CHOY CT's Profile

呢個舖位開乜都做唔長,之前間間都執笠收埸,今次轉開凉茶鋪,平時行經都唔算多客,今日即本入去試下,叫碗廿四味($13)試下佢啲功夫!入口甘中带甜(不是落糖果款甜),温度不熱不冷易入口,果然有料到!兼且有位坐低慢慢飲,姐姐招呼都算ok!體驗不錯,揾日再去試埋龜苓膏($58)先!…Read More

熟食市埸装修左年幾,仍未搞完,駁左條樓梯可地鐵站直達一樓,見到呢間泰菜,即本試下!泰國人主理,睇菜譜啲菜式密麻麻,眼都花埋!點左泰式芥蘭牛柳,飛天通菜,炸蝦餅,鳳爪沙律,黃咖喱蝦,鐵板蠔,串燒(豬/雞)10串,炸軟殼蟹,芒果糯米飯,餐後送每人一件綠豆榚,前後隊左5支象啤,三五知已,聚餐氣氛一流,埋單唔先一仟蚊!總括黎講,全店泰籍人士主理,食物同價錢成正比,事頭婆幾nice,其他妹妹仔工作勤快,用餐愉快!註:熟食市埸装修之後,的確干净美觀左,不過冇冷氣始終係一缺點,秋凉天會比較好啲!:)…Read More

見食評有讚冇彈.今次即本試下!半自助午餐12:00開始,入埸只見幾枱客,環境幾清静,座位間格都好寬濶,分左幾個區,就算滿座都唔覺人頭湧湧!食物方面,有cold cut,撈好嘅沙律幾款,煙三文魚,凉拌菜,中西湯各一,有茶/啡,但冇果汁,腐竹糖水做甜品,西餅/蛋糕欠奉,亮點只有哈根大師雪榚四款!主菜就點左黑松露意粉$228,味噌比目魚$258,慢煑牛肋條$258.....味道正常,唔算有驚喜!一週每天有不同優惠,當天週二就係牛扒七折,但佢牛扒配葱油$308,牛配葱油怪怪的,所以冇揀!整體來講,不用預購各大平台券,因為買券只包最平的一款主菜,其他全部都要加錢埋單!總结,午市半自助餐,食物質素算新鲜,招呼殷勤,但唔算超值,一試冇妨,再食就....註:飲品加番果汁,甜品加番西餅/蛋糕....會合理啲囉!…Read More

朋友搞飯局聚舊,近近地就去爱東商埸呢間試下,人數不多,不用訂位,兼且閒日一定唔洗等位啦!直入開張4人枱,睇下餐牌價錢都唔算貴,好多晚餐孖寶選擇,二佰多元一set....點左蒸石斑+油鷄半隻$288；芝士蝦伊麵+菠蘿咕嚕肉$218,再加隻醉鸽$58,出品都唔错,有水準,服務員工亦好客氣,整體用餐愉快,邊食邊傾,不知不覺坐到十點半,走净貴賓房内兩圍飲宴,我哋都唔好阻人收工,埋單走人!註：相片上載完,但又貼唔到出來,搞乜呀!…Read More

最初轉做半自助餐廳時,已幫襯過一次,當時有幾款主菜....牛柳,大蝦炒飯....,今次轉左新餐牌,就來試一下!主菜四選一,揀左印度咖哩雞,完全唔辣,雞有4,5件,印度米口感唔係人人啱!另一款點左磨菇千層麵,可能已一早煑好晒,入口好似食軟餐咁,非常糊口!另外還有羊肉香飯,牛小排刀削湯麵.....應該都唔係普通人嘅口味!主菜既然唔吸引,就去食下前菜,沙律,甜品...有少少cold cut,沙律菜,尚算ok,蜜糖雞翼冇乜味,炸椰菜花算有特色,甜品制作都好花心思,外型好出色,但整体真係好「甜」,打咭一流,入口就...飲品有橙汁,芒果Lassi,咖啡,茶....全埸食客不多,只開左兩個廳,眼見只有二,三十食客,職員都好悠閒,可不停整理自助區食物及夾具!收費$298,唔算貴,作為遊客,一試無妨,食物方面,真係未必人人啱食!…Read More

