ManheyChan's Profile

今日終於嚟到怡和大廈下面個food court食嘢原來都有好多選擇㗎食完嘢有啲口渴就叫返杯嘢飲原來呢間舖啲材料係台灣直送佢哋出名嘅係珍珠奶茶都係真材實料佢有唔同味道嘅果凍，幾得意，平時都好少見到 🤎黑芝麻凍撞奶食飽咗想食啲甜嘢就叫咗呢杯黑芝麻凍撞奶超正，勁有芝麻味，然後再加埋啲奶好香仲有好似有啲豆腐花嘅啫喱喺入邊超級好味🤎台式冬瓜紅茶加桃花紅茶凍傳統嘅冬瓜紅茶，好有台灣風味再加埋呢個桃花紅茶凍感覺就提升咗，味道好Fresh好解渴個杯蓋仲好似個茶壺蓋咁幾得意…Read More

原來諾士佛台唔係淨係飲酒有間非常之日式嘅居酒屋都好正入面裝修環境帶你返咗去日本咁，好有氣氛店員嘅服務又好好最開心係食完會有金幣可以去夾波波入面係唔同嘅優惠券，下次可以再嚟使用💚免治雞肉棒最愛嘅免治雞肉棒，配日本雞蛋最夾💚明太子玉子燒 熱辣辣嘅玉子燒加明太子嘅鹹味啱啱好💚吞拿魚他他三色米餅 米餅好脆，配吞拿魚他他好fresh吞拿魚他他上面仲有海膽添💚海膽帆立貝沙律 帆立貝好新鮮，加埋海膽同埋沙律做前菜啱晒💚鹽燒鰻魚、汁燒鰻魚兩款鰻魚都燒到外脆內軟，好好味💚牛肉豆腐鍋 牛肉好似和牛咁樣入口即溶入面除咗有豆腐，仲有粉絲添💚黑豚蘆筍卷 、A4鹿兒島和牛串 、雞軟骨串燒即叫即燒，嚟到熱辣辣💚吉列蠔配海膽醬吉列蠔嘅炸粉唔會太厚估唔到加埋海膽醬又幾夾喎💚仙鳳趾生蠔 呢款生蠔係黎自北海道，味道非常鮮甜💚七賢純米大吟釀絹之味店員好好推介我哋飲呢個甜味好易入口嘅清酒佢有得揀五勺或者一合由於我哋都唔係好飲得，就揀咗五勺大約係一杯滿滿嘅清酒但係我哋兩個女仔share嚟飲都飲咗好多啖😂💚桃雪葩、柚子雪葩呢兩款雪葩一定要嗌嚟到嘅時候啱啱溶左食落口軟綿綿酸酸甜甜好好味…Read More

之前嚟過呢頭食過一間燒牛扒原來隔離仲開咗間串燒店今日同朋友咁啱經過呢度就去食吓啦原來都好多人排隊食㗎，等咗陣就有位串燒有好多款式，最正係有一堆係$10咋海鮮甜品樣樣都有仲有個燒肉套餐呀，需要用網上平台支付仲免加一，開到半夜12:00
夜晚想同朋友嚟食，完全冇問題最開心係自攜生日蛋糕1磅以下，唔收切餅
費呀揸車又唔使擔心，門口可以泊車附近又有停車場（寶石大廈/露天）呢度嘅串燒質素好高，樣樣都好好食全部都係叫完即刻燒，所以嚟到熱辣辣🩷芝士流心蛋大啡菇呢個勁正，真係有隻流心蛋喺上面一次開隻蛋流晒出嚟，加埋芝士同大啡菇超好食🩷燒雞翼尖、燒雞軟骨、燒鵪鶉蛋、燒雞肉串呢幾串又係好正，全部都係$10🩷清酒煮蜆好香清酒味，蜆嘅數量亦都好多🩷豬肉荔枝卷呢個豬肉荔枝卷不得了，荔枝好Juicy所以一咬落去有肉汁，加埋荔枝味好夾🩷燒白鱔燒到外脆內軟，好香嘅白鱔🩷燒牛肉飯好大碗牛肉飯，入面有啲燒汁加埋牛肉撈埋一齊食🩷焦糖芝士蛋糕、雲呢拿千層蛋糕以為甜品都普普通通，點知好有驚喜焦糖芝士蛋糕真係有好脆嘅焦糖喺面雲呢拿千層蛋糕亦都好軟熟仲叫左芝士煙肉蕃茄、日式燒豆腐、燒芝士腸、鹽燒秋葵、汁燒牛舌尖、雞泡魚干、鱈魚干、芝士年糕全部都好好味青檸梳打亦都大大杯…Read More

