Fairy LC's Profile

以前曾經係佐敦岩岩開既「宏」食過，日藉老闆都有出黎招呼，果陣佢Ｄ甜品真係超級好食！抹茶味好濃！香草Cream又整得好好食！之後即使唔就腳都去過３次。「宏」依家搬左黎ＴＳＴ係第一次幫襯，睇評都有擔心過會同以前質素唔同，而最近出遊京都時，係宇治去過「中村xx」本店食過最正既抹茶而有考慮附近香港開既「中村xx」分店，但又怕食唔返當時食到既美味，價錢黎講「宏」平少少又算食過下…下午茶時間入座，人未算太多，第一次食佢既咸食，以前佢餐牌正餐都冇咁多選擇，呢點似返主打甜品既日本餐牌，得好少選擇，可能已經為左迎接香港人要求而整多左好多正餐。味噌味海藻麵口感似喬麥麵咁，肉有味，唔算好食，又未至於擺唔落口，不過不失，好普通，正餐我可能下次未必會選擇再食。跟餐有送我以前就鍾意食既卷蛋～同朋友各自分享唔同味道。只要小心由底開始搣塊膠，就唔會蛋糕面都搣埋出黎…不過呢點要改進係真，塊膠都要個客整識食一定係由淡至濃食，感覺先唔容易影響自己味覺錯誤…所以食左香草先，少少濕軟既蛋糕加上無油膩感又濃香既cream簡直美味，連朋友都驚嘆～之後飲下錫蘭紅茶清一下味覺再食抹茶，呢陣抹茶清香…奶香源自個cream，而且用少甜以免蓋過主角抹茶，抹茶唔會要求佢係＂甜＂，因為抹茶根本係唔會有甜味既，只求有清香，再濃味就係甘，其他地方食到"甜"抹茶我唔知落左幾多砂糖之類啦…我都係鍾意依種清香既抹茶。雖然，係比唔上宇治食過既「中村xx」抹茶甜品，但係已經夠我係香港繼續選擇黎填補自己想食抹茶既滿足。我真係食幾多次都唔會厭～我地再叫左一個芭菲，係抹茶同香草牛奶猶豫，抹茶我食過一次，最後抽籤方式齊齊揀左香草牛奶試試。wow…會食到有輕微沙冰口感，果然好香牛奶味，加埋香草，同朋友一齊登大左隻眼，意想唔到依個雪糕咁香濃好味！草莓﹑紅桑梅係酸既﹑其他生果還好，香蕉面燒左一層焦糖，食落幾好味，有兩舊丸子，朋友話幾好食，煙煙韌韌岩岩好，配埋雪糕係幾好咬口～可能浸係雪糕隔離關係，蝴蝶酥同塊餅就唔算鬆脆，底層有蛋糕，又因為吸左融化既雪糕關係變左濕蛋糕，我對濕到差唔多一pat既蛋糕就麻麻地。最底好多杏仁片，雖然原本我係期待栗米片～但都唔算差。果然係主打甜品，下次我黎都係食甜品多啦錫蘭紅茶飲完可以再添水，添一次未見沖淡味道。價錢方面，係香港黎講唔算平，但係又諗到日本食呢ｄ都係一樣價錢，就算啦…我地兩個人又坐左好耐傾計同玩，冇催人既，cafe都差唔多。服務方面，沙律前菜我見連醬都冇就奇怪，望下朋友果兜又有醬，最後叫返員工加醬俾我，連唔好意思都冇講，落單一副「點呀」咁既樣…好似唔想做咁，聽到小小口音，佢地眼神加動作明顯地hea到爆，唔想人叫咁款，黑口黑面，好得閒果陣連加水都唔會主動，自問俾佢地服務已經幾次講「唔該」都仲係咁口面…雖然係日本老闆開既日本店，睇評都唔少講佢地ｄ員工，咁既素質真係好影響人地觀感…係收銀位果個好少少囉。…Read More

