MISSFUN0126's Profile

今朝系銅鑼灣辦完事就同屋企人嚟食壽司郎，不得不說呢間系我食過嘅質素最唔掂嘅壽司郞分店。海膽卷系我每次必點，但今日呢個一上到嚟見到淡黃色嘅海膽已經覺得好唔新鮮，冇晒胃口:(。其他手握壽司食落都冇嘜味，啲壽司仲要有一半送到上嚟系東歪西倒嘅，啲魚生跌咗落嚟或成舊壽司瞓咗系到，明顯師傅握得唔好。最後嗰牛奶雪糕亦都唔似其他分店咁creamy, 食到好多粒粒，唔講差啲以為自己食緊冰沙⋯所以食完今次應該都冇下次㗎啦。…Read More

價錢都好合理，又多選擇。最好系外賣個碗分左兩層去隔開湯同麵但我叫左生菜，點知買翻公司先發現佢俾左菜心，咁都算啦，我都食嘅但頂……食完成碗麵先發現有菜蟲，可想衛生情況有待改善，希望冇食落肚…Read More

話說本人好鐘意食麻辣火鍋，系香港都食過幾間唔同餐廳，見呢間啲價錢都唔算太貴，所以今日就同屋企人一行三人黎試下新野。原本覺得價錢都幾合理，點知啲野食一上枱先知原來性價比低到貼地。份量不但少，食物質素更強差人意。叫左份$88黃喉，點知得10塊都冇，仲要好細塊，人地一塊都等於佢兩塊。至於手打丸好明顯系勁早整定放左入冰格雪，因為上枱時表面系見到啲冰，而食落口感好硬。另外叫左份差唔多$300嘅手切手牛頸脊諗住會好少少啦，點知出到黎都系鋪左少少雪，食落亦冇乜牛味。最難食系份鵝腸，真系難食到唔知點形容好。好啦成餐飯都唔好食，到埋單時一睇，嘩，成$1200幾，咁米即系每人$400？再睇下張單，茶芥同醬料每人收$30，咁我就拎住張單出去櫃枱問下啦，因為張menu都冇提過呢$30。點知出去一問櫃枱果個人(應該系老細)，佢就叫我問另外一個顆計，完全唔想答咁。好啦，問完佢地話張menu有寫，但我睇黎睇去都只系見到醬料費，佢分左兩款，一款每人$20, 一款每人$10,但我唔知兩者有咩分別。佢就再重申醬料系$20, 而加埋茶芥每人$30。咁我都知通常火鍋店都會收茶芥醬料，問題系你要寫清楚呀麻，冇寫系人都以為唔收啦。最大問題系醬料有分兩款，你問都唔問就收人貴啲果個，都好唔合理啫。總之呢間餐廳唔會再黎第二次，一次都多。…Read More