好少過嚟灣仔，想嚟呢間漢堡包店食好耐雖然店舖唔大，但係啲姐姐都好好仲咁啱俾我撞到小薯茄都食🤭🤭呢度可以叫一個漢堡再加錢叫Combo咁就會有嘢飲同埋薯條再加錢有唔同toppings都得其實佢都仲有好多款雞翼不過今日未有機會食，留返下次食啦💜芝士牛肉漢堡+熱溶芝士味薯條漢堡包好大個，入面嘅漢堡好Juicy夾埋芝士生菜洋蔥食一流薯條仲正，上面有好多溶咗嘅芝士每條食落口都充滿芝士味💜魚柳漢堡雖然等嘅時間耐咗啲，但係係值得等待㗎因為魚柳新鮮即炸，做到外脆內軟魚柳入邊食落仲係好滑女仔嚟講一個漢堡都會好飽因為真係好大個💜Beer, Coconut water啤酒都幾大杯，椰子水就好fresh…Read More

⭐️舒服cafe⭐️原來美麗華都開咗呢間Cafe，咁就好方便啦好似今日咁同朋友嚟食吓嘢傾吓偈，好舒服飲品同食物仲唔錯添🧡烤雞菠蘿漢堡配檸檬乳酪醬及焗薯超大個漢堡，入面塊烤雞好厚烤得好入味，個醬味道又幾夾焗薯啲薯仔仲幾香🧡生酮花生醬黑巧克力忌廉卷好有驚喜嘅忌廉卷生酮減肥嘅朋友食就最啱啦花生醬同黑朱古力味道有夾食完都唔覺得有負擔🧡法式西多士配自家製雜莓醬法式西多士好軟熟同埋好鍾意佢啲雜莓醬好多可以每一啖西多士都搽到雜莓醬🧡伯爵茶鮮奶巧克力伯爵茶同朱古力味道嘅平衡做得好好第一啖飲好似剩係得朱古力味但係慢慢伯爵茶味就會浮出嚟唔錯唔錯…Read More

之前食過一次一直念念不忘終於終於再黎食過，仲咁啱坐返上次個位，哈哈呢間舖好有日本FEEL，咁啱遇到有食客生日老闆每人請飲一杯清酒，一齊同生日嘅食客慶祝同埋呢度每樣食物都好好味仲有個EVERYDAY SPECIAL，日日都有唔同嘅抵食推介🩵6種食法生蠔上次食過普通生蠔，今次叫左佢地嘅6種食法生蠔泰式番茄秋葵生蠔醬油伴金桔墨西哥辣椒蕃茄芥未烤牛肉櫻花果凍酸奶油伴三文魚子全部都好新鮮，每種食法都好有驚喜🩵和牛卡爾帕喬雖然係和牛，但食落感覺好似沙律因為有好多洋蔥喺底，又有黑醋、橄欖油和牛嘅油脂分佈好平均，食完都唔會覺得漏🩵栃尾油炸豆腐伴魩仔魚炸豆腐有啲似我地嘅豆卜上面有好多魩仔魚旁邊有薑蓉加埋一齊食好清新🩵蒜香辣椒牡蠣八爪魚意粉叫意粉好似有啲奇怪，但原來好好味架辣味對於我黎講啱啱好，仲有好香嘅蒜頭味牡蠣熟左都依然咁好味，八爪魚粒粒又多食完都大滿足🩵白姜醋鯖魚昆布卷用昆布包住醋鯖魚同白姜味道原來好夾好好味🩵山芋明太子鐵板燒呢個明太子味道啱啱好，唔會太鹹放喺鐵板燒上面耐啲仲會有少少焦香味添🩵白燒鰻魚好正嘅白燒鰻魚個皮好脆，但啲肉仲好滑🩵Ale Beer今日做特價，超抵飲嘅啤酒🩵青檸燒酎佢有一包燒酎喺你面前倒落個杯度搞勻佢之後同青檸味好夾…Read More

