M&R_5388's Profile

見食評唔錯，又多湯底款式所以同屋企人黎試下，叫左個芫茜湯底真係好失望⋯⋯又淡又冇芫茜味叫左$408餐，但食物種類唔算多，牛肉都麻麻地，但蜆係幾新鮮同冇沙環境係算乾淨，員工都好Nice好有禮貌，中途電話冇電佢地都有尿袋借不過呢個價錢既食物質素可以話唔太值，可以去其他選擇…Read More

Book左呢度同屋企人食飯+慶祝生日，估唔到可以咁令人失望！叫左個椰子湯，已remark少鹹但都仍然好鹹！個柚子大蝦沙律，係我每次食泰菜必叫，但從未食過咁難食！成兜野係暖既，個醬又唔知咩味，又唔新鮮豬頸肉個汁千祈唔好淋落去！又係勁鹹！「炭燒」羊架仲難食過茶餐廳！完全冇羊味！個印度咖哩鹹到可以去洗腎！鹹都算，可以做到完全食唔到咖哩味！最後呢個椰汁糕，我見到個刻真係呆左！個樣好似放左成個禮拜咁！仲要連碟去蒸熱，再直接拎出黎上枱！$58呢4舊野？成餐飯成千蚊！除左個米紙卷同炒飯係叫ok正常⋯其他真係不知所謂！可以全部做到淨係食到鹹味，但原全食唔到本應有既味，真係好出色！仲有全部野食都係純翻熱，包括個炭燒羊架！除左甜品，Total叫左9樣野食，但全部可以係10分鐘內出哂環境都ok既～但比成千蚊食呢堆翻熱既垃圾，真係好後悔揀左呢度！見到之前咁多好評，究竟係轉左廚師定比錢搵人做假？…Read More

食過呢間唔同分店幾次，總括食物質數同侍應都幾好，就除左荃灣分店呢一位長金髮，黑色粗框眼鏡既女士！首先入座時，由於reception姐姐同我地講坐窗邊第二個卡位，沿路都冇其他侍應帶位，所以我地就自己行去坐低左，過左陣呢位女士就係我地斜對面既枱到叫我地坐返過去，話我地唔係坐個張枱。其實冇所謂⋯純粹同佢講返，因為reception叫我地坐𥦬口第二張，佢就大大聲話「係呀！呢度咪1！2！第二張！二人枱！個張係4人枱！」跟住就行走左我點知你窗口隔一條走廊個張先叫「窗口第二張」呢？！你地冇人帶枱，坐錯左姐～態度唔需要咁串！另一件事就係限時完結前半個鐘佢就埋黎問有冇野要order..跟住就拎限單黎要你埋。我望下～仲有半個鐘就叫多少少野食先埋單，佢就走過黎2次問我得未，叫我埋左單先最後黎左碟蜆同我想叫個款唔同，問佢係咪黎錯左？我比埋佢地落單app既相佢睇，佢望一望「你唔駛理張相！總之呢碟係沙白蜆冇錯！」跟住就行走左！首先！你地app既相同食物名搞錯左去誤導人，竟然叫我唔駛理？你地冇錯？我望下仲有17分鐘，但已經比佢cut左order，冇得再叫返岩個款食～而呢位女士亦冇諗過幫我地轉返，除左識催我地埋單同夠鐘要你即刻起身之外，完全唔helpful亦好冇禮貌！…Read More

之前食過呢間旺角分店的確唔錯，但元朗呢間分店真係差天共地！首先入座唔會有人理你，當時眼見4 -5枱已經食緊野既客人，3個員工但冇人會招呼你，到想落單既時候，個位叫「阿紅」既女侍應望下你直行直過，完全唔理會。叫左一碗米線，落單後20分鐘後仍未見有，所以問下侍應可唔可以跟進下係咪漏左單？然後廚房個位鬍鬚男士極冇禮貌，好大聲咁鬧「頭先整緊野丫！係咪催呀佢？！」過5分鐘後好大力咁將我碗米線掉係出菜位，d湯濺哂出黎！碗野勁油勁鹹！仲比個位男士整到成個碗外邊都係油！最有趣係個位女侍應「阿紅」仲企係度望住陰陰嘴笑～係基於覺得客人比你地咁樣對待好好笑？另一位女侍應就有主動同我講唔好意思。職業無分貴賤，你係一間平民餐廳做唔代表就用一副「爛仔」態度去工作，難道客人黎食野係要受你氣？你要我等一個鐘既話都要等，唔可以問一聲？！真係不知所謂！…Read More

