princess7's Profile

服務係好，但係待應太少了，得兩個人忙到甩碌，甩單問題多。可能仲新，平日夜晚去食都竟然要等位等到傻。印象中張枱都係用返上手？？？D圓枱好細好逼。意粉算油。牛扒，焗生蠔唔錯，估唔到跟餐個窩夫好食（我平時唔食既😂😂）杯凍檸茶千其唔好叫少甜，因為正常都好淡味。總括黎講夜晚二人餐係抵食，豬手想試要單叫set先有😎。遇上新開業人流咁多嘅時候，我自己覺得應該限時90mins. 仲有到齊過半數先入得等等。btw 見到店舖手機隨意放要小心呀，始終人多。送既甜品應該好食，小朋友食晒冇緣試😂😂😂…Read More

一坐底望到有風扇就知大穫，應該壞冷氣啦。前後都放了風扇，夏天點算🥵？？？行出商場仲涼過舖入面。而且唔知係咪咁嘅原因，食完之後成身臭🤣，連平時冇咩感覺嘅男人都覺得好臭😵‍💫😵‍💫，更何況係女性呢。Tea $262/90mims。中價已有肉眼+牛小排，牛骨髓，魷魚，。座位雙數既坐得逼，位同位之間都密集。希望改善一入座之後，唔好空降幾碟肉類，因為唔係位位客人都啱食🥲🥲🥲咁就變左浪費食物😪質素高過牛摩（價錢都貴左接近一倍）豆腐花即整；雪糕麻麻。嘢飲唔夠凍。Service唔錯，希望快啲整返冷氣，唔夠膽幫襯。…Read More

價位唔係平，先前睇過you tuber講個話佢啲嘢食唔夠熱，可能條片出左街所以有啲改善，如果唔喺咁咩價位真係👎👎佢呢度應該冇tea set , 所以五點幾入去已經要點晚餐價（或者可能都已經係全日用同一個menu）。意粉不錯，咖喱飯有D菜溝左入口口感麻麻。個麻糬熱香餅其實好想叫，不過果日已經賣哂了。試左Honey味，小朋友食晒。叫咗啲凍飲，佢一路解凍，由於無杯墊，喺用餐期間😖其實成張檯都已經濕哂。埋單都有送一張50蚊 coupon.…Read More

經常行過都冇留意，原來呢度已經開左間甜品舖，仲要喺Donki對面, 喺食到好飽之際，見到佢都忍唔住入去😅， 叫左兩碗甜品三個人分，🤣🤣好彩夠40蚊最低消費一個人。餐具托盤都好日系，甜品通常有得加仙草，布甸……等， 不過個人覺得個布甸好淡味，建議老闆娘整返濃味點，有果肉就更好。另外叫左芒果涼粉，不過小朋友食得太快，影唔到相。第一次見甜品有加芒果乾，感覺幾特別。我見佢雪糕係用哈根大師。下次再試嘛其他。…Read More

已經係下午二點，仍然坐滿。一看怪不得，兩張枱幼幼組，都係兩大兩小，坐四人枱叫兩個餐算，還食完坐多半小時，出面有人等位都真係要識做，唔怪得有D餐廳要底消啦。拉麵正常份量可以，不過有木耳，要夾走有點麻煩。跟餐只係得麵豉湯同沙律，雖然15蚊，不過真係好唔吸引。燒雞飯落果時已經講左要與時間耐少少，落單時已講明，一貫日本餐廳都係個餐唔包飲品，通常有茶，不過呢度係提供水:(日本餐廳向來清潔要求高規格，簡簡單單一次清潔劑感覺衛生。枱面有個QR CODE 問卷, 做完下次幫襯可以減10蚊架。…Read More

朋友介紹抵食燒肉，不過估計因為專攻1／2人，所以四人枱得兩張。六人枱兩張（多數拎嚟撘枱）牛脖子麻麻外，其他都唔錯。如果唔like小食同湯。其實散叫仲平。自己一向鍾意食牛小排，推介推介。不過張磨菇椅坐得都真係幾辛苦。估計又係唔想你坐咁耐吧。我五點入，其實爆晒場，得兩個staff勁辛苦呢（service仍然好有禮）。都接近六點先有再多一個員工返工幫手。另外提提大家。呢間鋪頭要齊人先比入架。 現場望小朋友勁興奮。…Read More

地理位置冇二期咁方便，不過食到悶，開始發掘一期，呢度都好多隱世美食。魚三寶微辣OK, 不過應該蝦麵好味D,（份量有點少，男士應唔夠飽，但俾個胃試多D其他嘢） 菠蘿椰汁冰好飲，咖吔多士都好味過坑口果間。Service 唔錯，但卡位太逼了，真係空間用到盡。荔枝沙冰唔錯，另咸蛋黄雞翼好食，蔥餅好多地方都好食，取決在於汁度。聽到唔收credit card, 好彩仲有八達通，唔係就冇得free parking. 上菜算快，值得推介。…Read More

點解我感覺又好似係意樂(大x樂)D friend，menu同裝修都好似下午茶至六點，黑松露牛角包＄38，有D可惜唔脆，冇黑松露味牛肉飯好食，細細碗小朋友食剛剛好，雞脾脆＄43，配薯條。西多士＄35厚到傻，好大個口先放得入，入面D 芝士仲識拉絲，糖漿俾得孤寒左D. Dinner安格斯＄108， 飲品要+＄9呢。D瓜煎得唔錯，七成熟剛剛好。薯條係氣炸嗎？Cp值高，加上service 好好，唔怪得好多熟客幫襯啦。…Read More

