WinkyWinkyWinky's Profile

我地5人，分兩張枱，限時2小時交枱，食物是大碟，但收費係比正常貴，所以本人不覺得好抵食。我地叫咗一份沙律、一份pizza、一份意粉、一份炸雞角、三杯沙冰、兩件芝士蛋糕。所有食物都好食😋(除芝士蛋糕外)，最讚是炸雞角，即做而饀料豐富，加上少少辣味，配合得很好，但pizza轉咗長方形，細件好多，最後我地點選兩件蛋糕，一落刀已經好似溶溶地，芝士蛋糕大忌，凍櫃唔夠凍，太失敗。而且两款都太甜，再加上唔夠凍淋淋地，真係食唔入口。再講下蛋糕size係lady M一半大小，價錢要$80還要加一，真係幾誇張。Lady M蛋糕起碼手工多幾倍難做。另外講下環境衛生，我們坐在入門口長梳化位四人枱，我和朋友腳下不停被蚊咬非常痕癢，最後要轉位置坐椅子位才好些。希望餐廳衛生做好些，注意凍櫃溫度。…Read More

在玖五牛肉麵，發現了Hello kitty正在向我招手，最愛的，我怎會拒絕你，決定收工與Hello Kitty相會。比較簡單的Hello Kitty總是覺得她最可愛哦！Hello Kitty 麻辣雲朵麵😋😋😋真的很可愛，店員講解了原來上面的是鮮忌廉打發再冷凍而成，吃前要把雲朵忌廉和麻辣湯拌均，岀乎意料外，味道很配啊，吃下很順口不搶喉，真古不到麻辣和忌廉也可做到那樣匹配。Hello Kitty紅燒半半麵疙瘩把每片麵團做成Hello Kitty樣子，都不知怎樣形容那份驚喜啊！可愛！可愛！[色]爽爽蘋果梳打這款飲品正合適夏天飲用，和名字一樣夠爽快啊！還有Hello Kitty樣子的橡皮糖，可愛又好吃。🥰我們還點了水果茶水果茶除有多款生果外，當然少不了有Hello Kitty樣子生果👍🏼👍🏼👍🏼我們還叫了Hello Kitty皮蛋豆腐👍🏼，餐牌上還有其他的菜式，但我們兩真的吃不下了。香港現在好像沒有Hello Kitty cafe ，配搭台灣店食物還很有驚喜！價格正常，主題餐廳好食又吸睛真的少之又少了。…Read More

嘩！雞煲食過好多間，但真係從未食過用雞肶做雞煲，雞肶明顯係雪到無晒味，我地共6人同行，叫咗一個大煲麻辣，小煲芝士，但上枱見份量係相約，早知就叫兩個細煲，麻辣只有辣味，芝士就當然只有芝士味，還有點咗鱔片，$98/5片，墨魚丸有少少縮味，炸魚皮正常，鴕鳥肉唔新鮮，雞子正常，豬皮正常，豬肉丸難食，再加幾罐汽水，呢餐埋單要$13xx，真係唔抵食，質素又差。其實佢新開第一年我和朋都有食過，當時的雞煲係全雞上的，現在老闆實在太過偷功減料，我們全班朋友都話唔會再嚟，食過都怕怕。吾明點解有咁多好食評。…Read More

今晚OT，晚上8點多，突然又想食麵，就去咗小王牛肉麵，自己一個人食，就點咗個粗麵加酸菜既原汁牛肉麵，第一口飲湯先啦，湯係有些似星加坡肉骨茶，但佢再甜多啲，嚴格來講小王湯真係吾算係好野，麵都可以，有些咬口，牛肉都算入味，軟硬、大小適中，至於份量女士食一碗剛好，但男士就應不夠了。總括是早中規中矩啦。我記得之前食過炸豬排麵，豬排係大件夾抵食，而且味道和質感也不錯，還有他們的鹽酥雞也是不錯，但既然用得牛肉麵做招牌，怎麼不好好做好湯底呢！…Read More

