fck_foodie's Profile

留意‼️‼️我食到一半先影相，所以份量不是重點。本身冇諗住寫食評，但食食下真係覺得無奈。服務態度不錯，會即時留意到你個杯入面仲有冇茶，走黎添。但係食物質素真係會令我大為卻步，我試過一次就算啦。不過值得一提既係擔擔麵，算係呢一餐我食過最好味既野。湯底不錯，但略嫌花生味不足。不過其實表現平常，但真係沒有對比沒有傷害😹另外無關食物事，不過都講下。我去去下餐廳廁所嗰陣，有隻甲由爬左出黎，不斷爬黎爬去，我勁驚。…Read More

今次又黎到我最愛既三哥，冇試新品，食返平時最愛搭配——雞肉麻辣三小雞肉嫩滑，顏色偏白。比較少軟骨位，不過咁就最好，因為我麻麻地軟骨haha😹😹呢一間分店既米線水平參差，時好時壞。有時米線會過硬，有時軟硬適中，真係幾睇彩數🤔🤔今次食既米線唔會太冧太硬。至於米味，統一批發返黎既米線水平都係一樣架啦🤔有少量米香味。最後就係湯底啦。麻辣湯底帶點麻香，伴隨住香辣味既刺痛感，十分惹味。不過我就唔係好食得辣，所以都係叫三小算啦🥲🥲…Read More

📝今次食左：Rainbow yogurt bowl $78👉🏻齋睇相可能睇唔出，但yogurt bowl份量唔大。雖然份量不是重點，但味道亦較普通。乳酪質地較厚，如圖所見當中混合左不少果仁、水果。香蕉、藍莓香甜可口，但士多啤梨就真係好酸了🧎‍♀️🧎‍♀️Reddish 西柚五味子梳打 $52👉🏻入口酸酸甜甜，加上梳打水嘅刺激，夏天飲一啖實在非常暢快！不過再飲飲下就會覺得同坊間便利店所賣嘅有氣產品雷同😹😹大家再決定一下要唔要試啦～‼️當天大概4:30開始係店門口排隊，店內出名嘅甜品、（酸種麵包定唔知bagel）售罄，所以選擇比較少。店內環境的確不錯，但尚有四個bar臺位置。坐係個度面對既就係開放式廚房，睇住店員洗碗(´▽｀)整體而言我覺得真係試下就算😹當然大家可以早啲去試下佢地出名嘅甜品！！！再話我知好唔好味啊～😛…Read More

📝今次食左：初心（草莓乳酪）$98👉🏻 係門口排緊隊嗰陣店員就會派menu，所以一入門口就可以叫嘢食，坐底冇幾耐就可以開吃！加快咗成個效率😛因為我叫既係草莓乳酪味，整體黎講真係偏酸(;´༎ຶД༎ຶ`)食到後尾越食越折磨，因為食到中間仲會有啲風乾草莓粒，但都係好酸.....食到最後會見到一粒粒抹茶啫喱同埋椰果😛中和返個酸味，但如果可以再多啲就好啦😛😛😛帶返個頭盔先🪖，可能係因為季節唔啱，所以啲士多啤梨偏酸，加上我叫既係乳酪，酸都尚可理解。但係再食多次我就唔會揀草莓乳酪味啦👁…Read More

📝今次食左：大君御膳 $218加一，埋單$240@1👉🏻今次去到主攻牛、豬肉！所以就算有唔同石窩料理都冇食～特別推介豬五花腩同埋照燒肥牛片。豬肉夠厚夠肥，用生菜包住加啲泡菜食就一流啦😛。肥牛片油脂分佈平均，唔係坊間啲cheapcheap肥牛嚟！連住照燒汁一齊燒好夠味！不過如果想試真啲牛味就要叫返冇跟sauce既肥牛片啦！不過可能因為今次我地係兩個人食，無論叫幾多都會因應人數比返相應份量我地(;´༎ຶД༎ຶ`)漏單比錯嘢嘅情況都會出現，所以對食物配送方面唔係幾滿意....點解我會話佢係小韓國？因為一入門口就有個oppa用韓式廣東話招呼你😚😚舖頭播既歌、裝修都同真·韓國燒烤店一模一樣。👁所以大家係旺角行街行到攰都可以上去燒下肉‼️不過要留意返呢度成日爆場！多人就可以事先預約，但二人就唔開放預約登記，可能就要walkin撞下彩啦(｀_´)ゞ…Read More

📝今次食左：🍚 朱古力心太軟配乳酪雪糕 $49⭐⭐⭐⭐⭐（5粒星為滿分）👉🏻 心太軟表皮會有小小脆，輕輕一切開就有熱辣辣朱古力流心滿瀉😛 乳酪雪糕入口清新，甜中帶些少酸味。質感比較輕薄，唔會太厚實，上面會跟埋個脆筒比你，成個食完真係好滿足❗❗👀店內仲有一款開心果心太軟食，心郁郁好想叫🥺，但到臨尾落單嗰陣我就改口叫返最鍾意既朱古力... 大家有興趣都可以試下開心果味～再同我講返好唔好味啊😛😛…Read More

救命呢間餐廳整體就係超級igable!!!! 嘢食點影都靚！擺盤同裝飾嗰啲都好掂！坐窗邊位就暖暖陽光射來，用個光線加埋大大個落地窗就一定可以影靚靚女神相啦！📝今次食左：🍝羅勒野菌奶油意粉 (8/10)奶油味好香好濃🥓All day breakfast (6/10)炒蛋好滑，腸食落似係自家手工製，唔係坊間隨便食到嗰啲腸。🥔蒜香松露薯條 (9/10)呢個最推介！！！薯條炸得香脆加埋上面一大pat醬實在令人欲罷不能(;´༎ຶД༎ຶ`)…Read More