友人叫了個雲吞麵，細細地12粒,沒有蝦，但比起一般雪了不知多久的肉好。帶子豬肉湯餃，好大粒，韮菜餃我一向就揀開煎嘅，香口得多。飲品試了兩款，很特別都好鍾意，係細杯左DD.店面細細，我唔記得左鋪頭前身喺咩餐廳，不過我一向都係斜對面食開早餐無為意🤣🤣，店得大概得十多個單行位，一張雙人及兩張四人大枱。我見有一半嘅人都係叫外賣。今日食還可以，但夏天一到不知冷氣夠不夠？🥵附近好多食肆，好多競爭對手呢。…Read More

買左幾次啦，個人推介＃3 👍👍👍很牛很牛 同嘛經典火腿蛋，＃2餐肉較（＃3）鞋。☹️☹️☹️有Set包嘢飲，我推介冬瓜鮮奶，牛奶糖奶酥應該好味，因為俾小朋友食晒了我一啖都冇食。留意，全部現場即叫即做，預返D時間去拎。唔知有冇得online order. 暫時每次仲係有一蚊優惠。明白packing 成本貴，不過價錢學生未必負擔得起。真係要諗下優惠。店員可以再留心D舖面情況，而唔係掛住做其他嘢。希望可以有更多台灣特色小食（非油炸）…Read More

如果冇記錯，應該係香港首間分店？呢個名一睇已熟口熟面，先前台北旅行曾經bookmark 過要去，但你知道架啦，旅行嘅野，計劃趕不上變化，最後我係冇食到。 估唔到竟然係度可以開左間鋪（通常第一間一定揀旺區尖沙咀或者旺角），真係好開心，都算方便我，點知開舖頭一星期。真係lunch time九萬七千人, 而家會好咗啲，不過我都係避開食飯繁忙時間去了。估唔到我叫左個Basic 都唔錯，開頭仲好驚台灣吐司，會係整到個麵包好硬，重點係一定係個醬汁， 一食就好有台灣既感覺（甜），女仔一定鍾意。唔知佢係咪為左保持品質，冇得打電話或者whats app預先落訂. 另今次叫了香芋鮮奶，香芋真係好足料， 其實我已經叫左小冰，但係都真係好似傳聞中咁好多冰，下次我會試下熱飲。其實舖頭有位坐，不過唔太見有人坐，多數外賣。…Read More

成日俾人話貴都算啦，服務仲要好到冇得頂。話說人手好似係唔夠，樓面唔多，貌似有位馬尾Gucci belt 既大姐，唔知係咪經理嚟架呢，問佢問題唔答仲黑面😑？？？在旁小侍應見狀即嚟幫忙打圓場解答😏（所以我估果位係高層）。又唔係獨市真係揾鬼幫襯，一絕。早餐併沒有因價錢貴而好食，早餐D牛好似擦子膠咁……題外話，D包整好就入櫃啦，成架車放走廊真係好唔衞生。…Read More

先前已想book 好耐，一直都book 唔到四人枱，撞巧呢兩星期都要入大埔，撞運氣又有位，自從改名後唔同晒。聽聞扒唔錯叫左，冇失望又冇根，但配菜用椰菜好一般，湯就得磨菇湯。跟餐飲品+$15@。海膽帶子意大飯就帶子唔錯，飯一般。日間有湖景（如果book 到window seat就indoor，個景真係好似去左外國），晚上有燈仔我就建議坐outdoor（不過疫情就自行衡量）唔BOOK都唔洗止意入嚟，係停車場已俾截停。今次嚟返見到好多“人”去管理泊車……🙄惠顧可以free parking 3小時呢，不過留意個露天位有部分係要前後泊，（所以如果走怕要等人讓車麻煩就揾單獨行泊）而旁邊LAKE HOUSE 似俾四季收購左？入左gate 都唔可以亂行喎。不過係果面搞wedding 真心唔錯。book完去食前一天會收到SMS,跟指示Cfm返個booking就得。…Read More

平日入去 食午飯，好彩1點前入，唔洗同學生逼。餃子有D油，晚上胃不舒服。小食併盤份量夠大 (-^〇^-) 香腸好食，花枝丸都唔錯飲品好大杯足料嚟過兩次，其實有一樣野好需要值得檢討，就係客人坐低之後，應該都預左8mins內點都落單吧？？單手舉起落單紙都沒有人回應，如是者店鋪上的阿姨見到都扮看不到🤮？？？ 外賣單一直出，收銀又唔做野企係度。唔知邊間鋪頭裏邊啲人，喺咪家庭式經營？ 個個都唔怕被炒？定係老闆唔知呢🤨🤨？…Read More

睇住佢哋裝修左好耐，終於等到佢地開業，頭兩星期九萬人。今日12:15路過，見三個family 等，即拎票， 但係先醒起，佢哋早上11點30分營業，咁即係佢地起碼12點30分之後先會有人結帳🥹🥹，不過因為屋企人好想食，所以我最後都係排隊🥹唉～我去日本旅行都唔會排隊囉，途中有人食完野，但係都唔肯交還張枱😔。拉面質素高，叫左兩款都唔錯，串燒就更加唔洗講，喺門口一路見到師傅係度燒，已經流曬口水。Btw 個open kitchen 圍返塊玻璃應該會好D. 另外，叫嘢飲要一早叫，我地食哂所有野，杯野飲仲未嚟，吹左兩次，正打算取消佢先至送到呢😕。希望喺開業初期嘅小失誤。另外想講裝修唔錯，中間果行圓形設計雖然好慳位，不過叫多少少嘢食就full晒。另外我仲想講黎簡餐廳廚房比例仲大個食客位😅…Read More