盛記，就在我家附近啊，我們一班朋友非常喜歡火鍋，吃過很多次，價錢雖不便宜，但份量都算合理，今次質素好像欠佳啊！昨晚和朋友聚會，我們沒訂餐，全散叫，我們四位女士，叫咗兩碟手切肥牛，第一碟都可以，但第二碟有一半係瘦牛肉👎🏼吃起柴柴口啊，老友鬼鬼係我至愛👎🏼但都有點失望，因為之前食的讓了很多蝦膠入油炸鬼上👎🏼今次起碼少咗2/3😏偷工減料，真係好好好失望囉😧，還有一個新菜色，蠔仔餃係失敗既👎🏼因為食唔到蠔仔而豬肉調味得太濃，我們還叫了炸魚皮👍🏼響玲👍🏼韮菜餃👍🏼牛脷托，黃喉，午餐肉，雲耳，皇帝菜....。至於湯底就揀冬瓜干貝都幾夠味，但當然都係有味精啦。希望佢可以保持之前水準啦，咁我們先多個地方食好野。…Read More

呢間酒樓食過好多次，但吾係因為佢好食，而係在我家附近，有時因為方便所以揀佢啫，呢間酒樓本應都無咩寫，但是今天食到一個順德蒸陳村粉真係幾好食，陳村粉本身已經係好食，再加上材料有一些土尤、蝦🦐干、鮮尤🦑，最後淋些甜豉油，的確食到數年前在順徳的風味。點解講來講去都係呢樣呢，因為其他食物就不提也罷了，諗起都嬲，叫咗碟口水雞，哎....個醬汁差到無朋友，可能都係自己問題，邊有人係順徳食四川野，即時知錯啦。所以我今次係為咗順徳蒸陳村粉而寫食評咋，大家如有機會去到食飯，也可以試試啊！…Read More

星期六在葵芳收工，行完新都會都無咩啱食，所以行去出商場禮芳街附近搵食，見到間古老式潮州飯店睇下又幾多街坊幫親，所以就坐底咗，因為當時得一張VIP枱，老伙記就叫我地坐呢度啦，呢張枱前面就係放晒啲野食係度啦我地叫咗鹽焗烏頭、鹵水鵝、蠔仔粥、韮菜豬紅，另外每枱客都有一小碗咸菜、花生、菜保送，我食咗口咸菜，嘩調味剛好，不咸不淡，真係好好味道，至於菜保就實了點，花生都夠香脆。講下主菜啦，鹽焗烏頭注明係元朗一個魚塲養有保證不大條有點瘦的，還要賣145,真係有啲貴，但食落入味的不錯，鹵水鵝就肉淋香入味有咬口蠔仔粥就普通啦因為還有蠔壳失分😍韮菜豬紅好入味，好味到我要對師傅講你做得夠入味，湯汁夠香濃，師傅氣定神閒答，更係，用咗好多料做先咁味道，我地做咗30幾年啦，少啲材料都做唔到，我又接著讚佢個咸菜小食，佢即刻再送多碗我地食，食啦比你食。好開心當晚可以食到好味食物，而且飯店老員工都好有親切感如講地方環境就真係麻麻，總括今晚都有90分，下次再去葵芳我一定再幫親架。…Read More

昨晚在灣仔睇完中醫搵野食，見到一間素食館，天氣又焗又熱又落雨就食雨齋菜啦，店內好像新裝修清潔又光亮，我們點了羅漢齋炒麵，齋菜用料新鮮，有三四件麵筋的很好質地，有口感，因我最怕淋pat pat，麵又炒得夠程脆👍🏼，芡汁又不會太漿，另一個豉椒鱔煲，腐皮加紫菜卷成一圈，成鍋都好食如果可以做得乾身一點交好啊，最後粟米粥岀塲，點知係無味道既。總括都係算好味道！…Read More

好久沒去深水埗，兩人行過一間台式牛肉麵店，吓，又係牛肉麵？朋友話去年開的，那我兩就入去試試吧，當時6:00pm，不用等位，我們點了鹽酥雞扒拌麵、三合一牛肉麵、鹵水豬腸、甜不辣、甘吉檸檬🍋愛玉一杯。先來鹽酥雞扒拌麵，雞扒即炸一口咬下去香脆夠味，但拌麵太淋太薄身無質感，實在太可惜。三合一牛肉麵有牛肚、牛肉、牛筋，首先當然飲啖湯先啦，湯只是暖再熱少少，我實在不喜歡湯不夠熱啊，色澤夠深味道有濃濃葯材香料味，但肉味唔夠，所以湯係無層次的，牛肚、牛肉剛好淋度，但好似唔夠入味，牛筋有三件，一件剛好淋度，兩件太淋，麵就同拌麵麵質一樣無口感。鹵水豬腸可算是我叫的最好食，夠淋夠入味，另外還有甜不辣就不吃也吧，好像是食麵粉質感啊。甘吉檸檬🍋愛玉就不過不失。店員服務態度都可接受。店鋪裝修用咗台灣懷舊特色，配合一些懷舊風濃厚畫作及牆壁顏色頗為特別，店內也清潔整齊的！…Read More

