚煎到外脆內軟，而且呢款魚比較少骨，基本上啖啖肉😋表面裝飾嗰條粉紅色嘅蔥我哋都試咗少少🤣應該係用醋醃製過嘅，味道都幾酸下🙈前菜已經包括咗麵豉湯同埋日式蒸蛋，另外我哋都加配咗一個忌廉蟹肉薯餅，一共有兩小件，同樣炸到外脆內軟，雖然唔係太覺得有蟹肉🤣不過整體味道都唔錯啦…Read More

嗰日比較早去到餐廳，我哋兩個人淨係叫咗三個餸😗分別係農家小炒肉，乾鍋雞同埋孜然串骨🌶️農家小炒肉餐廳用咗青椒去炒，估唔到都幾辣🙈不過味道好惹味，係白飯神偷🤣一食就食咗好多🥘乾鍋雞平時都會見到其他餐廳有唔同嘅乾鍋，今次係第一次試炒雞嘅乾鍋🤔雖然呢度嘅雞比較細件，但係就比較入味😛而且相對普遍嘅乾鍋冇咁油膩，配埋蔥同埋蔥頭一齊食都唔錯🍗孜然串骨一上枱見到咁多辣椒即刻嚇一嚇🤣點知食落係唔辣嘅，比較重香料同埋孜然味口感上比較似豬肋骨，但係肉質就冇咁鬆軟，而且有咬口，個人覺得比較適合同朋友share🥰當晚食飯嘅時候都見到有幾台內地人喺度食緊🙈我諗都算係比較正宗嘅湘菜，如果平時比較少接觸呢一類菜式都可以去呢間餐廳試一試😆係個唔錯嘅體驗…Read More

之前同朋友喺尖沙咀行街經過見到呢間燒肉店就入咗去食晚餐😆之後先發現原來呢間係內地開過嚟嘅燒肉餐廳我哋叫咗一個二人餐，一坐低店員就擺低咗一兜醬料，驟眼望落去有啲芫荽蔥，醬油同埋一球灰色嘅醬🙈店員介紹先知呢個係佢哋特製嘅醬汁，可以配搭牛肉同埋豬肉一齊食一開頭已經有一個芝士粟米嘅前菜，芝士拉絲嘅程度超震撼🤣好似瀑布咁，但係兩個人食去到後尾都比較膩然後店員陸續擺低咗豬五花，牛肉等等，肉質都非常唔錯，加上店員會幫手燒🤣啱晒我呢啲懶人坐低等燒好咗就可以食😙更加唔使擔心燒得唔好會浪費咗之後都試咗餐廳嘅特製醬汁，主要係麻醬味比較重，而且質地都比較濃稠🤔個人就比較鍾意佢側邊嗰隻辣椒粉，帶少少孜然味，比較惹味…Read More

🥩特級牛小排呢一款晚市嘅價錢係$158起，另外可以加錢配搭飲品。呢度嘅牛小排已經係切好咗一片片薄切，鋪滿咗成隻碟✨打卡一流上枱嘅時候餐廳侍應已經提醒我哋熱石上面有一嚿牛脂，搽滿油之後就可以攞走佢牛肉肉味比較濃，肉質亦都相對上比較腍😗配搭埋菜絲一齊食會比較解膩🥩御燒極上級黑松露吉列牛呢一款相對牛小排就比較濃味，外層嘅吉列皮用咗黑松露調味。口感方面相對牛小排比較有咬口，食得比較多嘅時候黑松露味就冇咁突出啦🙈但係整體一開頭味道係好驚艷嘅今餐會有一隻糖心蛋，味道偏鹹少少🙈不過中間蛋黃流心程度啱啱好😛個人覺得都幾好食當日餐廳只有一個店員😆雖然一腳踢比較忙但係佢都好留意每一個顧客嘅需要，亦都會定時幫手更換石板😚好細心…Read More

一直都喺佐敦見到呢間餐廳好多年😆但係都冇機會試嗰日我哋7:30先去到已經接近full house，我哋叫咗一個$498二人餐，包咗前菜、兩個主菜、飲品同埋甜品😝以咁多個courses嘅西餐嚟講算係幾抵食當日嘅餐湯係南瓜湯，口感濃稠，明顯食到南瓜嘅纖維感同顆粒感，味道甜甜地都唔錯前菜我哋揀咗三文魚凱撒沙律，沙律撈得幾平均，味道適中🤤三文魚嘅質素就正正常常啦～主菜我哋分別叫咗龍蝦意大利飯同埋牛扒，兩款肉質都唔差，而且份量充足幾有誠意😆值得一讚係意大利飯嘅龍蝦湯味幾突出，不過飯粒口感略嫌偏腍，如果更加粒粒分明會比較好甜品可以揀芝士蛋糕或者雪糕，呢個價位估唔到都仲會有movenpick🙈整體算係幾抵食…Read More