呢間串燒店裝修好特別，有霓紅燈又有麻雀裝飾宜家有維他奶醬燒系列，佢個唔L同既沙嗲牛肉麵嘅晚市價係$58係佢地自己覺得唔夠重口味 ，自己研發出黎最正係午市加五毫子可以轉加加大1L勁量凍飲呢排天氣KEEP住熱飲超大凍飲啱晒串燒有好多種類，揀極都仲有野想食🤎維他奶芝士系列免治雞肉條、翠玉瓜、獅子狗維他奶芝士好特別，中和左芝士唔會食到好漏免治雞肉條啖啖肉，翠玉瓜好甜，獅子狗仲有少少蜜糖味🤎維他奶芝士系列豆卜、小甜薯、 芝士年糕原來豆卜加維他奶芝士係幾特別架喎小甜薯真係甜架，芝士年糕熱辣辣好味🤎惹味辣雞腎、鹽燒牛舌芯、老銅牛叉燒牛舌芯都好厚，好入味老銅牛叉燒真係超讚，唔韌，仲好香蜜糖味🤎蒜蓉燒蠔 半打抵食又唔細隻，一送到黎勁香🤎和牛炒飯唔好睇佢細細碗咁，份量都好多將和牛切粒炒飯好香🤎唔L同沙嗲牛麵佢嘅牛肉係淋，唔會韌沙嗲味香濃，啲麵質感又好好🤎維他奶奶凍紅豆冰、維他奶奶凍黑芝麻冰維他奶奶凍大細啱啱好，用粗飲管一飲就飲到紅豆冰超多紅豆，黑芝麻都好夠味…Read More

呢間韓國餐廳有好多分店，之前食過又一城嗰間今次就喺尖沙咀行完街再食多次先環境好舒服，食物嘅名又好特別💛芝士請你包容一下辣味的排骨鍋辣味嘅排骨唔算太辣，味道幾惹味啲芝士係可以拉絲加埋紫菜包飯一齊食好夾好好味💛半半炸雞（無骨）超多味道揀，最後揀咗兩個特別啲嘅味道--很想去濟州的柑橘炸雞味道甜甜地，原來同炸雞都好夾--帶點正宗水原式牛肋骨醬食落去真係有牛肋骨醬嘅味道最正就係可以有得揀無骨炸雞外皮超級脆入口又好Juicy一啖擺落口都得仲要有好多薯條，超正嘅Comfort food💛紅蝦意大利燉飯呢個意大利燉飯好有驚喜有紅蝦嘅醬汁，又有啲魷魚喺上面好Creamy嘅燉飯好濃郁，好好味💛比初戀還要甜的蜜瓜窩夫窩夫好大舊，仲外脆內軟有普通味道嘅cream仲有蜜瓜味嘅cream同埋有好多蜜瓜喺上面，好甜好正💛圓碌碌蜜瓜沙冰夏天咁熱，梗係要飲杯沙冰啦蜜瓜就啱晒季節啦，仲整到圓碌碌咁好易入口💛初夏青柑柚子梳打（凍）平時飲柚子梳打就多今次加埋青柑，味道都好夾…Read More

我都好耐冇去過有live band嘅餐廳原來呢度7:30至9:30有live Band唱歌9:30到11:30就係Open mic我今日嚟到仲咁啱係佢哋嘅歌唱比賽呢間餐廳真係好特別啊💚香煎鵝肝伴多士焦糖蘋果多士超脆，上面塊鵝肝勁厚肉配埋焦糖蘋果一齊食，好夾食完都唔會覺得好漏💚香煎法國鵪鶉脾南瓜意大利飯好少食鵪鶉髀，所以叫咗呢個意大利飯試吓原來法國鵪鶉髀都有好多肉㗎南瓜意大利飯好香濃，好Creamy💚焗紐西蘭羊鞍伴時令蔬菜配紅酒汁今次叫咗5成熟嘅羊鞍睇落好似好紅，但原來係啱啱好食落去唔會血淋淋，而係軟熟度啱啱好仲要讚吓佢啲蔬菜好甜好好味有一個蛋餅，仲有啲蘑菇同紅椒添💚Long Island Iced Tea,Fruit Comba飲品都好有水準Cocktail同mocktail都好好味…Read More