昨日回港，就入大埔比手信朋友，中午12:00時間，想起以前在大埔返工的日子好多時都會去咪走雞食午飯，以前的咪走雞小店一間，不及現在的大大間茶餐廳地方。一進店女侍應安排了門口卡座，當我放了一袋東西落對面的座位時🛍女侍應已經叫我不要放呀，一陣會有人搭枱的😓最後點了一個叉燒肉燥飯，一上枱熱辣辣的，但一落口，肉燥太喊、主角叉燒全部都瘦柴柴，實在太失望了，真的後悔沒order咪走雞飯，應該會好食過叉燒飯的，還點了杯薏米檸檬🍋，本應是幾好飲，但上到枱是暖的，好像是放了一段時間，可能本人鍾意熱食就一定要夠熱，凍食就一定要夠凍。我還會再去，因為想試下咪走雞有無失了水準啊🥘…Read More

好耐無寫食評，因為今日在銅鑼灣工作，所以想起最近既人氣食店”玖五牛肉麵”，當時3:30見到店內有約有十個客人，所以就立即安排座位，我和同事兩人各叫了紅燒半斤半肉，蕃茄三合一，還點了小食百頁豆腐、素雞、海帶、麻辣鴨血。無論什麼湯麵🍜湯都係最重要的，所以一定要先飲湯才食麵，紅燒湯雖然不是很濃但都配合得宜，而且主要係夠熱所以一岀時已經聞到香味了，蕃茄湯明顯比紅燒湯濃郁在港都算是帶有特色湯麵我個人口味比85分，為何沒給100分主要原因係之前有朋友極力推他們的辣椒油，今天竟然沒有供應（本人喜歡食辣）所以有點不滿足啊另外小食百頁豆腐真質地口感像魚蛋又像豆腐，好味海帶絲味道也不錯如多加點汁就更好最後我也叫了杯檸檬冬瓜茶加真珠味道清新珍珠也QQ。總括今日食物有90分啊，價錢可能係地區影響所以就感覺貴了點啦！希望下次去有自家辣辣油一試啦…Read More

今晚我們兩人去禾輋商場搵野食，見到間新開餐廳裝修幾吸引，所以就入去試下，我們坐落後打開餐牌，感覺都好多選擇，好辛苦，經過我們在選擇困難症之後叫服務生過嚟幫我落單，當時大約係下午6:30，我揀咗個芝士撈公仔麵（但我想轉意粉），點知回應係所有意粉、通心粉、蝴蝶粉都賣晒，咁我就轉叫一個大磨茹餐和一個焗鮮茄豬扒飯，服務生問我地要唔要飲野，我就問，大磨菇餐包飲品？佢好快回應我，無。之後再睇番個餐牌，明明有野飲又話無，我就叫番個服務生過嚟問，比埋個餐牌佢睇，我話叼度只係寫住凍飲架三蚊，點解話無野飲，跟住個服務生就回應我：係囉凍飲加三蚊囉，係囉。佢表情係死雞撐飯蓋，一啲歉意都無。等到野食嚟，我一見個大磨茹餐就嚇親，個蘑菇大過5蚊少少，(有相為証)脆豬變咗方包，我就叫過服務生過嚟問，點解個大蘑菇餐個蘑菇咁細？，佢回應係：今日來貨係咁細無辦法啦，我就答：你無貨都講清楚先啦，就咁比人，咁都得，跟住服務生先話比多一粒我好唔好，我為有話好。其實如果佢地係落單前講清楚蘑菇今日好細粒，脆豬又賣晒，我係唔會要呢個大蘑菇餐的，另外，焗豬扒飯好濕，濕到一pat pat(無影相)。我對呢間茶餐廳無好感，下午6:30而做埋晚市，有咩可能咩都賣晒，實在太離譜。…Read More