🧸連鎖台式大大份便當📝今次食左：🍚台式滷雞扒便當 $59⭐⭐（5粒星為滿分）滷雞扒有啲過鹹，食一啖雞要即刻飲返兩啖嘢個種感覺🤡🍚台灣焢肉便當 $59⭐⭐（5粒星為滿分）🍚百芳豬扒便當 $59⭐⭐⭐（5粒星為滿分）豬扒正常水準，不過不失。🍚香酥炸雞腿便當 $59⭐⭐⭐⭐（5粒星為滿分）👉🏻炸雞腿實在太～出色！因為佢係即炸，個皮脆卜卜，咬落去都好有肉汁。（因即炸有機會要等約20分鐘）‼️以上食品為外賣自取，起碼20分鐘後先開始進食，因此食物品質或有影響，但係炸雞腿都仲係好脆！…Read More

今次食左📝： 🍚原條蒲燒鰻魚炒飯 $148👉🏻 呢個飯既gimmick就係原條鰻魚～鰻魚入口唔算特別熱，質感軟糯，就好似我地平時係超市買到既冷藏鰻魚整翻熱嗰陣味一樣。唔可以話唔好味，但絕對唔係好好味。🍚明太子蟹肉炒飯 $118👉🏻明太子味唔算好出。可以食到炒飯入面有蟹肉，唔係cheap cheap蟹柳黎，但份量比較少，存在感低，完美融入炒飯入面。炒飯入面仲有啲蛋、蟹籽同埋蔥，為單調既炒飯增色不少。不過比我食多次真係唔會翻炒呢碟飯。🍹富士山特飲 $52👉🏻底下係波子汽水，而上層綿密細緻就係牛奶味雪糕。兩者碰撞出黎既味簡直一秒令我回到童年😎同金拱x新地樂好似！加上杯入面既玩具冰塊識不停轉色，配合埋佢富士山既造型，藝術效果滿滿！🥢七味軟殼蟹 $82👉🏻原隻軟殼蟹炸好即上。表面有少少七味粉，更加惹味。表面炸粉唔厚，但唔算酥脆。不過不失。🐍值得一讚既係，呢間鋪既服務態度好好。因為鰻魚飯黎遲左好多，職員後來專程作出道歉，搞到我都有少少唔好意思😵…Read More

🧸浮生若夢今次食左📝：🍢自家鰹魚湯關東煮 + 五目雞肉飯糰 + 溏心蛋 $58👉🏻 關東煮湯味道剛剛好，帶有鰹魚鹹香同埋甘甜味。大根煮得好冧，一啲渣都冇，好好味。竹輪、芋絲就不過不失。細碎雞肉同飯捏成既飯糰調味充足，微鹹，仲帶有少量麻油香，入口完全不膩，剛剛好。溏心蛋如圖所示，雞蛋熟度控制得好好，蛋黃流心，亦重蛋味。🥘黑芝麻牛乳雞肉冷烏冬 $68👉🏻黑芝麻牛乳汁會另上，比你食之前再淋上去。冷烏冬唔會煮得好冧，咬落去仲feel到佢既硬度。而黑芝麻牛乳汁非常特別。可以想像就係鹹既黑芝麻味鈣思寶！撈上去冇乜違和感、不過不失，未稱得上非常好味。但因為之前冇食過呢種味道，整體感覺好新鮮，可以一試～…Read More

🧸超超超大份旺角樓上cafe今次食左📝：🥢party set 2人餐 $338 需加一🥔炸薯角👉🏻薯角啱啱炸起，擺入口係會係咁哈氣既程度。熱度同埋脆度為薯角增色不少，不過講真薯角本身都好好味，而間間鋪啲薯角都係差唔多味。冇乜特別😼🍲特式雜菌燴飯👉🏻燴飯入面有芝士同埋超多菇。入口唔會過鹹，不過可能因為芝士融唔切，搞到大大塊半軟半影咁攤係啲飯上面。跟住我以為係白色的菇，就成舊擺入口(;´༎ຶД༎ຶ`)🍕辣肉腸薄餅之前都黎過呢間cafe食一次飯，感覺上舖頭嘢食發揮正常，唔會搵到難食既位，但都冇咩特別。但有個好好既位就係會比你無限時任坐～（唔知多人嗰陣會唔會趕你走）咁就可以同frd瘋狂傾計啦😚❤️2人餐2人食會剩返個一人份量出黎🥲🥲🥺份量好夠！！…Read More

今次特登入馬鞍山食呢間文青cafe✊🏻一入舖頭就見到大大個落地玻璃，玻璃前面就係榻榻米區啦～上面大概有五檯左右，繁忙時間就未必有榻榻米坐～不過上去坐既話就要記得除鞋先啦 今次食左：🍳和風漢堡丼 $72（+$25）單叫就$72～如果想有埋沙拉、味增湯同埋飲料就要加$25啦～👉🏻 成個丼飯最出色我諗就係個漢堡！一切開就爆多汁流出嚟～（可能係油）咬落去超級juicy。最後忍唔住要擺舊漢堡排係飯上面，因為唔想佢啲汁白白留係個碟到(;´༎ຶД༎ຶ`)🍲叉燒湯烏龍麵 $79（+$25）+$25都係跟餐價～同上面既丼飯配嘅嘢係一樣～👉🏻烏龍麵可以轉拉麵（落單嗰陣同店員講就OK）不過味道比較一般 如果山長水遠入黎真係唔係好建議大家食呢個😹😹😹 …Read More