陪完個朋友去西環影日落，順便喺附近搵嘢食居然比我發現咗呢間有Gelato食嘅小店仲有得揀加埋雞蛋仔或者格仔餅見啲人拎住勁大個超想食雖然係小店，但係佢都可以俾你試味而且仲有幾多味道揀添其實佢每隻味都好好味，選擇困難症嘅我諗咗好耐我本身揀左花生朱古力脆脆，但係諗諗吓又想轉椰子斑蘭同埋佢地嘅gelato質地好滑店主勁好人，佢話未整都可以轉口味呢間小店個個都好有禮貌，好好人下次再黎一定要再食！🩷雞蛋仔+tiramisu雪糕，開心果雪糕雞蛋仔係見到佢即叫即整所以嚟到嘅時候係熱辣辣開心果雪糕唔係假嘅味道有好香濃嘅開心果味，上面仲有啲開心果粒粒添Tiramisu雪糕都有好濃郁嘅咖啡味我想講兩球雪糕加埋雞蛋仔真係絕配一啖雪糕一啖雞蛋仔非常有口感🩷椰子斑蘭+薄荷朱古力雪糕跟住另外就嗌咗兩球Gelato 椰子斑蘭味係有啲椰絲喺裏面㗎然後每一啖都有好香嘅斑蘭味薄荷朱古力味勁薄荷同出面嗰啲有啲唔同，食完勁Fresh…Read More

太耐冇去過日本，要喺香港搵返日本味道呢間居酒屋絕對冇去錯睇個門口同埋一入去成個環境就好似去咗日本咁所有嘢都好懷舊，好有特色坐吧枱又可以望住師傅整嘢食💜生蠔係來自兵庫室津嘅蠔上面有柚子皮同檸檬汁加埋一齊食味道好fresh好鮮甜💜海膽魷魚卷用魷魚包住啲飯最正係上面隻海膽，勁新鮮成舊放落口好有口感💜燒三文魚鵝肝卷壽司飯包住嘅鵝肝勁厚然後上面嘅三文魚燒過之後好有油香連埋個鵝肝食都唔會覺得好漏💜雞全翼雞全翼大大隻，燒得好香脆💜雞軟骨我最鍾意就係食雞軟骨燒到熱辣辣，用嚟送酒就最啱💜流心蝦薯仔沙律呢個沙律超讚，上面隻雞蛋係流心㗎篤穿佢之後撈埋薯仔沙律食一流薯仔沙律仲有蝦粒喺入邊係一個高質嘅沙律💜雞皮唐揚之前出去食嘅雞皮都好大塊今次呢個細塊啲又炸到好脆，好容易入口💜南蠻醬炸雞呢個炸雞係單骨嘅，可以拎住佢嚟食外面炸到鬆脆，入面嘅肉汁仍然保留住加埋南蠻醬非常夾💜啤酒，柚子燒酌食咁多正嘢梗係要配埋酒呢兩杯酒都好正正…Read More

一直都想嚟呢間Cafe飲咖啡但原來唔止得咖啡飲佢嘅手工意粉都好多選擇仲要環境都好舒服同朋友過嚟飲嘢食嘢傾偈就最啱啦🧡虎蝦蝦汁手工扁麵有三隻好大隻嘅虎蝦食得出佢嘅意粉係手工製作，好有咬口而佢嘅蝦汁做得好好，啱啱掛喺個意粉度味道又非常濃郁，推介佢嘅手工意粉🧡慢煮牛陰柳薯泥排包 呢個排包超有驚喜，係外脆內軟，仲要好大塊然後佢嘅薯蓉又非常多入邊嘅牛柳已經切咗一片片咬嘅時候有好多肉汁同非常煙靭配埋大量嘅沙律菜，感覺好健康🧡焦糖燉蛋巴斯克蛋糕甜品亦都好出色呢個焦糖燉蛋巴斯克蛋糕好好味佢真係喺巴斯克蛋糕上面有焦糖然後喺cream上面有加啲脆脆焦糖粒成件事好夾好好味🧡Iced Baileysmocha呢杯Mocha層次做得好好一飲落口係咖啡味然後最後又會有Baileys味喺個口度🧡Iced 72% chocolate上面嘅泡沫好滑，朱古力味又濃郁…Read More