講左咁耐終於上黎食 Lunch 試，門口有玫瑰香薰，加上成個場既佈置感覺好浪漫🌹女士一定忍唔住影多兩張相。睇過評過上菜會慢，所以叫完慢慢影，但意外地上得快，可能人唔多，星期日午餐時間只有兩三檯客，食食下開始有啲人入座～食物一齊上，啲餐具靚到少女心爆發，食物如何呢？三文魚奄列沙律，原來連沙律汁都冇😮 唔清楚俾漏定點，問侍應既話會俾一兜黑醋汁，朋友覺得三文魚好食～我感覺份量較少，可能歸類為小食關係吧。我既係 Lunch set 有餐湯—磨菇湯。尚可接受，太密集一粒粒既口感搞到飲既時候覺得有少少拗口唔順喉，附上既“湯”匙好 cute 呀，但飲湯真係用唔著😂這是搞咖啡用的吧？卡邦尼意粉—賣相唔錯，味道不過不失，香草粉冇咩味道，正常一上檯要趁熱食，等多陣凍左少少就結埋一舊舊。玫瑰咖啡—賣相又幾好，飲到有玫瑰味但咖啡味道好淡…最後諗住食完加多件蛋糕，原來係冇一件件賣，一定要成SET，如果可以加一件件就好～侍應態度OK，衛生一般，入座時檯面好多一粒粒未清理好既食物碎屑～欣賞佢用心既賣相。人唔算太多，當日坐左一個幾鐘多，同姊妹邊傾邊食氣氛，都接受到，有機會會試下佢Ｄ甜品。:)…Read More

之前黎過幾次見到未有機會食呢間，今次掃完街個胃有空位啦！揀左佢張圖外觀唔錯既 oreo 食…揀左雲呢拿雪糕球人唔算好多，等左一陣就拎得～由於唔太方便係人多擠迫地方拎住周圍行，張相我已經食左個邊同塊餅但係個外型同佢遞俾我果陣差不多，我一見到外型好似…同佢痴係到果張圖唔太一樣喎～點解張圖豪華咁多，定係影相角度問題？餅皮：薄得黎又有Ｄ軟Ｑ咬感，唔錯，我幾鍾意～唔會覺得太厚皮到食兩啖就唔想食雪糕：味道入得下口！同普通雪糕冇分別，唔獨特～Cream：一開始食，上部份因為有雲呢拿雪糕支撐，就冇留意，開始食完中層，黎到中低層，入面就全部係Cream，味道現形……好味既Cream係可以令我食完都唔覺得Heavy仲想食哂，滑而且有一種奶香味…由於我食過好味既Cream…完全食唔慣依種…簾價Cream共通點吧…輕拋拋﹑油膩﹑好漏雖然已經努力食埋，但最後頂唔到丟左…讚一讚佢整到底 d cream上面都仲有少量oreo碎，唔係得cream…。呢個價錢唔好望有好味Cream，食上半部份基本上覺得仲可以，下半部我放棄…。口痕平平地食都還可以，但cream唔想食會唔會再光顧：可能下次會試下咸食，始終個皮係唔錯既:)…Read More