今口路過,見呢間壽司店不用排隊,就入去試下...吧枱座位比較窄,4人卡座亦相當迫,但新開業不久,尚算干淨企理,用pad點餐,逐碟叫,可慢慢揀,慢慢食!運輸帶送食物,方便快捷.....炸蠔唔錯,有蠔味,都只係$12,抵讚👍白蝦盛海苔包亦好足料,白蝦多到呢.....🤪柚子炙燒吞拿就普通左D.....京蔥辣熟蝦就怪怪的,唔似日式囉!都係炸蠔比較出色,叫多碟净炸蠔3件,食過夠!整體食物同價錢成正比,不過不要期望過高!總結,服務員工有禮,招呼殷勤,地方干净,光猛.....食餐晏啫,一試無妨,唔好太過奄尖啦!😄…Read More

提早幾天做冬,揀左Popcorn商埸「翠園」試下!酒樓位於PopFood樓層,升降機入口比較難揾,要問下人.....一行十人,散叫主菜單,每款叫「例牌」份量應不多,又怕唔夠食,都係食套餐比較穩陣!揀左個「花膠、花尾斑套餐」,都好足料.....單尾甜品,三色豆榚同咖啡奶凍榚幾出色!整體用餐愉快,食物同價錢成正比,服務亦唔错,服務員工作勤快,可能係閒日關係,全晚入座率九成,四至六位walk in亦冇問題,人數多就最好提前預留大枱!…Read More

有人話服務差,食物差,即本來試下!🤪午餐時段,九成滿座,有男有女,氣氛熱鬧,坐低即點餐,黎得花園餐廳就梗係食鐵板啦....點左鐵板肉眼牛,跟餐飲品/餐包好快就到,餐湯亦緊隨上枱,全部正常水準!輪到主菜,鐵板夠哂熱,當面淋上黑椒汁,職員叮囑收起枱面手机,拎起餐巾擋汁,落汁之時,吱吱咋咋兼冒晒煙,氣氛十足....肉眼牛扒入口軟腍,味道不错,整體合格,員工工作亦勤快,只是欠缺笑容,食餐飲啫,唔好要求咁高啦!😋…Read More

第N次幫襯皇冠酒店嘅餐廳,今次又來到尚厨食自助晚餐慶十一,出奇的少客,公眾假期但仍有不少空櫈,標價$6XX,官方網上預訂有75折,當然係其他網上平台會再平D啦.... 食物方面,即開生蠔,長脚蟹,翡翠螺,青口,蝦一定有啦,今次還有大大隻麵包蟹,同龍蝦鉗,熱食就有芝士焗開邊龍蝦,切肉就有豬有牛,蒸魚唔少得,好滑好正,今次主題係東嬴美食,所以有新野...「甲羅燒」,中途會打鐘通知大家出去拎,绝對不需要爭,供應非常充足,绝無欺埸!誰然客人不多,但並冇縮減食品種類,算誠實商人! 服務方面,收碟勤快,人手足,抵讚! 整體物有所值,位處市區,交通方便,值得一試!註:真金白銀俾錢去食,只為公諸同好,不喜勿插!…Read More

杏花「樂園」環境光猛,座位比較迫,平日客量不算多還可以,尚算舒服,服務員工作勤快,態度亦友善,厨房起菜亦快,整體好有效率!食物方面,叫左牛腩麵$39+$8凍檸茶,麵底份量正常,牛腩稍為偏肥,凍茶略嫌細杯,唔想食得太飽都係一個不錯嘅選擇!…Read More

迪士尼園內餐廳,應該係快餐先啱,自助形式,揾位、落單、取餐、付款.....幾款套餐,每款都大约二佰元海鲜大薈$238森林貓耳粉$198火腿雞肉卷$218配菜都幾新鲜跟餐嘅糖環,另外可選汽水一支,藍色嘅芬達似乎係首選,味道都幾新奇!整體食物質素ok,可以一試,價錢就見仁見智,入得迪士尼預左俾佢劏.....…Read More

見咁多正面評價,路過「海天晋滙」即本試下,點左兩杯凍鲜奶Latte,一杯要少甜,但都好甜,免強可入口,另一杯正常糖,實在太甜,似飲緊糖水,兩杯都鲜奶味不足.....總括來講「冇下次」!:(…Read More

疫境中「牛角」新鋪,開張左幾日,擁躉當然唔少,午餐點幾鐘都要排八十幾個number,不過金咭會員排特快隊,確實有啲好處!坐低手機點餐好方便,燒肉店梗係點食燒肉啦,揀左「燒肉盛合定食」....佰幾至二佰幾蚊1 set。特選牛五品盛合....牛角豚雞六品盛合....定食包前菜沙律、昆布湯、飲品,重有牛角飯任食,都好吸引。加$12食埋佢個牛角雪榚做甜品,真係完美的一餐!整體黎講,地方整潔,服務殷勤,食物有質素....推介之選!…Read More