kevinkc06's Profile

有兩個優惠套餐，C3 買一送一，限時兩個半小時，但要下午五點前入座。M5和牛味道唔錯，對得住價錢。D4 好似提早訂座，$1200兩位，限時4小時。他們的優惠有點複雜，最好WhatsApp問清楚。我選了一個 C3 餐，打邊爐有海鮮、牛肉、豬肉。另外有刺身選擇，但沒有壽司。一般炸物，串燒都有，但選擇種類不多。啤酒任飲，雪糕只有牛奶公司。要選擇貴價餐，才會有Häagen-Dazs任食。父親節要加附加費 $30 ，再+1服務費，只可以用現金俾錢。兩人埋單$592，價錢時間都抵食。服務員招呼唔錯，可能因為1700時段人數不多，上菜速度快。只要WhatsApp問清楚，所有價錢都明碼實價，我覺得算公道，但要網上訂座才有優惠…Read More

位於中環的一間餐廳，門面裝修吸引，人流都很多。現在六點後限堂食，五點已經很多人。餐牌有 set 食扒，意粉，意大利飯，三文治。飲料可選英式茶／咖啡／梳打特飲／啤酒／手工啤等。亦可以叫小食，開酒飲，略略一看櫃枱，酒價約300到900。今次主要食 set，叫左個安格斯牛扒同意大利飯，兩個味道都唔錯。牛扒好好食，薯條都炸到爽口而且味道好，唔會太咸，啲配菜就整得有少少焦，賣相差少少。意大利飯都口感好，好好食。另外，餐牌好像只有一款牛扒，餐廳好似主打酒吧小食。價錢在中環地段仍算性價比 ok。同一條街，最多人坐既餐廳，都比左我信心去試。服務都好貼心，亦會為客人推介食物和分析。唯一唔好就係坐得逼，我地兩個人坐一張小圓枱，只放到兩個主食同飲料，同餐具。想放多兩杯水同2隻碟都好勉強。如果坐得闊落，用餐感覺會更好。…Read More

食物水準可以。食物方面，我們點了一份小食軟殼蟹漢堡配炸魚，味道不過不失。 #相片打直影(插圖效果問題)元貝鮭魚溫泉蛋意大利飯味道好，元貝和汁醬都很美味，但有部分一粒粒黑色配料口感不太好，味道也比較重，個人不太喜歡。香蕉奶昔味道可以接受，但偏向較甜，不解渴。食物亦比較咸，基本上飲料是不解渴，價錢60蚊亦性價比不高，只適用於打卡。環境方面，餐廳舒服，地方大。服務方面，簡直垃圾，兩個人在門口量體溫，另外七個侍應，只是傳菜。客人須自行到前店付款落單，餐具亦要自己去拿，餐廳還要加一服務費，不知所謂。除了傳菜，我唯有享受既服務就是叫店員幫我們拍一張照，盛惠67.2服務費。這間餐廳，永不光顧第2次…Read More

慈雲山一條小巷的燒烤鋪，位置偏僻，店內座位不多，服務員態度不錯。食物款式都多，有肉串（豬，牛，雞）、炸物、海鮮、蔬菜，飲品種類都很多。價錢尚可接受。當中燒厚豬扒很好味，比較深刻。其他不過不失，拉面比較普通，不建議點選。一人晚餐，選菜不多，難以一一點評…Read More

我是在星期二閒日晚市時間光顧。甫到場，印象還不錯，乾淨衞生。侍應服務態度還不錯，有笑容。首先，海鮮種類有鮮蝦，蜆，青口，長腳蟹，但沒有生蠔（我個人也不是特別喜歡生蠔，所以無所謂）沙律青菜等冷盆我沒有食，不評論。然後食刺身壽司，只有4種刺身，如三文魚，帶子，希靈魚，吞拿魚（如無記錯）。壽司有八九款左右，味道還可以。附近還有些日式小食，如章魚小丸子，(日式雞肉腸？)。肉類則有兩款腸仔，豬扒，即燒安格斯肉眼，鹽燒牛舌。即燒牛肉味道正，但排隊需時最好同師傅講要幾片，太多片既話佢要會要求你排2次，費事後面啲人等太耐。當然仲有少少炒飯意粉，中式小菜等，但印象不深。甜品有幾款蛋糕，又有豆腐花，又有少少杯裝精美甜品，同雪糕。綠茶紅豆味蛋糕值得一試，但佢9點後竟然無再 refill，食唔到第二轉 tiramisu 我覺得一般，期望不要太大。價錢對比起其他酒店較便宜，但種類當然較少，如無生蠔，肉類無羊扒或西冷扒等，只有即燒牛舌同安格斯肉扒比較有驚喜，肉的種類太少。另外，好像沒有包一杯飲品，要自己在自助吧斟咖啡同紅茶。不過300多元既價錢亦不會要求太多…Read More