Plan黎葵廣掃街之時，由於好多店鋪炸物做得唔太好，唔係厚粉就勁油，一係無啦啦有個位勁硬，未試過呢間都冇好大期望被我列入非必要小食項目，就係仲食得落先選擇黎試試～係葵廣商場多處會發現佢地店既廣告，黑色底但極為亮眼，甚至因為拉絲圖吸引到一堆人流搵出呢間開係新既＂小食巷＂，我朋友更因為成日睇到呢個廣告牌而流哂口水好想食，就起行一試，當日既時間去過好多店都唔洗排隊，唯獨依間人頭湧湧，仍要等上２０分鐘，可想言之廣告幾咁吸引人黎嘗鮮，依番係我未食之前既想法。佢地有好多產品，樣樣都吸引，但第一次黎緊係要試試招牌「邪惡芝士」！仲有套餐，可惜就係冇我地想要既「炸鮮奶＋芝士棒」，只好分開叫，炸鮮奶＄２４＠７，芝士棒＄１５＠１…去左第二度地方行一陣好快過２０分鐘，返黎岩岩好有得拎～。呢兩款店員都會問要咩醬，炸鮮奶有朱古力／煉奶；芝士棒有沙律／千島。我地為左食到炸鮮奶味道而選擇煉奶；。芝士棒揀左千島醬，平價既沙律醬我唔太敢試，通常只有肥膩味…唔想食到唔好味而影響到佢自家店既炸物感覺，保險地選擇千島醬。。食左咸既芝士棒先…視覺上見到白雪雪芝士，應該係車打芝士，韌性高到可以拉絲拉到好遠，真係自己邊食邊睇係一種享受！。味道：出面炸粉部份唔厚岩岩好，唔會一舊粉衣，鬆脆卜卜～輕輕一咬就完美裂開～Oh～～個芝士咸咸地口感厚又軟，濃香又滑～加上選擇千島醬，有小小酸甜味感覺冇咁油同唔會食滯，成個芝士棒超級夾！！底部係有短短地既香腸，尾端切成八爪魚樣，炸到香脆岩岩好唔會黑哂！。炸鮮奶係同樣粉衣包住，口感同芝士棒一樣薄而鬆脆唔厚粉！個鮮奶…係半流心咁！！我同朋友食完一啖都要哩埋眼感受一下瞬間美味幸福每食一啖都覺得好享受！鮮奶味香濃﹑柔滑，點埋小小煉奶一樣出色，幸好冇點朱古力醬去遮左佢原本優秀奶香味！。炸鮮奶唔係間間整得好食，曾經係台灣食過一樣唔多得，食落口一係大舊鮮奶味既粉，一係唔脆既厚粉，一係冇奶味添！＞簡直另眼相看…小店依個價錢都有咁既質素，除左被圖吸引黎嘗鮮既人流，好肯定都唔少翻頭客！希望佢可以繼續保持，唔好做落去愈整愈差，因為我仲要黎多幾次！…Read More

慕名而來，告白果屋。因為朋友心急想飲怕要等得耐，所以佢係我於另一間食店未食完野情況下走左過黎嗌定左先，諗住我食完岩岩好時間或者都要等多一陣，但我都盡快食完過去，聽朋友講男老闆（應該係）知道情況都會細心為朋友介紹下，同講有星號「★」既係買一送一，兩個人決定叫杯「小確幸」～去果陣見有ｄ人但唔多，所以已經整好左擺定等我地去拎～見男老闆冇黑面，服務態度良好，幾好人，仲會講解可以點樣飲值得一讚:)「小確幸」呢個名字最近流行亦吸引，好似飲左會有小小幸福，入面材料：木瓜﹑雪梨﹑蘋果﹑牛奶＋裝飾用兩細片草莓／奇異果。上面白色既係厚厚一層打完果汁會有既泡沫，男老闆話如果想下面木瓜味冇咁強烈可以用飲管搞勻等ｄ泡同下面果汁混埋，我地就冇溝勻～味道：主打天然無添加嘛！黎之前已經清楚，所以唔會期望有加糖調較甜味…不過飲過生果店Ｄ鮮窄就覺得呢間生果既鮮甜味都冇乜，飲落真係淡偏似健康水…比喻的話就似食一件西瓜，冇西瓜肉既甜，只有近西瓜邊果種肉好淡既味…但各有各好啦！口感：沙沙地無倒塞細飲管既果粒，泡沫豐盈…甚至好似充斥成個口腔…建議一係唔飲一係搞勻哂先…不過搞勻又會唔同左味道木瓜：我覺得唔溝勻ｄ木瓜味就岩岩好，唔係話好濃郁，朋友話怕好勁木瓜味，但佢冇溝勻覺得ＯＫ雪梨：少少，飲到佢有細細粒好似籽既質感蘋果：少少，木瓜味比較多牛奶：完全唔覺有奶係入面咁…黎之前見到有Openrice友post過餐牌，差唔多成個月都售罄同５款，究竟係唔出住定係真售罄。單飲價錢比較貴，覺得唔值呢個價…大概做得買一送一先ＳＥＴ到＄４０幾，平均＄２０幾仲可以接受到，。其他＄３０幾又冇做買一送一係咪真係好飲Ｄ呢？有機會再試下，但如果同款質素…真係又貴又唔值，服務雖好但係荷包緊要，就算光顧都唔會再買超過＄３０既飲品，只當冇野飲果時解渴算啦……Read More

