Cmycmy917's Profile

放咗工之後，偶然路過啟德，見到青椰，充滿東南亞特色嘅裝修第一時間吸引咗我。入面舖頭環境乾淨整潔，服務員態度好好，望住菜單繁多的菜式，就好期待揀咗幾款鋪頭推薦嘅「招牌菜」。我同個friend嗌咗新加坡海鮮摻摻麵，充滿泰國風情嘅辣肉碎煎蛋飯，仲叫咗一碟小食，斑斕牛油多士，叫咗兩杯色彩繽紛嘅嘢飲，分別係朱古力牛油果沙冰同埋斑斕芒芒特飲。摻摻麵入面有唔同嘅海鮮同埋配料，配料好多非常有誠意，喇沙味好香，麵非常彈牙。辣肉碎煎蛋飯香辣可口，非常開胃，辣得來又唔會好過分，令我一口接一口地食。特別推介斑蘭多士，層次豐富外面係被焗到香脆的斑蘭多士，塗上綿密的蜜糖，入口即溶嘅牛油，呢三種味道互相襯托， 十分惹味，甜而不膩。…Read More

觀塘工業區真係好多樓上餐廳， 經朋友介紹， 去咗成業街一間專食牛漢堡飯的專門店，果然係漢保界嘅天花板，必食招牌手打和牛漢堡蘭王蛋丼飯， 用料來先澳洲和牛， 我地選擇蘭王蛋另上， 和牛漢保十分厚， 相信有1.5寸入口鬆軟， 充滿油脂香， 蘭王蛋撈上日本米飯， 飯粒裹上橙黃色的蛋黃， 色澤鮮艷， 再配上秒製醬汁， 令人停不了手，一啖接一啖地食， 另外叫了一份咖喱吉列豬扒， 厚切豬扒， 外層炸得鬆脆可口，肉汁仍好juicy, 咖哩醬是帶辣，不是甜咖哩， 另外叫了小食紫薯香粟餅和炸水餃🥟。…Read More

今日晚餐時段打完波，行經新蒲崗看見一個小小且不顯眼的門口， 竟然是一間西式餐廳，和朋友走入去坐低， 叫左一個小食和兩個餐。小食：酥炸單骨雞翼，熱辣辣新鮮炸起非要酥脆，單骨十分方便進食$78主食：烤美國西冷10安士配薯條$198，薯條厚切，好香脆，牛扒叫左7成熟，下次可試吓5成熟，相信更好味。主食：辣蕃茄蟹肉意粉$108， 蕃茄仔多，茄醬煮得夠濃，十分開胃， 撈埋蟹肉同辣椒粉，讓人食到不能停手。兩杯抺茶latte：一凍一熱,本人還是較喜歡熱飲。…Read More

今日才發現佐新蒲崗永顯工業大廈有間西餐廳味道唔錯，法式燉煮羊膝配意粉$138:估不到羊膝肉咁大舊，羊膝一啲都唔會羶，羊肉煮得腍滑入味，肉質柔軟又多汁，俾人入口即化感覺。秋冬食羊肉系暖胃又暖身，呢道係必試之選！烤慢煮BBQ豬肋排配薯條$128:豬肋排塗滿番茄醬，低火慢烤，外酥內嫩，入口即化，體現出酸、甜、香。焦糖香蕉窩夫$78:窩夫烤得好香脆，啖啖味唔會甜，配上香滑忌廉都好味。烤焗棉花糖伴朱古力汁$78:呢道甜品耐小小，朱古力好濃，棉花糖好軟，好甜。…Read More

單單聽餐廳名會好奇想知道，到底還有什麼可以食，今日果欄買水果買完搵餐廳dinner, 行經呢間位置並不起眼的cafe, 不只是有咖啡，還有好多食物提供。1.龍蝦湯配牛油果大蝦稻庭烏冬$128, 龍蝦湯和烏冬分開上，鐵壺入面裝住熱辣辣的濃蝦湯，另一碗擺放左各款新鮮食材和烏冬，食前將熱湯倒入烏冬，溫度剛好，不會太熱， 龍蝦湯味濃，大蝦烏冬好彈牙， 再加上新鮮牛油果🥑，好特別配搭，另外叫左杯藍莓梳打，賣相都唔錯。2.味噌蟹醬蟹肉扁意粉🍝$128: 喜歡蟹的朋友仔千萬不能錯過， 份量超多的蟹醬蟹肉，再加上蟹子、紫菜、木魚絲， 撈勻再食， 啖啖意粉都有蟹肉，口感亦好豐富，滿口腔都充滿蟹味。飲品當然要試試佢地既咖啡☕️hazelnut latte，好👌。3.小食蜜糖單骨雞翼, 炸得都香脆可口， 單骨方便進食。…Read More