先前聽到旺角分店因貴租倒閉，才得悉此店。因為其榮獲米芝蓮提名，久仰大名，所以特意去食。星期六晚上人流繁多，好睇兩個人去，都算快有位，10分鐘左右，其實都係睇彩數，因為間鋪都唔算大。服務又無話特別好，正常啦。之後就講講食物，兩人一共點左五樣野，酥皮焗叉燒包一定要試，脆卜卜既外皮。對於食開傳統叉燒包既我，幾有新鮮感，外層變左做焗酥皮，味道都ok，又無話好唔夾。蝦腸既皮都算滑，但size太細 好似好縮水咁。飯同燒賣就正常，無特別深刻。綠茶煎堆就勁怪，可能唔岩我口味，外層係綠茶味，中間係流心花生:(唔知係咩玩法，我自己就麻麻…Read More

友人向我推介老點竹筒飯，心諗個名改咁衰，會唔會係伏？食完發覺都唔伏，竹筒飯都幾有特色，幾有新鮮感。自己叫左臘味飯，都幾惹味。點心都點比較有特色，好似白汁芝士蘑菇雞批、清酒雲吞雞等。雞批值得一試我星期日晚去，茶記都係６蚊位，佢仲要自己拎個壺幫你不斷fill，服務唔錯，又有笑容，仲無收加一服務費 每人點一個飯，再加幾碟點心平分，價錢都唔貴。晚市咁既價錢都好難得。可惜多人出面等，食完走人，唔好阻人做生意，美中不足既係唔適合久坐傾偈既聚會…Read More

平時好少食燒烤，因為朋友生日，三五知己相約食燒烤慶生。今次去左佐敦大胃燒，位置都唔難搵，幾近地鐵站…廢話唔多講，直接講食物啦今次去食燒烤，主要點左肉串、菜、海鮮等。肉串都燒得幾香口，又唔會太乾，燒到無哂水咁。其中我最鍾意燒牛脷，因為我鍾意牛脷既口感，特登影左相係下面。因為有朋友唔食辣，所以個度侍應提議辣粉、子然粉另上，相當貼心燒牛脷一堆肉之後講素菜類，下圖係燒韮菜，朋友誠意推介。但我自己食菜食開炒菜，燒就麻麻地，加埋辣粉好似有少少熱氣(廢話，燒烤梗係熱氣不過我覺得食菜係比較清淡，燒韮菜好似好重味)。朋友就建議配啤酒，一串韮菜配藍妹，咁又幾夾燒韮菜最後講海鮮，海鮮通常人地都話食清蒸先食到佢既鮮味。不過我都唔知咩點樣講真正既鮮味(低級食家)如果講我係大胃燒食既，我點左幾串蝦同沙律醬生蠔。蝦我覺得幾正，唔同平時食開既白灼蝦，可能係燒既緣故。我覺得好有新鮮感，而且味道唔錯。七吋蝦至於沙律醬生蠔都ok既，正常啦，不過有少少非主流同heavy，下次都係點返蒜香生蠔:)沙律醬生蠔最後仲嗌左個貴妃蚌，不過好少食，加上唔識describe同評佢好唔好食貴妃蚌最後一張圖好似叫燒墨魚仔，都係唔識評價，但主要睇落影得幾靚，就upload埋其他影得麻麻，或者未影就已經比人食左就算…Read More

這次是我首次到新仙食飯，途經油麻地，被米芝蓮三個字吸引住，所以入去試試。下午茶餐價錢合理，34蚊一個牛脷面，牛脷正常，不過不失，口感幾淋，湯入味，值得一試，不過招牌好似係咖喱…Read More

今日第一次同朋友第一次去食，好多人等位，地方細，係後巷開枱，衛生麻麻，好彩天氣唔熱。蛋包飯都好好食(我都唔係好識形容，但我會想食第二次)，整得幾有心機，價錢又唔貴，凍飲都係35蚊。因為成班男人，無手機食先…Read More