掃街第一間，係佢地岩岩開店無耐就當開胃前菜過黎買，已經有兩三個人～不過唔算多人好快就到我地～揀左個涼拌手工涼皮，淨涼皮＄２５，加＄４海帶絲～因為同朋友一樣唔係好食得辣同芫茜，但鍾意食佢其他味，所以嗌走辣走芫茜，但姐姐建議加少少辣，就聽左佢講加ｄｄ～短髮呢位姐姐態度友好加燦爛笑容睇住佢係一個大鐵兜撈呀撈，好快完成，好在聽姐姐建議加少少辣，加左好少量辣黎吊味，如果唔辣就真係好普通一碗野～個辣岩岩好，同朋友都食到，覺得已經夠哂惹味～涼皮　：幾好味喎！一片片半透明涼皮唔會溶溶爛爛，食落滑滑地，口感ＱＱ，夾起都有ｄ挺身，厚薄適中大細岩岩好，唔會食到嘴周圍都汁！海帶絲：爽有咬口，但係我唔太鍾意，覺得成碗都係比較林身，突然有比較硬既口感好似有野銀住個口咁，加上味道…麻麻地，沾唔到汁，好似獨立食緊，甚至想挑走…配料　：青瓜絲掛到汁，外加帶出原本清新味，成碗即刻解哂膩！菜脯酸酸甜甜爽口！。因為涼皮唔算索到汁，只算痴到少少汁，就算姐姐撈好到我地手，面中層涼皮Ｄ汁流哂落碗底，食到底會覺得有小小咸，要自己食幾口就再撈一撈，青瓜﹑蔥就索到汁，菜脯味重，一口夾到哂同涼皮一齊放入口就最好味！。＄２９超大碗，唔Ｓｈａｒｅ同人食就可以當正餐食啦！。會唔會再光顧：會，遇正呢位姐姐態度良好，味道唔錯，價錢唔貴咁大碗，下次試涼拌撈麵～…Read More

黎葵廣掃街前做左下資料搜集，泰風ｓｏ有兩間，一間係地下一間係２樓，地下要外賣～上左去２樓食，因為可以立食嘛！黎之前諗緊要撈麵定河粉，因為有朋友介紹，話佢地有兩個人覺得海南雞撈麵超正，好頻密地係返工放飯時間老遠冒住趕唔切返公司既危險都要走黎買威力好大咁樣，所以今日就試下海南雞撈麵！因為仲要掃街，所以就叫左個細ｓｉｚｅ　＄３２俾完錢之後要等佢叫號，人唔算多，但ｋｅｅｐ住有人入黎食～入面有幾大個空位可以企黎食，又唔會迫，仲好貼心係咁熱既夏天棟左把夠哂涼既企風扇吹住ｄ客仔，唔洗食到滿頭大汗，特別係我地呢ｄ女仔最怕食到出汗啦，檯面唔算污糟，冇乜殘留物，得一兩粒野～有少少潔癖既我用紙巾抹左下，紙巾上面冇漬喎！竟然咁乾淨！１０分鐘左右，終於整好啦！撈得好均勻～我見到ｄ汁同ｄ麵已經混埋一齊，唔會一忽忽，連配料都平均咁分佈！入面好多配料，意外有林林地既生菜，不過量極少，唔會響成兜野口感～仲有炸豬皮！海南雞：雖然唔係我鍾意果隻一咬就咬到既口感，但雞好滑呀！！撈麵：淡既營多撈麵味道同見到香口既營多炸洋蔥配料，我鍾意食少硬既麵質，對我黎講有少少林身豬皮：超級香口又脆卜卜，好惹味！我鍾意為本身唔濃味既撈麵同雞點綴一下～多士：朋友去買左人氣多士，返到屋企先開黎食，話好味～仲有其他味道款式～整體黎講幾好食，對我呢個女仔黎講細ｓｉｚｅ岩岩好～食完又唔會味精充斥口控同口乾乾~會唔會再光顧：會！下次試扎肉﹑丸類既河粉～…Read More