之前見過介紹，就約左2個朋友黎試下。地方比想像中細，但都幾乾淨，座位之間幾闊落。入座前經理推介做緊和牛promotion，而且即場做左member就可以任飲draft beer食物方面都幾多選擇，而且唔係雪都未融哂就放上枱比你個隻仲有少少熟食。湯底我地叫左麻辣同醉雞，醉雞湯底有d失望，唔係好香同帶一d甜⋯唔係食開個種味道。員工好有禮貌同friendly埋單$700幾蚊，以呢個環境同食物種類質素黎講，個人覺得好抵…Read More

當日叫左麻辣火鍋湯底 + 藥膳雞湯湯底，麻辣湯底完全唔香冇麻辣味，藥膳湯亦冇藥膳味，就好似飲緊雞湯⋯湯底係最令人失望食物方面，加左錢upgrade成人殿堂（基本上唔加就得好少款式既野食揀，係焗加錢）中途好多落左單既野都漏，重復落幾次單先送黎台式小食味道都好一般鹽酥雞好怪味，其他小食又唔熱，唯一係得自助吧自取既蕃薯條，同甜品芋丸係唔錯⋯最後⋯最嬲既係點解Last order唔會先通知，仲有半個鐘就cut左你單⋯侍應埋黎只係同你講「已經cut左單，唔會再落到單，可以而家人手幫你落埋甜品order」埋單$700幾蚊！咁既食物質素，真係好差好貴！火鍋最重要既湯底都做唔好⋯唔明點解仲咁多人去食…Read More

因為朋友生日想食片皮鴨，所以就openrice左呢間試下。一入到餐廳⋯好多人地方好逼好嘈，餐廳比想像中細，樓面同門口接待姐姐都忙到踢哂腳。我地安排左一張小圓枱，雖然真係細左d⋯枱同枱之間都好逼，但員工好細心，拎左個藍比我地放袋，枱既空間太細，又會安排食物分批上，湯都幫我地分埋先上枱4人優惠送左一碟醉雞，另外叫左海蜇青瓜，涼皮，酸辣湯，小籠包，片皮鴨同埋炒扁豆。片皮鴨係幾好食皮唔會太厚，仲好細心咁每塊皮中間都有一張紙隔開，d皮唔會痴埋成疊咁，拎既時候唔會整爛哂（因為有過呢種經驗）配料除左有平時食開既青瓜蔥絲之外，呢度仲有哈蜜瓜同梅醬可以加埋一齊食，幾特別。其他幾道菜都不過不失⋯除咗個酸辣湯⋯⋯個味道唔係平時飲開個種味道，而且好大陣薑味，我地幾個都覺得麻麻地⋯有d怪，唔推薦總括成餐飯，食物質素中上，但地方真係太迫太嘈⋯想同朋友聚舊傾計既話，唔係一個好選擇:(不過呢度既員工好細心同好有禮貌，雖然全間餐廳爆哂，都仲會好留意到你既需要（例如加茶，執野），服務係值得一讚…Read More

之前食過幾次都係九龍區分店，覺得質素幾好，點知前幾日黎開屯門⋯質素會差咁遠首先一入到去間鋪既感覺已經唔良好⋯d地方好污糟⋯同朋友叫左2個Lunch set⋯d野食一黎到，魚生唔新鮮⋯沙律冇味又難食個湯仲要唔熱的⋯一路食⋯仲要有2個小朋友（應該7-8歲左右）不停大叫，吵吵鬧鬧，其他食客都忍唔住話佢地太嘈，成餐飯45分鐘冇停過但完全冇一個員工過去制止過⋯雖然職員都未必可以制止到，但佢地嘈左咁耐⋯至少都應該禮貌地過去請佢地細聲d卦？屯門呢間分店真係唔會再去…Read More

前幾日同朋友去左呢度食飯，當時6點到～客人唔多，但3個服務生就圍左一邊係度傾計，舉左幾次手先有人招呼。叫左生蝦，米紙卷，一個撈檬粉，另外一個湯河想叫佢轉檬粉～侍應話冇得轉我同朋友就問下點解啦？明明餐牌都有檬粉，點解唔可以河粉轉檬粉？侍應就一句話「餐牌set左個個係河粉就冇得轉，你要食檬粉就叫其他！」我再翻下餐牌⋯檬粉既都係撈檬，湯類既都只係得2個蕃茄湯底既⋯最後就唯有要左河粉⋯⋯雖然食物質數唔差，但收費都唔係平⋯就算去其他同等Level既越南餐廳，都未遇過咁既「制度」，仲要加上服務生咁既態度，真係令人食都食得唔順氣！睇返之前既食評，原來好多人都係到有咁既經歷咁有「原則」既餐廳⋯仲有咁有「態度」既員工⋯幾好食都唔想再幫襯！…Read More

