ansoncyp's Profile

遠在港島東面既特色餐廳平日騎牛番工既我 位於港島東既筲箕灣簡直係遙不可及 咁岩出黎拍拖 緊係事前搵定有咩好食 openrice人人都讚嘆既特色餐廳 當然要一試！一入門口就俾餐廳中間既木馬座位吸引左 實在太靚啦！😍 連帶餐單同員工打扮都好馬戲團feel （雖然木馬座位好靚，但係隔離沙發位坐得舒服好多🤣 正宗好睇唔好用🙊）🟡 意大利布袋芝士薄餅 冇諗過呢個薄餅比想像中好食咁多  布袋芝士係未熟成既芝士  上碟時係完整一舊  店員會為你切開一份份  入口煙靭  軟滑而唔會太膩  風乾既火腿帶少許咸香  成個pizza既味道好夾  食完唔會滯亦唔會口渴  批底硬脆有口感  整體配搭得好好  一定要試！🟡蘋果醬豬扒連薯條 豬扒煎到個邊係脆脆地  食落有少許肉汁  唔會太乾  伴碟既薯條就平平無奇  醬汁亦係常見既燒汁  豬扒底有蘋果蓉  酸酸甜甜幾開胃最後連杯餐飲 熱檸茶 個tea set靚到想問店員買番套番屋企用🤤誠意推薦呢間特色餐廳 中午黎講都唔算多人 唔洗等位就入去 十分有特色既一間餐廳！…Read More

尚青商號分地下及樓上兩層 地下為外賣區 繁忙時間都見唔少人排隊買外賣 外賣便當望落都相當吸引 門口有兩個郵筒同埋小食牆作打卡之用 唔少人都係門口打個卡先上去食飯📷樓上為餐廳 座位唔多 每張檯限時食飯一小時 檯與檯中間有合適距離 食飯都相對舒服🤤 上樓梯既地方有唔同塗鴉同壁畫 係等檯既時候可以同另一位打個卡 消磨時間 另外仲有d醬料同零食賣 全部台灣進口 夠哂地道👍🏻係港島食飯黎講 呢間台灣野都算平靚正 午市都有少少人龍 我地排左10分鐘左右先有得入去 入去用QR code落單 野食味道水準一流 係值得再黎食既餐廳🤤…Read More

大角咀美食眾多 搵到呢間台灣店專食唔同菜式 晚市都唔洗排隊 即刻有位👍🏻 入門就見到大海報 主張店鋪食既 係‘家的味道’店鋪主張簡單而幸福味道 菜色的確簡單 不過就唔多幸福🙊😂 菜色選擇都多既 全部都係經典台式風味 不過個雞扒便當真係出事 要改善下🙈店舖環境同衛生都一流 歌單都令人意想不到 竟然好多經典既蘇打綠 氣氛搭救🤤整體黎講 都係推薦大家叫蛋餅同埋甜不辣 蛋餅質素同台灣就比唔到架啦 但係香港黎講 水平都中上既 甜不辣都尋於中上 大家不妨一試👍🏻…Read More

是日與女友行街 太耐冇食壽司就諗住搵間日式料理食下 路經厚福街呢間翔壽司 於是就入去一探究竟入到店內第一感覺就好似去左日本🇯🇵咁成間格局不折不扣就係一間地道壽司鋪咁menu有自選壽司 丼飯 同 廚師發辦我地就揀左自選壽司12件同火灸壽司盛眼見價錢相對貼地 本身對質素都冇咩要求只係諗住一嘗日本情懷 畢竟太耐冇去旅行🥲誰不知壽司令我地十分驚喜🙈前菜每人附送一碗沙律同麵豉湯 味道中規中矩 同外面差唔多 不過欣賞佢湯底頗清 唔會咸到口渴(出面太多店鋪既麵豉湯都飲到人腎虧😮‍💨）自選壽司12件 $198自選壽司既選擇都頗為多 我同女友揀左好耐都揀唔落手🤣 最後揀左 玉子壽司 八爪魚壽司 三文魚腩壽司吞拿魚壽司 池魚壽司 赤蝦壽司 火灸三文魚壽司 金絲綢壽司 吞拿魚蓉壽司 同埋芥辣八爪魚壽司 ⚜️建議大家必叫三文魚腩壽司 油脂分布好 食落口感順滑 入口即融 過後一陣甘香 好味！灸燒壽司盛合 $98女友特別喜歡火灸 所以特登叫呢個組合 火灸既壽司特別香 燒一燒之後油脂香味更出 未食就已經聞到好香🤤 ⚜️推薦火灸三文魚腩同埋帶子壽司 火灸三文腩真係好香 食落口個陣香味回味無窮 搞到心思思想再叫多份 帶子壽司入口即融 同坊間帶子唔同 總括而言 呢間係間出乎意料既壽司🙈 貼地既價錢品嚐到高級既壽司🍣 值得再次光顧 店員服務都好周到 會主動倒茶 加分！…Read More