掃街掃左幾間飽飽地想食下甜品，黎左甜圓，上網睇見好似會好多人咁，不過今日星期5加落雨，下午排左一個人就到我同朋友，係我地後面都有人，唔算等好耐睇餐牌已經有３項售罄，見豆腐花分別有１至３種配料套餐，第４樣就要加$7，揀左個３種配料　地瓜圓＋紫薯圓＋桂花凍既＄２６豆花糖水Share食，豆花：相對出面既豆花，輕輕掂都爛，匙羹拎上黎容易爛返落去個碗到，朋友話好滑；我就覺得同糖水一齊食落去係完全唔覺有豆花，第２度食再滑都唔會同糖水成為一體…真係會食到豆花滑嘟嘟質感，豆花味有dd咁多紫薯圓：我朋友食完唔鍾意食留左俾我，話地瓜圓好味ｄ；紫薯圓味道唔出，鞋身ｄ地瓜圓：呢個有味啦，煙煙韌韌桂花凍：會舔到個花係咸咸地既，不過冇礙，口感整得岩岩好糖水：成碗野靠哂佢，清甜味整體全部野都唔會過甜，呢個價錢算ＯＫ啦，過下口癮～會唔會再光顧：未必，食過下就算…Read More

第１次寫食評輾轉坐車坐船來到了充滿大自然與寧靜的塔門，經Openrice知道有家得去吃吃的食店。一下船就到了岸邊的新惠和，外面擺滿小食雪糕等等，是因為星期５，沒有人排隊，只有準備上船前來吃的客人在用餐。塔門的招牌狗狗真的會跟著人群走～在門口就看到了跟著人走的狗狗。眼看裡面放了幾個鐵圓檯子，尚算闊落，地上有一點點食物碎屑，沒傷大雅，這是漁村。店內海報，是剛才外面看見的狗狗的年輕照嗎？看看餐牌，一眼就能看得到店家的招牌「海膽炒飯」，還點了其他食物試試。跟食評一樣，老闆娘也是叫我們把要點的食物寫在紙上，因為兩個人忙東忙西顧不了，有時更要走出店外和應付買外食小食的客人。老闆娘空餘時間也會來「偷看」一下我們點什麼，先去做，所以沒有等很久食物就上檯嚕！先來了魚片麵和海膽炒飯以為是茶餐廳用的蛋麵，原來是出前一丁雞容味很家庭式的味道！麵沒有煮至發脹，剛好的軟硬度；魚片一般，略厭有吃到冷藏味。另外友人點了最基本的餐蛋麵，沒什麼特別。對我而言滿大碟的！老闆娘在上炒飯時還給我們三個小碗呢！但是對於男友來說可以吃完一整碟啊！！！（驚）大概女生覺得很大碟就是…平常沒事不會吃海鮮的我…看見聞著忍不住吃了人生第一口海膽（沒誇張）。說腥又不覺得，要是很腥我一定吐了狂咳嗽 反而我一口接一口吃，真有媽媽炒飯的味道耶！不油膩挺乾身，海膽均勻分佈，沒看見白飯自成「一舊舊」。之後我們還點了薑汁豆腐花，聽見在場食客進來只吃豆花，真的要試試。（後面那碟海膽炒飯男友說好吃，已被他清光了）薑汁豆花嘛第一口，是行氣活血的好薑汁！一定要熱吃才好吃！！雖說是熱但不致於燙口，直接入口溫度剛好；但怕辣的人還是點冷的吧～要先稍稍界開豆花讓薑汁流到其他空隙，豆腐花連薑汁一併吃下才不導致吃到底的豆腐花會有很濃很重味道～個人覺得超！吃完有舒暢的感覺！老闆娘說，薑汁是自己磨薑煮糖弄出來的～工序辛苦，外面買不到唷！製作不多。（圖後）煎蛋三文治，友人請求老闆娘再把三文治多切一半，我以為這一碟是普通的煎蛋，裡面卻發現有海膽耶！是中獎了？哈哈！走時還買了兩樽自家製咸檸檬茶，解渴不錯，供我們走遠道的海皮邊上山路。結算：ＨＫＤ＄２２５／３人…Read More