之前食過2次外賣，今次第一次堂食，一入去見到成間餐廳座位都坐到好密，雖然座位間有紙牌間住，但隔離就真係人貼人咁近😮😮。今次叫左個泡菜豆腐湯飯，上菜速度好快，食物味道都幾好⋯但由於店鋪細，座位迫，食完既碗碟就放係旁邊既車到⋯已經感覺唔太好。食食下仲發現廚房竟然將食物器皿同材料放係地下😱😱雖然出去食飯都預左唔係會好乾淨，但疫情期間竟然仲咁唔注重衞生既餐廳⋯食左一半都真係食唔落去，埋單走人！雖然食物既味道不錯⋯但咁既衞生程度，真係唔會再有下次！…Read More

今日同朋友去睇talk show,一於開場前去附近既大渣哥茶餐廳試下。6點幾去到已經有人排隊，入去前要先show HK ID,知道同一間餐廳食飯既全部都係香港人，真係食得特別舒服😌同朋友都叫左個自由西餐，好大份味道都不錯，唯一係塊牛扒可以改良少少🤏🏿我同朋友都覺得真係幾韌同硬⋯好難砌好難咬，希望可以改善。不過整個用餐環境，服務同食物味道都係值得推薦下次會再去試下其他菜色，加油！…Read More

經過發現係社企餐廳，就決定支持下。叫左個下午茶餐，香茅豬扒湯檬，飲品係自助形式。豬扒好厚亦好入味，湯底亦不錯⋯只係略嫌檬粉太碎🥴只可以用湯匙食。飲品方面揀左香茅茶，好清新幾好味的，但朋友杯檸檬茶唔知點解完全唔似檸檬茶味，而係似涼茶味🤔🤔食物質素同價錢都好抵員工有禮，但餐具就有d污糟，希望餐廳可以作出改善。…Read More

睇到網上介紹，上星期就book左位黎試下。主要都係比佢既人參雞湯吸引果然同網上評語一樣，推介不過個海鮮泡菜豆腐鍋，海鮮好少亦唔新鮮，湯都比較淡⋯要自行加多d泡菜落去調味。另外仲叫左個50cm長蛋卷，真係好大份🙈但味道很不錯薄薄既蛋皮卷住素菜，再加左沙津醬同木魚，食落唔會太膩。整體都很滿意，座位唔會好迫，員工亦好有禮貌下次多d人會再去試下燒肉。…Read More

每次去開尖沙咀都一定會去幫襯除左有我最愛既伯爵茶，佢d珍珠真係好好食！落單既員工好親切好有禮貌！有次見到我同男朋友諗緊叫咩飲好，仲會主動介紹提議我地雖然製作時間有d耐，但一定會繼續支持！…Read More

係限聚令同疫情未咁嚴重前，同朋友都周圍幫襯黃店，係網上見到呢間好多人推介就上左去試下。一上到去有位女侍應知道我地冇book枱，態度已經好差⋯不過見到全場都好full，得2個樓面可能真係太忙，所以都唔緊要。我地叫左一個set同散叫左個湯+一份牛扒，等左10分鐘到湯同麵包都送上⋯食完大概半個鐘突然上左份牛扒，我地就同個位侍應講個set份沙律仲未黎。結果⋯牛扒食完，沙律同另一份main course既意粉都仲未到⋯⋯⋯係催左3次既情況下，經歷左一個鐘，份沙律同份意粉一齊送上。餐包同湯都不過不失，正正常常⋯但份牛扒我要5成熟，就變左7成，食落去仲好大陣濃味，完全食唔到牛味。好不容易等到既沙律，上面d蝦係又凍又淋既，根本唔係即時整，唔知點解要等成個鐘先有。再到個意粉⋯同朋友望住都唔想食成個意粉都淨係食到好大陣蠔腥味（我地2個都係鐘意食蠔），炸蠔又係淋既⋯勉強食左幾啖就唔想食。雖然係黃店，但埋單500蚊⋯呢個價錢換呢個食物質素，呢個service⋯作為一間西餐廳，連上菜次序都亂咁黎，的確唔會再去食。…Read More