老公最愛打邊爐，今日就又滿足佢滿望，再次來到觀塘淥鼎記食宵夜，九點入場仲有好多人打邊爐，放題120分鐘40多款火鍋配料，湯底都有好多款。揀佐沙爹菠蘿湯底：湯底沙爹味濃微辣開胃，配料有大量菠蘿，一煮開濃郁香味刺激鼻蕾，忍不住吞口水，無需其他醬料小碟已好夠味。安格斯牛小排鮮美滑嫩，安格斯牛肩胛脂肪分佈均勻肉質柔軟可口，鹿兒島夢幻豚肉質細嫩無渣，手打鯪魚丸肉質嫩滑清甜，仲有各類丸子、蔬菜等任食，當然還有各款新鮮海鮮，部分免加錢，部分需要額外加錢，自家制涼茶同多款飲品任飲，最後來個沙爹安格斯牛金菇出前一丁，正到爆，超full。如果想打邊爐可以來呢間，真啲抵食。…Read More

再次去幫襯抵食好味的台式哈豆，工業大廈上面，唔係食過真係未必知，餐廳裝潢讓食客感到置身於台灣。叫左以下美食：1. 牛肉拼雞翼滷肉飯$68: 大大碟抵食好味，兩片厚切牛𦟌、兩隻滷水雞翼、半隻滷水蛋配滷肉飯同青瓜片，所以滷水都幾入味，飯係珍珠米粒粒分別圓轆轆，特別有口感。2. 豐盛台灣牛肉麵$78: 三、四片滷水牛展、兩粒彈牙牛丸和半隻滷水蛋，湯清得來又有味，同廣東試牛腩麵湯好唔同，台灣闊片好有咬口又吸湯。3. 芋泥凍吐司$54: 食飽來個甜品，最愛芋泥又香又滑，中間夾住一塊白奶凍好有創意。4. 台式嘢少不了飲台式飲品，平時珍珠奶茶喝飲得多，珍珠豆漿紅茶和阿華田豆漿還是第一次，感覺都挺新鮮。…Read More

好耐冇去尖沙咀食嘢，之前聽朋友話尖沙咀好多麻辣嘢食今日约左仔仔一齊去尋找烤🐟魚食，揾到位於金馬倫道有間小魚兒。於是入去試下，睇到主要系推介川菜烤魚，還有些麻辣鍋，配料豐富，我就叫左海鱸魚，小辣小麻，好大盘食到邊食邊出😓汗，魚的肉質好細嫩，又厚實，只系中間條大骨，沒幼骨好適信小朋友食，而里面已有小量配菜有好彈牙的寛粉，豆芽菜，好嫩的豆腐，好似豆腐花，又有小量的木耳，青瓜，價錢又實惠，我值得喜歡食川菜的朋友去試下。…Read More

好耐冇食十二味，見到分店越開越多，疫情前久唔久都會返深圳食酸菜魚，而家香港都開到成行成市。今日係觀塘分店，已經較早去7點左右，餐廳入面都已經坐滿人，要暫時門口拎飛等，不過都算快，10分鐘左右。兩人一坐低已經有目標叫咩，事原對上一次來食酸菜魚，見隔離枱叫左盆巨型辣鍋。今次決定左叫麻辣滷水香鍋$198，一上枱好震撼，而家麻香氣撲鼻，今人食欲大振，兩個人應該食唔曬。有五種材料，包括滷水豬手、雞腳、薯仔片、蓮藕片和打左結的海帶。每樣配料都好入味，但已經叫左小辣，可是越食越辣，後勁凌厲。…Read More

今日同三個大學同學聚舊，撘地鐵參觀下宋皇台站，係地鐵附近間中東菜食晚餐，曾經食過覺得好好郁特色，再次光顧同推介，4人叫左4樣菜式及甜品。1.前菜中東特色沙津，大量蕃茜粹、蕃茄粒洋蔥碎混合，加少少檸檬汁，底部有羅馬生菜，好開胃。2. 侍應推介中東特色小食，三色盆有三種不同鷹咀豆蓉，包括原味、黑松露、混合左雜菜，用中東特色簿餅點來食，好有特色。3. 再來一款小食，羊肉碎薯仔卷，薯仔片脆脆地，再點上特製醬，不會好羶味。4. 主食是大大盆的薯仔、紅蘿蔔🥕、車厘茄、鮮菇焗雞，雞肉不是非常滑可能大件，但都美味。5. 甜品係中東特色酥皮絲包住芝士做成既甜餅，表面撒左開心果碎。餐廳亦提供酒類飲品，太耐冇聚，所以亦叫支香酒試吓，朋友都讚好。…Read More

在黃埔嘉禾睇完戲，順道附近天地美食坊搵嘢食，都好多唔同餐廳，最後揀左Boring,想睇下到底點Boring, 原來係食西餐，都唔錯。dinner提供ABC三款set dinner,叫左兩個set dinner 1. Set B $238, 有餐湯南瓜🎃湯好滑，點蒜蓉芝士包， 前菜黑松露野菌蟹肉焗蟹蓋，都好香， 主食德國脆皮鹹豬手配酸菜蜜糖芥末籽汁，豬手皮十分脆口，配酸菜食好去油膩，仲有煎得好香既薯塊。2. Set C$298, 餐湯松露野菌泡沫忌廉湯，湯更上一層次，好香菌味，前菜香芒大蝦沙律，酸甜開胃， 主菜美國肉眼扒（100oz)配薯菜，叫左五成熟，牛扒真係要食唔成熟，肉仍好滑保持肉汁，亦不會有血水，煎得恰到好處。…Read More