如果想食韓燒放題，真係要嚟呢一間嘢食真係超級多選擇真露又有超級多味道揀食肉獸如果嚟到呢度一定超開心有韓國美國澳洲嘅牛，豬同雞都有晚市訂枱，仲有三選一優惠可以揀每四個人送原塊安格斯西冷牛扒又可以揀每四個人加$88升級任食海鮮刺身又或者揀每兩個人起加$88食海鮮刺身免費升級換購時令生蠔1隻或松葉蟹腳兩隻（每位計）仲有可以揀如果嗰個月份生日嘅人出示身份證明有效文件每四位或以上仲可以有靚靚蛋糕一份如果帶埋老人家嚟食都好抵60歲以上長者惠顧放題可享85折優惠（限星期星期日及一至四，不包括公眾假期）呢度除咗多優惠之外，食物嘅種類多到不得了有好多唔同款嘅熟食有炸雞、泡菜煎餅、魚糕串連湯、韓式蛋卷、單骨雞翼、水冷麵等等自助區又有唔同嘅蔬菜同埋韓式前菜我想話佢塊西冷扒好大塊，勁厚肉仲試咗燒韓式豬皮，勁多骨膠原刺身亦都有好多款，三文魚、吞拿魚、北寄貝甜蝦、帶子等等仲有啲生蠔都好鮮甜唔少得嘅醬油蟹同醬油蝦都好正甜品都有好多選擇，有泡芙又可以自己唧雪糕嚟呢度同朋友慶祝生日就最啱啦…Read More

我今日同朋友去沙田行街好鍾意食漢堡扒嘅我見到肉肉大米忍唔住去食呢間舖勁多人，要排隊攞飛等位雖然係即刻煎漢堡扒，但係入面唔會好多油煙一入到去坐店員已經會攞熱辣辣嘅飯同埋湯俾你男仔如果大食嘅話仲可以添飯同湯佢又會有晒指示教你用咩醬點漢堡扒食會好味啲朋友就點咗2件漢堡排套餐（牛油果＋芝士）我就點左3件漢堡排套餐（原味1件+芝士2件）普通原味嘅漢堡扒已經好Juicy佢放喺你面前煎嘅時候已經大概有五成熟跟住你就可以按自己喜歡嘅成熟度去煎煎完點埋佢哋個醬再加埋飯食係好滿足佢哋仲有隻生蛋俾你可以撈埋飯食而芝士味嘅漢堡扒就好瘋癲除咗黎嘅時候已經鋪咗芝士喺面佢仲會喺你面前瘋狂刨芝士，搞到好似有助芝士山鍾意食芝士嘅朋友一定要試而牛油果嘅感覺就好新鮮加埋特製嘅照燒汁感覺幾fresh仲有呢度除咗食漢堡扒，西蘭花都係任添㗎總括嚟講嚟呢度食一定會大滿足…Read More

打風前夕都喺街食餐好嘅先為免夜晚天氣惡劣，早少少過嚟食之前已經食過牛大人嘅火鍋今次決定叫個最勁嘅餐120分鐘日本A4黑毛和牛火鍋放題其實計計埋埋呢個餐係好抵食佢送澳洲 M9和牛牛丸、海鮮拼盤仲可以任食鮑魚呢排做緊「炎夏椰樂祭」限時活動，以椰子做主題我哋都揀咗喇沙椰爺仲夏鍋同埋雪白御先豆腐鍋喇沙嗰個湯底好濃好入味，豆腐嗰個又好清甜如果叫咗呢個餐一定啲A4黑毛和牛質素係超好，只要淥一陣就已經食得仲有伊比利亞黑毛豬梅肉都係非常軟熟至於個和牛牛丸更加不得了，咬落去係有肉汁海鮮拼盤仲正有鮑魚，生蠔，扇貝，鱔自助區仲有好多蔬菜同埋唔同嘅丸類俾你揀飲品亦都多不勝數，有唔同種類嘅茶我哋仲叫咗啱啱推出嘅特調飲品粉桃椰香、冰檸伴椰，味道幾夾有幾特別仲有個甜品香芋椰漿脆脆鍾意食芋頭嘅朋友要試吓淋咗啲椰漿仲有椰子脆脆好好味仲有雪糕都好正有好多款揀因為佢做緊啲椰子promotionMovenpick雪糕有椰子味揀同埋牛大人自己都出咗雪糕呀豆腐味我最鍾意，好好味唔知係咪暑假呢仲有遊戲玩添有一個叫知識就是折扣只要答啱題目就有餐飲折扣等優惠仲要所有客人都可以參加…Read More