iamsiuki's Profile

夜麻麻諗住行過食串魚蛋燒賣 見佢新開試試佢點知大伏完全未見過粒燒賣咁灰🤥魚蛋一啲都唔彈牙重點係個職員用鄉音問我 魚蛋燒賣要唔要麻醬甜醬😐太搞笑了吧No next time, blacklisted!…Read More

夜麻麻諗住食個串燒入到去環境幾好諗住會食個開心串燒入座時同我哋揀野食戈時都無同我哋講有食物賣晒店員落完單戈時先同我哋講蠔又無鮑魚又無韮菜又無 牛舌都無😦我哋再揀過第2次落單 店員先再同我講 所有海鮮都無 雞髀都無 我又唔明點樣你唔可以無嘅野一早同我講 或者係個餐單劃完比我哋揀😑😑😑如果我一早知咁多食物你哋都無 我真係唔會食然後我哋淨係可以食雞軟骨放題。。。店員同我哋講有hidden menu 係茄子🍆同花甲粉我哋聽到茄子係hidden menu呆咗咁因為佢咩都無 我哋都試下🤕茄子黎到燒得幾靚 有一埋木魚係上面食落口 有啲苦同有中藥味 唔知咩事食過咁多次串燒 第一次食到中藥味🤢🤢叫咗個娃娃菜 勁碎切 勁似人哋伴碟嘅菜 墊碟咁重點成碟娃娃菜 好似烚菜咁😑仲叫咗個墨魚丸 佢係烚熟咗先燒 完全唔入味😑唔講以為食緊清湯邊爐嘅烚丸 有啲汁點下有個炸雞軟骨 啲味粉又落唔夠 又勁乾😶完全唔知自己食咗啲咩其他串燒都正正常常 但唔值得入黎食哩度附近都有好多串燒 可以試下其他 唔使黎試哩間🥴失望！…Read More

未試過係一間餐廳有咩嘅體驗1. 商場餐廳無人serve入到餐廳睇到有A4 紙叫我哋自己搵位有時都明白 如果餐廳多人 無人手 自己搵位自己攞menu唔係問題2. 餐牌一半野食都無重點係 我揀好晒 去counter點餐 佢先同我講menu有一半野食都無所有便當都無 麵有一半都唔可以揀 但我哋去餐廳戈時係星期六下午時段 應該係黃金時段 都可以準備得咁唔充足我哋再去揀過 再落過餐 我叫甜不辣無 叫梳打又話無 最後揀咗黑糖珍珠奶茶 諗住實無死 我朋友就叫咗個牛肉麵 同一杯唔記得咩嘅綠茶3. 招牌牛肉麵都可以咁難食咩麵勁淋 食落0口感 牛肉湯無味 都比唔到評價佢4. 綠茶 奶茶都勁細杯應該洗唔切杯 用紙杯裝 仲要係細紙杯 咁就廿幾蚊一杯 我哋見到都呆咗 好味都可以原諒佢 但事與願違杯綠茶 冰佔咗一半 隻杯已經細 仲落咁多冰 搞到無咩味杯奶茶 無奶味 茶味又唔出 0黑糖味 仲要啲珍珠係椰果 定咖啡凍嘅嘅 勁失望😞為咗影低啲珍珠嘅樣 我先去飲晒杯奶茶🤭5. 開放式廚房勁混亂啲野好似亂放咁 放晒啲嘢係枱上面 （利申：舖頭入面得3-4枱客左右 2個staff做野）其實應該唔會好忙望到都覺得廚房衛生情況好差btw我見到隔離有枱客等野食等咗勁耐 要吹先出一樣野食比佢 好慘黃店唔係大晒 做餐廳最重要係食物質素 希望會有改善 但暫時我都唔會再去哩到食嘢…Read More

單身情人節諗住同一班朋友開開心心食餐飯啦本身都開心 book左位 情人節唔洗等位都開心叫完野食喇我地叫左泡菜鍋$88 紫菜包飯$68 同燒五花腩（叫店家燒埋先上）$128仲有一支青提燒酒$70然後泡菜鍋 紫菜包飯都好快黎到咁我地一直傾計等個肉黎啦都等左幾個字突然有個職員行埋黎講今日情人節有最低消費 每人$200重點我地係已經食到一半喇你先同我講？！我地3個女仔邊食到咁多你一開始係我訂枱或者點餐嘅時候講我都無野好講我食到一半 你先講我都飽左啦 仲點叫呀無事呀嘛 情人節單身已經慘仲要比餐廳蝦我地同佢講左 （好在我地都唔係好蝦）佢話唔洗我地最低消費經理將個責任放左落個part time妹妹身上 我地都笑左然後我地滿心期待繼續等等佢個燒五花腩等多幾個字肉呢？肉呢？仲養緊隻豬？豬呢 情人節都唔比隻豬我我嬲嬲豬然後叫左個老闆黎 睇下佢個樣 睇怕漏左單好我繼續等下啦 諗住會有個好好味嘅肉出黎登登登登肉來了一碟百幾蚊咁細碟豬腩肉一定好好食啦但生菜都無碟 泡菜仲要續碟計$5碟咁算 係我地無睇清楚餐牌咁我地加番個生菜籃$40同泡菜啦李老闆包完個肉 都唔知道自己食緊咩又無豬味又無腩 仲有骨添五花腩食腩嫁 邊係食骨嫁啲五花腩就咁食好似香口膠咁 燒到又乾又硬無事呀嘛哩間餐廳$5碟泡菜得4小片夠邊個食？成餐飯食左成肚氣btw紫菜包飯同泡菜鍋都好正常 無咩特別間餐廳又唔係滿座 為咩要有最低消費呢？情人節都要咁慘為啲咩…Read More