今日收工約左朋友系佢位於尖沙咀厚福街附近的公司食飯，後來上左去厚福街H85樓德美壽司🍣，我叫左一份野菜牛肉鍋，怕細份，所以加左碗鳥冬，嘩，服務員💁送過來時讓我有些驚訝🙀，原來好大鍋，旁邊一碗烏冬都系好大碟，自己一個真系食唔使，里面d牛肉好強，牛肉好淋，唔會硬，特別d湯好鮮甜，價錢好抵食；另外朋友又叫左一碟立魚湯稻庭烏湯，d魚湯好濃好鮮甜，份量都好大份，兩碟四個人都夠食，下次會繼續到德美食[強]…Read More

夏日炎炎，行街行到熱自然好想飲冰涼浸浸的特色飲品消下暑，今日經過大埔街市竟然撞見呢間叫November 的特色飲品店，忘記問問點解叫November。飲品提供種類超多，coffee系列、Fruit 系列、chocolate 系列、鮮奶系列、芝士系列等眼花撩亂，樣樣都想試，後來問少女職員推介，話想解口渴，於是介紹左我地下面兩款果茶。1. 消失的熱情果茶$35：夏日岩曬消熱， 飲一啖涼到心底， 茶味亦濃，不是太甜岩曬我，仲有好多一粒粒的椰果，好有口感，再加一大片的冰菠蘿🍍，超滿足。2. 士多啤梨的光環$40：同上面同系列都係果茶，好多士多啤梨肉混混合左椰果，飲完解渴且飽肚，最後光環即冰菠蘿畫上完美句號，冇得頂。…Read More

旺角樓上餐廳多不勝數，印象曾經無意中上左呢個非常有特式，且好適合愛打卡既少女光顧，不單餐廳環境靚，一入門口有個紅色的電話亭，食物飲品賣晒更靚，特別是飲品靚到唔捨得飲。和閨密於旺角行完街，5點左右上去，餐廳已經坐滿食客，提早來享用晚餐。我哋點左下面兩個餐，每樣食物都可以以十分優惠的價格加配特色飲品。1. 香煎北海道帶子配濃汁意大利飯：帶子煎得表面金黃色且爽口彈牙，意大利飯撈有少量翠玉瓜粒和車厘茄，增加口感，濕濕地，好好味，只需$18加配飲品大大的滿杯桃桃，食桃的季節叫杯桃飲品最適合不過，好清新爽甜味道，仲有大半杯的桃粒粒可以食，非常滿足。2. 泰式九層塔蒜香辣炒蜆肉意粉：泰式味道非常適合夏天食用，特別開胃可口， 蜆肉鮮甜，意大利炒炒得硬度適中配上九層層香蒜，香氣噗鼻，使人可接一口食唔停，另加$14配紫薯朋骯髒鮮奶，鮮豔紫色十分吸精且賣相不但不骯髒，更是十分美麗，使人唔捨得到飲用，不單是可欣賞，味道也是一絕，有好多一粒粒紫薯，且唔會太甜，味道剛好，飲完也不覺膩。…Read More

香港人越來越愛食辣，酸菜魚加辣菜式的餐館開到四處皆是，而我本身就十分好辣，食咩都要加辣感覺特別開胃。今日中午係黃埔找到間十三少，入去探個究竟，到底有幾好食。原來餐廳已在港九各地開分店。叫左個兩人套餐$338，我同老公本身已好大食，但都食唔曬，簡值係4人都夠食。冷盤一小碟辣油薯仔絲，一都唔辣，但好爽口好香。1. 椒麻皮蛋：先來個前菜，用黃金皮蛋，金黃色清澈蛋清，精瑩剔透，中間有碎蒜蓉椒粒，微微辣。2. 口水雞： 辣醬汁鋪滿雞肉換上一大堆芝麻，增加香味，雞肉每件都係十分滑溜，平時食開都冇咁滑。3. 十三少酸菜魚：招牌菜必點，大大盆，4人都夠食，魚肉十分滑溜溜，又冇骨，啖啖肉，魚湯日日新鮮熬製，一來就飲一淡，酸酸辣辣，正，撈白飯，食多兩配，還有其他配料萵苣爽口、大量酸菜、水昌薯粉，佢與人不同不是加新鮮菇，反而用乾既秀珍菇，更有口感，我鐘意佢既酸菜魚係佢冇咩辣椒🌶️亦唔會好多麻子粒，好多酸菜魚店食時都要特別小心，揀出麻子粒都揀到手攰。…Read More